ADHD食葯問題...請賜教...(急!)

~仔仔媽咪~

原帖由 77777 於 09-6-25 18:36 發表
係呀, 如果真係幾個小朋友一齊嘈, 真係天下無敵, 佢地會好齊心一齊作反, 何況佢地係有易衝動個d小魔怪, adhd仔真係要一對一會好好多....如果唔係, 都唔知點教好.....我就一個已經law命....你唔叫佢溫書mud都得, 你叫 ...

我咪仲無心機.... 今日我仔原本補習嗰part好好表現架...結果佢又衰收尾...佢地排隊去toilet嗰陣,俾我見到我仔扒响廁門前塊地板度~!我即刻問佢响度做緊乜,佢至驚住咁答話係想偷睇人痾尿囉!我已經即刻捉住佢黎照肺,再拉佢去我朋友面前要佢親口講番佢做咗D乜核突變態事黎,再罰佢企五分鐘...仲諗住我仔會有所警愓啦,,,點知上完音標班,出到黎,我幫我朋友打文件,我仔同我朋友家姐對仔女响廳度畫畫,跟住我又循例走出黎睇佢地做咩啦,,,點知又係俾我見埋下集...我見到個妹妹仔拎住一張手掌咁大既紙,張紙竟然畫咗一個男仔性器官响樹痾尿....我即刻盅咗埋去問,問嗰陣又俾我見到另外一張係畫女仔性器官痾尿...我即刻審我仔問係咪佢畫,我仔又認女仔嗰part係佢畫,....我真係火到爆囉!我即刻要求個妹妹將呢兩幅圖交哂出黎俾我,再教佢地三個話唔可以畫埋D咁既野...之後我又係咁罰仔...罰佢無得買野食,罰佢今晚取消唔去睇transformers,我真係嬲到仲想罰佢多D野...

好無心機囉...唔知人地父母知道後會點諗同有咩feedback...最壞既打算都係以後無得去我朋友度幫我仔補習...呢樣我都願意接受懲罰...但呢鋪真係唔好再因為個仔D行為而令我又失去一個朋友.好無MOOD添...

~仔仔媽咪~

原帖由 77777 於 09-6-25 21:55 發表
我細個時, 都有一個neighbour個媽咪又係話個仔11, 12歲時直情裝人地裙底, 其實我諗佢地係到左呢個年齡, 可能對性有好奇.....愈唔知的野係愈想知law....

我之前同一個媽咪傾計, 我地小學的課程常識根本係會教架.... ...

頭先都有同老公講番,佢都有提醒我呢樣野,我至開始無咁覺我仔係零舍變態咋...不過真係要教囉...依家仲諗緊應該點教...頭先我都係咁反問番我仔呢類問題,要佢自己去諗去親口答番我,同你一樣,我都係同佢講要佢識得尊重自己尊重人地,同埋呢D玩意係一D都唔好玩囉!佢咁樣做又係會俾警察拉,人地會好討厭佢...暫時我仔懶係明咁,聽日我會再捉住佢黎傾,希望佢真係明白又真係唔會再咁做啦.

~仔仔媽咪~

原帖由 77777 於 09-6-25 22:45 發表
係呀, 查實真係要好好地咁同佢傾下, 同埋, 我知我仔來緊都可能會讀倒呢d, 要同佢溫書真係都幾embarrase架, 不過, 我諗我都係好公式化咁同佢講, 可能又會叫老公講下, 我都要上網check下其實我可以點講先係最適合....
...

睇下點啦...我都係同佢傾偈咁講咋...至緊要個仔唔好俾我未夠四十就做人奶奶嫲嫲...

我仔個班主任今日打咗電話黎,我仔下月九號會派成績表同買新書...唔知成績點呢...同埋呢次D書簿費真係勁貴,淨係買上學期既書加簿,都要成九百九十幾蚊...仲要買暑期作業...真係好窮囉!

同埋上次可能我响學校喊得勁...嚇窒全校老師...今日班主任都問我個仔呢排點...我都係話諗住呢個暑假同佢訓練情緒...同埋最好笑係,班主任話我仔個老友記,一無得番學,日日就响度同亞媽呻話掛住我仔同想見我仔...都話佢地基基架啦...!!! 兩個都係咁.

zater

考完喇, 阿女話好淺, 唔知掂唔掂呢...

~仔仔媽咪~

原帖由 77777 於 09-6-27 10:11 發表
我昨日個回應又唔見左, 唔知做mud鬼, 我上兩日上網想搵有關網站, 后來無啦啦唔見左條網址bar, click來click去都唔得, 后來再用還原都唔得先知部機中毒, 要入鬼過晒d野....

跟住我上來打左d野又唔見晒, 唔知係bk定我 ...

應該係bk問題喇...早前我都係唔見哂我d回應...過咗幾日至無事咋.

今日同個仔去海洋公園...因為我有畏高,所以今日都叫咗我大佬陪我仔去玩機動遊戲...不過真係一肚氣囉!我大佬又失常...!一朝早搭車去海洋公園,响車度原本大家開開心心咁吹水傾下閒偈,點知一講到早幾日有舊同事打黎問我番唔番黎做秘書...我大佬又借題發揮將幻想當為事實咁同我拗,呢d我好知佢特性,我都慣都算,但之後佢唔知係咪見呢樣唔夠我講,走黎全日講埋d野教壞細路囉!我仔話想買野食,我地嫌貴,叫個仔等離開時响出面買黎食...我大佬就同我仔講:"你叫你媽每日俾兩蚊你儲,一個月已經有六十蚊,咁到時你想買乜都得啦,駛鬼理亞媽!" 我聽完真係好想爆粗...咁我教仔方針係唔會咁早俾零用錢個仔keep,你就响樹懶係講笑咁同我仔講要問我攞零用錢,仲話有錢可以唔駛理亞媽?跟住行多兩行,我地又傾開我仔平日星期日係無得追超人卡通,星期一至五溫書...跟住我大佬又黎癲,又同我仔講:"你亞媽細個都無咁勤力讀書啦~~~呵!"佢老板吖...咁係咪即是叫我仔唔需要聽我話去勤力讀書?跟住佢仲講咗好多呢類說話,跟住我都忍唔住又懶係講笑咁同番我大佬講:"你咁教壞細路,第時我仔入黑社會咪搵你算帳囉!"真係好火...佢未結婚未有細路,唔係同我住,佢唔識教我仔,都唔好搞亂我教仔囉!

下次真係寧願我走去克服畏高,自己同個仔去玩機動遊戲,都唔會再叫呢個舅父黎教壞個外甥!應真救命!!!

~仔仔媽咪~

原帖由 zater 於 09-6-27 12:06 發表
考完喇, 阿女話好淺, 唔知掂唔掂呢...

順其自然啦~~~至緊要囡囡有比心機考好個試,如果佢話好淺,咁應該無問題既~~~!!!

~仔仔媽咪~

原帖由 77777 於 09-6-27 22:11 發表
您個大佬真係比佢激C, 您都少D同佢出去好過, 教到您個仔唔駛聽阿媽話, 雖然佢講笑, 不過D小朋友實係聽對佢鬆個D說話, 到時又係您執手尾, 我C6個邊都係架...有時D男人好似D細路仔, 懶係講笑, 佢根本係貪玩, 又唔知個 ...

我老公今日都有跟埋黎架!我隻佬又係全程唔出聲,同埋之前我大佬响巴士度無啦啦借題發揮講我番工D野...莫講話我隻佬啦,我都無咁好氣,我大佬又係嗰D將自己既幻想當為事實既人黎,都講咗我唔係,佢死都話我係...咁都無野好講啦...成車人都聽住我兩兄妹响樹爭論...我都覺得肉酸囉!佢又吹得就吹,前言不對後語,佢話我依家唔番工係逃避緊公司既人事問題喎,我就覺得我人事關係唔差囉,如果係好似佢咁講我係處理得咁有問題時,我諗呢次我個舊同事唔會專登搵我問我番唔番黎做(因為有空缺,佢想我番黎做),咁我亦唔會stay到一份工咁耐囉!我咁講完佢仲係要堅持話我係逃避,仲話佢已經睇咗我十年啦,話我一事無成,叫我卅歲人唔好再發夢諗創業啦!我即刻gut佢,我呢十年,頭嗰五年同老公開舖做生意,中間幫補下間舖,我出去做兼職同全職,咁嗰時係一心想搞好間舖,緊係出面打工唔會打算做長架啦.始終都要番舖頭幫手,之後個仔又咁多問題,事問我如果真係唔想番工既,都唔會成日守唔到寡,成日搵工番啦...佢仲响樹話我,我即刻叫佢問下身邊有特殊小朋友既媽咪,有邊個可以番到長工又可以睇仔???我大佬至無聲出囉!我話好似教會嗰位太太咁,佢本身學历都好高,但個仔係嚴重自閉加智障既,佢咪又係呢廿年都無工番,咁係咪代表佢係逃避公司人事問題而唔想番工呢?有時同我大佬講句野都好疲倦,佢講野又一時一樣,又係吹得就吹,好即興咁吹走黎話人,我同佢講,有好多野唔好淨係睇表面囉!你唔係我,我quit一份工唔會單單一個原因囉!我直頭叫佢唔好將佢所諗當為事實咁講咁話人(查實rude D講句,唔好將自己幻想當為事實黎話人囉!)...我話每個人志向唔同,佢覺得佢打一世工,每月有四萬蚊已經好滿足,但我係想自己創業自己做,唔見得係錯囉!再者,我一直都有增值自己,同埋不斷去搵自己可以做D乜行業,咁都叫做逃避,咁真係無野好講囉.

之後俾我講到佢無聲出,走黎係咁全日同我仔講埋呢D反面教材,講真,我個心係好覺得佢似係同我鬥氣想報仇,搞禍我教仔方針囉!講真,佢卅幾歲人又知我仔有咁多問題既,試問又點會立亂講埋D咁既野黎教壞細路,今日佢咁反常,我真係覺得好火...你唔識教我仔,唔好教壞我仔囉.

~仔仔媽咪~

原帖由 ~仔仔媽咪~ 於 09-6-27 22:35 發表


我老公今日都有跟埋黎架!我隻佬又係全程唔出聲,同埋之前我大佬响巴士度無啦啦借題發揮講我番工D野...莫講話我隻佬啦,我都無咁好氣,我大佬又係嗰D將自己既幻想當為事實既人黎,都講咗我唔係,佢死都話我係...咁都無野 ...

同埋都係架!你話你妹教你仔上網,我都會覺得唔好...咁講真我地上開網既都知網上世界D人幾咁複雜架啦...況且電腦上網呢D野,小朋友大個仔D自然會識,唔駛大人/父母'介紹'佢地咁早去玩囉!好似我朋友咁,個仔九歲已經有MSN又有facebook,我都O哂咀,同埋我朋友自己都頭痛緊個仔呢樣問題,因為個仔真係好沉迷...我覺得明知上網佢地會好容易學壞既,又做乜咁刻意教佢地上網?我覺得唔好自找麻煩囉.

~仔仔媽咪~

原帖由 77777 於 09-6-27 23:23 發表
您個大佬又係諗自己個套就係個實際情形, 其實就算佢有小朋友都好, 每個小朋友的性格都唔同, 實情只有對得佢最多的人, 重要長時期去觀察先會明....同埋又會好CARE佢的人, 先會作出倒最正確的做法.....

您阿哥可能係 ...

講真我咁工作狂,我有時間實會揀番工囉!但無奈我仔呢兩年咁多問題,係越黎越多,始終佢都長大緊,我D時間又係俾個仔鎖死哂...試問有邊份工可以俾我番下又放長假教仔,上畫番下畫走黎番屋企湊仔先得架!咁我都係見有咁既情況,我又唔能夠一個腦去煩工作上既野同時又要煩個仔既問題,咁我至忍痛quit份工唔做,之後我都有搵工,但真係D時間就唔到我湊仔囉!好似我前年仲番緊工時,連暑假都無得陪個仔教個仔讀書同德育上既野,日日都要一朝早湊個仔去外家度,個仔一個咁寶貴既暑假就咁浪費哂...結果小二嗰年咪LAI哂野囉!但我又知我又忍唔到唔做野...咁我至一心想睇下可唔可以創業,等我時間彈性D,自己都有得揀嘛...之前我都有諗做網店,但真係唔知賣乜好,結果都告吹,依家我都係試緊我可吾可以教小朋友音標黎搵食,睇下我又同時可唔可以教小學英文(補習),呢D都要時間去試去練囉...但如果真係教得到,實情我都叫做有份工做同有收入囉...就係依家試緊...

有時我真係好氣我大佬做乜唔理解我呢個妹係特質係點有咩諗法,我做到仆心仆命又做好自己,但偏偏最睇唔到我成績既又係我呢個大佬...我外家仲要個個勢利(全部有錢人家),有好多時佢响班親戚面前,講到佢幾咁鍚我幾咁偉大,又肯嘔錢俾我仔做咗一年私家治療...係呀,我呢方面都好感激佢,但轉個頭佢又係言語間講到我好廢好似敗家咁,响一面前佢似乎無私付出咁,但轉個頭俾我個訊號好似係要我還俾佢,好似今日我話個仔可能可以申請到政府既傷殘津貼,我話識有人申請咗,社署仲俾番之前嗰半年治療費用俾佢,跟住我大佬好似慌死我唔會益佢咁,好快咁講到佢之前俾嗰D治療費用話可能有得claims,講到好似慌死我唔會俾番佢咁...我覺得一啖砂糖一啖屎囉!我响外家抬唔起頭做人都多得佢.

我唔知佢咩心態架...有時我會認同佢做嗰D野係鍚我同個仔,但係有時好似呢次情況咁,我覺得佢好似想踩低我咁...所以我都好矛盾架~!

咁我依家又無嬲,不過係真係唔鐘意佢咁同我仔講埋呢D野囉...所以學似你咁講,我暫時都唔會俾佢成日見我仔...費時又搞衰我仔...我有排執...

~仔仔媽咪~

原帖由 77777 於 09-6-28 06:52 發表
好明您講mud law, 事實我地而家係無mud理由唔去睇住阿仔先, 一過左呢段時間真係無得返轉頭架....

補習其實係好好law, 一方面自己的時間可以鬆d, 二來睇倒個小朋友進步會有好大滿足感....三來, 當然係可以鬆動d啦... ...

查實做補習都係暫時有咁既諗法啫,,,始終依家暫時我都係响朋友嗰度實習下試下自己做唔做得黎,自己做順咗自然會action架啦,可能到時我又唔係做補習呢,,,可能做其他自僱形式既野,依家都係摸索階段囉.

咁講真,呢度都有好多媽咪為咗照顧小朋友而番唔到工,都係從做生意呢個方向去諗去搵錢架啦,咁講真,如果我地係可以有咁多時間同精神可以集中咁去番工,講真呢度所有媽咪都會諗出去打工先,而唔係周圍去搵D可以兼顧到教小朋友時間既工作囉.

有時D男人真係淨係諗表面,頭腦簡單,佢地講就容易,但佢地唔係切身處地做我地呢個位置,真係唔會明我地點解咁做同咁樣plan囉...好似我都同我大佬講,佢自己無家庭無小朋友無負擔,佢咁自由,佢覺得自己一個月搵四萬打人份工已經係perfect既,咁佢咪繼續做囉,咁佢係做到,無話打工打一世唔好囉.但同時我呢D無自由,全日都要24小時ready去教仔去處理個仔D問題既亞媽,出唔到黎打份全職,但屋企經濟唔好,又會諗日後將來點搵兩餐既,去計劃自己做生意養家,亦唔見得係不設實際囉!講真幾多做生意叻既人,都係卅幾四十歲至開始做生意又搵到食,我唔會覺得自己一定成功,但試都唔試,就咁白坐等運到(有工請我呢個時間咁唔穩定既師奶)係唔得架囉.我大佬就係諗野唔識放遠少少,淨係諗依家同只係睇好表面,仲要諗野唔識去變通下...搞到我都有少少覺得佢係autism黎...所以都唔期望佢會有咩改變,學似佢咁話我逃避,我唔係逃避出面D人事問題囉,我諗我係要逃避既係逃避佢呢個人多D囉...同佢講多句都大壓力同疲倦...正如我老友所言,我大佬輔導人,人地開心都變灰,人地已經灰,俾佢咁樣一講,仲會更加灰...

查實我係唔鐘意俾人干涉我生活同做事方式既人黎,呢樣係我比較固執既野,咁講真,我自己清楚自己做乜囉,就算自己LAI野都係我自己對自己負責,你走黎批判我既野,仲要係知少少就黎扮代表黎話我,我覺得我無必要要受你規管囉!講真大家都係成年人,又唔係細路...我知我大佬都鍚我,但有時佢踩到好過,我覺得唔好囉.好似呢次佢咁發表偉論,又話已經睇咗我十年喇,仲未見到我有成績出黎,我嗰刻第一時間諗到既,我做咩要做出成績出黎俾人睇俾你睇,我成功與否,都只係我自己既事黎,再者我做任何事唔係做騷囉!駛咩要做俾人睇話俾人地知我有幾成功咁呢?呢下我真係幾覺得我大佬好小朋友囉.好似小朋友想俾亞媽認同同讚佢叻仔,所以專登做乖等人讚,而唔係為咗自己有學識而讀書或者為咗自己人格好而去守規矩囉.

好似有次我睇志雲飯局訪問黃秋生咁,佢話佢細個好曳,淨係讀小學都俾好多間學校踢佢出黎,踢到一個地步係間間學校都唔肯收佢,結果佢媽為咗佢周圍求學校收個仔,求到最後佢明明唔係有特殊問題都求咗間特殊學校收佢做學生...嗰刻,因為佢仲係細個,所以亞媽咁為佢,,,但到咗秋生成年人廿幾歲時,佢開始生性,佢同自己講,廿一歲之前自己做錯咩事,都仲可以賴屋企人同父母俾唔到最好既野俾佢,但廿一歲之後,自己前面條路係點,係成功定失敗,呢D唔再係父母既責任黎,自己廿一歲之後,自己做咩都要諗清諗楚,要對自己所做既要負全責囉!已經唔再關任何人事,呢樣佢真係講得好好囉.

~仔仔媽咪~

原帖由 77777 於 09-6-29 21:54 發表
我好明白您話"疲倦"同埋愈講愈唔開心 ...... 其實, 您大佬成日幫您查主義點做先最好, 佢心埋面可能真係想保護您, 不過佢用錯晒d方法, 但如果佢話睇您十年都無成績就好衰, 好多人係三十四十歲, 有 ...

你完全講哂我諗法,我係好知佢好保護我架,不過佢真係成日將自己嗰套擺落人地度講同諗野囉...!嗰下先難頂,講咗話唔係,佢都話要係,咁叫人點同佢溝通?莫講話聽唔聽佢講啦!

我朋友都曾經同我大佬MSN傾過我同我仔D問題架,個朋友咪就係依家免費同我仔補習嗰位囉,佢嗰時都係一心想我大佬明我諗法同埋處境,同埋都想俾我大佬知我仔依家係有咩問題存在需要及時處理囉...點知我呢個朋友同我大佬傾咗一晚MSN已經嗌哂救命,佢都頂我大佬唔順...我朋友係咁同佢理論,我大佬唔夠我朋友講(擺明我大佬吹水吹到無哂point支持自己啦),跟住我大佬無啦啦搬埋我有咗BB至結婚呢件事嚟講,講到好似好大單野咁...我朋友都無言囉!我朋友都話唔知我大佬講黎做乜...咁同我仔D問題有何關連呢...之後都有傾架...但最終我朋友都投哂降囉!今日我都有同番我呢個朋友講我大佬星期六講咗D咩,我朋友當堂暈低...!

我大佬呢...佢唔發作時真係可以好OK,同到我傾到偈架...但一發作,佢嗰D神化野真係會激到人地好火...次次我忍佢忍到要出聲同佢鬥大聲回佢咀,仲要好似冷戰咁唔睬佢一排,佢又係知LAI野咁,即刻回復正常,,,跟住又對我好好地一排,我又無野時,,,佢又會再發作... 嗰下俾着任何人要成日重複受埋呢D野,係人都會金屬疲勞囉!對着呢D人真係壓力好大!

我大佬無人可以講得郁佢架喇!由細到大佢都係咁有主見,連我父母都賣佢怕,依家我媽咪成日同我呻話我大佬咁既性格真係好難搵到個頂得佢順既人做佢老婆囉...但無計...佢一日唔改下呢個問題,睇怕都無咩人頂得佢順囉.

[ 本帖最後由 ~仔仔媽咪~ 於 09-6-30 01:35 編輯 ]

~仔仔媽咪~

原帖由 77777 於 09-6-30 07:58 發表
聽完您講, 您大佬真係好過份, 連d無必要講的野都講埋出來, 佢做mud鬼, 比我都會好嬲law, 可能閙左佢好耐啦.......

不過, 有時一d人好stubborn, 佢係永遠自己都唔會覺得架, 同埋可能您大佬覺得佢係您阿哥, 所以可以c ...

佢呢次既偉論講咗句:"XXX(我中文全名),你都卅幾歲人就唔好發夢啦!仲話要自己做(做生意)!"我係好介意佢呢一句囉!正如我之前所言,你鐘意打死一世工係你既事,我無權論斷或者批評、干涉,但同樣我唔打算打死一世工係諗住做生意既,佢都無權干涉我或者講埋D咁既野囉!仲要係之後佢仲要叠件豬頭骨又話:'你得中五程度咋...會考得嗰四科合格你唔算係中五畢業囉!你咪發夢啦!"跟住我話我唔打工,想做生意,我話佢當年都係嫌做銀行客戶主任仔悶同埋唔妥個上司而辭職囉!之後佢自己鐘意電腦咪入IT呢行做,跟住佢又講:"咁我大學畢業,我有得揀,你讀到中五,你無料可以去揀搵咩工做囉!"

佢咁講,咁出面D生意人咪好笨囉?佢地有好多個都係卅幾歲至開始學人做生意囉!李超人嗰D又係大陸游水過黎,廣東話都講唔正,仲要人地小學程度,連中學都未讀過,人地咪又係靠努力靠自己去養活自己同屋企人!唔係淨係得我,卅歲頭又中五程度咁'老'咁'遲'咁低學历走黎諗做生意囉.

今次同佢嘈得咁行都係皆因佢講埋D咁既野,仲要响巴士咁大大聲咁講,慌死無人知我之前做過幾多份工,俾佢老吹話D工都係我俾人炒OR人事問題所以我唔撈...佢要人地覺得佢好仔,我又何嘗唔想人地覺得我係地底泥!正如你所講,佢有尊重到我既,我諗我都好難會咁好火又WEA爛塊面同佢拗囉!

查實之後夜晚佢又好似有品番咁架...打番電話黎問我關於佢部電話send唔send到SMS既問題,佢勁好禮貌架!我答完佢之後,佢咪好polite講咗句:"唔該哂~~~"咁囉!你話,對住我哥係咪真係一啖砂糖一啖C!我完全真係覺得佢有自閉問題...依家講到呢度,我覺得我對住佢同對住我仔係無咩分別...

[ 本帖最後由 ~仔仔媽咪~ 於 09-6-30 11:01 編輯 ]

~仔仔媽咪~

原帖由 77777 於 09-6-30 12:30 發表
您唔好再理佢, 采佢啦, 佢就算係大學畢業都唔可以咁樣話人LAW.....您阿哥個問題係太得閒, 無聊, 無野做, 無野諗, 因佢自己無家庭....無小朋友....所以佢好辛苦搵倒D野做....

呢個世界係有好多呢D人, 好鬼鍾意去CONT ...

我之前都叫佢快D幫我仔搵個舅母番黎啦,佢呢樣又唔知係咪有自知之明,佢答我話唔好喇,話費時害咗人喎!

查實我同大佬都幾得意,我追求既係有成功既事業有成就,但偏偏我有既係家庭,我覺得我大佬都渴望有自己既家庭,可以成家立室,但偏偏佢有既係事業...我有時都同佢講,如果我地可以調轉,你話幾好呢...!!

今日教哂頭一part既音標,今晚同聽日又要整新一個chapter既音標教材...一諗起就驚....!!!有排scan同整...!!!

噚晚都有同老公傾過,我都諗住如果教得成音標,之後自己真係正式做既話,我諗我都係集中都係教有特殊問題既小朋友,始終我地呢班小朋友真係好難讀好書,同埋有D好似我仔咁款既,出面既補習班又哽佢地唔落囉...我諗住如果自己做既話,我會平平地咁教佢地...再者,我地呢類小朋友真係比較單純D,如果叫我去教出面嗰D正常小朋友,我諗我實嘔血都似...咁惡咁曳又咁古惑...

~仔仔媽咪~

原帖由 77777 於 09-6-30 18:56 發表
下次佢一亂咁話您, 一於叫佢娶老婆啦....

查實有好多ADHD的小朋友都係好有性格, 好鬼難教, 唔係真係好單純個隻架, 有時都幾惡教架, 特別係D唔聽話個隻, 都好嘔血, 好多係D阿媽教唔惦, 想搵人幫下手.....不 ...

就係好知佢地唔係專登曳,只係因為個病搞到佢地做埋D古怪野或者多咀多手腳,所以我至覺得仲好教...出面嗰D未必係嘛,真係一心去曳去搞到人地唔開心,嗰D至難搞囉...同埋我覺得我地呢班仔最搞笑就係好容易有痛腳俾人捉囉!呢下最好教!!!嘿嘿~~!!!你一捉到佢地痛腳,佢地當堂乖哂!!!

好似噚日我朋友個仔咁...我都預咗佢呢堂會衰俾我睇,點知真係,又係失哂控口多多把口唔識收,何止'超'我呀,仲係咁一輪咀好寸咁話不如唔駛上堂去玩啦!跟住我教緊個仔音標拼讀,佢又响我隔離多多手腳引我注意,見我無望佢,佢硬係都要話做咩我望佢呀咁,之後我又係咁教訓佢,佢唔正經去讀嗰D字,我係都要佢重複又重複咁讀同一個字,讀到佢正經番我至收貨...查實如果比着出面班仔,邊會理我又曳得黎又咁乖又係咁重複讀俾我搵佢笨先得架~~~ 跟住之後佢走黎MIT張椅D膠紙,搞到一地都係,我即係懶係大反應咁指住佢黎話佢MIT張椅,我話會話俾我朋友知,佢又即刻好驚話唔好 跟住佢自動自覺同我講數,問我係咪佢即刻乖番,咁我就唔話俾我朋友知,我話你講唔算數,做到先算...跟住佢都有試過忍口又忍手,不過唔耐之嘛...跟住又黎料,我話多佢幾次,佢又發我脾氣玩唔出聲唔肯讀D字,我即刻掹佢叫佢過隔離房同BB上BB班,佢即刻知驚,同我合作番... 雖則佢响一個鐘零卅分鐘裡面係咁作反口多多手多多又挑戰我,但真係好知佢都係因為無食葯又因為個病係控制唔到自己既,我都接受到囉...不過又係真係教完佢之後,我即刻無電...mouth:" /> mouth:" /> mouth:" />

我地班仔隻隻仔都唔同style,真係要好用心去度去搵多D方法黎教佢地&對付佢地囉....同埋我自從教其他小朋友音標後,我發現教小朋友最首要既係,千祈唔好俾個心覺得個小朋友係曳囉!否則真係會教得好辛苦同好唔情願架!反而你知道佢嗰D行為非出至他意,我反而會更有心機諗多D計仔去教佢地同埋對付佢地,好似我朋友個仔咁,真係要軟硬兼施囉,我仔一叫就聽,另一個小朋友就要好耐心地去教,因為好知佢已經好努力好俾心機去發音(佢本身發音有問題,有部份音佢係分唔到甚至聽唔真囉).

可能我仔本身都係有問題既小朋友,還掂都教開,我當自己學下野又順住個條路黎行,我諗對我自己都有得着既.

[ 本帖最後由 ~仔仔媽咪~ 於 09-6-30 22:39 編輯 ]

~仔仔媽咪~

原帖由 77777 於 09-7-1 00:04 發表
您真係好有心機, 比著我已經七孔嘖煙啦, 所以我成日比個仔激到咋咋跳.....我同佢問老師話可以用鉛筆做本暑期作業, 佢係C唔肯, 比我打鬼佢佢都唔肯, 后來終於出動婆婆, 婆婆係問佢可唔可以保証完全無錯唔駛用塗改帶咋 ...

查實對住呢班友仔真係要度身訂造咁諗方法囉...我都係跟我朋友學野,由我去佢前老細嗰度睇佢地同我仔做訓練,我已經一路係咁學同研究...講真以前我都真係打仔既亞媽黎,係去到佢地度,個治療師叫我唔駛打,話我仔係講道理既,我至唔再打仔咋...咁我朋友都會惡架!應惡咪惡囉!但又唔會出真火,同埋有時未必下下鬧,對付我仔成日呢頭叫嗰頭繼續亂黎既人仔,我朋友咁用激漲法囉,順便train埋我仔D脾氣,好似今日咁,都有鬧但之後我朋友似係玩咁gut到我仔無聲出唔敢發脾氣,跟住又會俾定個規矩佢知,如果佢亂寫一隻字,我朋友係會將佢之前寫啱咗嗰D字擦哂(同一行嗰D)要佢再重新寫過,咁我仔咪俾我朋友食鬼住咗囉...我都忍唔住笑到肚痛...基本上我朋友都係ADHD黎,我仔完全遇到勁敵,上得山多終遇虎,遇着過比佢曳十倍既MISS教佢~~~!!!


好似今日咁,我朋友係咁話我仔D筆序錯,係咁擦走佢D字,我仔已經有D火,,,跟住我仔又遊魂又八卦,跟住我朋友咪話:"媽咪你都係唔好催佢快D寫(字)喇,咪等佢寫唔完就過隔離BB班度叫D幼稚園小朋友教佢寫字囉!人地寫字好叻架!..."跟住我仔仲火....但又死忍唔發(因為佢知佢發咗,我地實叫佢做BB),,,跟住我朋友直頭邊拍手邊打拍子好似嗌口號咁講:"唔好做啦!(見到我仔開始有扭計聲洩咗出黎)發脾氣呀!唔好寫囉!...掟筆!掟筆!掟筆!!!發脾氣!發脾氣!發脾氣啦!我至鐘意見到你發脾氣架啦!!哈哈!!!" 你話我朋友係咪過度活躍黎!可以曳成咁!!!但呢招曳招真係完全食住我仔,我仔死忍唔敢發D脾氣出黎,仲好好寫好D字佢!!!你話C未!!!我淨係响我朋友隔離都笑到唔識郁!!!


同埋我仔成日遊魂,我朋友一昅到我仔遊魂即刻好大聲咁嚇醒佢又問佢:"你呢次係游蛙式,自由式定狗仔式呀?你游咗出公海未呀~~~~早晨(大聲)!!!!起身喇!唔好瞓喇~~~BB~~!"總之見住我朋友仲有大把'貨'(招數)仲未駛哂出黎...我都好服佢!!!一個字:"掂!!!"

[ 本帖最後由 ~仔仔媽咪~ 於 09-7-1 04:47 編輯 ]

~仔仔媽咪~

原帖由 77777 於 09-7-1 21:56 發表
我今朝同阿仔講如果佢寫邊個字唔靚, 我同佢擦晒d靚的叫佢寫過, 佢o晒嘴, 您個朋友真係好鬼曳....笑鬼c我....真你佢先諗倒.....

我今日同個仔睇左變形金剛啦, 發覺佢而家鍾意睇個d都係打倒飛起, 佢話好好睇, 不過,  ...

查實真係要睇咩小朋友用咩方法教架!我見我朋友對每個小朋友既態度都會唔同,佢真係天生識得點對小朋友咁,見佢咁靈活又搞掂哂班小朋友,我呢個亞媽都真係自愧不如(我朋友仲未有自己小朋友架...)~!同埋嗰時佢响佢前老細度做,查實好睇到間診所大多既家長都係因為有佢而stay响度繼續俾仔女做訓練,我朋友一走咗,嗰間診所D客都少咗好多...佢前老細都有幾次想氹佢番黎做,佢都有試過番去做一年,但之後佢覺得開始學唔到D咩新野,所以至quit咗份工,試下自己落手落腳去做同埋出面進修囉.

我仔又係鐘意transformers,不過我同我老公都幾鐘意套戲喎~ 可能我同老公都係過度活躍黎,一見到班robot堆埋一堆打交,我地都睇得好興奮~~~都係睇特技囉,不過我同老公就唔多鐘意呢套戲有太多成人情節同對話...查實唔駛講呢D野套戲都已經好得啦...我諗可能係美國風氣係咁卦...

我仔放咗咁耐假我都未曾帶佢去圖書館添!無計...淨係星期一至四日日係咁去我朋友度俾我仔補習加我日日教音標,我同我仔去到星期五已經謝咗!不過聽你咁講,我都試下的起心肝星期五六帶囝囝去圖書館刨書先.

~仔仔媽咪~

原帖由 77777 於 09-7-2 10:41 發表
我都覺得佢太多成人情節, 查實實有好多小朋友睇架ma, 有咁多成人情節教壞晒, 同埋我地d阿媽帶佢地去睇都好embarrased....不過睇睇下又無得走....

今朝個仔食完一塊中式簿餅, 佢話又要再食第二塊, 咁我同佢講等一陣 ...

我仔又係勁鐘意食野..所以有時响呢樣野都可以要黎食住我仔,叫佢做好D野.

不過唔知係咪呢幾日我俾佢睇VCD(卡通綠野仙踪),佢個友仔開始遊魂失魂...睇黎我都要禁一禁佢睇卡通...費時前功盡廢.

~仔仔媽咪~

原帖由 77777 於 09-7-2 21:27 發表
其實郁動的畫面有時係會令佢更遊魂失魂, 不過我有時都會比佢睇, 有D卡通係學英文成語之類, 我通常比佢睇係有目的 .....不過有D訓練LISTENING係幾好架.....

我個仔比我帶左去圖書館, 佢又開始睇 ...

你仔都好吖....都好肯睇書,至少都有樣野係有益架~~~~我隻仔就唔係,成個心都係諗玩玩玩同埋玩....太過超離現實喇...係呢期唔俾佢玩玩具,佢至睇番多少少書咋..

依家我整緊一份file係要黎俾下年教我仔既新班主任同老師,裡面寫哂我仔D特徵出黎,我又一個個point咁列哂出黎如果我仔發癲時,老師可以用D咩方法應付...同埋講定一開始應該要點同我仔相處.希望下年D班主任同老師都OK啦...咪再俾我遇到D咩情緒病燥狂症又鐘意針對學生家長既老師呀....

zater

轉校失敗左呀

我想問下你地當日為仔仔做評估係o係邊度做架?  係咪做全面性評估?  

~仔仔媽咪~

原帖由 zater 於 09-7-4 18:00 發表

轉校失敗左呀

我想問下你地當日為仔仔做評估係o係邊度做架?  係咪做全面性評估?  

唔緊要啦,下次再黎過~!我仔之前考學校都failed咗呀..我都係讀番依家呢間,再觀察過.

我仔都係响政府度做評估,都係全面性評估黎既,之後响私家度做多次評估,收費大概九百幾至一千蚊左右,算係平過協康會好多...