九月入讀蘇淅幼稚園

kae

pigpig 寫道:
kae ，
想問問，你囡囡係蘇浙讀n1，你覺得你囡囡的普通話進展如何呀？是否同k1一樣，是每日都有英文堂？囡囡喜歡上學嗎？

hi pigpig
我個女現在讀緊n1，佢係12/04的插班生，直到現在覺得佢d國語同英文都有進步，不過出奇地佢成日同我講英文同成日扮英文老師(我向屋企係同佢講廣東話)，同老師研究過可能佢好鐘意個位英文老師(來自澳洲的外籍老師)，不過佢亦都好鐘意佢個組個班主任，朝朝早唔攬過佢唔安樂。

國語方面如佢向第二度睇到學0既字佢會識用國語講，同會識得用國語講好多一常生活的動作詞語(如﹕收玩具、請坐下、吃完它、數一至十)等，英文方面佢會好d，除左a-z for xxx之外，重會學到好多相反詞，歌仔及講故事(當然係講d漏d咁)。

至於k1我唔清楚，不過好似會同n1唔同，n1上課都係以輕鬆為主，但我見k1-k3的會比較嚴謹些，老師到會嚴d，k2起會有考試測驗。

jodiechung

請問你地講緊普通部,定係國際部?

wongnysw

kae,
本人女兒九月將讀k1, 其實我仍很多憂慮. 希望你有空可以解答一下, 謝謝.
(1)每天是否限定時間上洗手間 ? 我意思是排隊一個個輪住去? 抑或小朋友舉手才讓他去呢?
(2)可否問問你小朋友洗手間是否清潔? 12日我去聽講座, 只是一個上午幾個鐘, 個洗手間已濕和有點臭味了.
(3)學校雖有茶點供應, 但小朋友需要自己帶水嗎? 我的女女很喜歡飲水, 我怕如不帶水, 一天只是吃茶點時才有機會喝東西, 她會口渴和不開心.
(4)如小朋友在學校賴尿和賴大便, 校方如何處理?
有時自己也不明白, 以前自己細個返學, 無咁多問題, 眨下眼就過左廿幾年, 但而家到自己小朋友返學, 離開只是三幾個鐘就擔心, 幾時先到佢真正長大. 所以話"養兒一百歲, 長憂九十九", 真無錯.

kae

jodiechung 寫道:
請問你地講緊普通部,定係國際部?

講緊普通部。

connie04

pigpig,

我的囝囝9月也會入讀蘇浙, 你是否已交了學費, 為何還心大心細?  
家長日那天我沒去, 所以早兩天才到學校交錢.

vc

wongnysw,

1. 每天會定左上課前同埋茶點前以及放學前上洗手間的(係分開男仔去先, 女仔後一批去), 如小朋友有需要可以舉手話比老師或嬸嬸知..佢地會即係陪佢去的 (因每班會有2老師及一位嬸嬸跟全程)

2.  洗手間我覺得ma ma清潔啦!

3. 小朋友可以自己帶水, 茶點會飲細包裝飲品架!

4. 佢地會叫你放一套衫褲係書包, 萬一賴左呢都會幫佢換返套衫, 有時佢地飲野濕左.. 老師一樣會同佢地換過套衫架, 不過如你小朋友未介片片呢..佢地會係適當時侯同你講試下介, 所以有好多小朋友返學時都仲係著緊片片架! 你只要放多條片係書包到就可以啦!

kae

hi wongnysw

我盡量解答

1) k1都應該重係定時定侯會帶佢地去洗手間，男還男女還女排隊去的。

2) 學校有好多個洗手間喎，我見有d洗手間係有男仔用的尿兜，可能個d會臭d，當然佢地係會去最近佢地課室個個，而我女去開個個係無尿兜0既，我就覺得無問題，係落雨天就會濕d。

3) 學校每天係會有飲品同茶點供應，你可以自己帶水比佢返學，同埋同老師講比佢飲水就得啦。

4) 佢地每班都會有個嬸嬸幫手做呢d野0既。

希望幫你啦。

pigpig

kae ，
其實，我有好多憂慮......等我盡量講一講....
我老公就好鐘意蘇浙的普通話同英文教學，因為出面的幼稚園真是無法比的..蘇浙k1每日都有半小時英文堂..但一講到要測驗考試，我相信好多家長都會擔心..雖然小朋友有時的能力你都估不到，但我自己又唔多鐘意測驗考試....我有朋友係幼稚園部教的，佢話k1就無功課，但到k2開始，係學校要寫2行“田字格”的簿，返到屋企要寫4至6行.....不過，佢就話如果家長要求寫少D都無所謂......
可能蘇浙一入到校園時，無一種幼稚園的感覺...真係好似一間學校...我有時又會諗...小朋友一開始返學...去一開甘嚴的學校又是否適合呢？
至於老師方面，我果日去面試時，每個老師同嬸嬸都好好，我又覺得無咩特別問題...果日去面試時好大雨，臨近放學，洗手間都好清潔，無異味...
另外一個問題....我老公只想囡囡係蘇浙讀3年幼稚園...到小一派位時，佢話一定唔會讀蘇浙小學...會讀返中西區的小學...如果甘的話...大抽獎時如果派得唔理想....要去叩門...蘇浙幼稚園的名氣夠嗎？因為好多人又話小學....好多時都會睇下小朋友係邊間幼稚園畢業....
以上就係我心煩之處啦！其實，仲有3個月就開學，但我自己對於好多間學校都仲心大心細，你教我如何是好？

pigpig

vc,
嘩！每日都飲細包裝飲品唔多好呀！係咪可以唔飲ga？

pigpig

connie04 寫道:
pigpig,

我的囝囝9月也會入讀蘇浙, 你是否已交了學費, 為何還心大心細?  
家長日那天我沒去, 所以早兩天才到學校交錢.

connie04 ，
因為我面試當日，交左2張期票俾學校﹙7月份﹚，我見學校又肯收...所以我咪仲有少少時間考慮....最後如果我真係唔讀的話...只要寫封信話唔讀....然後順手cut票囉...雖然衰左D...但無法啦！

kae

pigpig 寫道:
vc,
嘩！每日都飲細包裝飲品唔多好呀！係咪可以唔飲ga？

絕對可以，記得同老師講就得啦，因為我個一病親我就會咁做。

kae

vc
你終於得閒上黎啦，我今日上左學校派張memo個website發現有一張我地個班0既相，幾齊人架，你有冇睇到??

kae

connie04 ，
因為我面試當日，交左2張期票俾學校﹙7月份﹚，我見學校又肯收...所以我咪仲有少少時間考慮....最後如果我真係唔讀的話...只要寫封信話唔讀....然後順手cut票囉...雖然衰左D...但無法啦！

唔衰!唔衰!我上年衰過你都重有，又係交哂票，到過數前幾日第二間近屋企間學校打黎話有位，咁我老公話不如唔好返蘇浙(因為遠)，咁同左老師講寫左封信同cut左張票，因為近屋企個間淨係得全日返，咁老公又唔捨得，我自己就鐘意蘇浙的，於是咪死死地氣打返學校同老師講，交個張新票law，好在佢重肯比番個上午班位我咋。

kae

pigpig

你要想一想你同先生的意向要一致先得，因你自己鐘意全活動教學而你先生鐘意傳統，如果係咁入左去讀你會覺得好辛苦，因為你要成日同佢溫書應付考試。

我認同蘇浙的中英文都好，但係你話如果家長可要求寫少d即係你自己的小朋友寫少d定全班同學都一齊寫少d呢?? 想信全班就無物可能啦，咁你自己小朋友寫少d到時可能又會同其他同學有比較，功課就係咁多只係睇你比幾多課外活動向學姐。因我係自己湊女返放學的，都見過有d惡老師，所以上到k2-k3就睇你遇著邊d老師啦。

至於小學派位都係睇番你個住個區個校綱，同學校都無直接關係，如果去考私小或直資，蘇浙出黎0既學生都唔弱架，起碼佢地會有樣叻(國語)，只要小朋友家教同校教得好，考邊間小學都無問題啦。就算考唔到都重有小學執底嘛。

其實我覺得小學部唔差架，成日都會見到D學生都幾斯文讀書型個種(男仔都係)，同埋佢地返放學好多時同學之間都係用國語溝通。可能到你幼稚園畢業後會鐘意左呢間學校直上小學呢，因為有大部份K3畢業都係直升小學部的，睇番學校D record中學派位都幾好架。

以上都係少少的愚見，希望你可搵間啱心水0既學校啦。

vc

kae, 我入左個網到.. 但係無我個女喎.. 吾知係咪o個日甘岩無返學呢?

pigpig, 好老實幼稚園來說蘇浙係一間好好好架幼稚園, 嚴吾嚴深吾深我覺得對小朋友真係吾成問題.. 因佢地係一張白紙真係好容易適應架.. 我自己就鐘意呢d學校,, 因太淺的話到小一轉去其他較深校時仲難適應! 小學蘇浙都好好架. ... 不過我想個女入其他小學.. 所以九月會同佢轉另一幼稚園,, 係蘇浙呢一年裏面個女真係學左好多野架! 飲野方面你可以同老師講..但就吾好次次吾比佢飲lor,,因小朋友會見到其他人飲架ma..佢地會吾多開心架!

connie04

HI KAE,

仲記唔記得我, 先前你幫我找過媬姆車D資料的   咁樣同你打招呼好似有D唐突, 不過真係好多謝你一直比咁多資料, 等我地D MAMI有多D心理準備.  
其實在上年開始和囝囝考了蘇淅後, 我便開始特別留意蘇淅幼稚園的TOPIC, 評價有好, 有唔好, 雖然現在交了錢, 但也有些憂慮, 一來, 我是KOWLOON 友, 囝囝每天要過海, 二來, 又真係怕遇到D惡老師, 嚇怕囝囝, 功課多唔多, 又要考試.... 但間得蘇淅, 當然在我心目中也是有可取的,  而我也很認同vc 所說, 只是我不能肯定蘇浙係一間好好好架幼稚園, 因囝囝未讀  :wink:  但也希望囝囝入讀後, 能開開心心, 咁就放心la.   

wongnysw

謝謝VC 和KEA的詳盡解答.
以下是本人少少意見, 希望大家交流一下.
我覺得幫小朋友搵學校, 都係為左未來鋪路, 雖然K1只得三歲大, 但如果一開始就要求高和嚴謹, 佢地早D習慣左, 升小學就無咁大問題了. 有家長認為小朋友咁細個, 不如幼稚園三年時間比佢地開開心心輕鬆D, 但諗深一層, 三年時間可以學習好多野, 尤其是佢地咁細個好似張白紙咁, 可以吸收就吸收, 加上香港係競爭型社會, 樣樣都講資歷, 早D開始更著數. 我 都有諗過, D功課測驗比其他學校多, 唯有課外活動方面盡量搵D輕鬆有趣既, 平衡番. 仲有就係花多D同佢一齊努力, 等小朋友知道你同佢一齊面對, 緊張佢.  

BoBoCute

Victoria Kinder also has Putonghua and English class.  They have 2 classmistresses in each class. One classmistress is native english speaker, one is native putonghua speaker.
我都諗緊好唔好俾個細女apply蘇淅, 想

pigpig

我有一個全新的書包、一條2號的夏天校服裙仔、一件2號白色外套、一套M碼運動衫﹙所有都是全新的﹚
現以超值價出售
全部$120
但由於本人會離港，故只能於8月27日後交收，可於中環、銅鑼灣交收
有興趣的媽咪，請PM給我

wongnysw

pigpig, 你決定不選擇讀蘇浙嗎?