因為小朋友專注力不足而去睇e生同食緊ritalin既媽咪

燁燁媽

你們見e生時, 通常e生會同你地講咩?或者你地會問e生咩問題...
你地試藥時, 係早上食定晚上食?
仲有無其他小問題?
eg. 大小肌肉, 手眼協調, 手腳協調,....等問題...

因為我個仔已經係小4了..先發現..
我想知多些, 同問多些..
如果你們不介意, 希望可以話比我知...
thanks!

[ 本帖最後由 燁燁媽 於 11-3-4 13:19 編輯 ]

Charlotte_mom

你們見e生時, 通常e生會同你地講咩?或者你地會問e生咩問題...
如果你見過精神科醫生都知(你見左未?)其實醫生主要focus係問大人, 問小朋友o係學校同屋企既狀況, 憑佢行為黎判斷係咩影響(例如佢問我, 覺得阿仔明挑戰大人, 你點覺得佢係知你感受而去做, 定根本唔明人地感受)
ritalin, 根據醫生所言, 係要令佢亂黎之前, 先經一經大腦, 其實所有reasoning佢地都知, 只係專注力差, 一下就skip左"考慮"果part, 衝動咁直覺地完成件事, 同埋心散, ritalin就係幫佢地呢方面
之後覆診, 當然係睇下隻藥work唔work啦, 初期都有dd副作用的, 如訓唔著, 食唔落, 發脾氣等, 有d人食左藥唔多work, 有d副作用太大, 就要轉藥了
你地試藥時, 係早上食定晚上食?
一般係返學前同lunch, 最理想係放學後再食一次, 令專注力last到做完功課, 暫時我仔食2次, 每次半粒, 要再觀察, 醫生suggest食夠3次
仲有無其他小問題?
我仔細時有speech delay, 而家追上了, 醫生有解釋, 專注力不足, 會令小朋友唔專心, 包括社交, 或者上課規則, 咩應做咩唔應做, 佢地知, 但唔會費神去唸, 食左藥, 個人專注左, 對社交都會有幫助

希望幫到你

June6625

我仔剛上小六服此藥Ritalin 10mg 有效4小時, 最初是每次半粒, 現在早上上學前一粒10mg, 午膳在學服一粒10mg,  醫生suggest可食夠3次, 但放學回家都差不多7時(要上課後班), 所以沒有食第3次(醫生說第三次最遲6時前要食)

我仔午膳在學服常常唔記得, 雖然醫生有信給學校老師要提酲小朋友食果次, 但我想老師沒時間跟進.

仔仔有訓唔著, 但沒有食唔落, 體重ok, 無其他大問題, 有食時真係可以專注到上課和功課, 但藥效過了, 好像沒電了.

剛轉服concerta 18mg每天一粒, 有效12小時, 希望無其他大問題啦!

燁燁媽

CHARLOTTE,

我個仔晚上食藥, 半粒..有時我唔記得成10點半先比佢食...變左佢一食完就睡...咁佢就晚上睡得唔好...起幾次身...
呢樣野我要星期一E生講, 老公話叫我轉返早上比佢食...
但我又怕好似唔聽E生講咁....不過尋晚真係唔記得比佢食....今早先比佢食...咁頭先問返佢, 佢又話尋晚一睡到天光, 今早食完又無咩問題...

我好希望呢隻藥可以幫返佢上堂專心些...
因為其實佢是一個很乖的小朋友. 佢係學校表現, 只是上堂非常不專心, 其他品行問題一直都沒有. 但又好怕佢依賴食藥先有好成績.....(咁問心我其實希望對佢讀書有幫助)

同埋我發覺佢仲有大小肌同眼都有問題...
因為佢成日都會趺到同溥唔到鞋帶..行好小段路都成日都甩鞋帶...趺左野又搵唔返...應該話唔知邊度搵...唔知關唔關事, 因為咁, 令到佢上堂集中唔到精神...變成專注力不足...

唉...我咁遲先發現佢有這些問題....真係好內疚...

原帖由 Charlotte_mom 於 11-3-4 21:42 發表
你們見e生時, 通常e生會同你地講咩?或者你地會問e生咩問題...
如果你見過精神科醫生都知(你見左未?)其實醫生主要focus係問大人, 問小朋友o係學校同屋企既狀況, 憑佢行為黎判斷係咩影響(例如佢問我, 覺得阿仔明挑戰大 ...

[ 本帖最後由 燁燁媽 於 11-3-5 15:50 編輯 ]

燁燁媽

HI JUNE

我想知道佢食3次.對佢地黎講, 會唔會好辛苦...
如果食完藥, 去打波, 或做其他運動, 會唔會有問題?
同埋食完藥, 會唔會令佢既長期記憶有幫助...
咁如果一唔食藥, 之前學過既野, 係咪都會唔記得哂...

還有沒電的意思是什麼? 是無哂力氣還是..?

SORRY, 其實我應該問E生, 不過我都好想快些知道...

原帖由 June6625 於 11-3-5 10:56 發表
我仔剛上小六服此藥Ritalin 10mg 有效4小時, 最初是每次半粒, 現在早上上學前一粒10mg, 午膳在學服一粒10mg,  醫生suggest可食夠3次, 但放學回家都差不多7時(要上課後班), 所以沒有食第3次(醫生說第三次最遲6時前要 ...

Charlotte_mom

ee? 點解醫生會叫你夜晚食既? 我個醫生同june6625講法一樣, ritalin其中一個副作用係失眠, 所以醫生都係叫我唔好太晏(6pm後)俾佢食wor
不如你問清楚醫生?
我問過醫生, 同社工朋友, 都話ritalin副作用唔大, 就係訓唔到, 無胃口, 同埋有人話研究顯示大個會矮2cm wor, 不過我仔都係大隻, 我又無所謂了
對長期記憶, 無直接幫助wor, 就係4個鐘效用, 幫佢concentrate姐

唔好唔開心啦, 你仔仔都係唔算犀利, 症狀唔明顯, 你至唔發現姐

june,
我係將個藥袋(每日只帶要食果半粒), 放o係餐具果度, 咁我仔食飯時就一定會記得, 你可以試下

原帖由 燁燁媽 於 11-3-5 03:41 PM 發表
CHARLOTTE,

我個仔晚上食藥, 半粒..有時我唔記得成10點半先比佢食...變左佢一食完就睡...咁佢就晚上睡得唔好...起幾次身...
呢樣野我要星期一E生講, 老公話叫我轉返早上比佢食...
但我又怕好似唔聽E生講咁....不過 ...

June6625

Charlotte_mom 謝謝妳, 我都有家長提議我係放o係餐具果度, 但係仔仔都係許多時唔記得, 激死我!  
燁燁媽....點解醫生無講比妳?? 我睇Pr. Margaret Hospital, 藥袋都有註明不可遲過6時後服最後果次??
同Charlotte_mom 一樣, 我認為對長期記憶沒有幫助, 就係4個鐘效用, 幫佢上課專注.
我都係小四下學期評估"讀寫障礙"時, 比心理學家發現有埋專注不足問題了.......我都好唔開心, 好內疚咁遲先發現佢有這些問題, 心理學立刻安慰我, 唔算遲, 因為只係成績唔好和上堂不專心, 但沒有行為品行唔好問題,很乖的小朋友. ...這類小朋友最容易"走漏眼", 老師唔會察覺到家?  

我仔都有協調問題, 溥唔到鞋帶和扣樓好慢, 寫字好慢, 現在才學到溥鞋帶....

仔仔有沒有些乒乓球, 羽毛球, 體操, 運動等活動?..治療師話有幫助
沒電.....唔係無哂氣. 是藥效過後, 專注會慢慢回落, 唔好擔心!
食完藥, 做其他運動, 我覺沒有問題? 問過阿仔啦!阿仔無話辛苦, 只是比以前難訓得到,  沒大問題, 放心啦!!!

我地互相鼓勵大家.....

貓貓咪

我想請教一下，我仔今年小一，成績仍可接受(全級排中間)，e生就沒有要求佢一定要食藥，但係學校日日都被老師投訴他的行為，令我好苦惱，你們會什麼情況下開始給他吃藥呢?

燁燁媽

charlotte,

唔該哂你咁清楚講比我知...
我下午就去睇e生, 再問清楚e生先...可唔可以變返日頭食...共我其實已經由星期6開始...比佢係日頭食, 不過今朝唔記得左, 可以要set下係電話度, 提自己..

原帖由 Charlotte_mom 於 11-3-6 21:30 發表
ee? 點解醫生會叫你夜晚食既? 我個醫生同june6625講法一樣, ritalin其中一個副作用係失眠, 所以醫生都係叫我唔好太晏(6pm後)俾佢食wor
不如你問清楚醫生?
我問過醫生, 同社工朋友, 都話ritalin副作用唔大, 就係訓唔 ...

燁燁媽

june,
上年暑假就比佢學打羽毛球,
不過我都知道, 佢學左後, 個眼部追蹤好左...但之後開學就停左...

原帖由 June6625 於 11-3-7 11:31 發表
Charlotte_mom 謝謝妳, 我都有家長提議我係放o係餐具果度, 但係仔仔都係許多時唔記得, 激死我!  
燁燁媽....點解醫生無講比妳?? 我睇Pr. Margaret Hospital, 藥袋都有註明不可遲過6時後服最後果次??
同Charlotte_mo ...

燁燁媽

貓貓咪,

咁你有沒有去做評估呀?
你去政府定私人見e生?
要食藥通常都是見左e生, 由e生去評估黎比.

原帖由 貓貓咪 於 11-3-7 12:01 發表
我想請教一下，我仔今年小一，成績仍可接受(全級排中間)，e生就沒有要求佢一定要食藥，但係學校日日都被老師投訴他的行為，令我好苦惱，你們會什麼情況下開始給他吃藥呢? ...

Charlotte_mom

貓貓咪,
我仔主要都唔係成績問題, 而係成日衝動, 鐘意做咩就做咩, 多手多腳, 例如無耐性排隊, 要佢靜多一陣佢就多手攪隔離, 成日O係D唔適當既時候做唔適當既事
你話好大問題咩, 又唔係, 但的確係影響到上課秩序, 呢樣至令我最煩
而且正如我之前講, 會影響埋社交方面, 學老師, 社工話齋, 大家1年班, 同學仔無咩所謂, 到大家4,5年班, 大家唸野都成熟(複雜)左, 咁攪法真係連朋友都無埋

貓貓咪

燁燁媽,
他5歲時在政府做了評估，說他不合作、自制能力弱，專注力弱，現在係政府醫院看專科，他起初懷疑佢有亞氏保加証，上個剛證實了不是，但仍未確診adhd，醫生只說自己覺得有需時咪比佢食。

原帖由 燁燁媽 於 11-3-7 12:38 發表
貓貓咪,

咁你有沒有去做評估呀?
你去政府定私人見e生?
要食藥通常都是見左e生, 由e生去評估黎比.

燁燁媽

猫猫咪,

咁佢唔係ADHD, 會唔會係ADD....專注力不足OR 下次係要求佢做多次評估, 因為都相隔差不多2年了?

我下午去見左個E生, 一見面, 個E生, 一見面就話我個仔係九成係ADD(係咪即係專注力失調)?
跟住...我同E生講, 係晚上 , 因為我個仔要去補習班, 多數到9點先返到屋企. 仲做要食飯,我們起碼成10點先食到呢呢隻藥. 食左後, 佢睡得唔好, 1晚會醒幾次!
之後佢先話轉早上食5mg, 又話想佢依2次, 放學後又食5mg.

佢仲話, 佢都希望我個仔可以食到15mg...
因為個個都係食到15mg...

我覺得佢好似無咩立場, 攪到咩都係我話事>.< 好似係附和我咁. 如果我講錯, 佢應該用佢專業既口吻答我, 好似2頭蛇咁. 攪到我對佢無咩信心. 定個個e生都係咁?

根住又希望我呢個星期5又去見佢....
其實我真係無咁多錢, 一星期見佢2次...
我老實咁同佢講, 我無咁多錢1星期見2次e生...

最後,我叫佢幫我寫信, 我希望轉介去政府排期先. 因為我仲仲未排期.

原帖由 貓貓咪 於 11-3-7 18:56 發表
燁燁媽,
他5歲時在政府做了評估，說他不合作、自制能力弱，專注力弱，現在係政府醫院看專科，他起初懷疑佢有亞氏保加証，上個剛證實了不是，但仍未確診adhd，醫生只說自己覺得有需時咪比佢食。

...

燁燁媽

仲有, 因為我個仔仲有手腳唔係咁協調同眼部追蹤仲有數學都好差(仲想用手指計數), 我呢個星期4會去一間機構做評估...O個度仲有包做埋有專注力評估. 到時再講下...

我希望係佢因為這些障礙, 令到佢專注力不足. 起碼可以做補救.

IwanBB

燁燁媽,

你係一位好媽咪, 留意到小朋友既問題, 又想盡辦法幫佢, 我地會支持你ga!!

你睇既醫生係咪兒童精神科? 好似怪怪地...

1. 一星期兩次太密太昂貴, 初期係會密d覆診, 但無理由咁密, 因為試藥要一至兩星期先知效能.

2. 另外, 晚上食藥無需要, 因為隻藥係幫助專注力, 瞓覺根本唔需要思考....ritalin只有4個鐘效能, 晚上食, 朝早都無效, 對上學無作用.

3. 仲有, "個醫生一見面就話9成係add"?? 真係好有問題, 根據我認識, 醫生會先評估病人症狀先斷定病症. 起碼要一個鐘做評估...

排政府要等最少1年半至3年, 你要有心理準備.

其實囝囝有無做評估? 係邊度做?

原帖由 燁燁媽 於 11-3-7 19:25 發表
猫猫咪,

咁佢唔係ADHD, 會唔會係ADD....專注力不足OR 下次係要求佢做多次評估, 因為都相隔差不多2年了?

我下午去見左個E生, 一見面, 個E生, 一見面就話我個仔係九成係ADD(係咪即係專注力失調)?
跟住...我同E生講,  ...

Charlotte_mom

YES AGREE 你都見我地都係拎返學食, 夜晚食無用WOR....
快D去排政府啦, 而家我去, $60覆診一次, $10藥費(尋日去配左2個月藥, 都係$10)
新症要排好耐, 如果有學校信証明小朋友需要幫助, 會排得快D

原帖由 IwanBB 於 11-3-8 09:30 AM 發表
燁燁媽,

你係一位好媽咪, 留意到小朋友既問題, 又想盡辦法幫佢, 我地會支持你ga!!

你睇既醫生係咪兒童精神科? 好似怪怪地...

1. 一星期兩次太密太昂貴, 初期係會密d覆診, 但無理由咁密, 因為試藥要一至兩星期先知 ...

貓貓咪

燁燁媽,

你快d幫你個仔排期啦!我個仔排了4個月就開始睇，我個仔第一次睇時，醫生問了個幾鐘，之後再派問卷給家長和學校做，收集好多資料的，但上course，他們說要最少一年時間，所以如果覺得控制不到小朋友，可以選擇給他吃藥。另外我其他朋友的小朋友都是一日吃一次藥或嚴重先吃兩次，好少這樣做，所以我覺得你的醫生好似草率左d。
我個仔個評估只做了半年，再做暫時機會不大。現另等學校的心理學家再做。

原帖由 燁燁媽 於 11-3-7 19:25 發表
猫猫咪,

咁佢唔係ADHD, 會唔會係ADD....專注力不足OR 下次係要求佢做多次評估, 因為都相隔差不多2年了?

我下午去見左個E生, 一見面, 個E生, 一見面就話我個仔係九成係ADD(係咪即係專注力失調)?
跟住...我同E生講,  ...

annaanna

之前睇bk mami 講，呢隻藥唔係政府醫生寫紙自己出去買咩？都係10蚊藥？or 佢地講緊另一隻叫concerta o既藥呢？

原帖由 Charlotte_mom 於 11-3-8 10:47 發表
YES AGREE 你都見我地都係拎返學食, 夜晚食無用WOR....
快D去排政府啦, 而家我去, $60覆診一次, $10藥費(尋日去配左2個月藥, 都係$10)
新症要排好耐, 如果有學校信証明小朋友需要幫助, 會排得快D
...

IwanBB

Charlotte_mom,

你排左政府幾耐?

我囝囝睇私家, 好貴呀....

原帖由 Charlotte_mom 於 11-3-8 10:47 發表
YES AGREE 你都見我地都係拎返學食, 夜晚食無用WOR....
快D去排政府啦, 而家我去, $60覆診一次, $10藥費(尋日去配左2個月藥, 都係$10)
新症要排好耐, 如果有學校信証明小朋友需要幫助, 會排得快D
...