各位特殊障礙小朋友既媽咪,開學順利嘛?

~仔仔媽咪~

原帖由 ANDREAMLEE 於 09-12-3 13:44 發表
仔仔媽咪～多謝妳係呢樹比我哋呻吓，而妳又好快咁回覆！其實自從知道囝囝有學障後，他同我都好努力面對，當然大家有時真係有心無力！而我亦都鼓勵他～有學障都可以讀大學的，但要比一般人付出更多更多！將勤補拙嗎！

...

都係架!至少之前布殊都係學障黎架啦,咪一樣可以做美總!盧冠廷都係有讀寫障礙架!之前有個專訪,佢都話佢係寫唔到字,咁多年黎都靠佢老婆定屋企人代佢寫野架咋!咪一樣生活到又做到生意.

我地呢班學障既小朋友,唔係讀唔到書,只係唔係同一般人行相同既路(方法)去讀書,只係要用其他'另類'既方法去學習,人地個個用開plan A既方法學習,我地班仔偏偏plan A用唔着,要改用plan B、C、D...咁多方法至work.所以只要我地有俾足心機去行,無話做唔到既.

~仔仔媽咪~

原帖由 pipi331 於 09-12-4 01:10 發表


出面成日話年青人一代不如一代, 又話要提升競爭力...點點點. 一D家長就 由BB開始比特訓, 跟住要入名幼稚園, 小學, 中學... D課程有咁深學咁深, 好似驚蝕底咁, 挑戰小朋友的發展階段.  一系就屋企都唔系好環境但都 ...

所以查實真係有好多人查實自己都有問題,只係佢地或佢地父母老師察覺唔到啫.

有好多時我地淨係响街响網上遇到一些人,淨睇佢地言行,都唔難feel到佢地亦都有自閉/學障或者ADHD既特徵架.可能我地對得多(有'職業病'^^),嗰D特徵好容易睇到出黎囉.

唔出奇架.就好似我細佬咁,佢擺到明係A仔黎,佢到依家都話亞媽亂up(咁我媽又係無帶我細佬去做評估),但實情佢由細到大都好A,直至我有個自閉傾向既囝,接觸呢個症多咗,再睇番我細佬D古怪野,就好知佢係A仔黎囉.但佢當事人真係唔覺自己係架.

~仔仔媽咪~

原帖由 pipi331 於 09-12-4 13:15 發表


我認我系a.
認咗至解釋到點解我由細到大都覺得自已同其他同齡的人唔同, 但又講唔出系mud.  成日都睇到d一般人睇唔到ge嘢, 人地睇到ge嘢我又睇唔到. btw, 我成個家族都系怪怪地ge, 但幸又不幸 無出過d好嚴重的case ...

我都認我自己係A同埋有ADHD & 學障問題架! 尤其當自己個仔有呢D問題,一路睇佢長大,基本上我都好覺得個仔係我細個既翻版黎,亦係我老公個翻版黎(連我開中心個朋友都話我生咗我老公出黎,話我家兩父子一模一樣)~!呢D都有根據架...始終呢D症都好關遺傳事嘛!

我由細到大都俾人話我係傻婆黎又怪怪地,自問我由細到大都好乖啦,至少唔做曳野,讀書真係好俾足心機去讀,只係唔知因乜解究數學差成咁,其他科係合格但只係一般,上堂我絕對唔會傾偈好專心上堂,連傳紙仔都唔敢,但奇就奇在我媽到依家都話我細時好反叛,話佢唔知點教我咁話,我聽完覺得好冤枉架...連我历任老細上司個個都讚我好乖好純好聽話,係唔知點解屋企人覺得我唔係,都幾HURT下,但當個仔有問題時,我細想我又會覺得係咪我有以上任何一個症既某個特徵(例如ADHD),所以家人覺得我難教呢?自己唔多覺,但我都認我都有固執既時候.

唯一我覺得我一定有既就係唔識點社交同幾怕同人面對面講野溝通囉.呢方面我都好慢熱下...要好熟我至講多D無咁易不安,我又係好似我仔咁,又係一個好容易感到不安既人黎...尤其對人,因為唔知人地幾時會嬲,又怕自己講錯野或者處事不當,令到人不快,好似處於四面都長滿刺既空間咁,行前行後都好似會被刺倒會受傷會行錯.呢樣我都有同個仔傾過,我仔都有咁既感覺.

siukei17

哈哈..我老公都成日話我自己都有專注力不足.....:;pppp:
不過有時睇返阿仔既反應...同我細個好似...我幼稚園時都係唔鍾意返學....返到去又係整估同學 幼稚園時已經試過趁人唔為意走左出去出面既公園玩..玩到盪失路....報警咁濟.... 唔同既只係我細個就識講野.....成績功課都唔駛人擔心...不過其實細個都唔多鍾意講野..上到小五先叫多d講野.. 可能成長環境係同好多小朋友一齊大..所以習慣群體生活先無惡化
所以有時見阿仔d問題..就好似見到我自己細個咁

原帖由 ~仔仔媽咪~ 於 09-12-4 09:55 發表


所以查實真係有好多人查實自己都有問題,只係佢地或佢地父母老師察覺唔到啫.

有好多時我地淨係响街响網上遇到一些人,淨睇佢地言行,都唔難feel到佢地亦都有自閉/學障或者ADHD既特徵架.可能我地對得多(有'職業病'^^) ...

siukei17

我細個去到小學一後時間直情唔肯返學......返到學校喱埋向wc唔出黎...記得個時次次都要副校長黎wc請我食朱古力先出去....
又成日覺得d同學仔唔鍾意我...
係去到小三..同我個fd畫個d填顏色畫,拎去賣比d同學,2毫子張...3日就賣左百幾元...之後先放開d個人..可能覺得有成就感....
到我11歲時,比人捉左去見心理e生..但e生又話我無野...可能個時又未有咁多喱d學名....又見我成績好..就話我無野....
係上到小五小六,去到中學,個人突然間好似開曉咁..多左好多野講

原帖由 ~仔仔媽咪~ 於 09-12-4 18:16 發表


我都認我自己係A同埋有ADHD & 學障問題架! 尤其當自己個仔有呢D問題,一路睇佢長大,基本上我都好覺得個仔係我細個既翻版黎,亦係我老公個翻版黎(連我開中心個朋友都話我生咗我老公出黎,話我家兩父子一模一樣)~!呢D都 ...

~仔仔媽咪~

原帖由 siukei17 於 09-12-4 18:25 發表
我細個去到小學一後時間直情唔肯返學......返到學校喱埋向wc唔出黎...記得個時次次都要副校長黎wc請我食朱古力先出去....
又成日覺得d同學仔唔鍾意我...
係去到小三..同我個fd畫個d填顏色畫,拎去賣比d同學,2毫子張.. ...

我都係去到十六十七歲左右至突然間有明顯既轉變咋!之前我都幾多野講架,講唔停,但係去到十七歲左右,我班教友突然異口同聲都話我靜咗好多,少野講咗好多,我至慢慢發覺我真係變咗!到我個仔有ADHD後,我又見佢有好多失魂古怪野都似我細個,所以我更加相信我仔應該去到十六七歲左右就會無咁hyper.希望啦!真係唔想呢堆病纏住佢一世.

珀珀,慧慧媽

原帖由 ~仔仔媽咪~ 於 09-12-5 03:05 發表


我都係去到十六十七歲左右至突然間有明顯既轉變咋!之前我都幾多野講架,講唔停,但係去到十七歲左右,我班教友突然異口同聲都話我靜咗好多,少野講咗好多,我至慢慢發覺我真係變咗!到我個仔有ADHD後,我又見佢有好多失魂 ...

我呢個星期三排到評估中心見醫生啦,唔知有d咩野可以問同要注意d咩呢?

~仔仔媽咪~

原帖由 珀珀,慧慧媽 於 09-12-7 08:18 發表

我呢個星期三排到評估中心見醫生啦,唔知有d咩野可以問同要注意d咩呢?

都係最主要講番囝囝平時有D咩令你好頭痛同擔心既野囉,實情都係臨場醫生問乜就答乜多,好多時之前未見醫生時自己諗咗好多問題同要講既野,但一臨場面對醫生時就好容易講漏架喇~~~ 所以都係寫定囝囝有咩主要問題你需要解決會好D.

Ruby_Lau

hi 仔仔媽咪,

你好! 記得我嗎? 又想請教你, 小朋友又經常唱反調, 如問今天的天氣, 明明是雨天,佢會答晴天. 又例如在公園, 其他媽咪叫小朋友回家吃飯, 佢就會走去那個媽咪講唔駛食飯, 唔駛回家,我應如何教他呢 ?  請你 或其他媽咪比D意見! thanks

~仔仔媽咪~

原帖由 Ruby_Lau 於 09-12-7 22:45 發表
hi 仔仔媽咪,

你好! 記得我嗎? 又想請教你, 小朋友又經常唱反調, 如問今天的天氣, 明明是雨天,佢會答晴天. 又例如在公園, 其他媽咪叫小朋友回家吃飯, 佢就會走去那個媽咪講唔駛食飯, 唔駛回家,我應如何教他呢 ?:si ...

好耐無見~~~

我之前教過一位小朋友都係鐘意同大人唱反調架!我既做法係順住佢個反調繼續唱,等佢知驚/得逞唔到,就用番你既事例黎講,如果明明係雨天,佢猛話係夏天,我會同佢講,咁出街就唔好擔遮喇!咁好天!如果講既時候正要出街既話.如果佢响公園同人地媽咪講話小朋友唔駛食飯,咁我就會自然同佢講話咁佢都唔駛食飯,一陣媽咪去食飯,佢千祈唔好食.如果佢地膽粗粗話好,就一於好firm咁做得出俾佢睇,等佢唔好以為媽媽鍚佢唔敢蝦番佢轉頭... 等佢投降聽番你話'正常番',你至放佢一馬.

有時D小朋友係咁架,要先知道佢地做事既目的,例如佢唱反調都係想激下大人,咁大人就真係唔好俾佢達到目的,反而順水推舟依番佢個tone黎俾番佢受,佢達唔到個目的,佢嗰個行為就自然會少做甚至唔會再用,我對付我屋企個仔都有時會用呢個方法架.

[ 本帖最後由 ~仔仔媽咪~ 於 09-12-8 04:09 編輯 ]

~仔仔媽咪~

原帖由 ANDREAMLEE 於 09-12-8 14:29 發表
尋日囝囝返嚟有張通告要在星期五留堂，內容大致係欠交功課達三次，所以要留堂，希望有助他知道有責任去執齊和做齊所有功課，唔好甩甩漏漏！
現在已三年班了，重係要夾住做功課，ｄ功課已經淺咗同少咗，真係唔知佢想點？係咪有學障真係唔 ...

都係架!佢地就係因為有學障,所以一對住D功課實會好大壓力同挫敗感,自然會有逃避心唔願主動做架喇!呢樣都可以理解到既,試諗下大人走去進修D自己都覺得好難好悶好難明既野,但又要迫住上堂同去做,自自然然會入唔到腦同做唔好,呢樣正係學障學習既困難所在,淨係要克服呢D心理因素都有排搞.所以真係迫唔黎,打鬧都無用,真係要俾多D耐性同計仔去幫佢地克服同學習囉.

查實留堂對佢地都有好處架!我反而幾想學校老師俾我仔多D留堂做功課同埋老師教佢功課,至少佢都比其他同學額外多一D時間同機會去重新學習知識,又有多一個指導佢地學習,實情對佢地都有好處架!咁我地俾佢地番學讀書都係希望佢地學到知識啫.對於佢地有咁既障礙,分數真係好其次,我地真係唔可以同佢計較分數架...呢種心態真係好靠我地自己去催眠自己去接受既.

[ 本帖最後由 ~仔仔媽咪~ 於 09-12-8 23:28 編輯 ]

~仔仔媽咪~

原帖由 pipi331 於 09-12-8 12:45 發表
唉! 為咗好少的事, 差唔多家變, 嚇破膽…
只不過系因為咗 系2個平日放學後 比大仔上1堂訓練 (系玩住做ge), 想一星期加到3堂個別, 拉開d堂. 本來2堂, 仲要系哂星期六…

c6唔知撞到d mud其他嘢, 好唔開心; 昨晚己經面 ...

你老公係咪遇到D咩壓力呀?例如金錢上既問題?試下坐低好好同你老公傾下,了解下老公心裡面諗D乜同有何見解,大家一齊分析下去傾下囉.咁始終呢D訓練對於我地班仔黎講真係好重要.

同埋見您老公D脾氣都似似地我地呢班仔,所以囝囝情緒差都係有關連架!就好似我老公同個仔咁,D怪脾氣都差唔多,我老公之前都唔認架!但之後我老公真係發得太勁,我講到佢再係咁會影响到囝囝,我話佢再係唔去改善唔去收收火,我真係會為咗個囝會拉埋個囝番娘家架!跟住呢年我老公D脾氣當堂收歛咗好多.實情真係要多D同隻佬傾至得囉.始終男人對於湊仔呢家野係慢過女人百步咁多.唔同佢地一齊分析去諗去講清楚,佢地係唔會明架.

Ruby_Lau

原帖由 ~仔仔媽咪~ 於 09-12-8 04:06 發表


好耐無見~~~

我之前教過一位小朋友都係鐘意同大人唱反調架!我既做法係順住佢個反調繼續唱,等佢知驚/得逞唔到,就用番你既事例黎講,如果明明係雨天,佢猛話係夏天,我會同佢講,咁出街就唔好 ...

好多謝你的意見, 我會試下, 希望攪得掂啦!

~仔仔媽咪~

原帖由 pipi331 於 09-12-9 13:24 發表


多謝您.
如果無估錯c6應該系工作遇壓力, 佢塊面仲系好黑, 唔問得佢住.  返工就扮正常, 一份工做咗十幾年. 知道大仔應該系a,先至發現我地2家人都系a ge, d人有自閉特徵 or 亞氏保加特徵. 我c6系a ge, 不過無比人評 ...

查實我好明你架!事關我又係一屋都係A仔.

如果你有再睇我今晚响BK自由嗰邊個topic既留言,你就知我老豆有幾A有幾難頂.

我老公都係A仔黎,雖則佢無做評估,但自從個仔出問題,我對自閉呢個症了解多咗,就知我老公都係A仔,我老公同你老公幾乎一樣,又係好易郁手郁腳同發癲發埋D突發又令人費解既脾氣,每次發脾氣,我老公都係會掟枱掟凳、踢門爆粗同整爛野,次次我老公咁癲,我嗰刻都好想離婚.

唯一有樣野叫做好D就係,我老公係唔敢鬧我/打我,都有少少賣我怕,怕我會唔要佢,但佢呢D怪脾氣同行為成日久唔久就重複出現,我都覺得好煩,次次我都忍唔住口問佢癲夠未...

不過上年聖誕節佢又係唔夠兩個星期癲足三鑊俾我同個仔受,我嗰次真係捉佢入房同佢好FIRM咁講,佢再係咁,我真係會即刻拖仔走人唔會再番黎!佢知我性格真係做得出,呢一年佢都明顯有改善囉.間中都有少少想發作既,但都可以接受到.

有時我都會灰灰地諗野架,都會覺得自己身邊家人咁多A仔,D脾氣好難頂,我真係好似一直住响瘋人院一樣,覺得自己好大壓力,有時諗到咁上下我真係會喊同失眠(我係經常失眠瞓唔到既人黎),但到啖氣過咗之後,自己又會諗番,佢地查實都有好既一面,我地都有開心相處既時候,佢地都有對我好同鍚我既時候,呢D我會珍惜會擺响心度等自己多D拎出黎開心下緩和下D負面思想囉.同埋亦都會同自己講,個仔依家有事,我依家成個人同成副精神同整個人生都俾哂我仔一個,所以我只會在意我仔一個,其他我乜都唔理,既然我只係在意只係需要應付一位大少,咁查實我都唔係真係咁辛苦啫...咁樣諗我會舒服好多,無咁屈住既.

加油呀!神造人出黎都係一整整兩個,都係証明一樣野,人唔係孤單一個,而且我地都需要多D互相扶持同鼓勵,所以您有咩唔開心或者煩惱既,真係要講出黎,就算我地幫唔上咩忙,但至少講咗出黎都當係吐啖氣,自己都舒懷好多架!

諗多D開心既野啦!鍚囝囝之餘,我地做人亞媽既都要多D氹下自己開心既~~~