各位特殊障礙小朋友既媽咪,開學順利嘛?

~仔仔媽咪~

原帖由 zater 於 09-9-24 18:46 發表


肯努力係會有回報 ge, 我阿囡開始體會到喇, 呢期佢自己都好 happy

下星期佢好忙, 有中默, 中文單元小測同數學小測, 希望佢可以 keep 住呢個心態去應付喇 ...

係啦!至緊要佢自己都有滿足感!俾多D成功感佢,相信佢响學習上既問題都會好快解決.講真佢真係唔差架!至少我教咗佢幾個月,佢學成點同埋係咩態度去學習,我係好睇得到,至少相比番我仔同另外學音標嗰位小朋友,我仲容易睇到個分別.所以媽媽都要加油!要多鼓勵佢同讚賞佢!

珀珀,慧慧媽

原帖由 ~仔仔媽咪~ 於 09-9-24 16:16 發表


查實都好睇小朋友既進度去到邊,我地至有得教囉,嗰時我仔淨係認good morning、good afternoon同埋good night,用咗兩個幾鐘時間教佢,再問番佢,佢何止串唔到又讀唔到,連俾番D字佢睇,佢都認唔番嗰堆字,嗰時我都教到好 ...

多謝妳的鼓勵,其實在默書方面的分數我已唔在乎了,不過只係希望不要0分就得~~
我個囡琴日收到中默了,得劣呀
其實我知她已好比心機去默了,因好生字方面只錯了兩個,但係句字就因為寫錯地方而要再寫過寫唔晒漏了一半,而段落就最差了,因時常都默漏字(起碼有一半係默漏的)
其實我都覺呀囡係有進步的,不過我覺得最辛苦係她不能專心及唔理會時間,好似琴日那樣,放學後做完治療返家已6:30了,返到家都唔會第一時間做功課,仲要去睇課外書至我要叫要先會去做,真係完全
做功課時每每都要做一題後又要叫先做下一題,都唔知她幾時先可以自動自覺了,真有d氣餒.....

~仔仔媽咪~

原帖由 珀珀,慧慧媽 於 09-9-25 08:26 發表

多謝妳的鼓勵,其實在默書方面的分數我已唔在乎了,不過只係希望不要0分就得~~
我個囡琴日收到中默了,得劣呀
其實我知她已好比心機去默了,因好生字方面只錯了兩個,但係句字就因為寫錯地方而要再寫過 ...

查實又好難要小朋友會自動自覺去做功課同溫書既,尤其我地呢班小朋友,本身又成日响學習、讀書方面成日遇到挫敗,再加上佢地又有專注力甚至學障問題,對於佢地黎講,做功課讀書永遠都係最辛苦既事,^^比着我係佢地,梗係博哂大霧,亞媽唔提唔講緊係唔會去做去掂功課啦~~

再加上我地真係要俾番一個target佢地,嗰個target係佢地自己不嬲好想要(當然去玩或者佢鐘意既娛樂啦),佢地一有個target想達到,自然會肯做.

同埋我自己本身都係次次都用好堅定又清楚既指令形式,去要求我仔做事,查實又唔係話唔好既,好似我仔呢類ADHD,佢地就係欠缺條理欠缺生活同做事規律,佢地唔識要求自己亦唔識得去PLAN,思維又24小時都咁亂,所以我地就係要好清楚地同佢地溝通同命令佢地,千祈唔好俾佢地講數,媽媽聽係一回事,但唔代表我會停止要求佢做既事,呢方面就好考媽媽既EQ同演技,千祈咪俾佢地FEEL到媽咪猶豫緊同諗緊佢地既'講數'說話,但同時亦要思考番佢地提出既'道理',作出調整.

~仔仔媽咪~

原帖由 77777 於 09-9-25 14:54 發表
微波爐真係唔多好, 最好就係唔食, 我都比較少用, 有時會好間中叮點心, 不過叮出來唔多好食又無益...... 我有個舊同事佢初時帶飯食, 無為意微波爐唔好, 點知個胃出事, 好痛, 而家佢一食返微波爐就即痛架.....佢成日同 ...

我都有諗過自己煮飯俾我老豆食,不過我老豆又係好yim gim既人黎,佢覺得唔好食就唔願食,同埋如果淨係蒸同烚,我又真係唔叻煮餸,又真係諗唔到D咩菜式係可以好好味.同埋最弊就係我本身經濟唔好,如果日日過海番外家又要買多餐餸,我又真係無咁既錢去做呢件事,我仲要湊埋個仔,呢下我都唔太有信心我可以做到.依家都係研究緊有咩更好既方法可以做.

~仔仔媽咪~

原帖由 77777 於 09-9-25 21:47 發表
其實煮清清淡淡又要好好味, 真係唔易, 同埋佢就算住得近, 如果要兩頭"po", 您又有一頭家, 真係唔易, 何況係遠呢?  好明的....

我見倒呢個link係白酷浸生蒜頭, 唔知有無用, 不過, 您睇下會唔會試下, 希望您爸爸快d好 ...

多謝您理解同幫助~!

不過我老豆就係勁驚食蒜頭既人黎,查實我老豆係乜防癌既蔬果都係咁啱好唔鐘意食亦好怕食,冬菇又係驚到次次都夾哂俾我食,佢唔食;炒菜又係嚴禁我落蒜,一落咗佢又係全碟唔食,連蒜蓉都唔得.所以呢下都勁頭痛...我由細到大,不論我媽、我嫲嫲、历任工人,個個有試過煮飯俾我老豆食既人都俾我老豆詐過哂型甚至話唔食,結果個個都煮飯煮得好唔開心,連我姑姐(即係我老豆個妹)都忍唔住鬧爆我老豆,話:"人地為咗煮一餐令你滿意既飯,已經連烹飪書都睇咗好多本,又跟足D書教咁去煮,你都話唔滿意話難食,咁你想人地點煮你至滿意呢? 我媽已經係烹飪高手,連魚翅都識煮,但都俾我老豆話佢唔合格,更何況我呢個連我老公都食到啞口無言既煮婦,我煮我老豆直頭食到火都黎埋...我都唔係未試過煮餐飯俾佢食,但次次都係劣評,結果又是唔知點算好.

~仔仔媽咪~

原帖由 77777 於 09-9-25 23:00 發表
佢如果咁怕食蒜頭, 冬姑都無法架.....其實呢d真係好有益law, 不過人人的口味唔同, 等於有d人好怕食魚, 有d人就好鍾意食一樣.....

阿仔呢個星期日參加左個普通話考試, 不過, 佢又係無MUD溫去考, 又係考天聰, 都打家 ...

我都明,所以我都無迫佢食,始終佢真係唔會食囉.迫都無用.

或者您囝囝對呢次普通話考試好有信心呢~~~咪俾佢試下佢响唔溫既情況下,會唔會真係俾佢考到佳績,話唔定囝囝真係响語言方面有天份都未定.

~仔仔媽咪~

原帖由 77777 於 09-9-26 00:12 發表
我都唔知呀, 不過, 我明天又要去睇醫生, 佢又下午要上堂, 星期日早上就考, 我都無法....

佢d普通話係廣東話歪歪地, 不過好過我啦, 我唔識架....ops:" /> , 所以佢講得唔多正都係個普通話老師話我聽ops:" /> ops:" /> ... ...

唔緊要啦~至緊要佢都仲有興趣學嘛~~你囝囝真係好叻仔~!比着我仔,佢學校嗰D普通話堂都仲OK,都可以合格,但係一叫佢學野,佢實怕學同埋ON居居咁,所以我都唔會迫佢學,平日都只係要佢搞掂學校嗰幾科算....有時教佢我都好大壓力. 唔知因乜解究,我同好幾個做教師既FD一樣,教人地D仔女就無問題,係唔知點解硬係教自己個仔教得咁辛苦.

珀珀,慧慧媽

原帖由 ~仔仔媽咪~ 於 09-9-25 13:33 發表


查實又好難要小朋友會自動自覺去做功課同溫書既,尤其我地呢班小朋友,本身又成日响學習、讀書方面成日遇到挫敗,再加上佢地又有專注力甚至學障問題,對於佢地黎講,做功課讀書永遠都係最辛苦既事,^^比着我係佢地,梗係 ...

呀囡同我都可以做到,但係老公唔合作都無用呢
好似前日呀囡在9:30前可完成功課上床訓我就比她講故事訓覺,但老公話她不是自己主動做功課又唔理自己成績為理由而唔同她講+發皮4唔理她,令呀囡好唔開心....有時呀囡都能在指定目標時間做完,但老公又話其他方面唔好而唔去理行呢

~仔仔媽咪~

原帖由 珀珀,慧慧媽 於 09-9-26 09:05 發表

呀囡同我都可以做到,但係老公唔合作都無用呢
好似前日呀囡在9:30前可完成功課上床訓我就比她講故事訓覺,但老公話她不是自己主動做功課又唔理自己成績為理由而唔同她講+發皮4唔理她,令呀囡好唔開心.. ...

你老公又似乎對囡囡要求高咗D噃...有D似我哥既style,,,或者可唔可以媽媽試下私底下同爸爸傾下,叫爸爸暫時先降低要求先,話依家個目標都係想引囡囡有番個學習動機同自信,等囡囡大個女D進步咗,先至再慢慢較番高個要求呢?係咁打擊佢,囡囡真係會越黎越怕讀書,始終爸爸要求咁高,佢會對讀書好大壓力,會讀得無咁好架,一係先同爸爸傾下,睇下會唔會好D.

~仔仔媽咪~

我下個月開始响我外家度幫小朋友補習~~~我到時可以日日番外家煮飯俾我老豆食~~~等佢唔駛出街食埋D唔健康既野.希望我老豆唔會嫌棄我煮飯難食啦~~~

今日好攰呀,日頭去咗花墟買盆栽(向日葵)俾我仔種,番到屋企係咁清潔個花槽(勁多垃圾,樓上成日丟垃圾落街)...跟住我又去咗買訓練小朋友寫字既教材,仲買埋貓糧...依家成個日都散哂~~~好想瞓覺~~

珀珀,慧慧媽

仔仔媽咪
妳所講的訓練小朋友寫字既教材是什麼來的,可否分享一下呀!!

珀珀,慧慧媽

原帖由 ~仔仔媽咪~ 於 09-9-26 13:35 發表


你老公又似乎對囡囡要求高咗D噃...有D似我哥既style,,,或者可唔可以媽媽試下私底下同爸爸傾下,叫爸爸暫時先降低要求先,話依家個目標都係想引囡囡有番個學習動機同自信,等囡囡大個女D進步咗,先至再慢慢較 ...

係架,我遲兩日都要好好同老公傾下先,因呀囡今日都話自己中英文默書唔好令她唔開心啦!!
希望她的自信唔好差到無晒啦~~因去年學期尾係去到谷底的

~仔仔媽咪~

原帖由 珀珀,慧慧媽 於 09-9-26 20:18 發表
仔仔媽咪
妳所講的訓練小朋友寫字既教材是什麼來的,可否分享一下呀!!

查實嗰D都只係一般市面上既玩具黎(我今日買嗰D),但玩法有部份會改變玩法,因為有好多手仔唔靈活既小朋友(好似我仔咁),有動作協調問題既,都係玩呢類玩具都係玩唔到,例如穿珠仔、穿繩嗰D,佢地會玩得好輪盡,所以我都係用玩既方式黎訓練佢地手眼協調同小肌肉等問題.

查實如果要訓練真係仲有好多野玩架...不過我都係等聽日收咗學費後,至去買齊教材黎教妹妹寫字囉.

係喎,你係咪黎家長小組呀?如果下個月十月十日星期六,下晝三點半至五點半,OK嘛?您PM或者打電話覆番我啦,我預番人數同埋準備當日我地傾偈交流既材料.其他媽咪爸爸都可以黎JOIN架~~如果仲有媽咪爸爸想JOIN,可以PM話俾我知啦.

~仔仔媽咪~

原帖由 珀珀,慧慧媽 於 09-9-26 20:22 發表

係架,我遲兩日都要好好同老公傾下先,因呀囡今日都話自己中英文默書唔好令她唔開心啦!!
希望她的自信唔好差到無晒啦~~因去年學期尾係去到谷底的 ...

都係架~!比着我係小朋友,自己咁努力但成績都係唔理想,爸爸媽媽唔鼓勵唔安慰不特只仲要鬧同批評自己,真係乜心機都無哂架!

真係要認真同爸爸傾掂數囉.要俾爸爸明白到,呢D急都急唔黎架,要囡囡肯讀書或者讀書讀得好,最基本亦最重要都係俾番個自信心同成功感囡囡响讀書呢方面囉!嗰度無甜頭好好野淨係成日俾人鬧同批評,真係好有童年陰影架!你想佢自動自覺讀書真係好難囉.所以最先都要爸爸先明白咗個道理先,然後再一齊諗計合作培養囡囡.

如果爸爸又係唔信邪既,我諗您真係要膽粗粗同爸爸講,不如教囡呢PART全權等我教喇,爸爸只負責氹囡同囡玩就得喇,睇下爸爸意下如何.依家我同老公都係咁樣合作,我負責做衰人,我老公做好人,因為我老公都脾氣麻麻,要佢教仔,真係越教越禍,搞到個仔又情緒黎又唔服,所以都係費時,等我呢個肥媽教仔算...至少都買個安心番黎啦.

~仔仔媽咪~

原帖由 77777 於 09-9-27 11:43 發表
其實我個老師都係單對單, 係學下作文拼音.....有時阿仔都成日彈開, 不過好彩miss知佢d野無怪佢....

我昨日去左睇醫生, 其實我係做緊一個療程要打針, 咁昨日係第二針, 第一針係唔痛, 昨日一去倒, 啊仔又話肚餓, c6帶 ...

查實教我地呢類小朋友,老師真係要細心D亦要去了解多D佢地既特性囉!好似我今日教嗰位資優妹妹音標,查實佢都係會玩到唔識收又周圍搞野同周圍彈架!叫佢讀住黎抄寫,佢都專登唱哂歌咁抄寫而唔肯去讀,頭頭嗰幾堂我都有少少勞氣架,但之後對得佢耐,開始摸得熟佢既特性,今堂我又嘗試任得佢亂唱歌咁抄寫,我間唔中突然指住個字叫佢拼出黎俾我聽,佢又會好好地同我拼啱個音黎讀個英文生字,佢係識架噃!所以我都由得佢繼續自由發揮,始終我個目的都係要佢學得識啫.可能呢D就係佢獨特既記字溫習方法黎,好似我細個咁,我都係自己作歌咁唱歌咁唱哂成段默書文章出黎,就咁好快背熟,反而要我正正常常咁背咁記,我係記得差過人.所以教小朋友都真係唔可以咁保守,真係要靈活變通囉.

放心啦!話唔定你囝囝呢次掂當過關呢~~~俾個十卜佢啦!

至於睇醫生,都係架!有老公响身邊始終會好D,我都好怕打針抽血架!有時我都真係驚到好怕自己會痛到打姑娘...幸好,仲未發生呢D咁既事...

~仔仔媽咪~

原帖由 77777 於 09-9-28 11:05 發表
咁又係, 我個仔細個都係彈來彈去, 我教佢英文可以係一路行街一路教, 突然同佢講一兩樣, 又試過口up up響巴士溫書, 真係個幾個字溫個測驗, 叫佢坐定定佢係唔制架...佢可以一陣去toilet, 去斟水, 一陣倒瀉水, 一陣話肚 ...

你囝囝做功課溫書隻款完全同我仔一樣... 所以依家我都係用亞媽個權威黎鎮壓佢呢D野,我要求佢要去廁水大小二便、飲水嗰D要响做功課前做哂佢先,到開始做時完全唔可以離位,要佢做完或者我話可以俾佢休息時,佢至可以再做以上嗰D動作,依家就好D,無咁勞氣囉~~~

~仔仔媽咪~

原帖由 77777 於 09-9-28 11:52 發表
我控制唔倒佢, 因佢成日飲水, 食野, 成日都有得去, 我唔俾佢會發脾四, 重有c6都會閙我.... 重有一樣佢係打乞嗤打得好勁之人, 又要成日去toilet, 所以我真係無佢辦法....

不過佢而家比起之前郁得係少左, 之前根本坐 ...

無計啦,對住我地呢班仔都係係咁搵方法黎治佢地,有時我都想呻,亞仔呀亞仔,唔好諗到亞媽咁萬能俠咁啦,實情亞媽都係過度活躍黎,都要玩同休息架...佢地激少陣我地已經幫咗好大忙...

~仔仔媽咪~

原帖由 77777 於 09-9-29 14:37 發表
昨日佢比老師寫話佢上堂做功課, 咁我就同c6一齊好好聲氣同佢講叫佢唔好, 可能太和善, 今日佢又來多一次, 今次終於比我教訓左佢一餐, 我好鬼嬲.....

係呀, 我都好想好relax咁玩下, 最好唔好叫我勞咁多氣, 不過, 我睇 ...

我隻肥貓仔咪又係咁~!佢上年學英文又係講到自己幾咁有理想話佢個target係要同美國人用英文傾偈~~~!!!依家佢升到小四,老師要求高咗,佢嗰下本PEA/大安旨意真係令人歎為觀止!今日都背默七句英文句子啦!噚日求其咁同我抄兩次溫,都未背得掂就話好攰要休息唔再溫,話佢溫咗就OK會考得好喇喎~~~ 跟住我同佢講,我話媽咪只係幫下你等你有機會默書合格同高分,你唔溫係你既事,到時默書肥佬唔係媽咪既責任黎囉. 跟住我隻肥仔話佢會响小息再溫,跟住連我老公都窒番個仔話:"小息你都掛住同同學去玩啦,仲邊有時間溫吖~~~~"結果我仔好似應酬咁求其再溫少少,然後睇VCD and then瞓覺~~~你話,我地班仔幾咁有理想吖....激C我...!!!

12312

明天數學 & 中文測驗, 阿仔都未有"心理" &"打算" 去看下本書, 唉 !!!!!!

~仔仔媽咪~

原帖由 77777 於 09-9-29 19:40 發表
有時睇您講您隻肥貓仔真係好似我個肥豬仔, 間直一模一樣, 都係話得架啦, 會幾時幾時溫, 不過一到個時候, 佢就會比個超倦個樣我睇, 有時係唔舒服tim, 如果唔比佢休息, 好似我虐兒咁, 我隻c6就會話比佢訓下先啦, 咁佢 ...

搵日真係要約出黎等您仔同我隻曳野拼埋一齊,睇下佢地似唔似孖生兄弟~~~

我仔聽日都放假,頭先至同佢講要佢今晚做哂D功課佢先,等呢兩日可以盡興,佢嗰頭應承得好爽呀,但轉個頭依家咪又係煲緊VCD,睇黎聽日我都要忙餐C,係咁谷佢做功課架喇. 聽日我都好忙,要出街買教材,今日我又收咗個新學生(我教小朋友寫字嘛),聽日又是要拖住個仔油尖旺一日遊,我老公仲催我過海攞月餅(咁我又衰D既,咁耐都唔去攞),,,聽日我實攰C咗都似~~~