我想讀番個學位,但老公好似唔係好贊成......

yipyipamy

各位, 我本來係未結婚之前巳經讀緊一個學位(開始了六個credit, 要多讀成五十四個credit 先完),點知小B的出現,令我讀到一半便要停止了.現在小B巳經九個月了, 我想重新讀番一個學位,但老公好似唔係好想, 可能佢怕我會應付不了,呢個學位要用三年時間(因為係part-time studying),我又係番緊工的, 假日又要照顧阿B,錢方面可以向學生資助處申請貸款(不過都要成差唔多九萬). 我啲朋友意見不一, 有啲叫我一定要讀, 最好係小B讀書之前攪掂佢,有啲話有咗小朋友之後應該係揾啲實際嘅嘢進修, 而唔係為咗一個學位用差唔多九萬,但將來可能根本無用.我本身唔係讀書材料, 只係怕係呢個時勢如果比係炒咗好難揾工, 我只有兩個diploma同一啲certificates,係一位秘書, 本來想讀個學位可以係將來再揾一份高職位.
唔知有無媽咪好似我個situation?呢個學位的申請限期係今個星期五, 我真係十五十六, 唔知點算, 大家可唔可以比啲意見我?

stephanieching

你好 !  我都是做秘書的, 早 5年前 (未生小孩前)都 Part Time 讀了個Degree, 之前有個High Diploma在手, 老實講讀完Degree後我唔覺有什麼幫助, 只不過是人有我有咁(我同事也是做秘書的碩士畢業啦), 況且要湊仔要讀書要返工真是會好困身, 不過有點奇點解你個Degree咁貴的

我建議, 如其用9萬元讀一個讀來都無點實用的學位, 不如學些語言課程, 如國語英語, 練得一口流利外語, 反而令你容易搵工囉  !  如我十幾年前讀國語(當時都沒有人讀), 到後來找工作時, 不少人都話我國語講得好 (你知香港人講國語麻麻啦), 我現在份工都是因我國語講得好先選我呢 ! 你想吓, 有大學學位的人通街都是, 但要找個國語流利的人就難好多了, 我現在都還有進修, 不過是讀英語和日語囉 !

hilarywdv

上天很公平, 每人每天都只有24 hrs, 只要
有恆心, 人人皆可以o  祝成功!

B豬媽咪

讀書就會少左同小朋友相處,因為仲要溫書同功課,你要好好考慮呀~

Hipuppy

我本身都有大學學位 , 生o左大女之後就一直無返工.

其實我覺得有學位都唔一定有用 ,更加未必幫到你揾到高薪厚職 , 我就有一個舊同學 , 有兩個學士學位同一個碩士學位 , 依加都係萬幾蚊一個月.

原帖由 yipyipamy 於 09-6-2 10:01 發表
各位, 我本來係未結婚之前巳經讀緊一個學位(開始了六個credit, 要多讀成五十四個credit 先完),點知小B的出現,令我讀到一半便要停止了.現在小B巳經九個月了, 我想重新讀番一個學位,但老公好似唔係好想, 可能佢怕我會 ...

barney2009

1.  Argee.... "有大學學位的人通街都是", but if you don't have it.......

2. Agree........媽咪係大學生, 你個仔或女都有自信d.....  try to think...... If you request your BB to concentrate the study or else he or she cannot get the University entry ticket, then BB said you don't have it too !

alljodesign

唔知你最後有無報到 degree 呢? 如果我係你, 我會讀, 份高職位真係隨緣, 我反而覺得學o野緊要d~

為興趣, 我都想讀番個 fine art degree, c6都覺得無用話"side"錢, 加上 full time 溴 bb, 暫時無時間讀, 另外, 錢真係一個好實在o既問題, 所以 plan 整阿女讀小一時, 我希望可以完成呢個心願!