剛收到通知, 兼收有位, 唔知讀唔讀 (急急)

justjust

HayBMum,

I think you are referring to this website:
www.creativepowerhk.com

In the website, there is a course "突破學習能力成長坊(1歲以上的兒童) "

Similar to gigi2 & justjust, I am also looking for the course for music play as my son has great interest in songs & dancing. But those courses available in the market usually use English to teach.  I hope I can find one in Cantonese.

I am looking for the music courses conducted in English, and they are usually for kids over 3 years old.  If you come across such courses, would you please let me know?  Many thanks.

justjust

ZAZA

:evil:

mamee

hinhinmummy

我仔仔係協康上開50min一堂. 睇呢個st間centre既leaflet, 除左1hr既st, 仲有種30min既發音訓練. 不過仔仔未上過, 我唔清楚同st有甚麼分別.

Q: 至於做言語治療時, 小朋友係不係坐係度?
A: 理論上係應該. 因為學講說話, 望到對方個口型其實係好重要. 假如小朋友周圍走, 唔留心既話, 學起上黎當然會差一些. 但實際上, 其實係因小朋友情況而訂.

就以我仔仔為例. 初初上st時, 仔仔都係坐唔定>非常之坐唔到. 個治療師話唔可以就晒佢, 睇情況而大家遷就下. 上左兩三堂之後, 發覺如果強硬地要仔仔坐, 佢就會發脾氣>喊, 一喊呢, 就要用5-10分鐘去calm down佢, 跟住就無mood去上堂. 個st都話: 分分鐘都係錢, 就無謂太迫仔仔(根本迫唔黎). 變相上堂時就迫埋一個牆角上, 玩啲活少少既玩意. 可能加上埋返左學, 慢慢就越黎越好>由偶然坐低下玩, 變成坐到半堂, 到近來可以坐足50min上訓練(不過其間都要有兩三次, 以食物來做獎賞, 俾力量仔仔繼續做).

我會話我地呢類小朋友, 通常專注力都比較差, 玩一陣就覺得悶就想玩第二樣/想走來走去. 專注力真係要慢慢培養, 同埋要俾小朋友知道所謂既常規=適當既時間就要坐/要等. 例如做訓練要坐.
初初小朋友一定唔慣, 因為佢地free慣嘛, free左成兩三年喎, 慢慢就會有改善. 始終第時返學, 好多時小朋友一樣要坐/要等, [坐]呢環一定要學.

不過, 我認為個st既態度都好重要. 每個小朋友性格都唔相同. 你老公所見我亦不知曉, 真係好難一下子俾到意見你.
你仔仔係step centre上左幾多堂? 進度如何? 我仔仔都有個同學仔係step上st, 佢媽咪就無同我講過/投訴過呢個問題(好多時我地都互通資料).

mamee

hinhinmummy

mamee

step都有好多的st, 可能我個仔呢個無mug經驗卦, 因為當初個醫生介紹朱姑娘比我, 但係她放緊產假, 甘個center就比左呢個姑娘我.  我都好明白要有眼神接觸先學到野, 但如果一開始就用甘強硬的手法, 令到個小朋友不接受呢個centre, 甘咪還衰? 因為佢真係有一半的時間係度扭計, 我老公都提議過要好甘強硬要佢坐定定, 用活d的手法, 但佢無反應.

不過佢上過一堂甘大把.

我尋日去過搵lousia, 佢用食物引我個仔, 幾次都發到音.

今朝佢同姐姐(工人)落街買早餐, 見我不出門口, 叫'媽媽' 跟住拉我出門口.

我相信呢d都係好的開始.

同埋佢早幾日有用手指指野.

事原 :

我叫姐姐帶佢去皇室堡果間百x買野, 甘行上去之後咪有間delifxxxx? 佢行行下, 企左係度, 同時間用兩隻手指指住(左加手一齊)delixxxxx, 姐姐話不食野, 跟住佢企係度幫左一陣好無奈甘走左.

我放工返屋企, 姐姐問我係不係帶佢去過果間delifxxxx, 我話係, 佢話不怪之得佢會指住.

lousia都話呢個係好的開始.

我都知道我只不過上左一堂step就話佢的st不好, 對佢地黎講係不公平, 但當st的方法對我個仔係不work, 而佢又不聽我們的comment, 我覺得無謂再浪費我個仔的時間, 對嗎? 要知道, 時間對於佢黎講, 真係好重要, 我依家好大壓力, 每晚都好想飛返屋企, 同佢玩多d, 講多d, 有時即刻換衫再帶佢去維園, 返黎先食飯.

無晒私人時間, 連媽咪約我食飯我都不想去.

mamee

hinhinmummy

我亦相信這是個好開始. 只要有進步, 就已經是成功. 無論是一大步, 或只是一小步也好.

尋日你見Louisa, 我仔仔就今日傍晚上堂. 最緊要你覺得Louisa適合你仔仔, 我自己就覺得佢真係幾好.

維園我都成日同仔仔去, 今朝先去完玩(我住係北角). 我都明白你地在職媽咪真係好辛苦, 日抖係公司忙完一整日, 返工返到屋企仍然要繼續. 最慘係果種擔心法, 真係唔發生係自己身上就唔會明白.

媽咪約你食飯當然應該去, 同埋仔仔去囉. 其實小朋友越見得多人越好.

你仔仔鍾意聽兒歌嗎? 我仔仔之前都唔鍾意聽, 返左學後就開始啍學校教既兒歌, 可能因為老師會一路做動作, 一路唱歌. 我唔駛返工有時間, 所以好多時我都留到10點先離開學校(下年N2就唔可以), 從中我學會唱學校既兒歌. 係屋企/出街搭車既時候, 我都會對住仔仔唱. 最開頭佢只會唱最後一兩個字, 但係日子有功, 就會見到成績.
依家播街外面普通兒歌, 我仔仔都會聽得好開心.

努力啦, 各位媽咪!

mamee

hinhinmummy

mamee

我個不係首首歌都鍾意, mu dull首豬腩肉, 不知點解聽聽下就不鍾意, 但係我唱比佢聽, 佢就好開心.

另外我唱世上只有比佢聽, 佢會拍手掌, 唱到'yes i do, i always do'佢又會好開心.

你仔仔返普通pre nursery, 定係特殊幼兒中心?

佢9月開學, 我都好擔心佢適應不到普通學校的生活,  我打算開學校過多一排先同學校講佢的情況, 因為我驚甘早講, 佢不比佢讀.

不記得講, 我個仔出街食飯坐不定, 如果同佢一齊出去好幸苦, 所以我會要求我媽咪/家姐黎我屋企, 雖然攪到我屋企污煙'獎'氣, 但就可以舒服d law.

mamee

hinhinmummy

我個仔仔讀緊兼收位=普通幼兒中心, 全部老師都明白兼收位小朋友是怎樣. 我仔仔係舊年8月開學, 那時他2歲5個月.

你仔仔那間是幼稚園定是幼兒中心? 應唔應該同學校真係好難決定. 你仔仔性格如何, 靜那類定是活躍那類? 我仔仔之前無時停, 一定瞞唔到人.

好了, 我都要準備出去同仔仔上st. 容後再談.

mamee

hinhinmummy

佢有時好定, 有時同圍走.

佢讀cwb果間保良局

因為剛剛先排特殊幼兒中心, 有排先會輪到佢, 不通坐係屋企等發'霉'

wksin

ZAZA,

我個仔將會讀係"基督教家庭服務中心德田幼兒園", 唔係保良局德田幼兒園, 希望仔仔遇到個好老師。多謝你關心。

mamee

既然都過左今年既開學期, 依家有學校返, 當然是返住先. 其他既事都是見一步, 行一步. 我自己一路都是抱著呢種心情. 有時同學仔媽咪會問下[有無心水小學], 我自己會打個突>真係無諗過. 剩係開始擔心過左依家既N1蜜月期, 今年升N2後, 唔知情況會如何?

你住銅鑼灣, 你應該希望仔仔入讀灣仔那間協康, 是嗎? 仔仔其中一位兼收位同學仔, 8月都會轉過那邊讀. 我仔仔都在那裡自費上幼兒訓練.

其實你放工後, 除了可以同仔仔去公園玩外, 亦可以嘗試在屋企做訓練=玩下玩具.
我仔仔之前學認知, 其實是由實物開始, 跟住用相片, 再跟住先用圖咭. 幼兒訓練個導師解釋: 實物除了真實外, 重可以俾小朋友觸摸到/感覺到那件東西, 會使小朋友容易些記得, 加深印象>我只是分享經驗, 唔敢說一定對.

另外從生活中學習亦是好方法. 除了可以去公園外, 你大可以同仔仔去超級市場, 隨手拿起都可以教之餘, 仲係實物添.

mamee

hinhinmummy

mamee

我想問幼兒訓練係mug野訓練?

ZAZA

:evil:

wksin

ZAZA,

未呀, 佢要5/8才開學, 你唔講, 我都唔知保良局有咁既老師, 因我見佢地辦學好進取, 好多人都想入佢地D學校, 好似保良局德田幼兒園咁, 有朋友話要預早一年報名先至得, 好多人都覺得佢地好好, 不過以一間學校黎講, 老師的質素是最重要的, 光有美麗的校舍及課程而沒有有愛心的老師都無用。原本我都有唸過轉去佢地到讀, 而家唔駛唸啦。

wksin

ZAZA

wksin,

sorry,以為你個小朋友2/8開學添!
你講得啱,''以一間學校黎講, 老師的質素是最重要的, 光有美麗的校舍及課程而沒有有愛心的老師都無用。''

提醒各位媽媽,尤其是小朋友返特殊位的,隔外留神,不要單靠老師短談幾句,就認定是好老師,人心難測,扮野好易ga 咋!

特殊小朋友好多時(因各种原因),較難覆述上堂學咗セ,或老師講セ說話,如果老師唔用心,游下游下又一堂ga la!!

wksin
希望你小朋友快D適應la!
      

mamee

hinhinmummy

幼兒訓練係mug, 你可以去協康網址睇睇<<協康>>.
除了仔仔會在堂上做訓練外, 其實也是我自己上緊堂=如何教/陪仔仔玩. 好多時普通人用得著既方法, 好像不適合我仔仔身上. 遇到有乜困難/唔明白, 我都問埋個導師. 不過要提提你, 教幼兒訓練既導師其實是協康裡面既老師; 不是治療師.

mamee

hinhinmummy

mamee

吾該, 我曾經打過電話去協康, 問佢有mug可以幫我個仔, 佢無同我講過話可以參加呢個幼兒訓練.

我會fax張form去.  不知排期耐不耐?

JOANNA722

wksin & ZAZA
Hello!  我個仔9月份會讀保良局徳田, 但聼你們話D 人好惡,
現在好担心, 但派到唔通唔要咩... 好無奈....

有無人跟緊將軍澳條line, 等左幾耐?

wksin

Joanna,

保良局德田的情況我不是太清楚, 是zaza講比我知的, 不過既然派左位, 你可以比佢讀住先, 入學後立即到社工到再排過第二間, 如果到時真係覺得唔好, 派到第二間時先至轉, 不要浪費左個位, 而且我相信有時都要人夾人的。

wksin

ZAZA

Joanna722 & wksin,

sorry,係唔係嚇親你哋呀?
joanna,有位讀住先la,wksin講得啱,人夾人麻!
跟緊D仔仔,多D係窗口'

HelenMrs.Lau

阿仔下星期開始返學，我都好擔心呀 :cry:  :cry:  :cry: 面對一班新老師，真係驚互相唔習慣，希望可以盡快適應，同埋老師可以CATCH到阿仔0既行為喇