好心痛好煩惱,請大家比d意見我,謝謝

Alexming

仔仔兩歲, 返N班一,兩日巳開始比老師投訴. 講明K1 唔收佢,仲叫我快D同阿仔睇醫生同做行為治療,我真係好驚阿仔係過度活躍要食藥.仔仔一出世巳好百厭, 兩個幾月大巳同佢睇醫生{驚阿仔係過度活躍),因佢18日大巳玩轉身,兩個月大巳成功轉身.兩個幾月大巳玩爬.醫生話應該唔係,因我同醫生傾咗15分鐘,佢全程望住醫生.所以醫生話阿仔專注力好強.
到歲半去健康院我又問姑娘,阿仔唔聽人教.自細都係鍾意自己研究D玩具點玩唔比人教, 又好識用腦去對付你班大人,冇人冇嘢治到佢,又成日攪攪振,隻手成日攪人,隻腳成日踢人.一開口講嘢巳經係駁嘴.記性強到你唔信.我真係每日都同佢鬥智鬥力.好倦好辛苦又好驚.但健康院姑娘反而話佢似資優.(但我唔覺)
問題終於出現啦.每日返學佢都自己坐喺橈,唔同小朋友坐喺地墊上, 我問佢點解,佢答鍾意自己坐.得佢唔肯排隊,手手腳腳成日攪人.每日都要有個姨姨貼身睇住佢.老師話佢唔鍾意同其他小朋友相 處又唔識同人溝通,講到似自閉(其實阿仔自細都係只同D好大的小朋友玩),佢成日冇啦啦起身倒晒D玩具落地,老師話佢好影響其他小朋友.我頭都痛埋.問佢點解佢話因唔舒服(拍住心口講),又話唔鍾意返學. 老師話佢教十幾年書,你個仔一定有問題, 我連心理學都讀埋,快同你個仔睇醫生唔好錯過黃金治療期.你個仔係識好多嘢連我地都估唔到.但都真係有問題.我聽完都唔知喊咗幾多次.見大家話最快要四歲先知,咁呢兩年點算呢
請大家教我點做,同埋邊度可做行為治療呢.謝謝

lillymarie

你唔好估估下，帶佢去睇醫生，問醫生可否轉介你去政府做評估啦！由專業心理學家去判斷好些。

HappyCheerBaby

回覆 Alexming 的帖子

你試搵教仔專家問下，會唔會同教仔方法出現問題呀？

I_O_U_baby

好明白小朋友行為實在令父母好困擾,
特別係N 班,識D唔識D, 3,4 歲時大D 認知多左會好D,
同小朋友既溝通技巧都好緊要,
記住佢地唔係有心同自己作對,有時可能真係未懂控制,
嘗試多了解佢背後既動機.

同埋我覺得要搵間比較小班,老師有耐性同包容對佢地好D.
我囝都係坐唔定果隻,升班轉左班主任好有心機教佢,
會成日諗D新方法令佢覺得無咁沉悶,佢返學返得開心左就少左搞事,
至於做評估, 你可以搵健康院轉介去CAC
http://www.dhcas.gov.hk/tc_chi/c ... s/cas_leaflet_c.pdf
約排一年可見醫生.
現階段可睇下呢個機構幫唔幫到你:
http://www.pbridge.hk/hkcs/chi/intro.php

大家一齊加油

Alexming

回覆 Alexming 的帖子

多謝各位意見,今日同阿仔去健康院,姑娘幫我約咗下個星期五見醫生,到時睇下點,先謝謝大家

雪晴25

我仔N班時都好似你仔咁成日被老師投訴, ,又係成日攪攪振,隻手成日攪人,隻腳成日踢人, 上堂坐唔定, 上年排佐政府CAC到今年9月先有得見醫生, 今年升K1 9月在太子參加佐間行為治療, 個姑娘好好教佐好多方法比我地, 如你想知可PM我比給資料你

DollyCC

雪晴25，我想知邊度上行為治療，可否pm我

free_style

試下生物療法，幾有用的喎。我兩個小朋友都正在做緊，情緒會穩定好多的。

Alexming

回覆 free_style 的帖子

請問可那裡做生物治療法,謝謝

annie0517

原帖由 Alexming 於 14-10-06 發表
回覆 Alexming 的帖子

多謝各位意見,今日同阿仔去健康院,姑娘幫我約咗下個星期五見醫生,到時睇下點,先謝謝 ...

Alexming, 我想share 我嘅經驗比你參考吓時間，我個囡响20個月時join 咗個playgroup, 佢都係唔join circle time, 仲週圍走，淨係週圍攪嘢，唔跟人或老師教嘅方法去玩玩具，只鍾意同大過佢嘅小朋友玩，個老師同校長都建議我去健康院做評估。從健康院到CAC 真正見到醫生做評估，我個女已經3歲半。其實我冇等CAC已經去私家醫生做評估，但太細，只能列作suspected case，但已可攞住醫生封refer letter去排政府早期訓練，終於今年4歲半排到， 8月開始咗政府嘅早期訓練。
因為唔想錯過佢訓練黃金期，我排政府同時，即找私人訓練，一路做到依家。
如果你相信要抓緊治黃金期，就唔好等政府評估，叫你去幾廿次，每次check 一樣嘢，排除哂所有可能性，好多次之後先見到醫生做評估，你要攞佢嘅服務係咁架喇。另外，普通學校唔識教佢哋，你有私家醫生封信，如果真係有事，可以排政府，甚至特殊學校或有啲普通學校有兼收位等，佢哋有方法教佢哋行為同包容佢，每日都响學校教，行為改進比較明顯。
希望你盡快搵到啱嘅方法比你小朋友。

Alexming

回覆 annie0517 的帖子

好多謝你,想請敎你喺邊度睇醫生同上堂,謝謝解答

Cherriho

原帖由 雪晴25 於 14-10-07 發表
本帖最後由 雪晴25 於 14-10-7 12:45 編輯

我仔N班時都好似你仔咁成日被老師投訴, ,又係成日攪攪振,隻手 ...

我仔仔也被學校投訴坐唔定，可否PM資料比我，thanks a lot

annie0517

我未排到政府前在在私家做了評估，如你想要醫生資料，可以pm 你。 醫生那裏都有治療師，但好full. 幸好外面找到一個職業治療師，比到瞓練期，所以一直都有瞓練，不過我個女今年最終都要開始食葯，因為學校處理唔到，佢一人多就會被干擾，收唔到老師指令。但我小朋友平時同我哋一齊，我覺得進步咗好多，我唔肯定係咪一直有做訓練嘅成效，不過，我相信訓練有一定幫助。唔好灰心，早啲開始訓練或治療，唔好錯過治療黃金期。

mimuib

原帖由 雪晴25 於 14-10-07 發表
本帖最後由 雪晴25 於 14-10-7 12:45 編輯

我仔N班時都好似你仔咁成日被老師投訴, ,又係成日攪攪振,隻手 ...

我仔有類似行為，請問評估後，呢d行為正常嗎?請問可以俾治療資料我嗎?thx

wan_sosin

原帖由 annie0517 於 14-10-10 發表
Alexming, 我想share 我嘅經驗比你參考吓時間，我個囡响20個月時join 咗個playgroup, 佢都係唔join circle  ...

特殊學校和兼收位係唔會收單純有活躍問題嘅小朋友，除非自閉，學習遲緩，智能低於水平等…！
智能正常嘅ADHD小朋友，係入主流幼稚園同小學…
我仔四歲就係CAC 同時見咗三個醫生評估，醫生同我講，幼兒無乜嘢訓練到，假設就算一星期一兩堂，得一兩個鐘，都唔多會影響到個小朋友，所以，最重要係父母教！我之前問過明愛比幼兒嘅專注力班,都係話會教埋家長點做,返屋企自己訓練個小朋友.
所以小朋友去上堂訓練,最終必須父母去學,返到屋企再繼續訓練.
所以我自己去學點教小朋友，到目前我仔小一，一直無乜上過訓練，只係我屋企跟實，自己教，現在入了程度唔淺嘅小學，跟到功課，不用食藥！當然有係學校倒蛋，但唔係嚴重行為，無話走出位四圍行，打同學嗰種！
ADHD 就算去私家，都唔能夠幾歲証實到，如咁早可以確診，一就係私家手鬆，簽咗算，一係就非常嚴重，一係小朋友唔只單有ADHD,仲有其他問題！

wan_sosin

原帖由 annie0517 於 14-10-25 發表
我未排到政府前在在私家做了評估，如你想要醫生資料，可以pm 你。 醫生那裏都有治療師，但好full. 幸好外面 ...

你話你小朋友今年四歲半，要食藥？
四歲半你比佢食藥？
你小朋友而家讀緊幼稚園嗎？
幼稚園點樣攪唔掂，都唔應該食藥，
食藥主要為咗能係學校學習到。
邊個開藥比你？

wan_sosin

原帖由 annie0517 於 14-10-10 發表
Alexming, 我想share 我嘅經驗比你參考吓時間，我個囡响20個月時join 咗個playgroup, 佢都係唔join circle  ...

還有政府係唔會見幾廿次，佢哋無咁得閒！係CAC,一次見姑娘，第二次就會見醫生做評估，情況明顯的，即會確診，否則最多跟多一次！我第二次見醫生，之後就轉介兒童精神科，係排得耐，但只有兩三次！

I_O_U_baby

4歲半食藥,真係聞所未聞,
始終係精神科藥物, 而4歲半還有好多變數,
所以好多CASE 都唔可以係6歲前確診,
莫講話開始食藥咁得人驚