弱聽

灝霖媽媽

DaisyWong:
咁bb而家識得講d咩呀？有呀，之前灝霖又係發脾氣就想蚊機,不過而家無野啦，有時佢訓醒會講：媽媽幫灝霖帶耳機！不過佢唔識得除耳機,只會就咁掹耳機,所以我唔比佢自己除住。
除了返宣美，我之前有比佢返pg，而家無啦！！6,7月這2個月會返幼兒中心(半日)！希望我地有機會見面啦...交流下bb的問題....

黎太

灝霖媽媽:
你的仔仔好叻呀, 2 yrs就識講:"媽媽幫灝霖帶耳機!"
    
我的仔仔剛2yrs都只係講"車車", "波波"等字...

灝霖媽媽

黎太:
其實每個小朋友的進展都會唔同，只要最後都講到就得啦，快慢都無所謂，不過，雖然灝霖講到好多野，但佢d音唔係好準，我都唔知究竟佢係因仲細個而唔準，定係因為佢聽得唔好....所以我都好擔心....

DaisyWong

Hi 灝霖媽媽,

我bb而家識講"鴨鴨, ya ya, 呀呀, 哈哈 ......", 但就no papa, mum mum囉　

不過, 佢會聽得明我地講嘜, 佢會識得分"爸爸, 媽媽, 姐姐, 麻麻, 爺爺, 眼耳口鼻, ...". 唔知點解唔肯講. 你bb咁仲洗唔洗定期去醫院. 我bb除咗醫院之外, 仲耐唔耐去政府做智力測驗, (因為初時我地担心會唔會其他野都有事)

如果返幼兒中心耳機luck咗點算好? 先生識唔識較呀? 我聼言語治療講bb發音唔正好common, 當然要訓練, 唔可以唔理, 但佢話bb大d會容易d訓練, 所以唔好太担心

灝霖媽媽

DaisyWong :
bb部耳機唔駛較的，教統局set好左的，不過我會教老師除同帶的！！校方都好好，好願意幫手！！
灝霖都要去醫院見醫生的，不過唔算好密....我會糾正佢d音，不過，唔知點降，呢排佢有d音之前講到，而家又講唔到，令我又再好擔心呀！係呢，你有無去〝雙雙加油站〞？你方便比你個e-mail我嗎？pm比我！

灝霖媽媽

ssacmama:
灝霖已經2歲啦！佢5月24日2歲，所以6,7月可以返啦...

issacmama 寫道:
灝霖媽媽,
Where can you find the 幼兒中心 for children under 2?  (Because you wrote 6,7月這2個月會返幼兒中心).  I want to take my daughter to 幼兒中心 too if there are any.  Thanks.

Chr336

各位好,
我個仔柏柏已經一歲三個月,他一出世医院和他做聽能測試時(二次)都不合格,之後再去油麻地專科測試又話不合格,他左耳九十分貝也聽不到但右耳就沒有問題,他要在七月十二日去做磁力共振,你吔小朋友有沒有做過?医生話不需要帶助聽器,你口也小朋友是否這樣?我都害怕他講或聽有問題

DaisyWong

Hi Chr336,

我之前聽過医生話如果有一邊耳仔正常, 情況唔係想像中咁差, 因為至少佢都接收到外界聲音, 所以你都唔好太担心.

點解你bb要做磁力共振? 因為通常聽力差, 有需要做人工耳窩嘅之前都會做, check吓耳仔是否ok可做手術, 医生有無話你知原因呀? 磁力共振至少做30mins, 之前要bb打針, 令佢入睡.  

你而家有無教統局follow呀?   

Chr336

Hi Daisy Wong,

我BB只得一歲多啲,點解是教统局follow呢?你吔啲小朋友有冇做磁力共振?要唔要住院?

fishpp

bb在耳聲發射測試(母嬰健康院)中兩次也不合格,代表他的聽力有問題嗎?這個測試準確嗎?我聽姑娘說bb高音聽不到,我見到個report有三點,好似是第一點高過條平均線,第二三點则低過平均線,她說高返少少就好d,我想問這個test不是只知是合格還是不合格嗎?還會知咁詳細?現在醫生已轉介去耳鼻喉專科(油麻地健康院樓上),要去到9月,到時bb都半歲,到時再check會否太遲?私家有得check嗎?多少錢?有冇bb兩次也不合格後再check是沒有事的?

灝霖媽媽

DaisyWong
如果雙雙加油站有適合我地的活動，我一定會叫埋你地，但因為呢2次的活動都係有關小學問題，所以我都無去....到時我會send e-mail比你的....

灝霖媽媽

fishpp :
你不用太過擔心，雖然我地的小朋友都是測試失敗的，再轉介去專科睇都係失敗....當時我驚、好擔心....但聽講都有好多人去到專科測試時無問題....
我識得有個人,佢係母嬰健康院2次也不合格，自己去私家再check，醫生話無問題，但到個小朋友差唔多1歲，都覺得個BB好似聽唔到野，於是再睇，點知原來真係弱聽，所以如果你要去私家CHECK，要去多2間，同埋，9月一樣要去油麻地健康院再睇，唔好錯過政府服務，因為如果小朋友真係弱聽，跟政府服務會更好！！唔好太過擔心，如果呢個係事實，小朋友都可以講到野的，當然，我希望你個小朋友係無事啦！！
自己同小朋友多缺測試，比D聲音佢聽...睇下佢有無反應...有問題再問，好願意答覆你的擔憂！！

fishpp 寫道:
bb在耳聲發射測試(母嬰健康院)中兩次也不合格,代表他的聽力有問題嗎?這個測試準確嗎?我聽姑娘說bb高音聽不到,我見到個report有三點,好似是第一點高過條平均線,第二三點则低過平均線,她說高返少少就好d,我想問這個test不是只知是合格還是不合格嗎?還會知咁詳細?現在醫生已轉介去耳鼻喉專科(油麻地健康院樓上),要去到9月,到時bb都半歲,到時再check會否太遲?私家有得check嗎?多少錢?有冇bb兩次也不合格後再check是沒有事的?

fishpp

謝謝你呀,灝霖媽媽

灝霖媽媽

fishpp :
唔好客氣！大家互相幫助啦....

DaisyWong

Hi Chr336,

可能你bb情況不是太壞, 因為我bb發現弱聽後, 就同期refer咗去教统局, 佢地會跟進驗耳, 配機, 早期訓練咁啦.

我bb做咗磁力共振, 其實成個過程只係30-60mins, 但之前bb要打針睡覺, 做完後要等bb醒番先可以走, 住咗半日醫院, 住院原因其實係想bb有地方睡好d

灝霖媽媽

DaisyWong
你而家個bb係邊度訓練呀？
我而家會去白普理呀！

Moomin_

Hi 你好,
今次是第一次上來此留言區, 睇到你們講有關弱聽, 所以想問幾個問題。我的寶寶今年四個月大, 已經在健康院check 了2次耳仔test都fail, 再被轉到兒童智力中心再check, 初步測試fail 要再排期做耳仔神經測試;我已經等唔切再去私家醫院check, 昨天知道結果, 醫生話BB 2 隻耳有弱聽及要戴助聽器, 如果唔戴就學唔到講嘢, 另再轉介到公立醫院 follow, 昨天我已哭了一整天, 很擔心BB的將來及怕佢會比人歧視.

1) 弱聽有沒有成因 ?
2) 醫生說我的小孩都不是好差, 不是完全聽不到聲音, 要否讀特殊學校 ?
3) 戴了助聽器會否被人歧視 ?
4) 如果安排BB讀普通幼稚園有否問題 ?
5) BB有弱聽, 學習會否好遲緩 ?

謝謝！
十分需要幫忙的媽咪
Moomin