發展遲緩B媽媽(part 1)

valmom

slh, 如果係全面既評估我都係係學校同CAC度做~
如果語言方面, 因為我有帶阿女去私家既言語治療師, 佢間中會同佢做D簡單既評估... 早兩個月就做左個詳細D既~ 主要係睇佢識幾多詞彙同發到咩音

阿女呢排又好似大個左少少, 認野快左, 準左, 不過脾氣亦差左, 好有主見, 唔合作個陣就真係點都唔肯做野... 我已經叫左麻麻佢再想用任何方法偷懶就唔好理佢....

依家開始同佢係屋企戒片, 當然唔係好成功~~ 佢失手既次數都相當多.... 我地依家只係叫做係屋企唔著片時間.. 唔算係戒片階段.. 但係佢係明顯知自己要痾架喎, 因為佢會企定晒, 又唔講野, 呆左... 但係次次我地發現佢想痾個陣都唔夠佢快... 唉....
要再諗計仔...


slh, 體能呢樣野都係冇得急, 畀多D時間畀佢做... 個陣我等阿女行都係咩都做唔到, 得個等字... 但係真係訓練夠晒時數佢就行架喇~~ 所以努力呀, 唔好放棄任何一個畀佢自己移動身體既機會~ 爬都係好好既訓練~~~
你囡囡講野都好叻叻呀, 認知我記得都好好架~~~加油呀～

新加入媽媽：
加油呀~~ 小朋友係真係需要訓練~~~ 如果小朋友唔係太辛苦既... 其實用PLAYGROUP形式去TRAIN下, 當係課外活動都好既~~小朋友眼中都係去玩~~ 唔覺係D咩既...

slh

valmom,

既然見到呀囡有要vivi 的特徵而佢又識表達, 有冇試過用獎勵的方法去鼓勵佢自己話要去?

之前我呀囡唔系次次帶去vivi都有柯, 後來我地同佢講如果帶佢去vivi 有柯到, 我會讚佢 "welldone / 叻叻", 佢會好開心同好合作.  而有時賴咗, 我地會同佢講"醜死怪, 要寫手冊話比老師知" 同埋如果再賴要打pat pat, 跟住比返條賴尿褲佢睇, 再問佢下次要尿尿講咩? 要佢講媽咪,要柯尿.  久而久之, 煩到佢講為止 (連老公都話我又煩又長氣, 老人院都唔收~ , 其實佢唔明教呀囡呢D特別的小朋友, 人地教一, 兩次就識, 佢地可能要教幾十OR 幾百才學會!)

之後等佢習慣咗後, 又再同佢講如果成日都冇賴尿, 等我放工返黎就請佢食粒朱古力, 試咗一排後, 佢見我返到屋企會第一時間同我講食朱古力, 我會先驗查手冊有冇報告賴尿, 再問呀婆, 如果真系冇就請佢食,前有試過有賴而佢系冇問我攞~ 又幾老實WOR~

而家除咗返學同放學搭校車時要著片, 其他時間都冇著, 不過間中都會失手, (大約一個星期一次, 最高記者錄有2個星期連續冇賴~)

weiwai

呀女都k2, 仲係好似乜都唔識咁
唉, 表達能力己經唔米叻, 問番學校d野又唔米好講倒
人地低佢1年級都講倒喺學校發生嘅野
佢??? 唉, 都唔知我問d乜
其他..學乜都慢
唉, 點升小學丫

mybabynbaby

用左好多日既時間終於睇哂呢個POST啦, 真係好多謝你地, 因為有時真係覺得好累,真係好想搵個地方講下...
表達能力真係要慢慢黎, 我個女都係好慢, 佢表妹叻佢好多, 連我屋企人都FEEL到, 不過唔敢出聲, 不過呀女一有叫人, 有主動要0的野,佢地會讚呀女好叻, 都好多謝我家人既支持...
另外訓練我個女去廁所都用左大半年既時間,其間係屋企賴過好多次, 好彩工人不離不棄, 睇得出佢好想TRAIN好呀女, 令呀女自理能力都幾好..
幸得朋友介紹佢地既親戚朋友幫助, 心理學家可以係公園睇呀女同人玩既情況, 有老師每個星期在家同呀女玩, 教我點同呀女玩.
仲有言語治療師用好多方法試緊引呀女講多左野...

真係好感謝, 世間有好多愛...

[ 本帖最後由 mybabynbaby 於 10-9-7 14:14 編輯 ]

weiwai

呀女4歲, 數字數學超弱

                                佢記性差, 教極唔識,2個字的數字教極唔識, e.g. 21, 佢讀"2", "1", 我教"2" "10" "1", 佢照講, 但隔10秒再比將21咭佢睇, 佢1係餂唔識, 1係餂"2", "1"
教到

NemoFish

原帖由 weiwai 於 10-9-9 00:45 發表
呀女4歲, 數字數學超弱

                                佢記性差, 教極唔識,2個字的數字教極唔識, e.g. 21, 佢讀"2", "1", 我教"2" "10" "1", 佢照講, 但隔10秒再比將21咭佢睇, 佢1係餂唔識, 1係餂"2", "1"
教到

:pit ...

發展遲緩嘅小朋友對數字/目喺好困難, 因涉及邏輯思維, 佢地喺呢方面好弱, 我小朋友開始時學1-3都要成三個月先識認(因人異議)到佢開始明白個道理就易上手, 我用嘅方法喺每日都同佢溫, 溫到佢識, 然後逐d加上去..希望可以幫到妳啦...加油呀...對呢d特別嘅小朋友要多人100倍嘅耐性先可以成功...妳想像吓當佢有一日學識時...妳嘅滿足感幾大呢...

valmom

真係要同佢鬥耐性.... 阿女又係學極顏色都唔識...
數123.. 我都唔要求佢望住個數字識講, 只係講.. 佢次次都係.. "123. 5678" 咁就數完... 冇左4.. 又冇其他... 真係畀佢激C...
形狀來來去去只係識三角形同圓形....

依家轉左同佢認物件... 不過都係一時時... 佢心情好, 就好快話我地聽個D係咩... 心情麻麻.. 點都唔肯講...

slh

我都仲未開始同佢學認字!  淨系齋教佢順序數, 由9轉10 (e.g 19 , 20) 間中要提~  因為佢有視障, 視力唔好~ 之前問過學校會唔會教佢凸字, 老師話仲細, 而且呀囡應該唔系完全睇唔到, 所以未必教同遲d先決定~  

不過我之前有教佢認ABC, 但都系教極都唔識~ 無論你比個咩寫佢, 佢聽到你問佢"呢個咩寫" , 佢就一定由A開始讀, 一直順序讀到Z , 讀到你話啱...... 大激死~

最激死人系, 如果你比D動物咭佢, 問佢咩呢, 佢就成日都唔合作, 成日都順序由 "WOWWOW 狗", 猪, 牛, 羊, 馬, 大象, 長頸鹿, 總之將D 4隻腳的動物遂樣數晒出黎, 又系數到等你話啱為止....... 你話唔識咩, 但佢又唔會講唔同類型(魚, DUCK DUCK... ) 真激死~

學認顏色又系咁, 認來認去都只系識 黃色同紅色, 成日同佢做顏色配對, 叫佢拿同樣顏色的膠片, 佢成日都拿錯, 不過拿完後會講,"唔一樣".........問佢頭髮咩色, 佢會答"黑色", 但你叫佢攞黑色膠片比我, 佢又揀錯WOR......

mybabynbaby

我見過玩具反斗城, 有1-100既膠圖片, 你可以叫佢讀下, 另外你可以用手寫同佢讀, 呢個幾吸引我個女呀~~另外網上有0的連線圖, 你可以PRINT出黎, OR買連線書俾佢, 吉仔島有買, 10蚊本, 個0的係連1-40度, 呀女一玩連線圖, 佢可以認到數目, AND知道佢地既關連...

[ 本帖最後由 mybabynbaby 於 10-9-10 10:59 編輯 ]

Hello101

各位好嗎...我初黎呢個topic...想大家指教下

阿囡二歲..上星期見佐智体能中心護士..語言/表達同小肌肉都慢佐一年...等緊佢地既全面評估,最快年底先可以知要排乜位。

自已填佐協康同心橋計劃張form報評估同做training...都係要最小等半年...

請問有無d好既私人治療training 可推介？我唔想徒佐呢半年...當然我會同佢再講多d野..玩多d,但我始終唔係呢方面既professional,好擔心..

阿囡既問題係唔講野,無眼神交流,固執,有自閉features..

請指教..

mybabynbaby

二歲既話, 俾佢讀N班好0的呀, 另外有0的私人既STEP, 領思, 健苗軒..等,每星期同佢上一至兩個COURSE咁.
有老師朋友教我, 佢玩緊咩,做緊咩你都形容多0的佢聽, 等佢入腦.
好多時我地家長都會做左主導要佢玩咩, 想佢做咩, 其實我地可以俾機會佢自己玩咩黎話佢知佢玩緊咩,從而入佢地個世界, 可以多0的互動...

slh

今日學校姑娘打電話來報告呀囡返學的情況, 姑娘話佢返咗一個星期都已經幾適應, 好合作亦冇賴尿, 可以在厠盆內如厠.  

我向姑娘查詢, 今年呀囡冇升班, 只系同上年一樣, (因為學校分四班, 兩班是以訓練体能為主, 給自理能力較差及需要多d顧的小朋友 (呀囡是讀呢兩班中体能較好的一班) , 而另外兩班是以智能為主, 給視障的小朋友, 課程較為像主流幼稚園), 姑娘說都有留意到呀囡由上年的下學期在言語理解及表達有明顯的進步, 但体能還與普通小朋友仍有段距離~ 所以沒有升班, 怕她很難同時兼顧兩体能及智能的發展, 要好先打好体能的基礎!  其實都好驚佢遲遲都呀行, 咁點算?  同埋老師之前都提過, 体能班多數都是連接恩望(特殊)小學, 而智能班則可讀心光(視障)小學................咁佢一日唔行, 我可以點.....

mybabynbaby

slh,
我有個朋友個孩子未夠6個月做左白內障手術, 仍有千幾度近視, 請問咁樣係唔係已經係視障啦, 另外大肌肉較差, 因為佢仲係排緊隊見評估, 有冇私家訓練係幫助未夠一歲既小朋友呀??

urme1997

原帖由 valmom 於 10-9-9 22:58 發表
真係要同佢鬥耐性.... 阿女又係學極顏色都唔識...
數123.. 我都唔要求佢望住個數字識講, 只係講.. 佢次次都係.. "123. 5678" 咁就數完... 冇左4.. 又冇其他... 真係畀佢激C...
形狀來來去去只係識三角形同圓形.... ...

valmon
我有買D數字比囡囡玩, 好平幾蚊包, 每次叫佢排出黎, 慢慢佢就會識, 你都試下 ^^

slh

hi,

你可以叫你朋友問下跟佢個眼科E生, 因為我見E生話有D小朋友白內障手術後可再配合矯視, 可減低近視度數,及一般小朋友的眼睛是會發育至6歲, 很可能有方法可幫佢發展得好D (e.g. Lazy eye) 不過個個小朋友的情況都唔同, 你最好叫佢問清楚E生~

同埋問佢系咪視障? 因為我呀囡個CASE 系先天右眼沒有發育, 而左眼又是小眼球症 (即發育不健全, 眼球明顯比正常細, 眼角膜又混濁不清), 所以很早已經知道是嚴重視障, 佢未夠一個月已經REFER 到尤德跟進及排S及E位, 4個月就做了簡單評估, 8個月就開始PT, OT , 而詳細的評估是19個月先做, 21個月返E位, 足24個月就派了S 位 (心光視障幼兒中心).

個小朋友宜家幾大? 如果淨系視力有問題, 你可以叫佢打電話比心光問吓, 我記得好似有D提供視障服務比小朋友及教家長點教佢地~ 如果佢有其他問題需要其他服務 (PT, OT, ST) , 你可去樂天 OR 協康會睇睇, 不過過協康會做評估一樣要排隊~

原帖由 mybabynbaby 於 10-9-14 00:05 發表
slh,
我有個朋友個孩子未夠6個月做左白內障手術, 仍有千幾度近視, 請問咁樣係唔係已經係視障啦, 另外大肌肉較差, 因為佢仲係排緊隊見評估, 有冇私家訓練係幫助未夠一歲既小朋友呀?? ...

ttlucky0303

[quote]原帖由 slh 於 10-9-15 00:04 發表

我朋友個BB而家半歲度, 佢地仲排緊評估, 都唔知幾時先到, 佢BB都係眼球比一般人細, 佢醫生話等下大0的睇下會唔會自己大返, 詳細情況我都唔係好清楚, 不過想知眼球細即係視障. 仲有冇其他私人訓練可以介紹?
大肌肉方面都不大好, 要扶住坐,頭向下, 頸未直..

呢個年齡都可以上堂?
我見佢個BB有時都會戴眼鏡, 戴左眼鏡即係會正常返, 要成日戴住?
眼球細睇既野係點?
有冇得點樣訓練會好0的?

太多問題...謝謝~~
因為我見我朋友好迷網~~

[ 本帖最後由 ttlucky0303 於 10-9-15 15:11 編輯 ]

valmom

其實屋企有拼板有poster有D書係有數字...
之前佢唔講個4我同老公以為係佢發唔到個S音.. 不過有一次佢想玩牙籤, 我老公要佢數數字數得岩先畀佢, 佢數完3支, 想要等4支. 我地以為佢實講5喇.. 點知佢又識講4..
我真係唔知佢幾時真係識幾時係玩...

上次做評估個陣個醫生考阿女既野, 我依家只係同佢惡補番D識東西既能力... 真係要加多幾分力先得....

urme1997

原帖由 valmom 於 10-9-15 23:27 發表
其實屋企有拼板有poster有D書係有數字...
之前佢唔講個4我同老公以為係佢發唔到個S音.. 不過有一次佢想玩牙籤, 我老公要佢數數字數得岩先畀佢, 佢數完3支, 想要等4支. 我地以為佢實講5喇.. 點知佢又識講4..
我真係 ...

valmom
上次你囡囡去評做, 乜唔係無得陪咩, 你應該唔會知醫生考佢乜架

urme1997

原帖由 ttlucky0303 於 10-9-15 15:08 發表
[quote]原帖由 slh 於 10-9-15 00:04 發表

我朋友個BB而家半歲度, 佢地仲排緊評估, 都唔知幾時先到, 佢BB都係眼球比一般人細, 佢醫生話等下大0的睇下會唔會自 ...

唔好等政府啦, 半歲可以出去搵D私人PT幫佢練下先

valmom

urme上次有得陪喎~
因為個醫生都係問我好多野~~~ 我好聽話冇提阿女, 可能係咁佢冇趕我走掛...

原來阿女個傷殘津貼出年3月到期, 即係我係咪都可以係之前再見到醫生多次~~~