細B讀小學

uns

亞女係細B, 12月出世,今年二年級. 上年一年級已追不上,成績在50-60左右.勉強上了二年級,課程和功課都深左,十月中那次測驗成績也是跟一年級差不多. 如她勉強上三年級都好慘,留班或轉校又是否出路? 有無家長可以分享一下?

little_yolky

uns 發表於 17-11-27 16:39
亞女係細B, 12月出世,今年二年級. 上年一年級已追不上,成績在50-60左右.勉強上了二年級,課程和功課都深左, ...

咁你要睇下小朋友學校係咪教深教快, 睇下小朋友跟唔上係乜原因。如果唔係理解力或學校太chur問題, 轉校同留班都無乜幫助喎。我大女都係11月底, 佢跟得好好喎, 雖然唔係好叻, 但比上不足, 比下有餘咁囉。如果小一你有協助下都仲係50-60分, 會唔會係有其他問題?

Yanamami

我大女係十月中，又唔觉特别好被抛離……細B
又唔－定差嘅~我女有好多十—月出世既同学不知幾醒｡

MrBeast

Yanamami 發表於 17-11-27 16:53
我大女係十月中，又唔觉特别好被抛離……細B
又唔－定差嘅~我女有好多十—月出世既同学不知幾醒｡ ...

唔醒個d考唔到ar ma

MrBeast

uns 發表於 17-11-27 16:39
亞女係細B, 12月出世,今年二年級. 上年一年級已追不上,成績在50-60左右.勉強上了二年級,課程和功課都深左, ...

通常小二差異開始收差，不過唔知你校有冇教快

1998Ruby1998

就算係細 B，都唔會影響好大，以前好多同學都係 11、12 月出世，年年考頭十名。二年級開始應該冇任何年齡差異，人人平等。

會唔會學校教得快／有教深？定係女女有學習困難，只係未發現到？

rulerL

uns 發表於 17-11-27 16:39
亞女係細B, 12月出世,今年二年級. 上年一年級已追不上,成績在50-60左右.勉強上了二年級,課程和功課都深左, ...

我細仔都係12月出世既細B，佢小一時明顯跟唔上，考試考全級尾20名（全級155-160人）。

小二開始追返上中間稍後位置，大約80-90名。

到小三再考前返小小，大約75-85名。

即係上到小二約莫中、後期開始，應該已經同超細B既問題無甚關係。我諗樓主你都多觀察一排再視乎情況而行。

wongtw

我同事細B到三年班下學期先至開始發力，最後拿了最佳進步奬入了精英班。

man811231

wongtw 發表於 17-11-27 17:59
我同事細B到三年班下學期先至開始發力，最後拿了最佳進步奬入了精英班。

係咪仔？

PurinBB

請問細B上到小學其實係咪已追得上？我個細B現在仲讀緊幼稚園，我都諗緊好唔好留一年變大B先升小學，怕佢升上小學追唔上辛苦~

Jane1983

搵出原因，先幫到佢。

1998Ruby1998

回覆 PurinBB 的帖子

只要智力正常，冇學習障礙，學校唔係非常谷（例如宣道、仁立等）的話，細 B 上小學完全冇問題，小一上學期可能會有少少吃不消，但係到下學期已經有能力追上黎，到小二已經明顯收窄，再睇唔出大細 B 分別。
以前身邊好多 11、12 月出世嘅同學特別醒目，尤其計數快狠準，反而大 B（上年 12 月尾、1月頭）成日考中下游。

MrBeast

PurinBB 發表於 17-11-28 08:04
請問細B上到小學其實係咪已追得上？我個細B現在仲讀緊幼稚園，我都諗緊好唔好留一年變大B先升小學，怕佢升 ...

你這問題，就＝有學校教快一年，有些學生冇問題，有些跟唔到，背後有好多原因：資質、家庭support、有冇C補、父母取態。最重要係點解要做細，和好多時做細父母見唔到的影響，eg low self esteem，當然做大亦有其他引伸的問題

uns

回覆 little_yolky 的帖子

我女係上課不專心,已做評估,不是ADHD, 我已找補習姐姐幫佢跟功課,都係唔得!

aryemyem

我仔11年12月超細B，學術沒有問題，還做了中文科小老師和英文科組長。不過心智依然沒人老積。自問花了很多心機教，現在馬鞍山一線津校就讀。

little_yolky

uns 發表於 17-11-28 12:47
回覆 little_yolky 的帖子

我女係上課不專心,已做評估,不是ADHD, 我已找補習姐姐幫佢跟功課,都係唔得!

唔專心呢家嘢真係無分大細B, 我細女係大B, 到依家都係唔專心, 呢樣嘢係留班/轉大B都無用的, 請補習阿姐都幫唔到佢。

MrBeast

little_yolky 發表於 17-11-28 16:10
唔專心呢家嘢真係無分大細B, 我細女係大B, 到依家都係唔專心, 呢樣嘢係留班/轉大B都無用的, 請補習阿姐都幫 ...

Attention span 會隨著年齡增長，要和上一年比較才有意思

shadeslayer

MrBeast 發表於 17-11-28 16:39
Attention span 會隨著年齡增長，要和上一年比較才有意思

對，大細B討論，要比較同一個B，一年前的表現，和大一年的表現。

所以大B is almost always better than little B.

ivyscyip

我女係細B，12月尾出世，現已升中。她一直都跟得到，小學年年級前五。大細B真的分別不大，尤其係學術上。

shadeslayer

ivyscyip 發表於 17-11-28 22:35
我女係細B，12月尾出世，現已升中。她一直都跟得到，小學年年級前五。大細B真的分別不大，尤其係學術上。
...

以偏既全。如果係大B，佢好可能會年年级一。