元朗區2013年升中資訊

tsewaiyi

mc

回復 mamafufu 的帖子

已pm了你。

hong_yau

多謝 mamafufu, 妳好偉大

reb_pooh

我想問有邊間Band2尾Band3頭嘅學校可以係自行時報呢?煩惱中!

小儀728

等你

mamafufu

今日講吓元朗鄉議局中學。

鄉中一直都係元朗區中學既"龍頭大佬"，收生質素最高，公開考試成績亦係最好。

兩、三年前(現時讀中二)，有天水圍天主教小學既頭三名，有崇德聯繫位唔揀，而揀左入鄉中，亦都有崇德中一考頭三名既學生，升中二時轉左入鄉中(現時讀中四/五)。 由此可見，鄉中喺元朗區收既學生質素遠遠抛離其他中學。

公開試方面，鄉中喺會考年代平均攞170至200個A，崇德攞100-140個A，商會及趙中再低一D。

不過，呢D全部都係小時候既傳說......

喺現時既文憑試年代，鄉中全方位退步﹕

學校	JUPAS     取錄人數	英文 4+     百分率	中文 4+     百分率	數學 4+     百分率	通識 4+     百分率	物理 4+     百分率	化學 4+     百分率	生物 4+     百分率	經濟 4+     百分率	企會財4+     百分率	地理 4+     百分率	中國歷史     4+百分率
崇德	114人	65.3	70.4	59.2	72.4	77.4	66.7	67.7	94.3	53.6	55.9	58.1
鄉議局	106人	61	58	70	62	58	53	51	63	---	54	29

除左數學科外，鄉中所有科目都輸比崇德，大家要記得，六年前既收生，鄉中係好過崇德好多既!

mamafufu

睇吓鄉中今年文憑試成績既網頁﹕
http://www.nthykyldss.edu.hk/academic_HKDSE_2012.html

留意化學科(Chemistry)既數字，升中四時有80人選讀化學科，但到中六時只有約60人修讀，約20人退修，呢個數字唔算好高，但大家睇吓缺席文憑試既人數，竟然有13人缺考化學科，其他科目，只係有生物2人，綜合科學3人，及數學延伸課程6人(呢個課程好多大學唔當一科，所以全港中學好多人drop呢科)。 band 1 頭中學，13人缺席某一主科，係一個非常非常非常驚人既數字!

我識得幾個現時讀新高中既鄉中學生，佢地對某一科老師都有好"強烈"既意見，佢地試過問相熟既老師，點解某d老師重會喺到教，老師話因為教育局覺得鄉中既學生全部都好醒目，所以老師既教學方式/態度唔係咁重要，而其他官校都唔願意"接收"........

有人可能覺得呢樣只係某位/科老師既單一事件，但我覺得呢件事可以反映出點解鄉中喺DSE年代跌左咁多...


(待續)

fannypopo

701003 發表於 11-12-13 14:05
到時自己去都可以，唔會超多人去，因為各小學只偏心band 1學生，中學聯展無乜band 1學校參加，其實每間小 ...

多謝您寶貴的資料, 小兒現讀小五,我都知這間學校的校長是經常扮無知的.

Monice

mamafufu 的分析很有理據, 對大家很有幫助.

mamafufu : "除左數學科外，鄉中所有科目都輸比崇德，大家要記得，六年前既收生，鄉中係好過崇德好多既!"

mamafufu

...續上..


會考課程係兩年制，而文憑試課程係三年制，所以文憑試既課程比會考課程深d同廣d。

會考課程主要係考知識性內容，好多野自己睇課本或參考書已可明哂。
但dse課程比較深(如物理既Gas Law, 化學既Hess Law, analytical chem), 或者比較多要求學生用己學知識來做個案研究(如經濟科既market efficiency, 地理既global warming), 好多dse課程內容係無法靠自學/自修，或者需要有人教導點樣答題時用己有知識分析個案，並提出自己既論點，因此dse課程老師教學質素對學生既影響大好多。

我覺得上述因素，係令到鄉中喺dse年代成績下跌既主因。

鄉中喺元朗咁出名，主要係因為佢集合咗全元朗最傑出既學生，佢地老師既教學質素，坦白講我未聽過有人讚，最多冇乜人彈/評論。

鄉中既學生，絕大部分係小學時代既尖子，能夠自己主動讀書，好自覺﹐對自我要求又高，所以校內讀書(指課本，唔係課外書)氣氛濃厚，競爭激烈，同學間(尤其係精英班)經常互相比較成績。

會考年代，靠同學間互相激勵/比較，自學動力強勁，因此即使老師教學麻麻，都可以自修/同學間互相討論，得到好好既成績。

dse時代，某d課程太難，自修讀唔明﹐或者唔識答題，學校老師既幫助就大好多。

雖然好多人會出外面既"補習天王"補習，但每科只係每星期上一次堂，即使個補習天王教得幾好，都只能做到錦上添花既效果，佢地都唔能夠"化腐朽為神奇"。而且唔係每個學生都能夠負擔咁多科既補習費，大部分會將d錢/時間黎補必修科(中, 英文)。

所以，如果間學校老師教學質素唔掂，除了少部分天才型學生唔會受影響外，大部分學生既成績都會受到影響。如全校老師都hea黎做，喺dse成績就會全面反映出黎。

好果鄉中校長，可以對老師高d要求，鄉中既成績要上番到都唔難，否則，而家咁既成績，實在對家長難以交代。

我講咁多，都只係比較崇德同鄉中，鄉中只係略差。

如果攞鄉中同屯門區既四大天王比較，鄉中已被全面拋離，屯門區學生人數只有元朗既三分二，但有四大名校，四大天王既入大學人數由120至150人，而鄉中作為元朗唯一既"勁"校入大學人數竟然只有100人左右，非常令人失望。

mamafufu

睇埋鄉中同信義既比較﹕

學校	JUPAS     取錄人數	英文 4+     百分率	中文 4+     百分率	數學 4+     百分率	通識 4+     百分率	物理 4+     百分率	化學 4+     百分率	生物 4+     百分率	經濟 4+     百分率	地理 4+     百分率	中國歷史     4+百分率	世界歷史     4+百分率
鄉議局	106人	61	58	70	62	58	53	51	63	54	29	32
信義	100人	35.4	63.9	53.7	73.8	74.4	78.2	75	66.7	69.6	71.4	56.3

鄉中除英文及數學好過信義外，其餘所有科都比信義差!

(兩科歷史更加差距巨大，但信義既英文科成績比較令人失望)

kilykilyk

mamafufu 發表於 12-12-12 13:12
睇埋鄉中同信義既比較﹕

請問科目下面數字是代表什麼??

mamafufu

kilykilyk 發表於 12-12-12 17:31
請問科目下面數字是代表什麼??

格裏面既數字係表示嗰一科文憑試考生攞四級或以上既百分率(%)。

mamafufu

kilykilyk  請問4級代表幾多分,thx!

---
公開考試，所有科都唔會用一個固定既分數黎評級，每科唔同，同一科每年都唔同，視乎試題深淺，由考試局相關科目既人員評定。

hongkeikei

回復 mamafufu 的帖子

你列出一間地區名校成績的倒退,有詳細的數字作理據和分析,容易令人信服。也顯示了部份名校若不思進取,縱然收到優秀成績的學生,但六年後卻交不出相稱的成績,殊為可惜!

相反,有些學校當初收取的學生質素一般,但經過師生的努力,縱然成績還未如一些名校,但學生的學習能力和成績躍進,是"正増值",這樣的結果更令人覺得讚賞。

kilykilyk

mamafufu 發表於 12-12-12 23:58
kilykilyk  請問4級代表幾多分,thx!

---

實際入大學每科要求大約係幾多等級架??

cindysky

小兒就讀屯門李金小學現是小六生,成績非常差全級145人,小兒考130名,小五下學期分己報
小六上期報分還有一次,還有下學期報分,本人好希望大家幫幫我指教一下本人應點選BAND2-BAND3中學,還有如果現在開始補習追得到成績,那可有機會選間BAND2頭嗎?THX 還有我可幫小兒選什麼中學

BoyzMum

回復 mamafufu 的帖子

非常多謝Mamafufu 對鄉中的分析!我兒有幸入選鄉中所舉辦的傑生選舉四十強，有一張特別的自行報名表，相信入讀機會比較高。但就擔心未必適合小兒，因聽到鄉中的意見都是好傳統，要靠自己等等。
請問元朗屯門區有那些中學的老師是比較用心教學又關心小朋友的身心發展呢? 小兒主要靠上課留心聽書，課餘沒有太多時間溫書，沒有補習亦沒有補充練習。如老師教得唔好，擔心成績會一落千丈!
好快就要報自行兩所中學，但我一間心水都未有，好煩惱！希望大家可以比多D意見，謝謝!

hkangel89

回復 BoyzMum 的帖子

祟德不錯

G.CHAN

請問祟德和陳瑞芝那一間比較好,老師是比較用心教學又關心小朋友的身心發展呢?