劍鳴幼稚園-Nursery

妤妤

我囡都病咗, 4/4 返學後開始病, 成個 Easter 都病, 又係傷風同咳. 一日到黑都食藥

小 v 睇咩中醫 點樣要佢飲苦茶

shirleyshek

妤妤:

因為小V咳左成2個幾星期都唔好..仲有好多痰..睇左2次西醫..食左好多Antibiotics..唔想佢再食咁多西藥..因為好散..未比佢睇一次中醫食中藥清埋個尾...食左2劑..又真係好似好好多...D咳聲都清左好多..晚上咳小左

真係希望各位小朋友病小D...身體健康   

妤妤

係呀, 都唔明白點解佢哋有好多痰, 可以咳到一大灘痰出來, 仲成日嘔埋 d 嘢食出來

elysemama

Poor 妤妤, 咁Easter咪無得同爸爸媽媽出街囉 :cry: 而家好番D未呀? 媽媽有無煲鱷魚肉湯過你飲呀? 我媽媽隔日煲, 我飲了3次, 咳咳好多啦!   你都要乖乖呀! 媽媽煲乜, 你都要飲晒佢 (有口話人, 無口話自己:tongue:  :tongue: )

巧妤上

妤妤 寫道:
我囡都病咗, 4/4 返學後開始病, 成個 Easter 都病, 又係傷風同咳. 一日到黑都食藥

小 v 睇咩中醫 點樣要佢飲苦茶

妤妤

巧妤妹妹

Easter 我表姐過咗來瞓, 我日日有佢陪, 都好開心, 食咗藥明明已經好眼瞓, 但亞媽亞爸都仲同我去動植物公園睇 monkey, 搞到我好忟憎 :tongue:

我最憎就係飲埋 d 怪湯 我一啖都唔飲呀, 激 c 媽媽

芍妤上

elysemama

芍妤姐姐仔,

嘩! 你就好啦! 有表姐陪! 我只有一個堂姊, 不過佢大我7年, 唔係咁啱玩 另外, 我今年會多個表弟    好野!!  遲D有BB玩!! 不如你都嗲下爹地, 叫佢生個細老或者妹妹陪你丫

丫 好奇怪喎 我本來都好抗拒D怪湯, 不過我第一次飲鱷魚肉湯又好接受喎! 重飲晒成碗添   唔知係唔係我身體機能自動感應到我應該飲左碗湯    (不過我身體機能始終認為我唔應該食藥 :evil: )

巧妤上

shirleyshek

各位mummy:

早晨呀    

悠長假期又完喇...小朋友今日又返學喇...加油呀   

HappyYammie

Hi elysemama,

巧妤今日番學了, 適應嘛?

前天見到巧妤對印水紙的恐懼, 看了真的心痛, 可想而知佢早前唔舒服還要接受這種方式, 小小年紀好勇敢哦! 或者你這方面好好舒解佢, 等佢唔好再咁驚.    

係呢, 你知唔知邊度學日文好? 我見有間驛前開了親子班, 但佢一學就分好多級, 其實以佢地咁細年紀, 應該預佢地識幾多日文先啱呢? 我想搵定d資料, 第時需要時可以用嘛!!

o個日上普通話, 係該中心碰到個係km的前同班同學, 佢學緊cooking, 都話幾好玩, 巧妤鍾唔鍾意玩煮飯仔呢? 如果鍾意, 待佢地夠年齡, 可以一齊參加啊!!

elysemama

Hi, Yammie,

巧妤今日返學了, so far so good啦!　佢而家已經適應左學校生活的了! 佢而家好鍾意返學  我走時也不會哭的了, 唯一比較差的, 就是始終不肯用學校厠所    佢開始時是沒問題的, 但番左3個星期學後, 突然有一天不肯在學校厠所ｖｖ, 自此就不肯上厠所了(家裡的potty例外)    哎 要重頭train過了! 我想是不是在學校有過不快既經驗, 令到佢咁抗拒 :cry: 因為佢２歳返學前其實已經介片了, 甚至半夜也會叫醒我上厠所的!!  我仲以為好快可以慳番D尿片錢, 點知人算不如天算   

你睇:evil: 佢連印水紙都怕   可想而知, 個次入院對佢衝擊幾大!!  佢照X時差點咬甩我塊手背肉 :evil:  跟住插手背時, 佢應該係癲左, 要三個醫生按差她!!  佢係醫院三日兩夜, 完全唔肯目訓/坐落床, 佢毎逢有任何人(醫生、護士、亜嬸等)入病房, 佢就喊定先, 人地一走出去, 即刻收聲   好似做戲咁   

不過我同老公都覺得佢住院後, 好似長大了一點, 獨立了一點; 以前佢要人陪住入睡, 最近佢可以自己入睡 : 這次入院經驗對佢嚟講係一個大挑戰; 而家佢無事, 我又覺得這次經驗又不失為一件壞事, 希望佢可以堅強一點去面對挑戰、逆境和學習去克服恐懼

咁啱既 我最都有開始搜集日文班既資料, 我都心思思想比巧妤學日文同Spanish, 但老公話可以等佢大個D (中學或大學階段), 等佢自己決定, 佢話而家專攻英文和普通話好D.  所以我都未决定 我都問過其他人―駅前都唔錯（４人一班）, 另外耀中都有人推薦; 如果2間都okay既話, 耀中地点比較啱我!!  等我了解下佢地D課程内容, 再一齊研究下丫

好呀!　一齊參加丫!! 唔單止巧妤要上cooking班, 佢亜媽―我都要悪補下   

心心鍾唔鍾意普通話呀? 巧妤好似幾鍾意下, 佢以為廣東話mei 講D就係普通話     自創左好多普通話  

再次多謝你幫我買既CD   

HappyYammie

elysemama,

我都係諗過有機會的話, 都俾心心學西班牙語同日文, 但又怕好貴同要讀好耐, 好多學者話語言要由細開始學, 但我又完全唔識這兩種語言, 怕學了用唔著呢!學巧妤爸爸話, 都係攪掂英文同普通話先.   

巧妤咁叻, 識得講mei D就係普通話, 仲自創添, 咁咪好好笑!    睇黎巧妤好有語言天份, 心心佢只係唱劉老師首"再見歌",     其他就無咩興趣.    希望佢係從玩中不經意咁學到野啦!!    不過都有d担心, 因為番學段時間心心想瞓覺, 佢一想瞓覺前就會特別頑皮, 若再加上有其他小朋友走黎走去的話, 佢就會跟住玩埋一份, 佢都唔肯坐定, 所以都唔知佢聽到幾多, 攪到我都唔係幾好意思.

唔好咁客氣啦! 我都係買開一齊買埋, 不過我見最近播的歌都係中級同高級, 可能我地好快又要買埋o個兩套了.

好呀, 到時一齊參加cooking, 應該好好玩. 總知我地多多交流交流lor.       

030316

HappyYammie
我都有興趣給個仔學西班牙文,前排係東山買左套票,但好似你所講"但又怕好貴同要讀好耐",所以都係考慮緊依家專攻英同普,定係學其他外語
請問你地所講的―駅前係邊度?

elysemama

Hi, Yammie,

學習語言講求應用, 怕學左無機會用, 好快忘記 如果學Spanish, 自己又不懂得跟她温習, 更不想她半途而廢!! 所以會考慮清楚才開始; 況且, 我相信中、英語言根底好, 將來學起外語來也不會太困難  我身邊都有好多人都係10幾20歳才開始學日文, 都可以講得好流利

巧妤好鍾意聽隻普通話CD, 最鍾意係"我是懶惰蟲"    , 因為最初我聽唔出歌詞係咩, 就重唱住呢句, 跟住找出歌詞, 原來係"我是懶惰蟲"   , 自此巧妤就成日唱住呢句, 比佢笑C   你有無同心心用工作紙温習呀??  巧妤而家説得最棒的是"蜜蜂、蚊子",最差是 "蝴蝶、飄蟲".

星期六我都係盡量"乙水"巧妤食完午飯後睡一睡, 如果唔成功, 就唯有係巴士上才睡, 下次你試下比心心瞓一陣先返學, 因為佢地都要上到成5點, 無瞓過晏覺都幾倦架   

elysemama

Hi, 030316,

請參考以下網址:

駅前

HappyYammie

030316,

記得你係住九龍灣嗎? 如果去東山會唔會遠呢? 我之前考慮過東山, 仲電話留過幾次名, 但一路無人通知我開班, 所以我暫時   

咁你識西班牙文嗎? 學elysemama 話, 唔應用就學得唔好架, 仲要學費唔平, 所以都係攪掂佢地英普先, 等英普根基好再學其他外語應該無咁難.

你決定上k1嗎? 我仲未決定到, 煩c   

HappyYammie

Hi elysemama,

因為心心鍾意玩, 係街唔肯瞓, 加上上普通話之前仲上音樂堂, 所以理應佢攰架, 所以上普通話時見有其他小朋友走, 佢咪跟住人成日走黎走去咯!   

但到放學, 仍唔肯走, 磨難席, 咩都玩一餐, 攪到次次番到屋企都成6點多, 最輪盡就係佢一離開中心就要瞓覺, 我已經一袋2袋, 仲要抱住個30lbs, 抱到我cc下   

心心較心散, 坐唔定, 不停係咁玩, 玩!! 我播隻cd佢聽, 佢只係要重覆聽前後左右歌, 其他無咩興趣   

elysemama

Hi, Yammie,

個個小朋友都有佢自己個性、特質, 心心應該係活潑型, 喜歡崩崩跳 你既體能一定比佢操到好fit     巧妤得23磅, 但抱住佢都唔簡單, 不過我知對好多人講, 23磅濕濕碎啦

心心係咪係T-L上音樂堂呀? 感覺好唔好呀? 我都有準備幫巧妤報!!  唔知葉氏好唔好?? (見過有D唔好既comment) 因為葉氏係沙田大會堂有centre, 地點比較就腳, 如果佢收(職員話有入學試 :tongue: ), 我想試下。

巧妤較文静, 佢可以自己玩; 最近鍾意玩積木, 鍾意玩角色扮演, 會作故仔, 自得其樂

妤妤

Dear elysemama, Yammie, 阿花

突然間見到你哋好多留言, 等我來插吓咀先

上 cooking 班, 記得預埋我呀, 唔知 Graceful Hands 上好唔好呢

呢排都開始諗緊上咩 ECA, 2 歲半開始好多嘢可以學, 但時間上好難安排, 同埋實在太多有關機構, 唔知點選好

妤妤

你睇 佢連印水紙都怕  可想而知, 個次入院對佢衝擊幾大!! 佢照X時差點咬甩我塊手背肉  跟住插手背時, 佢應該係癲左, 要三個醫生按差她!! 佢係醫院三日兩夜, 完全唔肯目訓/坐落床, 佢毎逢有任何人(醫生、護士、亜嬸等)入病房, 佢就喊定先, 人地一走出去, 即刻收聲  好似做戲咁

**************************************
Oh, poor 巧妤 - 媽媽好肉痛

elysemama

Hi, 妤妤,

上 cooking 班, 記得預埋我呀<-- 好呀    睇下我地夠唔夠人包堂, 一齊玩, 開心D  唔知洗唔洗夠3歳先報得, 等我check下Graceful Hands先

2 歲半開始好多嘢可以學<--係呀   　好雀躍呀 終於等到2 歲半, 而家唸住普通話、英語會語、音樂班, 日文就optional, 再大D會考慮Drama, 嘩!!  好多想頭呀      

elysemama

Hi, Yammie, 妤妤,

啱啱check過Graceful Hands既網頁, Cooking class 要3.5歳up, 或者我地再search過第二間