情緒不安的小朋友,HELP

yatkan

我唔知個仔,係唔係資優兒童,但我知佢情緒應該有問題,我好擔心,但又唔知應該點做,好冇無助,唔識點教佢,有冇人可以幫下我呀?? :cry:  :cry: THANK YOU

我以前係個Working mummy,但見佢愈大愈唔對路(佢e+ 4 1/2yrs),所以辭左職,自己湊佢,諗住會好d,但果種挫敗感,搞到我都就黎要睇精神科醫生 我每日放學去接佢,佢都會俾小朋友,其他家長或老師投訴,差唔多日日都俾老師罰,初初我接亞仔放學,d媽咪知道我黎接個仔放學,兜口兜面話我個仔好百厭,叫我睇緊d佢教緊d佢,又試過亞仔係街見到個同學仔,跑前去同佢打招呼,個媽咪叫佢個小朋友唔好同我個仔玩,話我個仔百厭

佢個人專注力好弱,又好奇心重,一日都黑問點解,你俾0既答案佢唔滿意,佢會發脾氣,但當佢冷靜落黎,佢會主動同我say sorry,我成日同佢講,有乜唔開心,唔滿意要冷靜d控制下自己d情緒,慢慢講 (其實佢成日認為人地唔明佢意思,所以發脾氣)
佢次次都喊住答我佢知,佢明,但佢控制唔到 前兩日佢同我講,佢好嬲自己,好憎自己,點解控制唔到wor   我聽到好心up,唔知可以點幫佢 :cry:  :cry:

gigi2

You may consult the doctor first and ask him/her to do referral if necessary or contact Heep Hong Society which provides a lot of training and assessments about 行為/情緒問題.

Tiffiny

Dear yatkan,

我完全，絕對，非常之明白你的感受。我已經辛苦左11年，而家依然努力緊，我好能夠感受到你的挫敗感，但係呢d係百年抗戰，你千祈唔好放棄，o係度呻完就算喇，個仔係自己生o既，點都要諗辦法幫佢，知道嘛？

我以前都成日比人兜口兜面話唔少，真係好難受o架，好想搵個窿捐入去就算，又唔明點解個仔教激都唔聽，真係覺得好無助!

我個仔亦係成日問點解，答到我好疲倦，但係佢精力旺盛，唔使訓咁多，攪到我成日唔夠訓，好似癲婆咁。不過好在佢情緒比較穩定，成日都好開心，係太好奇，太好動同唔得專心。

你仔仔成日發脾氣係可以解釋得到o架，因為佢o既求知慾得唔到滿足，亦由於佢太細，跟本未識得完全表達，亦都唔知點解會唔開心，所以只懂發脾氣，我諗你首先要明白佢感受，賞試用"同理心"認同佢唔開心先，等佢覺得被接納，穩定左佢情緒，再同佢一切搵答案，而家可以上網真係好方便，因為乜都可以search到，你試下同佢講，媽咪唔會乜都識晒，不過可以同佢一切搵答案，起碼比佢知你無忽略佢先，其實佢識得同你道歉，證明佢唔係曳，只係唔識控制自己，你多d同佢傾計，係要傾好多好多o架，我都仲係努力緊，不過因為我仔仔大好多，所以你的問題我都經歷過，你有乜野想知，就係度講啦，或者你唔想太open，都可以pm我，我一定會覆你o架，記住，雖然辛苦，但日子總會過去，而且有我陪你，你並唔會孤單o架!

yatkan

Hi gigi2 & Tiffiny,

好多謝你地0既關心同鼓勵,我今日忍唔住帶左亞仔去睇醫生,個醫生寫左封轉介信俾我,轉介亞仔去做個全面性評估,由於我六點幾先同佢去睇醫生,所以要聽日先可以同佢去排期,有消息再同你地聯絡Y !

KEEP IN TOUCH!

longfung

yatkan ,
其實你囝囝只得4歲半, 自控能力當然差, 但他都曉得自己不對及講對不起, 已經很好. 至於當面指責你囝囝的媽咪是她們的不對, 我覺得你要學會不介意別人的眼光, 只要自己做得對就可以.
我囝囝現在3歲2個月, 但我已經不介意別人的看法, 因為自問我是有盡力的管教囝囝, 但每一個小孩都有他們的特質及性格, 頑皮及活躍是天生, 旁人不了解而說一些難堪的說話, 聽過就算, 自己繼續努力就是最好的方法!

mickeywinnie3

我也好明白你地苦況, 我亞仔都類似咁!!!