剛１歲證實發展遲緩（6歲放棄主流，入讀體障）

lovly_family

我無睇呀！我會上網睇返，其實我唸有時係未必搵到原因！你地有無check過話甲狀腺素唔夠都會影響到發展慢

bbcheung53

銘豬媽 發表於 14-10-22 20:08
大家有冇睇剛剛過的星期一鏗鏘集呀！好值得睇呀！我小朋友22個月大了都係發展遲緩，原因不明！本打算唔再查 ...

我都有睇啊, 我仔又未至於咁嚴重, 但睇完都有D感觸, 唔知阿仔大個左係點

今朝發覺阿仔起身又變返軟99, 一pat野咁, 退步左, 又會咁嘅, 係咪岩岩起身會未warm up啊?
唉, 尋晚先發現佢學識左新野精伶左, 仲開心左一輪, 諗住佢問題應該不大, 只係大肌發展慢少少, 好快追得返, 原來都唔係咁嘅..........

ct926

原帖由 bbcheung53 於 14-10-23 發表
我都有睇啊, 我仔又未至於咁嚴重, 但睇完都有D感觸, 唔知阿仔大個左係點

今朝發覺阿仔起身又變返軟99, 一 ...

你唔好太擔心，大肌肉需時間鍛鍊。回想起1歲都未識企，現在兩歲多走到我追唔到。

methy

S位第二年，開學兩個月，雖然各方面都有進步，但以佢大小肌情況，仍然需要PT&OT特訓,留在體障組係最適合。水療堂第三個cycle開始，第一堂已經有驚喜，就係識踢水。行路穩陣左好多，己經放到手上樓梯，下一步就係落樓梯。

小肌：明顯ready可以寫字。我亦跟OT上堂，學點幫阿仔揸筆，今個月開始用前2指揸筆，佢手指無咩力，用水筆易出色，增加成功感。佢揸筆「吊起」，要係佢寫字時，輕力按壓，令手婉貼近紙面寫字。模仿到簡單字型寫出黎，倒如T、O等，複雜字型就用「點」或以空間輔助（見圖寫F字）先寫到出黎。

言語：語言複雜左，成曰問點解，唔合理既事情會懷疑發問。開始講到學校上堂情況比我知。

認知：A-Z大階熟哂，開始學小階，中文認字繼續認，始終未寫到字，要曰日溫，死記中文字，但佢有動機學習，又記到，已經不錯。
顏色終於好準確地認到紅、藍、黃色，慢慢戒除「蘋果紅」、「香蕉黃」輔助語句，而直接講出：紅色、黃色。

14-10-31 11:15 上傳

下載附件 (80.52 KB)

methy

5歲喇！阿仔繼續比驚喜我，5歲生日前一星期，突然識得哂所有顏色，小手肌進步到搾筆用前2指，畫到一朵朵花。

szenana

你仔仔叻左好多,有好大進步

貝珠

加油

szenana

我想問s位會唔會好似幼稚園咁有得出去表演

methy

原帖由 szenana 於 15-01-06 發表
我想問s位會唔會好似幼稚園咁有得出去表演

S位日程同普通幼稚園差不多，只係多左治療師堂。我仔係教會學校，每年都參加教會大型活動，佢係學校玩鼓班，每年學校開放曰同戶外教會活動都有份表演。
就算能力差d,都有老師1對1磅實表演，學校主任攪好多活動，訓練學生自信。

szenana

你仔仔係唔係讀屯門堂???

maybma

回覆 methy 的帖子

仔仔嘅每個驚喜，都係你努力嘅回報，
媽媽，繼續努力加油~

cyu1224

恭喜Methy仔仔的大大進步，努力係可以換來成果，我都要加油加油！請問Methy針灸有效嗎？點解後來停左呢？謝謝！

lovly_family

你地有無開whatsapp group
因我睇唔哂咁多post
阿仔都比醫生話佢發展遲緩
今個月22號見 CAC啦！
我都擔心自己接受唔到事實

methy

5歲4個月了，S位第二年既下學期。

幾個月前覆診左兒科，醫生安排左打鬆筋針,見左相關醫生及物理治療師，覺得阿仔雙腳整體係低張，但腳跟以上某d位係過緊。決定試小腿位置打鬆筋針&打石膏，同埋安排整到上小腿位置既腳托，已經去了矯型科倒左模。
阿仔已經可以上樓梯唔使點扶，但落都仲係未得。呢排可能長高了，重心唔同左，行平路跌多了，去一次街至少仆一次。

說話能力不錯，星期一回校，能夠講得出星期六日去過邊到玩&講出感受。（老師要求我將星期六日去過邊寫給她）

小手肌能力爆緊出黎，能用剪刀剪紙條，不過時間不能太耐，幾分鐘就手痛。寫字仍然係以「臨摹」方式先寫得出個字，仍然係寫緊ABC階段，但認得哂英文大小階，中文認字興趣都很大，認得不錯。

waiwai2468

原帖由 methy 於 15-04-23 發表
本帖最後由 methy 於 15-4-23 18:02 編輯

5歲4個月了，S位第二年既下學期。

Methy仔仔進步好多，大家加油呀

Tifftiff0115

扶康會都有相關服務幫倒手。

chingcheang-ka

看到樓主實在太勤力，又有耐性!!

我仔在一歲時發現感統問題(本體、前庭不足，聽視觸敏感)、肌肉張力不夠、言語delay最少半年及大小肌肉都不能協調。兩歲半時沒有上N班，我選擇自己上堂自己編制的時間表每日訓練他，帶他到公園等。至今他已四歲，自理能力非常好，平衡力正常了，但在學校(K1)比同學打會慢一拍先識舉手告訴老師! 非常不喜歡寫字，治療師只叫我買練力膠去訓練三指力，再玩遊戲練空間感，治療師是個非常有愛心的哥哥，他不主張太多訓練亦幫我令阿仔追回半年言語delay，不過我自己見 阿仔坐姿不好，經常會"僕"著檯上，行路拖著腳行，因每星期只能返一次感統訓練，又想每日在家訓練他指力與肌肉張力，想請教還有什麼方法可令指力及身體肌肉張力好些? 謝謝!! 自問訓練了兩年有點疲累，無乜耐性了

cheesephine

我想要私人物理治療，按摩，水療的資料

methy

原帖由 chingcheang-ka 於 15-05-06 發表
看到樓主實在太勤力，又有耐性!!

我仔在一歲時發現感統問題(本體、前庭不足，聽視觸敏感)、肌肉張力不夠、 ...

大路小手肌訓練你應該都識，適合我阿仔既小手肌訓練未必適合你小朋友，入左S位（特殊學校）我都交哂比S位治療師教，回家我跟著同佢溫習，做相關教材，等阿仔多點新鮮感。

治療師建議買可較調度既書枱，令阿仔個頭唔會成日太低，k1時（3歲8個月）雙手完全無力，腳都未上落到樓梯，所以集中練大肌，小手肌主要貼貼紙，蓋印仔，玩大力膠。認讀中英文字。

k2上學期上到樓梯，落未得，小手肌由點點點連線開始。治療師開始教搾筆寫字，一點畫去另一點咁練，寫A-Z,都係臨摹方式寫（前一兩版posts有相分享過）

最近下學期開始就玩多d軟泥膠，整字（見下圖），練空間感，幫助好大，佢中文字認到哂無問題，但寫唔到，因為難既中文字要轉彎，佢9筆2虎先免強寫到。手指開始有力，但5隻手指+手碗既協調未係好得，所以要咁練，咁練可認顏色，長短，筆順，空間感，字結構，遲d小手肌開turbo,佢就會識寫。

另外玩多d併圖，我仔由3塊開始，玩到12塊，慢慢上。玩lego,小型d既，我砌紅黃綠，由上而下，叫佢跟住砌。

15-5-11 14:46 上傳

下載附件 (95.64 KB)