開學喇！(沙公的第一天)

Cathleen

markojacey,

節哀順變! 希望您同屋企人都不要太難過.

人生總無常.  我個同事佢先生有肺cancer四期, 無食煙都會禁. 佢好後生咋得30幾歲. 結左婚2年. 如果佢先生有嘜事,唔知佢點算 :cry:

cathleen

markojacey

多謝各位的關心和支持。   

其實心情大致平伏，始終沒有親眼睇住老爺離開。 :cry: 唔似以前我姑婆走果時要成個月先平伏。(因她由細照顧我哋3姐弟同埋一齊住，重親過我阿嫲。)當年睇睇吓電視有人病死我就會失控，   ，好無用。

今午老公一個人已經坐飛機返去辦喪事，成１０幾個鐘直航機真係辛苦他了。好彩佢office果邊老細好人俾佢早多兩日放假，咁佢就無咁趕。因為個儀式响當地時間星期一舉行，所以他去到加拿大還有啲時間休息下。  

Cathleen,
多謝關心。其實我都有一個老細又係唔食煙，但office附近啲同事响office或者食lunch時食，(佢就食二手煙)當年他也患咗cancer，做咗手術都好番。點知今年我轉咗新環頭，撞番個舊同事同我講，那位老細年頭番發過咗身。所以覺得做人好化學。

琴日阿仔放學返嚟，我見到他的資源輔導老師給我的溝通簿。話阿仔午飯后小息同人爭玩具，剛巧老師經過，見到阿仔趴在枱上，之后就帶咗佢入電腦房玩了一陣電腦，當上課鐘聲响后，阿仔很合作關機。老師認為他的表現頗好，只係同學之間嘅相處不如意時會動手。  

我真係好興幸能夠入到沙公。 因為短短幾日時間老師已經了解阿仔基本嘅脾性，用他們專業的知識去幫助他，同埋已經暫定有4個大型活動的資料提供，方便我早啲向老細攞假同plan下。希望遲啲同大家分享一下。

chanchanboy,
你個仔返學情况如何？ 我琴日帶阿仔上校車時，好似見到你個仔坐响入面！乜你唔係自己(or工人)帶咩？相片已晒好，我唸下星期你應該收到了。   

markojacey

chanchanboy

markojacey,

溝通簿我都收到, 不過無mug特別野寫比我, 電話中就知道仔仔仍有離位情況, 老師就每日有個小貼紙比仔仔作鼓勵(因我有講仔仔鍾意mug野鼓勵), 小息就好鍾意睇karaoke, 放完小息排隊個陣同老師講, 想睇多一陣, 老師話唔得, 佢就無出聲一齊返入課室, 食完餅無人教佢, 佢自己去飲水器度飲水.

我就始終最担心佢課堂時坐唔定, 我星期四問佢係學校做d mug, 佢話"係學校度傻笑同擰水樽" .  我有寫係溝通簿度等老師知.

我仔仔返學改搭校車, 因為由大圍站行去學校大熱天時都幾辛苦, 我星期五(1/9)打比校車公司, 當晚就即刻安排好, 星期一(4/9)可以搭.

係呢, 你星期二(12/9)會去disney嗎?  其實我同仔仔去過好多次, 但我問仔仔想去disney定留係屋企打機(好吸引ge活動), 佢話想去disney, 所以我會請假陪佢去, 我估會好多好多人, 因為好似大多數特殊學校都被邀請, , 肯定辛苦過返工.

d相, 唔該哂你, 收到話你知.  

markojacey

今早天未光，大約5點幾6點，老公打電話返嚟報平安。但我還未瞓醒，  佢話遲啲再打返嚟。到我依家放咗工，食完飯都未有電話到。

chanchanboy,

下星期二我同仔仔都唔去喇！一來太趕，攞唔設假。:cry: (我做嘢嘅地方係bi- weekly咁編更同埋攞假要預早申請)二來， 我問過佢想唔想去，佢又話唔想。

同埋佢同妹妹今年生日我哋一家人响廸士尼樂園酒店住咗一晚。 到第二日妹妹正日生日，因我表妹夫响廸士尼樂園做，有free tickets，果日帶佢入樂園玩，只係玩巴斯光年，坐旋轉木馬係佢有興趣。其他嘅叫佢坐太空船，排隊時，已經發晒脾氣，到佢坐低都重發僅。 之后妹妹就同我玩咖啡杯，小飛象，daddy就帶佢坐火車遊一個圈。 后尾就一齊坐船睇winnie the pooh嘅show同埋森林河流之旅,睇完parade我哋就走了。因為前一晚喺酒店間房已經睇咗煙花，而且佢哋兩個都玩到倦，所以4點幾就走。但係就無睇3Ｄ嗰show,有點可惜。    

希望你同仔仔果日(12/09)玩得開心啲。玩埋我果份！
markojacey

chanchanboy

markojacey,

希望下次活動你可以出席啦!
今日老師打黎, 明天分左組, 成組要一齊活動, 我諗順道可以同班主任傾下計.

markojacey

老爺的喪禮今天已經完成，並入土為安。過兩日我老公就會返嚟。這幾天，我個女成日問daddy喺咪返咗加拿大個嫲嫲到。 又話掛住佢daddy(平時又唔見佢咁講)，又問爺爺點解上天堂 點解爺爺會死 我同個女解釋之后，有次我個仔發脾氣，我話咗佢兩句，佢竟然話媽咪死、媽咪死咗。我真係比佢激C 。解比佢聽又唔明，真無奈:cry: 。

chanchanboy,

之后嘅活動我就未知可唔可以去。但星期六上午那個"家長特別座談會"我果晚就番通宵，上午有時間可以去聽talk。你會唔會去呀？ 我今日先寄咗相俾你， 我估過2日你應該收到。     

今日又落雨又一号風球，你同仔仔有無機會玩到啲遊戲？希望一切順利喇！  

markojacey

chanchanboy

markojacey,

今個星期六的座談會我不會出席, 因為要帶仔仔去做speech therapy.  

今日去到disney和臨走都非常大雨, 但中間d時間雨勢唔算好大, 中間有段時間無雨tim, 不過就好涼吓.  上午唔駛點排隊, 不過因為要一隊人行動, 有d野仔仔話想玩, 但我話今日分組活動要跟住老師, 所以唔可以自己決定玩mug, 仔仔都肯同埋都好開心. 今日一週年, 有生日帽, 襟章同蛋榚送, 學校仲有一送一餐券, 係度都要讚下學校安排得好好, 不過就無時間比我地買一週年d精品:cry:(唔關學校安排), 早知選自行回家唔跟校車啦!

但回家做中文功課就慘lu, 比我鬧到喊, 我同仔仔兩個都慘.

d相唔該哂你.

markojacey

聽晚老公返嚟喇！ 我就決定去接機同埋同佢食餐飯，過吓二人世界。    真係好喇！

話晒這個星期，我同佢嘅心情，唔多唔小都有啲影响。 :cry:

今日係老爺嘅頭七，今晚係屋企有隻飛蛾响度飛嚟飛去。  本來我個女見到話好驚，但我就同佢講，可能係爺爺死后，用魔法變咗一隻飛蛾嚟探我哋。(我個女好鍾意聽啲故事時時有magic)咁佢就開始話唔驚。

今日下午因３号風球同紅雨，囝囝學校一點鐘就放學。而今朝天文台10點幾先通知掛。但我帶囝囝等校車時，啲雨大到好似黑雨咁，重要遲咗成廿幾分鐘先到。 好彩今日day-off，可以叫工人帶妹妹返學。如果唔係，工人同兩個小朋友都幾狼背。   :-x

chanchanboy

markojacey,

今個星期六的座談會我都會去lu, 因為班主任打比我, 似乎都好重要, 到時有機會的話一齊坐呀!

chanchanboy 寫道:
markojacey,
今個星期六的座談會我不會出席, 因為要帶仔仔去做speech therapy.  

markojacey

本來唸住接老公機，點知佢今早凌晨打嚟話因香港呢邊黃雨嘅關係，班機delay，佢要遲6個鐘先返嚟。
但係今早我返早班時佢又再打嚟話可能會再delay ，叫我唔好去接佢，因太夜(0015hrs.)先到，所以只好在家瞓住等。   
點知好似做戲咁，佢家姐响佢上機后打電話比我，話又再delay 半個鐘先到 。又再過多大半個鐘，佢另一個家姐又打電話比我，話check過航空公司個schedule，又delay到凌晨2點幾！    咁攞得行李同坐車返嚟，起碼4點鐘。   
真係覺得佢呢轉返去有點辛苦 :cry: ，有點好彩無帶2個小朋友去。尤其係阿仔，咁多嘢發生，又要坐十幾個鐘直航機，唔知會有咩發生？

[quote]
chanchanboy 寫道:
markojacey,

今個星期六的座談會我都會去lu, 因為班主任打比我, 似乎都好重要, 到時有機會的話一齊坐呀!

[quote]

chanchanboy,

好呀  ！
我重唸僅果日個個都唔識，都唔知點算。(阿仔果班有幾個以前讀同一間中心嘅家長唔知去唔去   )咁到時電聯喇！

markojacey

chanchanboy

上次我帶仔仔出外旅行, 回港遇著三號風球(好勁個次D人噪話應該掛8號個次), 又係delay再delay, 返到屋企都2:00am, 亞仔係機場話想坐, 我話無位, 叫佢坐行李車, 佢好怕污嘈都坐, 仲好可憐咁同我講"我想返屋企, 我想訓覺", 小朋友真係頂唔順呀. :cry:

markojacey

老公响今早3點幾打返嚟報平安。 之后我就瞓返。响矇矇矓期間，我好似見到佢番咗嚟。
今早一起身，見佢擺咗2個背囊响張枱度。等2個小朋友起身見到時，佢2個好開心。     尤其係阿仔，佢daddy重幫佢揾到"反斗車王"的玩具車比佢，佢仲揸住其中一架唔肯放手 ，到返學坐校車時，佢daddy先至攞得番架車落嚟。
后嚟，我老公同我講話佢今朝冇車返沙田，要坐車出旺角再轉的士，真係辛苦佢喇！

markojacey

還有半句鐘就係我老公生日 ，但呢一刻還是我的生日 (我倆差一天)。
今天我收到好多生日sms ，我自己的願望就係全家身體健康，(因老爺那件事后 :cry: ，這是我這刻的想法。)另外，希望囝囝响沙公讀書有進步同埋開心，囡囡响幼稚園也快樂地學習。 他倆和睦相處，唔好成日打對方 ，我就高興喇！

另外，星期六响沙公聽了一個talk,係校長介紹學校將推行三三四。(因全港只有5間特殊學校被選為今年開始試辦中六，零九年才全面正式開始有三年高中課程。)希望到阿仔那時升上高中能夠有更全面的課程適合他 。

chanchanboy

markojacey,

遲左d, 補祝你生日快樂.  

markojacey

本來我今日要上court,(公司啲case)但係琴日有個madam打电話比我，對方的律師話認罪，所以唔駛去 ，但是要返原先的schedule ，我便要求請假陪老公生日，點知老細話我負鐘要還債，所以要揾日返長更補償先批我放假 ，我只好應承 :cry: 。
琴晚同老公和他的朋友吃晚飯后，我先回家。他們就去飲嘢吹水。凌晨我重打電話比老公講"生日快樂" ，點知今早2點幾鐘，佢個朋友打電話比我，話佢飲到不醒人士 ，叫咗白車送佢去醫院。我一收線，就飛的揾佢哋。之后，佢啲朋友其實都"貓貓哋"，但係都安憵我。重同我講老公其實好後悔無做好多嘢，依家想做但人(老爺)已不在
:cry:  :cry: 。
其實我一直有問過他有無唔開心，但由於男人的尊嚴，佢就話無:-|。辦先喪事回港后 ，他還問我有否考慮移民去加拿大 同埋他開始有點miss佢啲家人。但我要考慮2個小朋友能否適應。
后來我問醫生，因要檢血，我就等咗3個多鐘，等報告出同埋佢醒過來才可以出院 。之后大約6點幾就送佢返屋企，坐的士時，佢話瞓梗期間，佢feel到好似有人摸佢個頭同佢講"傻仔嚟嘅"，我唸係老爺唔想佢個仔因為他而傷身同心，所以走入去佢個夢吧！
返到屋企，佢就冲涼瞓覺，我就同工人幫2個小朋友起床同送佢哋返學。
依家好眼瞓，我唸我瞓醒先再同老公celebrate 。

chanchanboy 寫道:
markojacey,

遲左d, 補祝你生日快樂.  

chanchanboy,

多謝晒！

markojacey

markojacey

早兩日奶奶由加拿大返嚟香港散心，琴日陪佢做長者卡 。(上個月尾，我右眼發炎同埋有膿，到依家重放僅病假    所以有時間陪佢辦手續)

之后，同奶奶接兩個小朋友放學，哥哥初頭唔肯要嫲嫲，(有成4年無見 )后來嫲嫲話請食雪糕，阿仔就又kiss又擁抱嫲嫲，攪到嫲嫲好開心 。

而妹妹放學，好似好熟咁，一見到奶奶，就好似識飛咁撲去嫲嫲到(佢只係2個幾月時，我哋一家四口返去探老爺，平時只係見過相片)。

之后奶奶响我屋企食埋晚飯，傾咗一會，她有點倦，老公便車奶奶去奶奶個細佬度瞓。因為我屋企好細，無理由叫奶奶瞓廳架嘛！

chanchanboy,
啱啱個公益便服日，阿仔上咗鏡呀！上去睇下認唔認到

http://www.shatinpublicschool.edu.hk/0607/06.9.29/page_01.htm

[size=x-large]各位中秋節快樂！

chanchanboy

he he ... 我見到你仔仔同ST合照喎.  我個日就大幪唔記得同仔仔著便服, 到返到公司見度有細路無著校服等緊校車先記起.

黎緊有家長會同陸運會喎, 你會參加嗎? 另外10月15日個日營你有無報名呀?

今日資源老師寫比我話仔仔離位問題嚴重, 黎緊會重點執佢行為, 其實我開學前已經講左, 到開學我都不停問住佢有無離位, 一定要好堅定掣止佢, 如果唔係佢就覺得離位無問題, 當時老師話始終新環境, 比D時間佢同叫我唔駛太担心.

markojacey

chanchanboy,

答對了    。

果日阿仔個自閉症資源老師都有同哥哥影相，重貼埋响溝通簿添 。

我個仔離位問題都曾經發生，因為開始熟習環境，在課堂上搗蛋，不守秩序，老師要佢坐定，佢就離開位，或者佢就合埋眼扮瞓覺，攪到老師哭笑不得 。咁我就解釋，阿仔要老師的attention，后來老師試過教他嘗試舉手答問題來得到老師的注意后，情况有點改善。

同埋阿仔啲脾氣一嚟，就唔係人咁品 ，試過老師响溝通簿告訴我。有一次午膳后，去厠所洗手，跟住响度玩水，有個同學仔叫佢不要玩，佢就順手打咗人一巴 :evil: 。真係比佢激Ｃ 。  

15号果日我要返工去唔到 :cry: ，家長會果日我又番通宵，所以我都會去嘅，至於sportsday我就報咗名，但未知老細會否批假 (因為11月份重未出時間表) 我重報咗母子接力賽添   ，咁你又會唔會攞假去睇比賽同落場玩下呢？

markojacey

chanchanboy

Sportsday我都報左名做義工同參加母子接力賽, 唉...我實輸比你啦, 我平日唔多做運動, 都係志在參與下咋.  

markojacey

唔好咁講喇！如果係5-10年前，我都可以跨口話自己好掂 ，(因為細個我係學校的代表嚟架   )但依家唔同咗喇！有咗2個小朋友之后， 已經無練習  :cry: ，所以我同妳差唔多咋。我都係唸住落場玩吓，感受一下以前响學校的感覺啫 ！
依家我都唔知當日我能否出席 ，所以無報到做義工幫手，希望老細批假喇！  咁我就有得玩喇 。