整個人都覺得被釋放了

無氣同你講

Liebe 發表於 15-4-16 01:59
二月做評估知道我個小朋友系過度活躍症同專注力不足，當收到評估結果嗰刻真系喺街嚎哭。
去排油麻地精神科
...

鄧你開心，無錯，未試過有過度活躍症小朋友的父母係唔會明，我都有想過同佢一齊死既衝動。

ah80327

當診斷係adhd, 我心都鬆左，起碼知道唔係自己唔識教仔

Liebe

原帖由 ah80327 於 15-09-05 發表
當診斷係adhd, 我心都鬆左，起碼知道唔係自己唔識教仔

Yes..同埋起碼系有個原因。
所以真系已經釋懷好多。
不過仲要面對好多野。

Tecoelectric

真係非常支持你，請不要放棄，其實食藥可以好已經好感恩，世界上更多藥物也不能醫的病，這種孩子須要更多愛和了解，我個仔食一個月嘔一個月，當中痛苦只有父母才明白，油蔴地那裏還有行為治療，你問下姑娘可以幫你安排

DollyCC

我地5歲昨日見心理學家都話病徵明顯,排見醫生及安排3月上小適應班

Liebe

原帖由 Tecoelectric 於 15-09-10 發表
真係非常支持你，請不要放棄，其實食藥可以好已經好感恩，世界上更多藥物也不能醫的病，這種孩子須要更多愛 ...

最近食咗藥已經冇效果，但佢表現有時又好好，搞到我都有啲質疑到底系咪其實冇事☺☺

Tecoelectric

勤力覆診，要試藥量，不停調，試過醫生叫我一個月後才返，我即問佢咁是否嘔一個月才可以回來？明知佢不穩定也不給期，後來我自已爭取10天後回去。尼段時間好其怪，我覺得食了葯後小朋友好像成熟了小小，即使停了葯也有這感覺，𣎴知為什麼？可能心理作用而已😅

ah80327

回覆 DollyCC 的帖子

我地都就快見臨床心理學家，都希望會提供小一適應班

緣份的天空

我地大家一齊努力

緣份的天空

回覆 caerion 的帖子

感激

bobohello

我仔食咗個幾月， 當初都係1516
身邊又係一大堆人講我到我錯晒咁
跟一又係要食藥的同學仔媽咪傾完
我唔會再理其他人講咩
佢話 "話你的人， 自己或者佢地個仔有食藥嗎？"
呢個幾月， 見佢行動快咗， 周身郁少咗， 出街識拖住， 明顯大家關係好咗， 壓力少咗， 真係冇乜唔好

DollyCC

我諗要食始終要食,趁食藥定左行為治療,早d改善關係,行為。。。各樣。又唔係食一世,好多中學都停藥啦。而家細仲肯聽食藥,而家唔食攪到青春期反叛,又衝動又唔聽講,真係攪唔到。

COE1205

bobohello 發表於 15-9-21 23:33
我仔食咗個幾月， 當初都係1516
身邊又係一大堆人講我到我錯晒咁
跟一又係要食藥的同學仔媽咪傾完

係!其他媽咪跟本唔會明白,見到自己小朋友比老師標籤.比同學仔排斥果種心情, 我仔都食咗藥3個月, 整體表現確實提升咗,連帶佢自信心都大咗,我哋關係都好咗好多

63628100

有正常小朋友的人都未必明白，更何況冇小朋友的！好多時最受壓的係親戚的說話！
成日係街聽到人話其他小朋友冇家教，確診後雖然冇比人話過，不過回想真係感受好深！有d家庭唔係唔教，而係努力中！希望大家都多d包容，比多d時間同機會大家去努力！
自己的心理狀態都好重要，我都學習中！
大家努力呀！

Liebe

今日轉咗藥，加咗膠囊。大家有試過，可分享嗎？

bobohello

DollyCC 發表於 15-9-22 06:44
我諗要食始終要食,趁食藥定左行為治療,早d改善關係,行為。。。各樣。又唔係食一世,好多中學都停藥啦。而家 ...

這正正是醫生同我講的說話

趁佢細學習好習慣
幫忙學習, 自理, 從而增加自信
好過4,5年級
被定形, 被標籤, 冇自信, 憤世族
才接受現實, 到頭來咪又係用藥

DollyCC

我親戚正是這樣。日日打打鬧鬧,明明見到係叻仔,但成績差,不停闖禍,仲鑊鑊新鮮。5年級食藥後有改善。升中加埋青春期,藥都唔肯食,學校要逼先食。反叛又唔聽人講。

metrochung

係唔係LA？

metrochung

原帖由 Liebe 於 15-09-23 發表
今日轉咗藥，加咗膠囊。大家有試過，可分享嗎？

係唔係利他林LA？

idak

你就好睇到成效！囡囡剛試藥，都係四圍走，情緒差！