Kentville Chatroom for K.1 only

wen

我個女用 MELODY 杯，毛巾盒係盒頂有個 1 吋高的 HELLO KITTY。
佢有帶樹葉，一時話學校有，一時話帶返去。
"唸"佢記憶時個樣好得意，一時話有，一時話無。佢係大女，我覺得佢記性都好差。
呢個禮拜初，佢仲話下星期一係生日PARTY，唔使著校服，今日等我再問下佢先。
如果佢錯左，我都由得佢，等佢下次記得。
我問極我個女都唔識你個女，可能佢地唔係坐埋一整齊。

ansonmom

何解每班的教學進度及情況都有所不同既？事關昨日上網先知道要帶樹葉，咁問囡囡係咪要帶，佢又話無，但bk媽媽報料話要帶，為安全計，都係預先執定一塊啦，點知昨日下午送佢返學，順便問老師，但老師就話無講過要帶，佢仲問我點解會收到呢d消息，當堂有d疑惑，到今日老師都無話帶樹葉，依家bk媽媽又話帶家庭照，哎！認真奇怪同懊惱！因為囡囡又係話無講過要帶，點解會咁既？
呀！想請問一下10月份學費過左數之後，學校會唔會發收據俾我地呀？如果有，請問收到未？

寶貝豬豬媽咪

如果真的每班不同, 咁可能小朋友話唔使帶樹葉都係講真, 咁若果我地又同佢講話要帶, 咁佢地咪好混亂??   

panchu

Mrs.Fong 寫道:
panchu,

我連曾凱琳係邊個都唔知添...
咁, 昕昫是否坐在文樂附近? 其實我剛剛的星期一至三都有接囝囝放學, 唔知有無見到你呢?

昕昫原來坐係文樂左邊喎!佢今日先話我知 我頭果兩星期都有接佢番、放學,但依家就淨係搭保母車!

ansonmom

係呀，擒日囡囡答左話無，但後來再問多佢幾次，佢又話有,,到最後原來佢係無錯既！所以我覺得好似有d攪到佢思想混亂，有時都唔知邊樣真、邊樣假，所以都係唔問咁多，等佢自動講俾我聽，訓練一下佢既記憶力！

panchu

ansonmom 寫道:
何解每班的教學進度及情況都有所不同既？事關昨日上網先知道要帶樹葉，咁問囡囡係咪要帶，佢又話無，但bk媽媽報料話要帶，為安全計，都係預先執定一塊啦，點知昨日下午送佢返學，順便問老師，但老師就話無講過要帶，佢仲問我點解會收到呢d消息，當堂有d疑惑，到今日老師都無話帶樹葉，依家bk媽媽又話帶家庭照，哎！認真奇怪同懊惱！因為囡囡又係話無講過要帶，點解會咁既？
呀！想請問一下10月份學費過左數之後，學校會唔會發收據俾我地呀？如果有，請問收到未？

ansonmom and all,

你好攪笑 結果你點應老師呀?
其實小朋友初期番學要適應好多嘢,忘記帶嘢實屬平常事,畢竟佢哋都係三歲幾!相信呢度d小朋友番得一年半載就識得咩都同媽咪講!
我都做咗十年幼兒工作員,不如我分享吓我嘅教學心得!如果你想小朋友乜嘢都同你哋講,第一就係要識表達,你哋可以同小朋友一齊睇故事或看電視,跟住問吓佢哋故事內容同埋一d感受,咁樣唔止可加強小朋友嘅記憶力,仲可幫助佢哋表達,從而達到親子関係的效益! 如果佢哋表達已經無問題,你可以比d責任佢哋負,例如:一陣daddy番嚟記得提佢簽手冊!如果佢做得到咪讚佢兩句,做唔到都唔好苛責(比多d時間佢哋)!跟住若做到,你可延長d時間,例如:聽日放咗學記住提媽咪買包鹽!日子耐咗,佢唔單止覺得自己好重要,仲可以慢慢培養佢有一份責任心tim!

Mrs.Fong

panchu,

我今日問文樂有關昕昫及凱琳, 佢話昕昫係蘋果組(文樂都係apple), 凱琳係香蕉組的.唔知真唔真???

panchu

Mrs.Fong 寫道:
panchu,

我今日問文樂有關昕昫及凱琳, 佢話昕昫係蘋果組(文樂都係apple), 凱琳係香蕉組的.唔知真唔真???

哈哈!文樂同琳琳分別坐喺昕昫的左邊和右邊,佢哋三個都應該係蘋果組啦 儍豬!!

anitatam

我個仔讀1k班, 佢話唔駛帶樹葉, 但佢話在學校有將d樹葉拍嚟拍去, 我估係做手工.

tsztsz

wen,
我囡囡話唔係同穎心坐架，佢話坐香蕉組。
而下一星期開生日會佢都無講。

wen

tsztsz,

我問佢生日會d野，佢都無提啦，應該唔係真既。
佢無同我講佢係邊組，佢淨係講過幾個同學仔d名。

寶貝豬豬媽咪

Dear all moms,

請問你們昨天有無收到syllabus, 因為好像應是每2 個星期派一張, 但昨天手冊內卻沒有   

tsztsz

我都沒有收到syllabus

JoyceWong

我小朋友叫林琛, sam lam 他曾對我說方文樂病了沒有回校,原來他的說話有點根據.

hktt

hi all,

我囡囡讀kent Rd (K1G)。

琴晚佢同我講隔離的小朋友帶了樹葉，我問佢點解，佢又唔答我，比佢激死！

想請教有無讀kent Rd (K1G)的媽咪可以交流吓呢?

另想請教各位媽咪，是否每班所教的都不同呢?有遲亦有早呢?

hktt

我都沒有收到syllabus，是否下星期先派呢?

docomo

hktt 寫道:
我都沒有收到syllabus，是否下星期先派呢?

syllabus是隔週才派的.

Mrs.Fong

Joycewong,

原來你係林琛媽咪!? 你好! 文樂第一日返學就認識林琛, 開頭你囝囝好似坐在文樂對面的!

JoyceWong

文樂媽咪,你好!林琛有時同我講要好似文樂daddy送返學時錫(kiss)佢一樣地錫我!我時常以為阿sam"老作"!

阿sam好喜歡miss lau,話佢笑時很靚,話miss lau 教佢做運動(度手位?),miss lau 教佢地唔好踩紅線(咩學校有地方劃有紅線咩?我唔多覺喎!),miss lau 教"秋"字,話d樹葉老咗好似公公婆婆變黃色啡色,掉下來.
星期五時,送他他返學時見到miss lau係校巴內扶小朋友下車,他立刻興奮地叫"miss lau呀!miss lau呀!"仲向她揮手,好似fans見到劉德華! :