發展遲緩B媽媽(part 1)

loklik451

Hi weiwai,

想請問妳話你"阿女佢記性差, 教極唔識,2個字的數字教極唔識, e.g. 21, 佢讀"2", "1", 我教"2" "10" "1", 佢照講, 但隔10秒再比將21咭佢睇, 佢1係餂唔識, 1係餂"2", "1"
教到火點教佢先識呀"
想請問你阿女有無改善呀?我仔仔4years,情況跟妳女女一模一樣,令我好擔心,唔知係唔係有問題,可否分享吓個人經驗?thanks a lot.

slh

上個星期同e生再傾呀囡的病情, e生好好, 已經諗住同佢試吓打防止血管增生的藥水落隻眼到試吓. 已經排咗下星期做, 希望真系可以有效啦~  

不過我地上個星期四返去屈光師度驗眼, 屈光師話呀囡的視力比之前差, 叫我地話比e生知, 叫e生做手術時同佢順便量埋近視度數........ 真系擔心死人....

不過佢就好似大個女咗, 生性咗, 同佢講野都有紋有路咗, 今日姨媽同佢沖涼時問佢 "咁涷, 唔著衫得唔得?"
佢答 "唔得"
姨媽再問 "點解?"
佢又答 "會涷親"
姨媽又問 "涷親咁會點?"
佢答 "會病, 要睇e生, 要食藥~"

而且早兩日帶佢去契媽度玩, 佢玩到撕爛晒d紙, 契媽叫佢 "玩完同我執返晒d紙紙比我", 佢竟然真系慢慢逐張執返晒.....當時我諗教咗佢咁耐, 佢都系第一次自己執返玩完的東西... 好感動~

由今年開始, 佢終於冇再成日賴尿 (不過有賴過1,2次夜尿)~, 仲自己講"要柯尿, 好急~" 仲肯在公厠柯tim (不過只限 環境較清潔or 有小童坐厠), 等暖返d, 可以試吓完全不著片 (而家搭校車時有著, 因為車程要成個半鐘)~

pattsui11@yahoo

我有一個比較好的數字教具，可以借給你，看看會否好些，有興趣請PM我

chloe_karina

大家好,我都睇左呢個post一排, 依家先有動力去寫post, 我個仔係有先天性遺傳染色體異常, 係非常罕見,冇病例,懷孕期間,醫生不停叫我終止懷孕,但最後我都堅持生出來,當然,仔仔既健康情況比起我地預期中差好多, 佢依家9個多月,確定發育delay, 大肌肉發育差,及張力低,佢又有脊柱向前曲問題,手指又唔靈活, 佢唔識坐, 頸仔都係最近先穩定少少, 唔識反身,返轉佢, 頭唔會抬起, 只識轉半身, 初步估計佢只得2-3個月既能力, 我睇左你地既post,6個月時幫佢排左CAC,係威院做左physio assessment,2月開始train, 我好想幫個仔,請問你地有冇好既training centre / assessment centre 可以介紹比我, 我住沙田,好心急又好無奈.......

urme1997

chloe_karina
如果金錢許可, 你去搵私人pt 比小朋友啦, or 協康會都有架

chloe_karina

岩岩打左去協康問,佢話要排,岩岩fax左,希望可以盡快啦, 請問仲有冇其他私人機構介紹比我呢....

chlohong

各位,
BB轉左藥1.5星期, 效果都OK, 抽筋情況受按. 雖然佢大部份時間佢都好似沒有能量, 但見到佢有時可以玩, 我都好開心.
佢雖然唔叻, 但只要佢開心就OK.
chlohong

atty

chloe_karina

我都係沙田友,如果搵,真係協康架咋! 其他私人....當初都係帶阿仔去佐敦呀,灣仔呀咁去上堂;總之上網搵,打電話去問有無位,有就報名上堂。

不過最快俾到阿仔的training係醫生轉介的pt,而且去咁多問私人的pt,我覺得最好反而係威院個pt.

valmom

祝各位兔年全家上下都身體健健康康! 小朋友不停有進步, 開開心心, 快高長大, 聰明伶俐!

hkmama2004

ENT laser (for speech development) at Tsim Sha Tsui is also recommended. tel: 2523 2883

wingki20

大家好,今日我小朋友剛剛被評估了@@"..唉..剛剛3歲,認知只有1歲半,語言2歲= =比起其它小朋友都叫做慢了年半, 我同我先生都好擔心..咩心情都冇哂,而家係大口環排緊,未來要,物理治療,職業治療,言語治療,約見臨床心理學家,仲宥(ICCC)混合幼兒中心~因為我個仔情況比較煩,又成日無啦啦冇原因打人,玩玩具又無啦啦會丟@@破壞性果隻,
開頭健康院話佢有輕微過度活躍,但今日果位評估既E生話我仔冇. .應該係管教問題, 有冇媽媽有類似我個仔既Casue~~如果同佢報埋出面既早期訓練,邊間會比較好呢???希望有同路人可以分享下經驗

valmom

你既心情, 大家都好明白既. 早期.. 可以考慮一下協康既青葱計劃...

雖然我地既小朋友比其他佢地同齡既冇咁叻, 但係行為問題係無年齡之分, 所以都係要教既... 小朋友重細, 好多野都執得到.. 只要主要照顧者同埋家人肯合作同堅持, 冇小朋友係教唔番好既... 唔係adhd都算係一個好消息~~

加油~

chlohong

多謝各位媽媽的分享, 每當我心灰時總會重看大家的意見, 總會覺得安慰d

chlohong

每天見到沒有進步的囝囝, 心情好沉重, 好灰... 佢抽筋的次數又增加左, 明日又要睇醫生, 應該又要加藥, 我真係好後悔帶佢來這世界, 要佢受咁多苦...    

valmom

chlohong,唔好咁諗喇. 我地都洩氣既, 小朋友可以依賴邊個呢?

最近有好幾件事都令我體會到堅持係可以改變好多野....

阿女其實呢半年好多方面都有明顯既進步, 不過距離同齡既都重係差好遠. 我想佢離開s位, 讀i位或者主流幼稚園. 係由有呢個念頭到爭取期間, 身邊有好多聲音, 有贊成有反對. 贊成既有d都係呢方面既一d教育工作者 (不過唔係校方／評估中心／醫生), 有d係睇住阿女大既朋友; 反對既除左官方個批代表.. 亦有一d朋友... 所以一直進行呢件事時.. 好大掙扎.... 我完全明白各人立場同角度... 各人既擔心我都了解...
不過, 我同自己講... 睇長遠d.... 因為我冇可能永遠係阿女身邊... 由最長遠既方向開始諗.. 認定左目標, 再睇番實際社會既資源同制度... 我決定要堅持.

係我堅持下, 小朋友9月就離開s位, 讀主流+e位.... 我唔知我既堅持要阿女同屋企人承擔幾多既壓力同挑戰&挫敗, 不過, 我知我唔行呢步既... 我一定後悔....

其實講出黎係想大家都可以堅持下去... 做媽媽唔易, 做發展遲緩既小朋友既媽媽更加唔易.... 不過, 上天畀得呢個難題我地, 佢一定有後著. 我地唔可以咁易就放棄~~

加油!!!!!

hkgqueenie

其實如果家長想離開s位
但學校報告不合格
家長是否可以堅持離開呢
我女今年第一年
都想9月離開，但仍15／16

urme1997

原帖由 hkgqueenie 於 11-3-10 22:51 發表
其實如果家長想離開s位
但學校報告不合格
家長是否可以堅持離開呢
我女今年第一年
都想9月離開，但仍15／16

堅持要離開當然可以啦, 但就無晒政府0既服務囉

valmom

其實要睇唔合格d咩... 因為學校同評估中心評估既方法係好真係考試咁.. 評估個日做到就係做到, 做唔到就話你未得... 咁有d人真係平日可以ok既, 不過一考試, 因為緊張因為各種原因係表現唔到出黎.. 呢d大家都應該有近似經驗喇... 當然佢地有佢地既理論, 因為如果個樣野真係識既, 咩情況下都唔影響個表現.. 例如踩單車, 如果一個人真係識踩, 佢10年冇踩, 只要雙腳健在, 佢心情差, 唔舒服都係踩到....
我阿女既case係佢係s位係有進步, 亦學識左好多自理上既野.. 不過佢需要大量既小朋友既刺激, 令佢可以睇多d模仿多d而學到多d野... 礙於s位一班既人數實在太有限, 所以我想走... 另一個原因係阿女已經跟唔到出面k1既進度.. 我擔心如果遲一年先走, 咁就甩埋k2既.. 到時年齡所限.. 一出就k3.. 又要適應環境又要適應學習模式同進度.. 我驚佢同我都頂唔順.. 而且如果一出就k3.. 讀一年就上小學.. 又轉環境... 咪話小朋友.. 大人都覺得tired喇.. 所以先堅持...

我今次堅持走.. 雖然cac同學校都唔贊成, 不過都係畀阿女離開, 幫佢排e位... 繼續有政府既醫生跟番...
如果你覺得小朋友可以跟到normal kg, 都可以堅持, 不過, 大前提係你點都唔可以放棄training... 政府有冇都好, 都要加private既.... 入得s位都即係需要intensive training...我依家只係將阿女之前係學校有既training搬到去放左學既其他時間做...

hkgqueenie

社工話要22／3 前交學校報告比醫生
我間自說有國際學校資源的特幼話4月才出比我喎
我今年死心啦，長假比佢去主流暫托下
其實我只想轉i位
下月3歲，我覺得各方面都慢6-9個月度
專注力和學習動機強，理解力好過表達
模仿強
S位大小肌真係好
但我個間行政，環境差，
對我們在職媽媽好不便
返得遲，放得早
讀了半年好似讀了2年咁耐，好辛苦呀
不過醫生當初都話要浸2年
所以下年無論店都會走啦
捱多年啦
其實我主要不滿返學遲，放學早，我不能接送佢是主因，如這面同主流一樣
朝8晚6，讀到畢業都得，學費咁平
為何