浸信會沙田圍呂明才小學 / 培正小學如何取捨??

TimMum

I believe both schools have good reputation and academic results. My son is studying in Pui Ching  since K1 and is now in P4. I like PC as most of the students in PC have a strong sense of belongings to the school and have developed close relationship with each other. In a stable enviroment, I think they can study more happily.   

wksin

maymay007,

我仔是培正的小一生, 他是培幼直升上的, 今年開學時, 根據校長講, 佢地會續步轉小班教學, 06-07年是32人一班, 07-08就開始就30人班。

至於培正的教學法, 佢地英文係用story book 教, 再加supplementary exercise的worksheet輔助, 而中文就用聲情教學法, d老師要去上堂學怎樣用這方法, 是比較活動教學的。

至於程度問題, 我想係因人而定, 我仔只係好普通, 唔算好好, 但老師都成日幫佢額外補習, 佢應該升到班, 唔洗留班, 但佢有一個同學仔下學期轉去第二間讀, 因為英文跟唔上, 佢地今年的英文深左, 學p.2的英文 (是我朋友佢個仔讀英華小學)講的。

我最欣賞佢地有優異生的設立, 只要係中、英、數、常識及聖經科, 全部有90分以上, 就可以達到, 不限人數, 這是幾好的制度, 我仔個班今次共有7個優異生。

至於品行, 校風, 設施等應該不用我多講。以上資料希望幫到你。

wksin

BearMum

wksin

請問培小是否中、英、數主科中有1科唔合格要留班呀?  而第二年still 主科中有1科唔合格就要篩呀??  甘多唔多小朋友篩出來呀?

Thanks for your info in advance.

wksin

BearMum,

係呀, 你講得對, 主科中如有一科唔合架就要留班, 而同一年級只可以留班一次, 即是話如果第二年如果都唔得就要退學。我個仔的同學只係讀左上學期就退學了, 可能佢覺得追唔到呱。

我聽校長講去年小一有2-3個小朋友留班, 比例唔算多, 同埋佢地有多一次補考比唔合格的學生, 如果都係唔得就要留班啦。

wksin

LittlePang

聽朋友提起她囡囡學校(沙田圍呂小一年級), 活動教學, 少家課, 中文用普通話授課, 英文用星加坡出版的書, 我睇過肯定深過我仔仔用的書, 冇太大壓力, 不過學生質數較參差, 她和小朋友都很喜歡學校, 但亦有同學巳轉校(未知原因).

maymay007

wksin,

我比較擔心培正好傳統，同埋英文程度較淺呀！ 而呂小既歷史唔長，但據聞已可與外面名校相比，加上教學形式靈活....又免費等。不過收生質素方面當然較參差吧！

BearMum

wksin

Thanks for your reply.  甘妳囝囝有沒有留班的pressure呀, 因為有些小朋友驚會留班, 所以Exam的時候很有pressure.

sumheima

其實沙呂小歷史雖不及培小長,但也不算短.因她前身是一城的呂小下午校(成立於1982年),至今有超過20年;校長做了也有20年.6年只是以搬到新校址計算者.

maymay007 寫道:
wksin,

我比較擔心培正好傳統，同埋英文程度較淺呀！ 而呂小既歷史唔長，但據聞已可與外面名校相比，加上教學形式靈活....又免費等。不過收生質素方面當然較參差吧！

catcatmom

如果唔係錢問題當然係培正，學生質素好好多。沙呂英文ＴＥＸＴＢＯＯＫ見過（今年書），Ｐ１教Ｐ１，唔深！但比其他沙田津校深ＤＤ。因朋友有２個女，一個讀（唔係培正）私校既禮賢，細女讀沙呂，佢話沙呂同禮賢無得比。但佢話沙呂都好好...但當年沙呂都好出名，所以抽到沙呂，又唔冼交學費，細女讀左沙呂。有２朋友個仔女讀培正，２個都由有做野，到最後都做埋ＦＵＬＬＴＩＭＥ　ＭＯＭ。

maymay007

沙呂既英文程度會唔會都算幾高呀？校風好嗎？

培正，學生質素好好多又從何見得呢？

wksin

maymay007,

培正的英文都不算係淺, 因佢地請左前協恩小學的英文主任回來統籌英文科, 所以都唔係話淺, 如果係淺都唔會大部份學生都係70-80分, 有d更係唔合格啦, 當然, 我相信外校生入去讀的會較好, 因為培幼係活動教學, 無串英文生字, 所以適應上較慢。

另外我先生話呂小都唔錯, 佢地用好多新的教學法, 都好進取。另外我地覺得培正不是用普通話教中文, 這方面比較落伍。

如果讀培正, 就大仔大女會較好, 因佢地多數都係, 所以我個仔係細仔就好蝕低, 全班佢排尾3, 仲要好多同學差唔多大佢一年, 所以年年老師都話佢好bb, 真係要佢大個d希望無差咁遠。

wksin

maymay007

wksin,

好多謝你既資料, 對我好有用呀. 我知呂小係活動教學同以普通話教中文的. 我住係呂小附近, 其實好方便的. 而培正係一間著名小學, 我亦聽聞英文程度已改善, 但我擔心比較傳統, 因我孩子性格較內向, 但就學習能力很好.

wksin

BearMum,

我地都有同佢提唔合格要留班, 但佢口話驚, 其實就唔係, 佢係好大意個隻, 成個人的表現比佢既年齡bb, 是不太成熟, 這是佢的個人性格, 不過, 佢勝在夠聽話, 叫佢溫習佢都肯溫, 不過做題目就成日都唔小心, 所以咪失分囉, 我同爸爸都話只要佢盡左力, 7-80分就ok啦, 咁佢平均都有既, 我地把口係咁講, 心就想只要佢讀得開心, 升到班咪算囉, 至緊要佢無失去讀書的興趣。

  

maymay007

wksin,

培正老師多跟家長聯絡嗎? 小朋友既德育培養係咪真係好好架?  

kenwong

德育培養係幾好,
每次去培正探個仔,佢d同學仔都好主動同我打招呼.
英文科比津,官校深.
但不及英文小學.

maymay007 寫道:
wksin,

培正老師多跟家長聯絡嗎? 小朋友既德育培養係咪真係好好架?  

ob1

maymay007:

如你己獲該兩所學校取錄，相信你是05年11月於小一自行分配學位獲呂明才小學取錄。而你又於06年1月中去考培正小學，其實你較喜歡那間學校相信自己己心中有數。

兩間學校辦學團體同屬浸信會，都辦得不俗，但性質(一為津校一為私校)、收生來源(一為沙田區一為全港收生)各有不同，應讀那間學校較好相信因人而異，考慮因素有幾點:

1.        地點那間較近-但有些家長卻理不交通問題，以培正為例，校巴路線遠至屯門、元朗、大埔甚至錦綉花園。

2.        經濟能力-這個每個人想發不同，有人家境富裕，但喜歡讀接受免費教育。有人死摼死抵卻去讀私校。

3.        學生的學習能力及升中考慮-我之前講過，培正小學85%升培正中學(往年280小六生約224個升培正中學，其中頭150名必入培正中學及可再去考其他直資中學，而考150名過外學生要經升中派位抽纖)。

    沙田圍呂明才小學去年131人有47人升呂明才中學(我之前講30-40人升呂明才中學乃02-03及03-04年度沙田圍呂明才小學的舊紀錄)，另39人升區內其他英文中學(但該些英中的級數/成績是否如呂明才中學及培正中學般卻見仁見智)，及另有6人升區外傳统名校及4名區外英中。

   另一間浸信會呂明才小學(沙田有兩間呂明才小學)去年152名小六生有51人升呂明才中學，34人升區內其他英文中學(但級數/成績是否如呂明才中學及培正中學般卻見仁見智)，及另有14人升區外傳统名校及3名區外英中。

   兩所呂小小六共283人，有98人可升呂明才中學(約佔小六生三成)，佔呂明才中學200名中一學位之一半，98人中多少是自行分配時入中學？多少是升中统一派位抽入？所以要穩入呂明才中學及其他傳統名校確是要考頭30-40名。之前有很多家長說呂明才中學成績好，所以應揀呂小。但不得不注意由呂小升呂中之競爭是何共大。

   但話說回來，呂小於全港眾多津校中也算不俗，然而與可自行收生的私校培正比較卻又性質有別。舉個例說，培正小學可自行面試挑選學生，可揀面試表現較佳，家庭支援(如家長的學歷)最好的學生。津校小一全靠抽纖派位，以兩間呂小為例，就算有四百多人報名，但如何於抽纖派位時抽出成績最好，最勤力讀書的學生入學校呢？以往津校校長有生權可揀學生，失去收生權的小學如何保持學生質數？你看眾多津貼名校不敢結龍，原因就是不希望被沒有收生權的小學拖跨。

  以上觀點純屬個人意見，如有家長看完之後不高興者又請多多包涵。

honeybbb

ob1
你資料好詳細

wksin

maymay007

培正的老師很少會找家長, 除非你個小朋友有大問題, 但家長卻可以隨時找老師。

至於德育培養, 我相信係無可否認的, 除左學校有教育之外, 讀得培正的, 家庭背景的確是比較上好d的, 因為每月2100不是一個小數目, 要6年時間, 大多係中上家庭, 所以各家長都係會好緊張教育子女, 所以小朋友一起成長的同學, 家庭教育都有番敢上下。我老公鐘意培正的原因就係校風好。

wksin

maymay007

ob1,

多謝你詳盡既分析    你係咪培正人黎架?
我仲想問ob1 & wksin:

1. 其實培正這類傳統學校, 有否適合或唔適合邊類學生呀

2. 優異生係咪可減免學費架?

3. 培正學生背景較佳, 會唔會反而比讀呂小多壓力呢? 我指對子女的培訓同要求.

:  :  :

Hilary

沙田圍呂明才小學去年131人有47人升呂明才中學,
另39人升區內其他英文中學

另一間浸信會呂明才小學(沙田有兩間呂明才小學)去年152名小六生有51人升呂明才中學，34人升區內其他英文中學

兩所呂小小六共283人，有98人可升呂明才中學(約佔小六生三成)

咁少學生可升返上去？但沙田小學好多都有聯擊中學，如聖母聖心、沙官、培基，陳元喜等好成績個班大都升返上自己聯擊學校或考其他直資或區外傳統名校，咁派入去個班既程度又會係點呢？