各位特殊障礙小朋友既媽咪,開學順利嘛?

~仔仔媽咪~

我仔今年似乎又再次碰上惡魔班主任...暫時還未有機會同這位新班主任溝通傾談,但經今日一役後,我已'甘敗下風'...無言...

~仔仔媽咪~

原帖由 我係女仔 於 09-9-3 14:02 發表

小朋友讀邊間呀

讀邊間就唔方便講喇,咁講真間間學校都有好老師同唔太好既老師既...

~仔仔媽咪~

原帖由 kikiboy 於 09-9-3 15:56 發表

我睇到你“呻”個TOPIC. 我個仔出年讀小學咯, 都有D擔心佢唔知適唔適應到, 呢排就煩緊同佢選小學D嘢.

查實揀咩學校都好,至緊要你囝囝無打人發脾氣呢d野,相信都會平安渡過...查實d學校最怕係俾人投訴啫.偏偏我仔就係成日俾人投訴嗰位黎...

~仔仔媽咪~

原帖由 kikiboy 於 09-9-3 17:23 發表


就唔係太擔心打人發脾嘅, 不過我同幼稚園老師都擔心佢會比人蝦咋, 言語方面都仲係幾論盡.  

查實幫我地班小朋友揀學校都係好睇間學校願唔願意去教去幫我地呢類小朋友囉.佢地有資源有心去幫去支援我地班仔,實情已經好夠,至緊要D老師同校長願意同家長去溝通去合作,咁就真係PERFECT,否則D老師下下一見到家長走埋黎就閃唔肯傾半句,就算間學校出名定係名校都係無用,就好似我朋友咁,佢仔間學校都唔差架(名聲),但個校長日日一見到個媽就再三強調佢間學校係唔歡迎亦唔願意教我地呢類小朋友,嗰句野真係好傷人囉.

~仔仔媽咪~

原帖由 sharon26788 於 09-9-3 22:35 發表
但個校長日日一見到個媽就再三強調佢間學校係唔歡迎亦唔願意教我地呢類小朋友

咁佢地點解要收呢類小朋友,浪費資源不特止,仲浪費左家長和小朋友既時間 ...

佢派位派入去架...所以都好無計...

~仔仔媽咪~

原帖由 MARSTEN 於 09-9-4 12:49 發表
好想問下果位小朋友選校既時候有無選"特殊需要"果欄呀?如果有真係可以去告果間學校架

呢層我又無問到呀...等我有機會問問我朋友先.

~仔仔媽咪~

今日終於有機會同我仔個新班主任傾偈喇~!佢同我講解番佢既教育理念,佢講到明佢會對我仔嚴格同有要求,同埋都解釋又講咗好多野令我明白,所以我都安心咗好多,我亦叫我仔要相信老師,今年要做番D成績出黎囉.

同埋之後都同另一位老師傾偈,佢都話我仔今年個班主任係個好老師,雖則真係出名嚴格,但佢係好肯好主動同家長溝通&合作架.聽埋呢位老師既評語,我都安心咗好多~~~希望今年順順利利,我同個仔都生生性性努力加油啦!!!

~仔仔媽咪~

原帖由 MARSTEN 於 09-9-4 20:01 發表
佢地講緊係小學呀~
幼稚園梗係自己考啦~不過而家好多都無咩野考,最緊要睇小朋友會唔會攪破壞同有攻擊性,果d通常都唔收

我仔咪中哂囉...佢間學校仲無放棄佢,我已經執番身彩.

~仔仔媽咪~

原帖由 MARSTEN 於 09-9-5 13:27 發表
咁有無成日見家長俾壓力你呢?? 真係好難受架

咁反而又無喎,我係同D班主任同老師幾啱傾,大家好似傾偈咁,就算小二嗰位衰班主任,雖則我同佢傾唔埋,但佢都係好似報告形式一輪咀UP完我仔嗰堆野,跟住就next(下一位),所以暫時都無俾咩壓力我既...可能就係噚日同我傾偈既MISS所言,學校老師好知我仔好緊張我,我講一句話更勝學校老師同我仔講百句話,所以佢地無形中唔敢打低我,點都俾我仲有意志去自己教好個仔啩.

如果係俾壓力,都係小二個班主任囉!我人生第一次抑鬱都係因為呢個女人作怪...玩針對我同我仔,又唔願同我溝通,佢日日打黎投訴完我仔就即刻CUT我線,唔理我响電話度仲講緊野...仲有好多玩野招數...嗰年我同個仔真係比死更難受.不過噚日個老師都同我講番,話學校已經處理咗我呢件事(小二個班主任),學校已經'通知'哂全校所有主任,叫佢地唔可以咁樣對家長同學生,,,唔怪之得上年我仔小三,我有時遇到佢小二個班主任,佢都可以忽然對我勁有禮貌啦!一見到我就主動打招呼點頭微笑...所以噚日聽完個MISS講,我咩委屈都散哂.至少都知學校都仲係公正,而唔係只識偏幫學校同老師啦.

~仔仔媽咪~

原帖由 我係女仔 於 09-9-5 02:03 發表
我個仔成日都會攪破壞, 掉野落地, 但佢唔識推人同撞人
我試過蚊佢耳仔, 打佢一野, 佢都無反應, 都唔知咩事

你囝囝未夠兩歲,呢D行為又好平常噃,,,嗰時我睇育兒書話呢D成日推跌野整爛野既行為,實情係BB開始自我學習新知識既表現黎,佢推野掟野,實情係做實驗,聽下每件物件跌落地會有唔同既聲音同結果(爛成點...)...

咁當然呢D行為要阻止下啦,都要次次同佢講'no no'同佢講唔可以咁做,教埋佢應該點做,做多幾次應該會MIT得甩呢鋪癮架喇.

~仔仔媽咪~

原帖由 77777 於 09-9-5 20:02 發表
仔仔媽咪,

好耐無同您傾計啦, 聽倒您今年個班主任係個好老師, 都登您開心呀....您爸爸有無好d呀??  祝佢快d康復.....

我今年阿仔的班主任都係出名好好人架, 隔里班的同學仔都響度話我個仔好彩, 呢個係佢地舊年的 ...

大家咁話啦!都希望我地呢班仔今年番學個個都開開心心又順順利利.

我仔今年似乎都遇到好多好老師,噚日响教員室門外遇到我仔今年個數學亞sir,好似好NICE咁,勁鐘意佢既style,至少唔係嗰D板起塊面或者扮哂NICE嗰D黎啦!之後都聽另一位老師講話我仔今年除咗班主任係嚴格D外,其餘教我仔嗰D老師都係好NICE好識得同我地呢班仔相處既老師黎.所以我又信心大增.

不過班主任咁惡咁嚴(實情我唔太鐘意佢無笑容,勁COOL),我都有D壓力,我都怕我管個仔管得唔好,我仔又是欠功課或者其他,班主任又會覺得我唔教仔...希望我呢D壓力唔會搞到我反而仲做得差啦...希望我都可以做到成績出黎,個仔今年真係有大進步而唔係退步.

~仔仔媽咪~

原帖由 siukei17 於 09-9-6 02:13 發表
我仔仔今年都入k1啦...
好擔心....開學個朝緊張到又痾又嘔....

不過我同佢班主任講晒佢既問題...發展上既問題..行為上既問題....咁佢班主任話佢之前做過兼修老師...我唸佢handle到卦......

sofar到依家為止佢都係 ...

慢慢黎啦,您囝囝咁細個而且又係啱啱番學,都需要多D時間俾佢慢慢適應架喇,至緊要佢學校老師同班主任肯主動幫/教佢,相信遲D佢會有改善.

嗰時我仔都係咁架,又尖叫又瞓地,我仔仲會打人,但又唔出聲唔講野又聽唔明人地講乜,日日番學都係坐响老師身邊,要老師好似看牛咁看實佢架.

~仔仔媽咪~

原帖由 77777 於 09-9-6 14:03 發表
唔駛驚....有d老師雖然初時唔係太好笑容, 不過都要教落先知, 我初時都係好驚數學老師架, 佢初時都唔係成日笑, 不過原來佢係好鬼錫d學生唔罰人. 有時重好主動同我講個仔tim....呢d有時係要識落先知, 而其他人都話佢係 ...

都係既...頭先我打去學校搵班主任,佢係除咗講野COOL COOL地外,查實都幾有禮貌同幾幫我既...依家我自己個心都調節緊,將個班主任當成係我開中心嗰位朋友咁,因為我嗰位朋友响暑假度都對我仔好嚴格架,我諗我要先完全接受咗呢位班主任嗰一套,至可以同佢溝通到,否則我成日都凝住佢係我仔小二嗰個班主任style,我都好難同佢合作嘛.所以我都要先輔導一下自己先.

希望順利啦!

[ 本帖最後由 ~仔仔媽咪~ 於 09-9-7 10:55 編輯 ]

~仔仔媽咪~

原帖由 12312 於 09-9-6 14:49 發表
小兒小一都開學了, 暫時都算OK. 星期一就正正式式 返全日 & 在學校食飯了 , 1天有8堂課, 40分鐘1堂, 我好怕 阿仔都吾知掂吾掂.

仔仔媽咪 記吾記得我呀 ?? ...

好耐無同你傾偈喇~~~近況如何?

諗番當年我仔升小一都係ON居居咁自己一個人坐咋...都係要多D時間俾佢適應囉...所以查實D小朋友都幾辛苦架,番學番咁耐時間,又同時要面對咁多人同事,我諗我地可以做既都係多D同佢地傾囉,得閒又醒番幾招做人道理俾佢地歎,等佢地覺得番學係理所當然既事,老師惡C都係因為鍚佢想佢變叻仔,所以先至咁嚴囉...同埋都係咁叫個仔一定要鍚住班老師,唔可以激親老師,我都係日日咁洗我仔腦咋...

~仔仔媽咪~

原帖由 77777 於 09-9-7 11:32 發表
我個仔頭一個星期已經同我唔見一本書啦, 有時真係想打C佢,  我D EQ已經無晒啦.....激C我....

唔見咗學校D課本定係圖書館D圖書呀?我地呢班友仔個個都係失魂魚黎架!我仔都係成日唔見野架!><

~仔仔媽咪~

原帖由 12312 於 09-9-7 13:32 發表
阿仔在學校都已經開了file, 主任都見了2個, 暫時都算ok. 因阿仔還未有 讀書壓力, 遲些就吾知啦.

找個星期六 黎 tea 一tea 呀 ?

係啦,慢慢黎啦~讀書呢家野真係唔急得...

好呀,搵個星期六tea吓啦~~^^

~仔仔媽咪~

原帖由 12312 於 09-9-7 13:47 發表
請問你屋企附近的 "社區中心"攪的興趣班 ok 嗎? 小兒只是玩過 暫托, 我想比佢玩下 興趣班 .(因近屋企呀)

你指我屋企樓下嗰間？我未參加過呀,但嗰間青少年中心平時都有好多小朋友去,暑假又有好多班開,我諗應該唔差既.

~仔仔媽咪~

原帖由 77777 於 09-9-7 19:24 發表
係學校D課本.....我真係唔知重有成年讀點算......

呢幾日心情都真係麻麻咋.....好鬼忟....

relax~~~唔好咁炆啦,或者要個仔呢幾仔响屋企同學校搵番囉!我仔都係成日唔見書或者漏咗書本响學校度架,我次次都係兇佢要求佢一定要搵番出黎,我仔會驚到點都要搵番本書出黎俾我囉,同埋今年我都改咗方式要求佢,我日日都寫張紙貼响佢要黎夾通告既FILE面度,要求佢每日放學前要檢查同寫好手冊,同埋一定要清櫃筒,話唔可以留低任何野响學校,暫時我仔都OK,都肯做既...不如你又試下咁兇住佢,睇佢會唔會同你記响心度.

~仔仔媽咪~

原帖由 77777 於 09-9-8 22:17 發表
今日都係搵唔倒, 其實都預左, 阿仔今日又唔見通告, 明日無得交, 網上又咁岩download唔倒個張....又要找老師....

阿仔呢兩日有時派左d工作紙, 佢又唔知要做mud, 又唔知要幾時交, 又要同佢搵老師問.....不過通常唔係 ...

我仔咪又係咁,噚日先至唔見咗張通告咋~!今年佢班主任又咁嚴,我都兇我仔話:"你俾班主任鬧同罰唔關我事呀!",最後我都係上網PRINT番張通告出黎咋.

暫時我仔呢兩日都無咩功課做,老師又無鬧佢D咩,暫時都叫做風平浪靜啦,今日我都叫個仔一定要寫好手冊同帶齊課本功課番屋企,唔准留低任何野响學校,同埋我仔又係寫上課時間表寫到亂哂,淨係今日,佢响時間表度寫咗一日有四堂中文堂...一睇就知無可能啦,同埋一星期得一堂體育課,,,所以我都叫我仔今日小息拿拿臨搵同學抄番個啱既番黎...我都嘔嘔地血...

~仔仔媽咪~

原帖由 jena2468 於 09-9-9 08:58 發表
今年小六, 唔知咩原因小五班主任冇一齊升, 不過接手嘅班主任係以前未教過亞仔, 最初都好擔心, 但係同佢見過面後感覺唔錯, 老師有一本簿會將每日亞仔係學校做過嘅好野+衰野都寫落去, 我地就要簽閱 ! 老師話e+已經係六 ...

都係好方法黎喎~!唔知我咁提議我仔個班主任,佢會唔會反對呢...你囝囝今年小六班主任真係幾有心,至少唔會好似有D老師咁,下下用"老師工作好忙""全校唔係淨係睇住你仔一個"為由而唔肯付出/唔肯做任何事黎幫我地呢班仔啦.所以我諗你都可以放心,至緊要老師有個心想同家長一齊合作,已經好好架喇.