九龍塘官立小學2007小一家長請入來

kingkima

你們好,
      小兒今年入讀小一,請入來報到, 交流心得

whl

原文章由 kingkima 於 07-7-12 23:25 發表
你們好,
      小兒今年入讀小一,請入來報到, 交流心得

小女都係今年小一編左１Ｄ班你呢？

kingkima

hi,
   好開心得到你的回應，小兒都是1D班．你對學校有什麽意見或認識呢？　這個網上都没多人提，　日後我們多些交流好嗎？

nataliewing

原文章由 kingkima 於 07-7-12 23:25 發表
你們好,
      小兒今年入讀小一,請入來報到, 交流心得

小女將入讀1B , 另外一名升小六

whl

原文章由 kingkima 於 07-7-14 22:28 發表
hi,
   好開心得到你的回應，小兒都是1D班．你對學校有什麽意見或認識呢？　這個網上都没多人提，　日後我們多些交流好嗎？

我都沒有太多認識這間學校但很多人都話幾好（希望啦)
我都希望以後我們都可以多些交流,你仔仔係唔係乘校車定自己帶返學呢？

kingkima

hi nataliewing,
    你的另一名升小六是否在這學校就讀呢?如果是的話請說說你所知的事.

hi whl,
    小兒是乘校車,不知今年會否考分班試?在2007.6.23(六)學校說現時班是暫定

nataliewing

原文章由 kingkima 於 07-7-15 20:40 發表
hi nataliewing,
    你的另一名升小六是否在這學校就讀呢?如果是的話請說說你所知的事.

我的兒子是在klntgps升小六呀 ! 今年轉左校長 ,我覺得學校好左好多 (好過之前4年).
不過最唔好就係話今年開始5年級不可直升6年級 ,下年的老師&同學可能會唔同 , 如果轉左班主任 ,佢地就唔可以俾最好的意見家長關於升中的事 ,因為只係相處左大約半年 ,所以希望校長可以改善呢個政策.
學校今年成立左泳隊 &管弦樂團 ,希望學生係6年內學到至少一體 or 一藝..咁仲有其他課外活動&校隊
學校今年學生係校外方面都唔錯 ,合唱團係校際音樂節拎左冠軍 , etc...
升中派位都唔差 ,有45--50%都升到英中
有黃笏南 ,伊官 ,沙田聖心.....
上年更有人入到九龍華仁
(前幾年更有有入 maryknoll ,st.paul co-edc等)

聽講1年班唔會有分班試 (唔知今年會唔會轉) ,如果會轉我就慘啦..o的書已經包左一半&寫左 名&班

如果有野想知 ,不如講出黎 ,睇下我答唔答到

whl

原文章由 nataliewing 於 07-7-15 22:12 發表


我的兒子是在klntgps升小六呀 ! 今年轉左校長 ,我覺得學校好左好多 (好過之前4年).
不過最唔好就係話今年開始5年級不可直升6年級 ,下年的老師&同學可能會唔同 , 如果轉左班主任 ,佢地就唔可以俾最好的意見 ...

吓，嘜有分班試嘅咩因我之前都無聽過，如果要幾時會考呢？

kingkima

hi,

      分班試學校没說明有,它只是說現班可能是暫定的.
      學校事我真的想知和想了解多啲,所以nataliewing如你可以的話想說甚麽都可以,我原意看.

TakTakMa

各位kltgps家長,

本人有一件夏季女童校服裙(size:26), 100%全新, 平讓.
有興趣請pm我.

sai1031

小兒也是1B,如果不再轉變的話就同班同學,到時請多多指教.
THANKS!

sai1031

原文章由 nataliewing 於 07-7-15 00:16 發表



小女將入讀1B , 另外一名升小六

小兒都係1B,如果不轉的話,到時就同班,請多多指教,
THANKS!

sai1031

nataliewing:


唔知七月十日 小六生派位理唔理,同埋大部生去到边D 中學,
THANKS!

nataliewing

原文章由 sai1031 於 07-7-16 21:34 發表
nataliewing:


唔知七月十日 小六生派位理唔理,同埋大部生去到边D 中學,
THANKS!

從兒子口中得知 ,有人派去黃笏南 ,伊官 ,聖母無玷聖心書院.....

nataliewing

原文章由 kingkima 於 07-7-16 12:40 發表
hi,

      分班試學校没說明有,它只是說現班可能是暫定的.
      學校事我真的想知和想了解多啲,所以nataliewing如你可以的話想說甚麽都可以,我原意看.

學校的活動有中文日 ,english week ,普通話日/週 ,秩序比賽
每個年級都有有參觀 ,講座
課外活動方面 ,一至三年級係循環組 ,一至兩個星期會轉一次 ,四至六年級分循環組 及固定組 ,固定組的係一年都會係個種課外活動
星期六上午有學藝班 ,學生可選擇性參加.(有小提琴 ,口風琴 ,芭蕾舞 ,東方舞 ,書畫 ,毛筆......)

學校有個綠色小主人計劃 ,每級的同學都種不同類別的蔬果 , 而且由學生親自收割.

學校有家長會 ,家長日 ,升中座談會 ,親子旅行 ,運動會......活動


每日放學前有唔同的活動 , 有功輔堂 :可做功課 , 成長課 , 圖書課 , 周會 ,星期五是課外活動 (唔知下年校長轉唔轉 ,因為聽講可能用功輔堂去做樂器班 , 學校網頁有這張通告下載)

kingkima

nataliewing,
          多謝你給我們的資料 ,很有用呀.我想知學校網上可否看見孩子的每日功課,另外黙書又怎樣(如:兩課黙一課/一課黙一課),你的孩子在這幾年過得開心聰明嗎?

nataliewing

原文章由 kingkima 於 07-7-16 22:58 發表
nataliewing,
          多謝你給我們的資料 ,很有用呀.我想知學校網上可否看見孩子的每日功課,另外黙書又怎樣(如:兩課黙一課/一課黙一課),你的孩子在這幾年過得開心聰明嗎?

到現時為止 ,學校網頁都不能看到孩小的功課 ,所以記著叫佢地寫齊手冊呀 !!
默書方面 ,個個老師, 中英文科都唔同.不過中文就有趣味默書 ,默少少課外的詞語 ,所以會分數可能會高出一百分.英文好似高年級先有unseen dictation.
不過考試前夕 ,好多老師都會默一次考試範圍內的詞語 ,句子 ,課文.數學同常識就有小測.
我的孩子在這幾年當然開心 ,而且佢係完全無壓力 ,成日放學返黎都話係學校做曬功課 ,返屋企可以睇下課外書.所以先俾細妹入呢間 (雖然細妹係必收生 ,但唔係貪方便先俾佢入 )
但係無壓力的情況下 ,小兒呈分試的成績也不錯 ,所以無後悔俾佢地讀呢間.

kingkima

泳班在那裏上堂及甚麽時間呢? 課外活動有没有校車安排接送?功輔班是否做完所有當天功課?或成績有問題的學生加以輔導?

kingkima

有些人說政府學校不喜歡家長參加太多學校活動(如家長會,家長2工),這間又如何呢?我打算想參加!想多些了解學校,了解孩子在學校的生活:cry:

nataliewing

原文章由 kingkima 於 07-7-16 23:33 發表
泳班在那裏上堂及甚麽時間呢? 課外活動有没有校車安排接送?功輔班是否做完所有當天功課?或成績有問題的學生加以輔導?

泳班租借了澳洲國際學校的泳池 ,好近
星期五的課外活動係有校車接送 ,而星期六的學藝班就沒有(因為唔係人人都要返 ,而且每班的時間不一樣)
功輔班只係俾小朋友係學校做功課 , 未必做得完當天的功課(如果有好多功課的話) ,而且要做資料搜集等這些功課便一定要回家做 ,因為功輔堂不能往電腦室.
四至六年級成功較差的同學有輔導班