我個仔巳經三歲半喇,一出世就測試到佢有輕度弱聽,點知一個月前再去覆診時,醫生話佢好嚴重,但係佢又無實際d既答覆,於是今日帶佢去中環既中建大廈睇耳鼻喉囉,睇完真係一肚氣,o個個所謂既聽力專家真係唔知o係邊度畢業架?無禮貌到死,做人亞媽咁一定會緊張架啦,我個仔又曳喎,唔專心做測試,又唔肯比人掂佢耳仔,但係個所謂專家,一d都無耐性囉,見做唔到就話佢應該係個中耳有事,叫我去睇鼻既專科,我問佢會唔會係胎水積住,佢又話唔識,枉佢心口掛住個牌叫「聽力專家」呀,跟住我又想問佢幾個問題,佢又唔答我,答左我第二樣野,真係唔知係我表達能力有問題,還是佢理解能力有問題呀,今次睇完好似無睇過咁,佢既服務水準及態度同我之前睇政府個d真係無乜分別囉。不過都有好既,我睇完聽力之後,要再去睇言語醫生,依個顧醫生都好好,檢查到我個仔好多耳垢,解釋比我知都會影響聽力,而個位「聽力專家」亦都有檢查我個仔既耳仔架,但係佢就話好乾淨,唉~~都唔知邊個o岩呀,好過顧醫生幾好,見我真係好擔心,佢都會安慰我,依家佢發現我個仔扁桃腺過大同埋鼻膜好脹,見議我個仔做扁桃腺既手術,做左依個之後再做聽力測試呀.
唉~~我依家都唔知點做呀,本來諗住幫佢check聽力,點知依家發現又多d野,唔知呀,好煩呀!你地有無d咁既經驗呀?有無去過依間耳鼻喉睇過呀? |