請問有冇九龍塘約克家長?

patpat

chloeha,

我祇係睇過耀中(因佢最近), 但學費真係好 la lei~
所以都冇再睇其他........
請問有冇其他international介紹?

5354

blyh,
約克分N1,L2 and U3....即K1,2,3...所以約克N1=K1

約克面試通常先見大仔,分一批一批星期六見,細仔俾你in都唔識答,所以通常遲d in.....成日話d幼稚園收大仔多,就是呢個原因,但約克咁多位,又會有人放棄唔留位,都唔難入~~~面試爸爸媽媽盡量一切去,穿得斯文大方已ok,問題俾小朋友答唔係家長答,放鬆d~~老師會引導佢答到為止(即有反應ok架啦),如要玩玩具都係小朋友玩(當然家長要講d鼓勵說話),老師會觀察過程,識唔識並不大重要.  在家玩多d從袋中抽出物件的遊戲,以我所知,有d小朋友連伸手入布袋都驚!

Smarties

chloeha:

我囡囡05年要入k1, 現暫時只報了金巴倫, 其實我一直心想報約克, 但又沒有約克資料, 只知我表妹N年前在讀約克, 之後派德望, 現已HKU畢業, 從你的advice 得知約克現時的教學都好, 想請教你一些問題:
1/ 聽聞約克與金巴倫是姐妹學校是嗎? 教學方式/理念一樣?
2/ 現還有報名表嗎? 學費幾多?
3/ 校舍是否已裝修?
4/ 他們對體育方面重視嗎?
5/ 我還有個細仔跟住讀書, 希望倆姐弟將來可在同一小學讀書, 除了小一會派德望, 其他津小又如何?
Thanks in advance for your help!
Smarties :

kiukiumummy

Dear all

我兩個兒子都在約克讀書,分別N1和U3,他們很喜歡上學,老師又細心, 又Nice, 我就覺得不是太多, OK la,

1/ 他們是姐妹學校,但教學方式/理念不知是否一樣
2/ 可打電話到學校問, N1 $2350, L2 & U3 $2200
3/ 是
4/ 一般
5/ 我知嘅有喇沙, 油天, Maryroll, 陳守仁,男拔,聖方?

pinky

我都o岩o岩幫個女交左form報九龍塘york,聽你o地咁講york好似都幾好,不過k1都要做功課?咁多唔多啊?每日都有定一星期只做一兩次?我唔想個女做咁多功課,因為佢做即係我做,我以前讀書最憎做功課!

patpat

我都o岩o岩交o左form lu, 多謝各位意見, 順其自然啦  

Smarties

kiukiumummy, Thanks v much !

Smarties

kiukiumummy

Hi Pinky

如果沒記錯K1上學期通常都是塗顏色, 畫點及線,認字(不用寫), 下學期才開始寫字, 一星期只做一兩次

pinky

kiukiumummy:
oh........咁都好d!

咁你地知唔知york仲會唔會超額收生?因我聽講以前有......

carollam310

我女女o係york讀過,剛畢業升上小一,學校各方面都ok,程度適中,我自己就覺得淺左小小,不過學校頗注重英文,數學用英文教,o力的小朋友可以自己解題目計數,學校有兩次考試.會排名次(由1-10),功課K3星期六.日先多小小,

Smarties

Pinky, 我問過仲有報名表派, 一陣我都會同囡囡報名.  請問york 多不多雜費?

thanks,
smarties

Uran

我都在7月時交報名表格，不知道什麼時候interview？

Pansy21

其實York o既報名表 隨 時都可以取, 佢地吾似其他kindergarden o甘有 deadline, 好似我姪女 o甘, 因考吾到心儀 kindergarden, 讀左兩個月屋企樓下間kindergarden, 佢daddy 覺得好吾惦, o米同佢轉校, 但好多間都吾收(o個陣時 November), 好彩, York 叫佢取報名表, 做左個簡單interview 就立即交學費。
York 好吾好?????????? 睇下你地對學校有乜要求啦！
當然, 一定好過屋村D kindergarden。


Pansy21

小B媽咪

你哋有冇聽過劍橋英語考試呢?

校長國內有一間學校做了考試中心.可以少於六歲報考這過試(在香港要滿六歲).這個CYLET (Starter Level)係國際認可.

剛剛今年五月(如果我無記錯).佢哋York, Standford and St Lorrine 有報考呢個試o既小朋友,平均獲得13.2面盾.由其是listening係full mark. 我自己覺得小小年紀有咁高成績以經好超卓(香港平均考獲11.3面盾)

希望我小朋友出年三月去考都有咁好成績啦！

carollam310

係呀,約克好多位,我當年都係咁.我個女本身係方方樂趣讀緊BB班,諗住直升上K1,己經交左第一個月(8月)學費車費,仲交埋半年雜費,茶點費,買埋K1既書,但因為俾學校激親,返左一星期就冇返,臨時轉去約克架,o個時約克都係8月開學,我女9月先入去讀,我揀佢唔係因為佢好.而係佢仲有位.
雖然阿女o係約克讀左3年,但有得揀我都唔會揀返佢. :wink:

Pansy21

Hi! carollam,

我 brother 都係 o甘講, 不過無得揀, 都無辦法。
now, 我姪女讀緊k3, 我 brother 呢間kindergarden 學生質素好參差, teachers 都係一般。
不過, 真係好睇家長要求D乜。
就算係名校, 一定有讚有彈。

Pansy21

patpat

carollam,
想問下點解有得揀都吾會揀返佢??    
thx

sunmoon

carollam,

我都想知點解有得揀都吾會揀返佢?? 同埋點俾芳芳樂趣激親?我阿女會喺10月返nursery，係海濱分校，請問你嗰間係邊間呢?

carollam310

我女o係九龍塘喇沙利道o個間方方,讀緊BB班時校車上落站離我家好遠,我當時係插入去讀的,所以我冇叫佢即刻轉比我,冇理由為左我一個中途加入既人改變成條行車線.我捱到要升K1時學校有通告問係咪直上我先向校車部提出.負責校車的人應承左會比個近站我上車.咁我先交咁多錢升k1咋,點知開學前打比我通知我o係返o個度上車, :evil: 我咪走去學校問囉,點知負責校車的男人冇再做,新上任的又話乜都唔知.傾左幾日都冇話比個近站我,我咪嬲到走囉.好慘架,呢度冇左一筆錢仲要拎一筆錢去約克開學,交學費.雜費.校車費.茶點費.買書.買校服.買書包..........唉~~~諗返起都嬲嬲地~~~

patpat

carollam,

甘你覺得約克呢?? 你吾係話有得揀都吾揀番York 咩??
嘻....可能我誤會咗添~~
: