旺角基督教服務處雋匯幼兒學校

fionkwok

waiwaichu2003 & yenchan,

你地做在職媽咪都真係一d都唔易, 仲要冇工人, 真辛苦!!! 我自己照顧個女同屋企己經覺得攰到死, 你地要返工更加唔容易!!!
waiwaichu2003,
你仲有邊間收咗呀? 讀呢間機會大唔大呀?

waiwaichu2003

lwsdebbie,

Welcome, nice to meet you!
你阿b幾大呀?以我所知,雋匯好少收插班生,每年走幾多就收番幾多,好似今年只收廿幾人(我朋友去open day時問),所以都好快滿額;其實,我阿b未開始返雋匯 ga,所以實際情況你可以請教YENYEN,或可睇番之前佢地post既資料;至於參觀,你可直接打電話問下老師作安排或非繁忙時段walk-in參觀!佢地wesite係http://www.hkcs.org/edcb/dcc/dcc-info/i-cdcc.htm
至於基督教服務處playgroup,阿b未開始返呀!下星期六先第一堂,返完再話比你啦!詳情可睇以下wesite
http://www.hkcs.org/edcb/pep/course.htm 或致電27316374查詢,根據以往多次經驗,佢地非常nice和有耐性地答你問題!

lwsdebbie

Waiwaichu2003 and Fionkwok:

很開心認識到你們, 我仔仔8月12日出世,20個月啦,其實我都知道現在找真係比較遲, 因此所以等都沒有辦法, 但我會試下你的方法.

我係一個在職媽咪, 我仔仔放在我媽媽那處(天水圍), 而且我媽媽亦要一齊照顧我姪女, 雖然都有印印, 因此逢星期五就會由我媽媽那處接他回來(東涌),星期日送返去, 其實我可以放我那處, 但我又不放心, 而且下年我仔仔返學前就約滿, 因此我都担心.  

YENCHAN

waiwaichu2003:

我都覺得自己似隻牛架~~星期一到星期七~日日做到冇停手呀 !!
因為我想仔仔乾淨d,所以日日都同佢換校服既,咁星期一,三係運動衫,二,四,五/六都係校服,咁我就通常星期二晚洗星期一,二既校服,咁星期四都乾,又有得著,咁我通常唔理佢個日著咩,都係放一套運動衫同底衫褲係書包,因為戒片初期一定好易濕,我仔仔試過換左之後又濕左,都係要借學校既,不過有時就衣不稱身咁~~不過如果唔介意著學校借既話,兩套都可以既~~
我今年去左兩次戶外活動,一次係去花墟行年宵,一次係岩岩去完西頁康樂營,都玩得幾開心架,另外本來聖誕節係大禮堂搞party,可惜取消左,另外都有親子烹飪,兩次參觀日,兩次家長日咁既~~

fionkwok

Hi lwsdebbie,
你住到咁遠, 又唔係喺附近揍, 點解要讀呢間學校呢?

susannalam

I want to ask the address of nursery?
Thanks a lot

waiwaichu2003

Please see this website http://www.hkcs.org/edcb/dcc/dcc-info/i-cdcc.htm
for more details.

susannalam 寫道:
I want to ask the address of nursery?
Thanks a lot

nkh@jessica

Twins

其實我都唔知係咪交左留位費架，　果日係我老公同個女去, 佢話果日好多人, d miss 都唔得閒答佢問題, 跟住我老公講到唔清唔楚    , 究竟果日俾錢係for what ???

YENCHAN

最近仔仔學校講緊關於車既題目呀~聽朝會去旺角地鐵站參觀,仲要帶3.5去比佢地自己買票,好似好得意咁
有老師帶住,6個人一組,應該都幾安全既!!

fionkwok

YENCHAN,
學校咁近MTR應該冇問題既!!! 其實而家係咪好多學校都用呢D方法去俾小朋友體驗吓生活既呢? 我就覺得呢個方法幾好啦 ! 你地話係咪?

waiwaichu2003

YENCHAN,

嘩!你講得好詳細呀!唔該!
你小朋友而家係n1定n2呀? 如果仲係n1,計埋今次去參觀旺角mtr,咁"戶外活動"都唔算太多,但如計埋參觀日和家長日,都有七次親子活動,仲未計有時小朋友病左,要請假照顧佢,嘩!我真係要儲定d假喎! 想問係咪大部份爸爸,媽媽都係有去親子活動ga?  

fionkwok

waiwaichu2003,
我係全職媽咪, 所以親子活動多數都會參加, 但我老公好少假期, 所以而家都係儲定多D假諗住第日可以陪阿女囖!!!

waiwaichu2003

fionkwok,

你都好呀,你係全職媽咪,如果你老公真係冇假,都有你lee個媽咪陪小朋友去親子活動,但我同我先生都要返工,我諗如果係校內活動,我地可能輪流陪小朋友參加la!

YENCHAN

我仲慘啦....我同老公係同一間公司架....一齊請假都幾煩...好似黎緊星期四係家長參觀日,我就請左半日假,我好想老公一齊去,所以都叫佢請兩個鐘事假,我始終希望親子既活動可以父母同時出席會對小朋友既發展有幫助,係咪?

今日放學佢即刻拎張地鐵飛比我睇,扮晒野咁~~ 我個仔2歲開始返暫托,因為未有位...返左個幾月就插班,之後幾個月同班小朋友升班lu...我個仔仲未升得,所以做左大哥哥,而家仲係預備班....今年終於升班喇~返左學一年喇...真係長大左好多,唔係淨係大隻左,學野多左,各方面既發展都好大進步,所以我會建議小朋友2歲返學應該會幾好,比佢早d適應下,因為係屋企個個都寵佢,樣樣都幫佢,但係返左學,學野會比較快,獨立d,同埋早d比佢學下咩叫分享,與人相處...唔會咁自私同任性!呢樣係我呢一年發覺既~你地認為呢?

fionkwok

YENCHAN,
可以一齊出席親子活動緊好D啦! 如果D小朋友見到其他人有父母陪而自己冇, 佢地都會唔開心啦!!! 但我都好明白, 而家既工作根本唔到自己話可以請假就請假, 所以真係好無耐!!!

因為我得一個女, 所以俾佢讀幼兒班都係想佢學下咩叫分享,與人相處, 雖然係屋企我都唔會太就佢, 但有一大班小朋友一齊又有好大唔同, 好似你個仔大D又可以學吓照顧D細既, 所以我擇幼兒園唔係幼稚園, 都係因為時間長D, 可以訓練佢多D, 全面D, 而幼稚園就習中學術性多D, 但有樣野就係幼兒園係程度上會否比較淺呢?

YENCHAN

fionkwok:

我又唔覺得淺喎~因為都有好多野學,好全面,又有圖書角,比佢地自己選擇圖書,而且每星期都會借一本比佢返屋企,我晚晚同佢講故仔,睇完仲會做一張簡單工作紙!!仲有每日都有老師講下新聞分享,小朋友就係屋企同父母剪一則新聞係星期三返學校由小朋友自己分享!!仲有健康飲食為題目,要小朋友同父母創作一d關於健康飲食標語,唔好偏食,仲有烹飪等!!另外體能方面都好好,星期一同星期三就會教佢地一d平行木,單腳企,跳躍,上落樓梯...等等!!仲做埋記錄tim!!另外仲有自然角,教佢地花花草草,如何種植同不同水果既種植地方等等...之前仲用烏龜為題,比小朋友自己觀察下,接觸下咁!!其實仲有好多方面既野架,好似新年,中秋,就會叫小朋友做d小裝飾帶返學佈置,最近汽車為題材,就叫佢地利用廢物做架車同埋搜集關於車既資料返學分享...等等!!所以總括黎講,我覺得都幾全面架!!

fionkwok

YENCHAN,
但係英文方面呢? 好似n1冇英文學架? 係咪?

YENCHAN

fionkwok 寫道:
YENCHAN,
但係英文方面呢? 好似n1冇英文學架? 係咪?

有架~會有老師教簡單既英文生字同唱英文歌架!!!
類似咁啦...apple apple for you & me ~

waiwaichu2003

唔好意思,最近比較忙,今日先有時間同你地傾下計咋!
Hello!你地好嗎?

fionkwok

Hi waiwaichu2003,
真係有好多日冇見係上來啦! 公司很忙呀? 你做邊行架? 未生阿女之前我係做a/c架?

yenchan,
真係唔好意思成日都有咁多野問, 希望你唔好見怪! 有d蕳單英文學都好, 好過要到n2 or n3至有得學我就驚佢小學跟唔上!!! 但係除咗剪報之外係咪冇功課做, 唔使寫字架? 因為我樓下有個媽咪, 本來諗住俾個仔讀救世軍, 但因為n1唔使寫字, 所以決定放棄唔讀, 摔一間有字寫既, 你地覺得點呢? 係咪一定有字寫至好呢 ?