剛１歲證實發展遲緩（6歲放棄主流，入讀體障）

濼晴

可唔可以比上門pst資料我 唔該

kikigal

回覆 methy 的帖子

Methy, 好耐無聯絡你啦! 近日很忙, 參觀定幾間特殊學校... 下年又再去...

我想請問..你仔係兒科幫你排隊照MRI?

我都好想知道阿仔個腦係點... 又想知阿仔發展遲緩原因. 你以前可能講過, 我無爬文,sorry.

阿仔1歲前照過CT, 轉返呢間醫院就無follow-up.....我越來越發覺阿仔似自閉症(對人有交流,有眼神接觸,喜歡打招呼, 記性太好...好到得人驚...但專注力開始唔集中),
我寧願有人話我知阿仔係A仔, 反而我會安心D.

我仔四歲啦, 又係剛剛有多少少信心上樓梯, 唔駛拖住. 落樓梯就差少少.
你講S位水療係私人的嗎?

我大概3-4個月返去做腳墊. 半年覆診兒科.
不過因為行為問題情緒問題, 多左科 兒童精神科要覆診.

methy

原帖由 kikigal 於 13-11-22 發表
回覆 methy 的帖子

Methy, 好耐無聯絡你啦! 近日很忙, 參觀定幾間特殊學校... 下年又再去...

阿仔1歲睇兒科已經book左磁力共震照腦，到2歲排到我覺得佢有進步、就唔想佢食藥瞓覺照，到2歲半歲又覺得佢無咩進展，兒科又再建議排期照腦，3歲就入政府醫院照。第一次覆診話報告無特別，第二次另一位醫生解釋得令我了解阿仔發展慢原因了，知道左令我計劃將來有了明確方向。

水療係政府S位安排的，學校將各班需要S位既學生group埋一齊，每星期上一次，由學校PT教，水療池就係租人地方的，我地幾位家長分擔租池費用。都上左兩個月了，睇住阿仔對腳係水入面踏水，做各重肢體動作，一次叻過一次，又開心好玩。

3歲7個月前，即未入S位前，我都係每半年返醫院覆診矯型科，做鞋墊，入左S位後，矯型師直接到S位睇症，同PT一齊睇小朋友，如果需要，S位PT會聯絡矯型師，再到學校幫小朋友造腳墊，最近改了造鞋托，好短既，係鞋入面，阿仔著左兩個月，仲適應緊。

小朋友一路大，面對既野會越來越難攪，讀書，情緒，社交等等，甚至有新既問題都唔定，我地繼續訓練，治癒，覆診..加油！

係唔係A,係由醫生評估完先知道，我地睇d形容詞，好似中d唔中d,都係唔好估估下嚇自己喇，幾時再評估或返兒科覆診？

methy

阿仔四歲了，讀左S位半年多，講野叻左，會講笑，捉弄人，簡單對答還ok，應付到日常既生活交流,但仍然講唔到返學玩過d咩或複雜既感受。家中有妹妹，的確令阿仔講多左好多野，多機會同情景教佢要分享，言語表達多就進步更快。

近日成功自己踏到三輪車，放手上落兩三級樓梯，都無跌。行平路大致穩陣，無咁怪相。握筆有力左，畫到簡單線條，認到中文字、英文大階。


最近跟學校參觀了體障小學，全校100人左右，課程由小一至中六，有三種課程，主流（正常智力）、調適及智障課程，全校2/3智力輕度至中度，有年小一只有一個人，學校都會開班，但老師對住一個學生，缺乏同伴交流，令我再三考慮比阿仔入讀既諗法。

原來S位之前既體障學生多數會試主流，入讀體障小學好少，但我擔心主流小學課程去得太快，阿仔跟唔上。

阿仔近期多次講話想返之前間N班幼兒園讀書，我鼓勵佢行叻d,認多d字先。希望阿仔加快進步，可以試主流幼稚園。

hilouisll

Add oil!

DollyCC

我囡囡2歲，智力中心話整體發展遲緩，行路醉酒佬，關唔關鞋事?我地著dr k 但有幼兒導師話底太硬唔好。我見有隻叫bib*既鞋有按摩鞋墊，唔知有無人試過好唔好，因為都好貴下。

maybma

原帖由 methy 於 13-10-09 發表
本帖最後由 methy 於 13-10-9 15:48 編輯

回復 olima 的帖子

請問可否介紹推拿資料給我？thank you very much!!!

Tulip88

原帖由 methy 於 14-03-19 發表
阿仔四歲了，讀左S位半年多，講野叻左，會講笑，捉弄人，簡單對答還ok，應付到日常既生活交流,但仍然講唔到 ...

好久冇追這個post,見到methy仔仔有進步，還會捉弄人，真是好開心及好大鼓舞。上次覆診醫生沒等評估已幫我安排社工開始排E位同S位，現在不知如何選擇那間學校。methy: 請問你是怎樣選擇S位的學校？你現時讀那間學校？選校時要留意什麼？參觀學校時留意什麼事？現在好亂及冇方向，吾知有什麼問題要問？旺角、深水埗有冇好E位S位學校？吾好意思有這麼多問題。

hobby

大家加油!!!

我成日都問自己, 阿囡有沒有問題, 她現在4歲多, 但未不太能夠自己交差腳上落樓梯, 尤其是落, 我想多過2級就一定要扶, 我見佢上落樓梯都仲未穩, 但CAC又話佢正常冇問題 ... 我想可能因為跟大問題相比下"不算是大問題"才對

methy

如果CAC評估左話無野就應該無野，你小朋友應付到日常生活嗎？如果得就應該無咩擔心，搵機會行多點樓梯，協調能力自然進步。

hobby

回覆 methy 的帖子

謝謝, 之前她因為情緒行為大小肌, 加埋見醫生9唔搭8, 而由健康院轉到CAC, CAC初步評估只說不算遲緩, 我想在日常生活自理方面, 她做到同齡8-9成, 寫字差不過老師好好, 只要求啱筆順; 大肌肉唔好, 老師會特登教佢跳; 我想真正原因是她問題不算嚴重, 而有更多小朋友比她有需要; 我們都會俾多啲機會佢跑跑跳跳, 希望升小前追返其他小朋友進度

catest

回覆 methy 的帖子

Methy,
你好,我想請教你選擇EETC和S位的心得,我也是住屯門的,女兒一歲三個月發展遲緩,已經排緊隊,但個社工好似好無經驗,點選學校都比吾到意見我,可否給我一些意見?謝謝!

kennyrita

hobby 發表於 14-4-2 15:43
大家加油!!!

我成日都問自己, 阿囡有沒有問題, 她現在4歲多, 但未不太能夠自己交差腳上落樓梯, 尤其是落,  ...

我囡又係, 上樓梯算ok, 落樓梯又係要人扶, 同埋唔可以交x落, cac 又係話佢無野。整體個兒科醫生話佢無野喎

但我覺得呀囡個理解力, 思考力, 運動, 社交, 都差, 由其是專注力, 我都好頭痕, 但cac 根本幫唔到我。

問題上我係2間幼稚園都話佢有問題 (1間n, 1間k1), 連社區中心d社交班都話有問題, 但cac 個兒科醫生都話無問題

hobby

回覆 kennyrita 的帖子

我估真係要好多問題先有得跟進, 我最後是CAC都話有兒童焦慮而轉介兒童精神科(但排到2016), 其他方面, CAC只答不算遲緩，　其實係ＣＡＣ見醫生時，醫生都幾次叫阿囡專心啲，有些問題, 醫生教好多條例子阿囡都一樣答唔到, 不過, CAC話冇嘢就唯有當問題唔嚴重

如果能力許可, 一定要出去找私人機構check多次

MissCarley

聖雅各、庭恩和彩虹計劃都有收費減免治療服務予有需要人士

tiffanyshan

禁多位媽媽，我有個臚胝牽拉方法，或者可以幫到小朋友改善下佢地既學習，言語或注意力既問題等問題，係或者可以改善下佢地既情況，有興趣pm我問下問資料，沒所謂既，因為咩方法都要試下幫下小朋友，希望我地會成功啦!比心機要~

methy

阿仔4歲5個月了。返S位返了差不多一年了，Keep住進步，最近可以扶住野，跳起雙腳有d離地。

講野複雜左，例如我話：我地講講廣東話架。佢會問：咁其他人呢？問多左好多問題。

小肌就差點，但對寫字興趣大了，放假主動問我拎功課做（我將學校派既功課影印底），一做就做10多張（平時每日做2張）。
認知都進步左好多，字母數字認哂，中文字都認得好多。主要係日常既字：爸爸、媽媽、花、車等等，比個字佢，會認到&讀出黎。

功課：

14-5-25 11:01 上傳

下載附件 (98.85 KB)

methy

S位水療上了5堂，阿仔下肢既肌力進步左，始終有水既阻力，郁動時要抗水壓，要加倍出力，治療師設計多款動作遊戲，令到小朋友玩住黎做訓練，天氣熱，係水池到玩，已經夠哂開心。

hilzarie

methy 我想問下咁你仔仔6個月時健康院檢查有沒有話有問題呢？1歲前發唔發現有問題呢？