學習障礙+活躍過度

irenechiu

小孩的天空
hi
我小朋友的情況和你小朋友的情況差不多
1)引用他的方法(行為治療)set 好time table "日出而作, 日入而息",不跟他作無關係的衝突,
ps我還用代幣奬勵法
2)而老師也給他多些服務同學
如他是分飯員和圖書館理員
3) 人家只是口頭有少少不是, 他就去打人.
ps.上次人家叫他死開d坐啦,他就用水樽拋人
4)而他常挑戰權威
ps.有些他不喜歡的老師(常話他和罰他)常在課堂駁嘴,有次老師比功課,他即大聲回答又比功課,想做死人呀,老師告訴我他那天只比咗一樣功課,他便回答(其他課又有你又比多一樣)真給他氣壞
5)成績不俗,
ps,不過只是在一,二年級,毎科都有7字頭,現在只有常識合格 :evil:

其實我也像你一樣想法(唔想佢食藥)因為怕佢會成世靠藥物才會乖,而且醫生又話佢可以唔食都得,不過現家聽咗d網友話佢食咗會好d又想叫醫生比佢食返, ,真係好難決定

anna_gigi

Hi irenechiu
醫生話我個仔係活躍過度症其中一種叫"精力旺盛"

我本來都係反對食葯,我睇過有關活躍過度症書籍,對食葯有幫助佢行為思想,無食葯小朋友可能讀書成績較差,無心向學,到左青春期反叛行為變成小流氓
無食葯時,會攪事,駁嘴,周圍走,無時停,撩事o
食左葯時,會坐定定,專注做功課o
我媽媽都好反對食葯,因她思想比較守舊,唔接受o因星期六會到她家,我要返工,剩我個仔和我媽,我媽媽對我說一番話"她生左6,7個仔女,幾曳既小朋友都見過,未見過咁頑皮小朋友"我就叫她試下比左葯我個仔食,食完葯當堂定曬,重問我有無多一
粒比佢食o
:

irenechiu

anna_gigi

thx

irenechiu

我己約了醫生,不過成三月先見,到時再話比各位知要否吃藥,本人還有一些資料聯合家長組比的
因為我打得摱,所以不如你們想知那些我才打,
1)活躍活躍徴狀對孩子的影響
2)代幣奬勵法
3)建立孩子的自尊(有效的稱讚和鼓勵)
4)促進與孩子之間的溝通
不是聯合
5)學習需要及服務渠道(專題探討)
6)我們的孩子何去何從???

case

IRENEHIU, 你好?
我想知 1) 的資料. 痳煩你打出來好嗎/ THANKS!

wingyuma

我大伯個仔有活躍過度症,
不過兩公婆一路逃避現實, 冇帶個仔去見醫生。
直至前幾日,  大伯同我0地講:佢個仔學校d老師話可能佢有"學習障礙"。
大伯兩公婆一路覺得佢仔只不過洩左d, 好動d, 仲覺得個仔有小聰明。
不過有次,我眼見佢玩到冇野玩自已拎d尼龍索繩(索電線果d) 索住鐵床度自已叫"救命", 爭扎, 叫喊.......成隻手腕瘀晒。 :-|  :-|
我奶奶就話: 大d會有改善好d :idea:
其實係咪會漸大漸有改善嗎!

anna_gigi

我個仔都係過度活躍症,不過佢有精神科醫生跟進,
知唔知點解要食葯,醫生話食葯係想令到佢盡量減低我個仔自己受傷程度o 係大D 會改善,不過唔知要等到幾時O

irenechiu

anna_gigi
但我個醫生起初叫我們試下比葯我小朋友吃時,話d葯係減低佢腦部活躍細胞,所以會專心d學習,但就不會長期服用,一些兒童吃了一些時間就會發覺讀書的好處,自然會自動自覺,那時就可停葯了

irenechiu

case
sorry,這幾天比較忙,我會抽時間打出來,請你等多二天,

irenechiu

wingyuma
我覺得如你發覺他可能有活躍過度,應快些帶他睇醫生,因為年紀較細會容易d教,
而學習障礙,我小朋友也有,他亦做過一些評估,最近一次評估報告話佢理解,表達都合付他年齡,而eq比他年齡還高出二年,但組織,說話和寫作就不合格,你大伯的小朋友作文可以嗎?他會否時常寫錯字嗎?如同音異字,將字反轉字,如有可能是學習障礙了,你應叫他快些帶小朋友做評估.

wingyuma

irenechiu :
其實我對學習障礙不太了解。
大伯的小朋友剛上小一,
我沒聽過大伯說他兒子有作文。
但略聽過大伯為他兒子的數學科而怒氣。

學習障礙是否只是某科目或東西學習有所困難??

irenechiu

wingyuma
我小朋友的學校說,學習障礙的小朋友多是中文科學習上有所困難,己我小朋友小一時成績也不錯,他最少分的一科也有七十幾分,最高有九十分左右,但到二年級就一直低, :cry: 到現在全部紅色,而數學科他都是常計錯數,到了現在連二年級教的乘數表也不大可以背得出,不過我覺得他因專注力不足,與學習障礙不大有關,
這些只是我個人認為,你不如叫你大伯帶他做詳細評估,看看結果如何,
其實我覺得每個父母都唔想自己小朋友有問題,包括我自己,不過如果連父母也逃避,不肯面對,那還有誰可以幫到他呢?

wksin

irenechiu,

請問你的小朋友幼稚園時是否都可以追上程度, 因我個細仔在學校的成績不錯 (k1), first term 見家長時, 老師說估唔到佢可以科科都90幾分, 因為佢記性好, 但係佢既問題係專注力低, 言語發展慢, 從他的表現, 我發覺佢都係高eq個種, 但係就唔喜歡聽故事, 睇書等, 當然佢都係比較好動, 好百厭, 但就肯定唔係過度活躍, 我都唸, 佢雖然現在可以追上成績, 但因為現在比較淺, 日後遇到較深, 要作句, 抽象d既學習就唔一定可以。

係呢你個小朋友是在主流學校讀書嗎? 學校的老師有沒有什麼可以幫到他?

wksin

謙仔媽咪

一口氣睇晒全部留言, 感受到大家既無奈和積極面對.
我個仔現在2歲, 佢成日打人, 包括在街上, 只要人地對佢表示少少惡意, 佢就追住人打, d表哥表姐都怕左佢, :evil:  :evil:每次都比人鬧, 攪到我都唔想參加家庭聚會, 唔想帶佢出街.    由1月開始我比佢番幼兒中心, 希望老師教導下會乖d.  但由2月起每朝番學都要同佢角力好耐先出到門口, 我幫佢穿左邊鞋時, 佢除右邊.  我覺得面對佢好辛苦, 有時甚至想掉佢落街當冇生過.  :cry:  :cry: 我老公話佢有問題, 要帶佢睇醫生, 想問下大家要幾大先可以做評估架???    

kakab105

MISSling

我仔仔20個月排到去做評估!你盡快搵兒科醫生寫信or去健康院叫姑娘比你見醫生，去做評估啦!

謙仔媽咪

kakab105 寫道:
MISSling

我仔仔20個月排到去做評估!你盡快搵兒科醫生寫信or去健康院叫姑娘比你見醫生，去做評估啦!

Ths! 係咪就咁去健康院就得架啦??

st213

最快的方法是找兒科 / 普通科醫生寫紙轉介你去兒童評估中心做評估. 你簡單地告訴醫生你現在遇到的問題就可以了.  

irenechiu

case
sorry,這樣遲才回覆,因為比較忙在其他討論區
1)活躍活躍徴狀對孩子的影響
注意力缺乏過動症
一個有關自我控制能力的障礙
(自我控制)是指
-一個人以意志力控制自己的情緒,行為的能力,欲望的能力
-為了長遠的利益而控制自己行為的能力
抑制中心愈不活躍,孩子就愈過動.

發生的年齡--1歲--心理能力--
抑制和延遲反應
發生的年齡--2-4歲--心理能力--
延長事件的心理圖像
發展自我覺察
發展過去感(後見之明)
發展時間感
發展想像力
發展未來感(先見之明)
與人交談未來之事
抑制情緒
分離感覺和事件
發展社會觀點
發展客觀看法
為達到目的,規範情緒
為達到目的,創造動機
發生的年齡--3-5歲--心理能力--
內化言語
遵守別人訂的規則
遵守自己訂的規則
創造自己訂的規則
與別人交換的規則
被外在即時事件控制的情形漸減
未來感對行為的影響力漸增
發生的年齡--7-12歲--心理能力--
在心裡將世界分解
將各部分重組為新的想法
發展創造力

理論基礎
行為反應抑制力→
工作記憶,內在語言,情緒和動機調節,分解和重整訊息→
採取行動

障礙:工作記憶(在心裡保存訊息的容量,這些訊息可用於引導一個人現在或稍後的行動)
行為表現
-忘記要做的事
-未能汲取過往的教訓
-思考及其他活動漫無組織
-無先見之明,又無法記取教訓
-對未來事件無法預做準備
-無法追求長程目標及計畫
管教原則
-即時給予回饋
-經常給予回饋
-教導時間管理技巧
-教導自我組織技巧

障礙:內在語言(內在私人聲音用來和自己對話,考慮事情,引導或指揮我們自己的行為)
行為表現
-未能讓規則支配行為
-未能仔細閱讀並依從指令
-多說話,較没有內在自我對話
-容易讓環境改變
-較易讓慾望勝過規則
管教原則
-顯示具體的提醒
障礙:情緒和動機調節(將自己的感受內在化保存在中心調控情緒及產生動機驅使繼續下去的決心)
行為表現
-給人的印象是幼稚,情緒化,易激動,易發脾氣
-對事情較乏意志力或自律
-難以促動或激發自己去開始做必須做的工作
管教原則
-預做準備
-即時給予回饋
-經常給予回饋

障礙:分解和重整訊息(把接收到的訊息分解成小部分,然後再把這些小部分重整為輸出的訊息的能力)
行為表現
-解決問題的能力較弱
-探索和評量的能力也較弱
管教原則
-具體教導解決問題和思考過程的方法

家長管教原則
-令回饋即時,頻密,加強和一致
-奬勵先於懲罰
-具體展示時間,提醒和動機
-讓思考和解決問題的過程具體化
-預做準備及採取行動處理不良行為
-家長宜接受孩子的障礙特質問題,外化問題和學習饒恕

這些有關網頁
香港----http://www.ha.org.hk/kch/adhd
美國----Children and adults with Attention Deficit Disorder
http://www.chadd.org
英國----ADD Infomation Services
http://www.addiss.co.uk

    

case

irenechiu,

謝謝你的回覆. 相信用了你不少時間方打成. thanks!

irenechiu

用了二小時多,是否好慢