各位特殊障礙小朋友既媽咪,開學順利嘛?

~仔仔媽咪~

原帖由 KSWKSW 於 09-10-24 16:59 發表
评估话系自闭症倾向, 上了1年训练班同2果月学前班, 但时步唔大, 好烦啊.

慢慢黎啦...小朋友都仲係兩歲半,都需要多D時間俾佢去進步既...咁平時係您親自照顧囝囝,定係您都係在職媽媽?

我個人覺得,始終我地自己湊番仔女,佢地進步會快D同易D架,依家我都係自己湊番自己囝囝,唔敢再出去打工賺錢,頂多都係自己响出面訓練其他小朋友咋,都係freelance咁做,叫做可以幫補番少少亦可以自行安排到時間留番俾囝囝囉.

你所講既訓練班係咪言語訓練?

~仔仔媽咪~

原帖由 ANDREAMLEE 於 09-10-27 13:43 發表
我都曾經試過囝囝同囡囡一左一右，但由於囝囝要釘實，一唔釘實就發夢，跟本好難同一時間睇兩個，可能我的能力有限啦！！
好像每次同囡囡默書，我讀完無耐，她就很快便默完，跟本無時間睇囝囝的功課！！！！又試過用錄音，係好咗ｄｄ，省卻唔駛讀嗰part， ...

查實唔好俾太大壓力自己啦!我都好明每個媽咪都希望仔女既成績越黎越進步,不過,如果能力所限,或者試下轉個心態去睇仔女讀書學習,我覺得只要仔女成績可以KEEP到,而佢地又一路都有吸收到知識既,就由佢地自由發揮,好難要求到佢地百分百識哂,但至少有七八成佢地係無默錯生字就已經收貨,咁樣我諗會易D去處理佢地功課多D.

我依家除咗每日教我仔做功課同溫書外,亦額外教另一個小學生做功課同溫習,我會要求佢地自行完成功課,有唔識就黎問我,做完一本功課就即刻交俾我去核對,我對哂佢地功課後,就開始溫書,通常我會事先响佢地做緊功課時甚至佢地放學之前先預備溫書材料,到佢地要溫書時我就會將我寫既note或者練習講解俾佢地聽,然後又係要佢地自己去做,由我去改,唔明都係要問我囉,我暫時都覺得係應付到既,,,或者如果你用呢個形式去睇您囝囝囡囡既功課,會唔會順利易處理D呢?

KSWKSW

我亲自照顾仔仔, 做社交训练及认知训练, 言语训练刚开始做, 真系好烦.

原帖由 ~仔仔媽咪~ 於 09-10-24 17:26 發表


慢慢黎啦...小朋友都仲係兩歲半,都需要多D時間俾佢去進步既...咁平時係您親自照顧囝囝,定係您都係在職媽媽?

我個人覺得,始終我地自己湊番仔女,佢地進步會快D同易D架,依家我都係自己湊番自己囝囝,唔敢再出去打工賺 ...

~仔仔媽咪~

原帖由 ANDREAMLEE 於 09-10-28 13:25 發表
到我放工回家時ｄ時間真係所餘無幾，但我都會盡量試試！但囝囝一遇到少少功課唔識，他可以坐係到發夢，玩擦膠，什麼都可以玩一大餐！！！！我真係激ｃ了！

...

如果佢發夢時,你可以照樣兇佢都得架喇!始終有番咁上下大個仔,無可能下下都要就住佢黎抦嘛~~只要好FIRM好清楚話俾佢知,佢有唔明要即刻問,唔可以發夢扮哂做功課又唔問咁,要佢知清楚媽咪個rules係點,要佢點都要守囉.D行為上既野可以照常咁教,學術上佢跟唔到就真係鬧都無用,係唔識就唔識架喇,plan A教法唔得媽咪只可以係咁找plan B、C、D......................就係咁.

~仔仔媽咪~

原帖由 KSWKSW 於 09-10-28 11:42 發表
我亲自照顾仔仔, 做社交训练及认知训练, 言语训练刚开始做, 真系好烦.

你放鬆D慢慢黎,就係媽媽自己先唔好有呢個'煩'既心態住,就算真係覺得好煩,都要求自己唔好再有咁既諗法囉!咁樣會令自己同囝囝都好辛苦同好大壓力架!囝囝都只係兩歲半,都仲係亞B黎,有呢方面既問題,囝囝自己都唔想,我地都只係盡力去幫囝囝去克服障礙啫!放心啦,你只要努力一定有回報既.

如果真係有壓力,令你吃不消,你或者可以搵出面既訓練導師代勞幫手訓練囝囝囉,至少你唔會咁大壓力同緊張.但始終囝囝都好靠媽媽既幫助既.

~仔仔媽咪~

原帖由 ANDREAMLEE 於 09-10-29 13:40 發表
其實他轉咗呢間小學後，ｄ嘢已經比以前淺咗好多啦！以前小二讀小三ｄ英文，功課更不在話下！
現在功課量都少埋tim，同以前比我相信他係可以應付的，但他好似習慣性去閃，閃得就閃．．．唔到最後一刻都唔做，早ｄ做好似唔應該咁，要十一點多睡覺才安 ...

都係架!比着大人都會咁啦!一學埋D野深到無人有,自己都會覺悶&驚, and then順便遊出公海(遊魂)~~~所以查實都好睇小朋友應唔應付到,如果佢未理解到去嗰個LEVEL,就真係要降低番個要求,等佢從淺學起,慢慢爬番上去至得囉.

我仔都係咁架!一唔識就馬上腦一片空白,佢個腦真係會停頓俾我睇,一係乜都話唔知唔識,一係就亂咁答我,一加一等於一都可以答到俾我知. 我聽完真係會噴火兼吐血架!

珀珀,慧慧媽

原帖由 ~仔仔媽咪~ 於 09-10-29 23:18 發表


都係架!比着大人都會咁啦!一學埋D野深到無人有,自己都會覺悶&驚, and then順便遊出公海(遊魂)~~~所以查實都好睇小朋友應唔應付到,如果佢未理解到去嗰個LEVEL,就真係要降低番個要求,等佢從淺學起,慢慢爬番上去至得 ...

我個囡琴日已完成測驗啦.....叫做鬆了一口氣(因兩星期後先開始考試)
琴日呀囡測英文,她說有老師讀卷給她聽令她完全明白份卷點做,不過她就唔識串d生字有幾題唔識做,不過我已經好開心了,因她已唔再怕測英文了,所以我讚她好叻,但都要努力串好d生字,唔好令幫她的人失望........唔知這樣會否比到壓力她呢??
其實我已好滿足啦,因起碼她現在唔會做咩都話唔得在先,而且有d野她都會去試了先唔得先算,再好就係她已接受了英文,自己都會去讀下唔會一尾話唔識唔明,所以我又想她再有進步,這會否令她覺得好吃力呢??
我現在的心態係想她對讀書有興趣先而之後先慢慢再去進步,但現在她好d我又想再要求高d係咪對她好高要求呢??
我唔想她又再次去返上年那樣所有野都放棄及好負面,所以今年都完全無比過壓力她(我自己覺得),所以好想有人比d意見我,比我知我有無做錯到........

珀珀,慧慧媽

原帖由 ANDREAMLEE 於 09-10-27 13:43 發表
我都曾經試過囝囝同囡囡一左一右，但由於囝囝要釘實，一唔釘實就發夢，跟本好難同一時間睇兩個，可能我的能力有限啦！！
好像每次同囡囡默書，我讀完無耐，她就很快便默完，跟本無時間睇囝囝的功課！！！！又試過用錄音，係好咗ｄｄ，省卻唔駛讀嗰part， ...

其實我同妳一樣,放工後就要一個睇兩個做功課....
唔同的係我個囡(p.2)囝係(k2),比妳的細,但係每日做功課我就好辛苦,因我係安排個囝在廳做功課而囡就在房內做,一分鐘要出入廳同房數次,因呀囝每寫一個字就要我睇而呀囡係行開一步就唔做,所以我都好明妳的辛苦
大家一起努力啦!!明天會更好的~~

BB頭maimimi

我囝囝今年P.1, k3時抄寫功課自己可以做晒,而家好多功課都要先解釋題目比佢知先可以做到,所以都要等我放工先可以教佢做,但唔知係咪佢畫畫唔叻,一做到要畫圖畫就話唔想做,要多花唇舌先可以做到,如果比佢學畫畫情況會唔會改善呢?

~仔仔媽咪~

原帖由 珀珀,慧慧媽 於 09-10-30 09:00 發表

我個囡琴日已完成測驗啦.....叫做鬆了一口氣(因兩星期後先開始考試)
琴日呀囡測英文,她說有老師讀卷給她聽令她完全明白份卷點做,不過她就唔識串d生字有幾題唔識做,不過我已經好開心了,因她已唔再怕測英文了,所以我 ...

查實佢開始唔怕英文係好事黎架!真係要多D讚佢叻囉!等佢有多D自信D,媽媽係要提醒佢要再努力D,但同時都要多D同佢傾下閒偈,灌輸番個訊息俾佢知,趁佢依家有咁大進步又唔怕英文時就要落力少少,等自己進步得再快D,可以有樣野係明顯叻過其他小朋友,始終小朋友既動力都係先需要有個target架~~~無個佢想要既目標又真係令佢地覺得無動力但又好吃力好辛苦囉~~~不過你都做得啱都無錯架~!我都係咁...^^

我仔上年英文成績明顯進步咗好多又合格,我都係咁鼓勵佢,同佢多解釋番清楚,俾番個訊息佢知,佢學英文學多好,繼續往呢方面努力,佢會响呢度獲得更多自信同快樂,亦得到更多人讚賞同認同囉.我仔份人自尊心比較強,個心成日想同其他小朋友一樣,又勁在意有無人讚佢,所以對我仔都幾work.依家久唔久佢都拎D英文同國際音標黎'拋書包'架!我都係要讚佢,至少都讚佢咁肯去講去嘗試.

~仔仔媽咪~

原帖由 BB頭maimimi 於 09-10-30 11:36 發表
我囝囝今年P.1, k3時抄寫功課自己可以做晒,而家好多功課都要先解釋題目比佢知先可以做到,所以都要等我放工先可以教佢做,但唔知係咪佢畫畫唔叻,一做到要畫圖畫就話唔想做,要多花唇舌先可以做到,如果比佢學畫畫情況會 ...

都可以試下都無妨既!不過我暫時斷估係咪囡囡曾經試過俾其他小朋友或其他人批評佢畫功,所以至令佢咁抗拒呢?因為都似乎好少小朋友會咁抗拒做勞作同畫畫噃...如果你諗住報畫班,我個人認為先試下同佢報嗰D一對一既堂會好D,始終無其他小朋友拎佢D畫黎品評作比較,佢壓力自然會少好多,亦無咁多顧忌.學咗個技巧,等佢有番信心去畫畫,大個仔D至報番一班小朋友嗰D畫班,我諗會好好多.

珀珀,慧慧媽

原帖由 ~仔仔媽咪~ 於 09-10-30 23:14 發表


查實佢開始唔怕英文係好事黎架!真係要多D讚佢叻囉!等佢有多D自信D,媽媽係要提醒佢要再努力D,但同時都要多D同佢傾下閒偈,灌輸番個訊息俾佢知,趁佢依家有咁大進步又唔怕英文時就要落力少少,等自己進步得再快D,可以有 ...

多謝妳的意見~~
琴日呀囡收到測驗成績啦!!全都合格呀~~我好開心,因英文之前我係打輸數的,但結果係有d-合格,我琴日讚了她好多次,她都好開心,希望她能一路進步就好了

~仔仔媽咪~

原帖由 珀珀,慧慧媽 於 09-10-31 08:45 發表

多謝妳的意見~~
琴日呀囡收到測驗成績啦!!全都合格呀~~我好開心,因英文之前我係打輸數的,但結果係有d-合格,我琴日讚了她好多次,她都好開心,希望她能一路進步就好了 ...

放心啦!有媽媽既鼓勵同讚賞,囡囡一定進步架!媽媽都要加油!!!

BB頭maimimi

仔仔媽咪,

你囝囝有冇學過溜冰,可以refer教練比我嗎?因為我囝囝專注唔得,係咪好難學得到呢?

~仔仔媽咪~

原帖由 BB頭maimimi 於 09-11-2 12:29 發表
仔仔媽咪,

你囝囝有冇學過溜冰,可以refer教練比我嗎?因為我囝囝專注唔得,係咪好難學得到呢?

我囝無學溜冰好幾年喇~!都無同教練再有咩聯絡,不過我嗰我囝去西九龍中心嗰間溜冰場學都幾好架!D教練個個都勁有心機去教同對我地呢班小朋友,你試下報堂時講明囝囝既問題,講到要有個有耐性同愛心既教練去教,佢地都會安排到架.

BB頭maimimi

Thanks, 我想問你囝囝那時係單對單定參加小組呢？

原帖由 ~仔仔媽咪~ 於 09-11-2 21:08 發表


我囝無學溜冰好幾年喇~!都無同教練再有咩聯絡,不過我嗰我囝去西九龍中心嗰間溜冰場學都幾好架!D教練個個都勁有心機去教同對我地呢班小朋友,你試下報堂時講明囝囝既問題,講到要有個有耐性同愛心既教練去教,佢地都會 ...

~仔仔媽咪~

原帖由 BB頭maimimi 於 09-11-3 11:09 發表
Thanks, 我想問你囝囝那時係單對單定參加小組呢？

嗰時我仔都係參加小組架~~~單對單我都有諗過,但係我覺得幾貴.