各位特殊障礙小朋友既媽咪,開學順利嘛?

~仔仔媽咪~

原帖由 ANDREAMLEE 於 09-12-9 14:13 發表
我地真係唔可以同佢計較分數架＝求學不是求分數！
好鬼政府feel～

無計啦~~~我地噴哂火咁教個仔,佢地係學障係收唔到野(唔入腦)就係收唔到...好似我今晚咁之嘛...個仔聽日要中文默書,佢今年開學到依家次次默書都係幾分甚至食蛋,反而Quiz嗰D佢又成日滿分,咁我今晚咪仆心仆命去教個仔溫中默囉,無奈始終個仔係自己肚度痾出黎既,作為佢亞媽零舍心急同易激心,我全程噴住火又大大聲喝住個仔咁教佢抄寫生字,個仔就喊到好淒涼咁寫字,但又同我講仲要去煲卡通VCD..(嗰時都夜晚十一點...),我一話唔俾,佢就喊出黎,我嗰下真係攰到噴火架!我咁攰咁想瞓都唔敢瞓,咪又係為咗幫你呢個肥仔溫默書,我都未喊,佢做咩喊...我當時係咁諗...結果溫到十一點幾至由我娘家坐地鐵過海番自己屋企...攰到成隻屐咁!不過坐車時我都要輔導番個仔囉,都係要解釋番俾佢知,點解媽咪咁惡咁嬲,再同佢傾下偈傾下心事,等佢易理解D.最後仲要整多兩野爛GAG至引到我仔笑番咋... 所以做人亞媽確實真係要十項全能,樣樣皆精.亞媽呢個POST屎查實係要做一個出色既演員.

~仔仔媽咪~

原帖由 Ruby_Lau 於 09-12-10 21:53 發表


好多謝你的意見, 我會試下, 希望攪得掂啦!

唔好灰心,慢慢教啦!都係嗰句,媽咪係一個出色既演員黎,除咗要跟劇本做外,仲要交心戲,要捉緊對手(即係我地班仔)既心理.

或者當囝囝既問題係你其中一門功課/project黎,要慢慢研究佢地,亦要多D周圍搜羅有用資料,仲要多D去做實驗,咁份功課至會做得好同有成果.(我係咁同自己講)

BB頭maimimi

仔仔媽咪,

好鬼鍾意睇你回應!

~仔仔媽咪~

原帖由 BB頭maimimi 於 09-12-16 11:01 發表
仔仔媽咪,

好鬼鍾意睇你回應!

平時湊住我地班仔女已經夠哂嚴肅,咁我地梗係要講番D野黎笑下輕鬆下架啦~~~

~仔仔媽咪~

原帖由 heichunmum 於 10-1-4 00:50 發表
仔仔媽，今日先見到你之前的回覆，唉～都登你慘，一個仔都已經要左我條命，你仲要對住成屋都係ａ型人，我自己近日都發覺阿仔好自我中心，成日自以為是，其實佢專注力都已經好左少少，但都仲係好衝動，你真係好叻叻，真係要好高ｅｑ先可以同咁多個 ...

查實自問我自己都應該係A型人加ADHD加學障(睇到個仔依家個款就睇到自己),所以可以當係一種學習黎,無話唔好既. 識開我D人都知我傻傻地架啦!嘻嘻!


今日我仔覆診,醫生終於同我仔轉咗食concerta(長效嗰隻)喇~~~覆完診我俾我仔食一粒concerta至番學,結果到我四五點接佢放學,佢模範生到我有D驚......!!!

我去到學校禮堂-------->我係見到個仔坐定定又衣着整齊咁响樹好專心做緊功課!!!

之後我同佢一齊去撘車過海去公公屋企--------->佢全程都好MAN好成熟,行路好正常好斯文同靜,無再無啦啦係咁傻笑笑唔停,等車時企又企得四正,見有空位坐又無好似平時咁睇都唔睇人咁衝撞埋去坐,反而係勁斯文又好小心睇住人地至坐低,仲坐得好靚.

去到公公屋企仲驚...叫佢開壇做功課---------->超級完全地合作,平時佢會一味叫苦連天扭哂話要抖'陣'先(邊會真係一陣吖....),點知今日佢係即叫即做,仲要自動自覺,好有心機做好功課,連寫copybook,佢都真係好小心好仔細咁一筆筆咁去學寫,絕無馬虎;今日我係開始要求佢限時完成功課,原本我係set咗做中文補充做一頁要响十五分鐘內完成,我仔竟然能夠响九分鐘內完成,仲要做既時候真係好精靈有用腦,好多答案唔駛我教佢自行答對! 跟住做完兩本功課,我原以為佢會借機又話要抖想搏大霧唔做'英文課本查字典'(真係要查兩版,即係一個故事內所有生字),我同個仔講話不如俾佢先休息五分鐘至做,點知我仔竟然話-------->"我想做埋佢先呀!" 嗰下積極態度我發夢都夢唔到~~~

仲要今日全日我講任何野,每字每句我仔都竟然聽哂入耳,仲要好有反應有哂feedback~~~

隻葯真係似乎好堅,但個仔模範生度咁既程度,仲要平時D ADHD惡頂野唔見哂,我係有D驚同唔習慣囉!佢頭先咁正常,我反而好掛住佢平時嗰隻款...不過呢頭諗,嗰頭夜晚十點同佢番屋企,佢又是打回原形---->又是傻傻地!

ernestchow

原帖由 ~仔仔媽咪~ 於 10-1-4 23:26 發表


查實自問我自己都應該係A型人加ADHD加學障(睇到個仔依家個款就睇到自己),所以可以當係一種學習黎,無話唔好既. 識開我D人都知我傻傻地架啦!嘻嘻!


今日我仔覆診,醫生終於同我仔轉咗食concerta(長效嗰隻)喇~ ...

隻药可否給你了老公食?大人得唔得?

BB頭maimimi

~仔仔媽咪~
咁你的心情都很複雜!

原帖由 ~仔仔媽咪~ 於 10-1-4 23:26 發表


查實自問我自己都應該係A型人加ADHD加學障(睇到個仔依家個款就睇到自己),所以可以當係一種學習黎,無話唔好既. 識開我D人都知我傻傻地架啦!嘻嘻!


今日我仔覆診,醫生終於同我仔轉咗食concerta(長效嗰隻)喇~ ...

Ruby_Lau

原帖由 ~仔仔媽咪~ 於 10-1-4 23:26 發表


查實自問我自己都應該係A型人加ADHD加學障(睇到個仔依家個款就睇到自己),所以可以當係一種學習黎,無話唔好既. 識開我D人都知我傻傻地架啦!嘻嘻!


今日我仔覆診,醫生終於同我仔轉咗食concerta(長效嗰隻)喇~ ...

  如果我係你的話, 我都好感動 !  大家繼續努力呀!

~仔仔媽咪~

原帖由 ernestchow 於 10-1-5 13:22 發表


隻药可否給你了老公食?大人得唔得?

我老公食?大人應該唔駛食啩...唔知大人食咗會點呢...

~仔仔媽咪~

原帖由 BB頭maimimi 於 10-1-5 15:57 發表
~仔仔媽咪~
咁你的心情都很複雜!

都係架~~~對咗十一年我仔都係响我面前過度活躍,突然一本正經,真係好唔習慣.

不過噚日食第二日已經無第一日咁勁,可能早咗食葯既關係,前日第一次食係覆診後至食,都成十點,噚日七點半番學前已經俾佢食,放學佢都開始打回原形,但都好過未食之前既,至少夜晚佢活躍得黎無再拆屋.

~仔仔媽咪~

原帖由 Ruby_Lau 於 10-1-5 23:25 發表



  如果我係你的話, 我都好感動 !  大家繼續努力呀!

大家一齊努力啦!依家我算係搞掂咗佢脾氣嗰樣問題,依家我要集中火力去搞掂佢學障同讀書問題,我仔小四喇,我已經開始驚緊升中問題...我仔仲係滿江紅,仲係寫字咁慢做唔哂份卷,我好擔心.

~仔仔媽咪~

原帖由 pipi331 於 10-1-5 23:30 發表


仔仔媽咪,

請問您小朋友有無試過做職業治療? 有無幫助??

我仔之前寫唔到字就有去做職業治療囉,我覺得有效架!裡面仲有得做少少感統,我覺得感統對我地班仔好有幫助,有得做一定要去做.

MIHO.WAH

原帖由 ~仔仔媽咪~ 於 10-1-6 09:59 發表


我仔之前寫唔到字就有去做職業治療囉,我覺得有效架!裡面仲有得做少少感統,我覺得感統對我地班仔好有幫助,有得做一定要去做.

DEAR 各位MAMI

看到妳們說的話我都想說吓... 都是我問題..
我大仔有 讀寫 + ADHD +感統問題, 他很易怒的又易笑的人. 我剛都不工作回家想幫幫仔仔不想每晚都為功課而罵他, 希望能改善及重點是他態度行為上.
現在比之前好好但對住他有是真很氣的, 特別在數學上可能我一直有給公文數他學他的計算乘數很快的...我當然沒有他快...每次改正他數學時他都不信我說我不識又說他對我不對等..有時其他功課有問題他都不聽我的...可能我給他印像讀書不太好...故他認為我不識... 他比較叻...一定要等爸爸回來告訴他才信或更改... 有時我想那我不用在家LA 都是上課搵錢比較好, 可以去補習但..仔仔自從在小一補過後一直都不想去了. 現在他已小三我都很擔心他理解方面, 我個人很希望仔仔能明白英文及數學是如何做...成績差仍可以追, 最更要有進步. 現在只是比別人慢D..可能會慢慢進得近的. 不過現在重點是他沒耐性聽人說. 有時他乖會聽我教時便很快知道點樣做此功課.

siukei17

好耐無過到黎喱邊...
仔仔媽~知道你仔仔轉左藥,行為好左~~好開心~~
唔好擔心咁多啦~相信e生~~

我阿仔都好d啦~返學都小左好多投訴,無再向學校訓地下~不過都係坐唔家...上唔到主題,唔聽故事,唔唱歌..都唔係好跟大隊....好既係終於會聽下老師講野...唔會玩死一樣玩具...老師仲發現有時觀察佢玩時,其實佢都識好多野....學術方面,我1月開始比佢試下認字(佢班主任叫....治療c個邊其實話佢未必得...因為佢識配圖都只係喱半年既事...),但出奇地佢又ok....1月到依家都只係一個星期,佢已經可以認到眼,口,手,耳,1同埋2......不過其他抽象小小,ex.大,小,人,長,短...我唔識點去教佢........(有無媽咪可以教下我?)

1月開學第一日,校長就建議我上午(阿仔返下午)帶阿b出去跑下,做d大肌肉運動...等佢用咁d精力(佢太多精力??)我唸住熱d同佢學游水..但依家咁凍..上午都唔知帶佢去玩d咩..無理由日日落公園玩架......有無d意見呀??

依家阿仔向學校仲未跟到大圍,小組唔肯跟,有時故事時間會自己主動坐去老師隔離,但一陣間又走左去玩.....其實我都擔心.....怕佢升唔到上k2......但老公又成日話比時間佢.....佢會慢慢隔入返去......唉...我係怕學校唔比時間佢咋....

上次有機會同e位既資深幼兒老c傾開,佢話佢地唔覺得阿仔係自閉係因為阿仔會好主動同身邊既人分享佢見到既野,佢鍾意既野,又會拉住老師就圍去睇佢既野....所以佢地唔覺得佢係自閉...(咁阿仔又真係好主動...但主動到..你一定要聽佢支笛.....),咁我又問係唔係過度活躍...咁佢又話唔係..因為佢見到佢鍾意既野又可以坐定定....以佢地睇,都只係行為問題.....鍾意佢挑戰人地...扭計....

唉...只係行為問題...我無得對症下藥......

~仔仔媽咪~

原帖由 MIHO.WAH 於 10-1-6 10:45 發表


DEAR 各位MAMI

看到妳們說的話我都想說吓... 都是我問題..
我大仔有 讀寫 + ADHD +感統問題, 他很易怒的又易笑的人. 我剛都不工作回家想幫幫仔仔不想每晚都為功課而罵他, 希望能改善及重點是他態度行為上. ...

或者您試下照搵個人幫你囝囝補習睇下功課會好D!始終佢又唔信你既學識,就算你好有心機教,但佢唔領情,只會令大家困獸鬥...咁講真補習無小朋友鐘意去補,雖則我地知佢地D脾氣唔好亦關佢地ADHD問題事,但我始終覺得,我地又唔可以事事都順個仔意,或者因為佢地有咁既問題而就住佢唔駛佢去做囉,始終我地都係想幫佢去充服佢既問題,就唔可以俾佢繼續'讀障''ADHD'落去,只係我地用既方法,可以作出一些變通而已.

你囝囝依家讀幾年班?學校程度深唔深?學校有無因應佢既情況而作出任何支援?

~仔仔媽咪~

原帖由 siukei17 於 10-1-7 18:30 發表
好耐無過到黎喱邊...
仔仔媽~知道你仔仔轉左藥,行為好左~~好開心~~
唔好擔心咁多啦~相信e生~~

我阿仔都好d啦~返學都小左好多投訴,無再向學校訓地下~不過都係坐唔家...上唔到主題,唔聽故事,唔唱歌..都唔係好跟大隊.. ...

我又唔太認同你所講嗰個老師既諗法囉!好似我仔咁,佢對佢有興趣既野都一樣可以坐定定,甚至可以坐到成幾個鐘都可以架!

有好多時出面人都會誤解咗ADHD或自閉症既小朋友,查實每個ADHD/自閉既小朋友既程度都唔同,當然,有D真係專注力不足到可以真係連玩都可以分心無專注力,呢樣都係我仔個醫生講,但我仔至少玩模型可以坐好幾個鐘,打機可以連續打五六個鐘都臉不改容,又好似我仔行為方面,我仔會打人會容易激動發脾氣,但我朋友個仔,佢囝已經食葯食到去最高嗰個劑量,但原來佢囝一直都無打人同發脾氣既問題,相反佢主要既問題係把口唔停,鐘意駁咀、講大話、整古人而已,但做功課完全可以自行安排到時間,可以自行每日朝早六七點起身(連放假都係)做功課.

至於自閉既小朋友,佢地唔識表達唔等於佢地係唔鐘意表達同講說話,相反,佢地係好鐘意有咩都第一時間想話俾人知,只係表達唔到/表達得唔好而已.

您囝囝既問題可能真係正如老師所言只係行為上有問題,亦有可能涉及其他問題,我覺得最好都係搵番醫生/心理學家黎做個正式既評估,咁至正確囉.至少都求個安心,唔駛自己估估下.

因為我之前都'領教'過嗰D所謂'接受過特殊教育訓練'既老師既評語,當年我仔已評定為自閉傾向,去到五歲半開始有過度活躍既徵狀,嗰位特殊位老師都竟然好肯定咁同我講話我仔"一D問題都無,唔覺我仔有自閉,亦唔覺我仔有過度活躍",但到我仔幼稚園畢業時,個老師又無厘頭一輪咀話我仔好有問題,話我仔呢三年幼稚園生涯,佢地都仲係教緊我仔幼兒班既課程,仲要係未教哂(莫講話低班高班既課程有無教),跟住又一輪咀話我仔點差點差,又話我仔寫唔到字,又話我仔畫D公仔D手指係尖,所以覺得我仔一定有暴力傾向有攻擊性(又唔見佢地之前咁講....... 之前又做乜同我講我仔一D問題都無呢?)...好似一輪咀投訴咁...仲要就咁浪費咗我仔嗰三年寶貴時間,如果佢地一早响我仔仲讀緊佢地間幼稚園時同我講,我一早幫個仔去做治療去做訓練,我相信我仔會進步得更好,而唔係要我仔夾硬升到小學二年級下學期至勉強寫到字,小三至開始開竅讀到書囉.

~仔仔媽咪~

原帖由 siukei17 於 10-1-7 18:30 發表
好耐無過到黎喱邊...
仔仔媽~知道你仔仔轉左藥,行為好左~~好開心~~
唔好擔心咁多啦~相信e生~~

我阿仔都好d啦~返學都小左好多投訴,無再向學校訓地下~不過都係坐唔家...上唔到主題,唔聽故事,唔唱歌..都唔係好跟大隊.. ...

如果教佢認知上既野,你試下買番個MR. POTATO(薯蛋頭先生)玩具番黎邊玩邊教囝囝去認~咁樣會好過叫佢淨認生字架~至少都會有趣D,會令佢易吸收D~!^^

同埋都唔好咁快一開始要佢動筆寫新既生字住,一開始試下整D字卡俾佢認下生字先,D字卡最好有埋圖同相,更好的可以中英對照,貼响屋企四周,得閒指住考下佢,教佢寫字時,先用手指同佢一齊畫個字出黎練下,練到佢熟咗個字後,至開始俾筆佢試下寫,咁樣會好D.