天虹新校長: 打破家長覺得Happy School就等於成績不好的迷思

hkpapa852

punlik 發表於 18-7-27 15:56
而家系香港請個Programmer 都好難, 要去深圳請.

點解要去深圳請? 因為人地平一截但資歷好過你囉.

國內一個持有雙CCIE牌既engineer, 請佢嚟香港打工月薪40K都唔駛, 香港邊請到?

vline

回覆 punlik 的帖子

其實里到有幾位真係好憎新派Happy School同朱校長， 基本上一見到有關的post就一面倒鬧， 好有文革影子

Soundervolt

vline 發表於 18-7-27 17:13
回覆 punlik 的帖子

其實里到有幾位真係好憎新派Happy School同朱校長， 基本上一見到有關的post就一面倒 ...

文革批鬥係唔需要有事嘅支持，但喺呢道嘅討論都環繞住事實根據去討論，而且都有佢支持者參與討論，如果論點站不住腳就話批鬥？點可以將兩者相提並論？！

hkpapa852

vline 發表於 18-7-27 17:13
回覆 punlik 的帖子

其實里到有幾位真係好憎新派Happy School同朱校長， 基本上一見到有關的post就一面倒 ...

如果真係happy school又做到成績我一定支持，不過現實有幾多？
暫時見到，開期票或假happy又或無乜成效既居多。

mamaishere

vline 發表於 18-7-27 17:13
回覆 punlik 的帖子

其實里到有幾位真係好憎新派Happy School同朱校長， 基本上一見到有關的post就一面倒 ...

根本就係cyber bullying, 永遠有佢幾個老...「前輩」講無人講！唔係覺得你哋講嘅內容唔啱，而係你哋嗰種chur住人唔放、又懶係乜都知、全港一二三四線學校都搭咀、間間學校都話識人喺入面讀嘅說話方式好討厭，令好多新用家怕咗你哋廢事出聲⋯⋯ 都係嗰句，咁勁乜都知就應該事業應該如日中天，唔會咁得閒橫行EK個個post都chur到盡啦！

vline

mamaishere 發表於 18-7-27 18:31
根本就係cyber bullying, 永遠有佢幾個老...「前輩」講無人講！唔係覺得你哋講嘅內容唔啱，而係你哋嗰種ch ...

其實 里幾位每次都是同時出現， 可能已是工作必須做的事。 再搭落去都 好無謂 ， 旁觀者清 。 唔好嘥氣啦

Soundervolt

mamaishere 發表於 18-7-27 18:31
根本就係cyber bullying, 永遠有佢幾個老...「前輩」講無人講！唔係覺得你哋講嘅內容唔啱，而係你哋嗰種ch ...

或者上咗岸呢

Vanadium

punlik 發表於 18-7-27 18:36
關鍵是唔同家長有唔同評定成績既方法，而非只有入band1中學一種評定方法，人地賣點本來就唔是伊樣嘢，家長 ...

求學不應只是求分數，但事實上，好多學校都已做到平衡較"刻苦"既學習同較"輕鬆"既學習，既求學，亦有分數，如果大家有機會出席比較全面既學校既活動，睇下佢地參與既比賽同表演，唔難體會呢點。

太過追求學術成績係有問題，但太過強調輕鬆愉快學習，玩就當返學學野，個人覺得都係有問題，如我之前回應，第三世界小朋友開心指數大都全球最高，因生活無壓力玩玩下，但生活質素卻較落後，這些都是不爭事實。

你提到將來大部份人都叫大學畢業，呢個正正做教育要認真既原因。唔好講將來，即使今日，都已近6至7成年青人擁有學位或大專畢業，我預言日後即使天虹咁以玩為基礎，一樣可以有大學讀，但又如何? 如美國一樣，周街大學生，香港今日成堆大學生，都係做銀行teller、收銀等，做PC警員或技術員都叫好工，呢啲都係昔中五畢業就做得既工作，這正正解釋調查發現大學生人工越黎越低既原因。

咁好工咩人做? 咪又係大都要講你要名牌大學既名牌學科，中學名校畢業加公開試成績好。又用返美國做例子，講天虹果種dream starter而最後成功既，唔係又係出於要高中成績優秀先入到既名牌大學?

個人覺得每個人能力係有唔同，搞多元化教育係應該，但要小心，唔應該太早為小朋友定性，如小學唔應該走得太極端，但到中學，反而真係應該比明顯唔係學術型既學生，可以有其他另類發展。

外國、包括內地，都會係中三後為學生分流，但天虹將小學生就分流搞到好似傳統學習好唔啱佢地咁，我就覺得相當有保留。我去過天虹參觀，砌呢樣砌果樣，係做craftsman，係工藝科，我個人唔相信能提升學生學術能力，問題係: 點解咁快定性呢批小學生只係craftsman，而唔係engineer? Engineer數學要好好呢。

Vanadium

punlik 發表於 18-7-27 22:19
本帖最後由 punlik 於 18-7-27 22:38 編輯

創科教育唔可以由小學開始？

我覺得香港不用空談，世界咁多科技大國，佢地創科條路係點，香港絕對可以參考或跟尾去追。

創科可唔可以由小學開始? 呢個問題，我反而想問世界咁多科技大國，有邊個科技或科學係由類似天虹呢類小學所帶動?

科學與科技，唔係玩玩下既手作仔，當日星之子陳X希透過製作好多手作仔破格入科大，大學花唔少資源係佢身上，今日最後都只係似個生意人，寫下程式仔，多過搞高科技同創新，往後任何大學，都無人再破格收手作仔學生。

香港若然要走高科技，更要培養更多學術人才，心思細密、訓練邏輯頭腦既教育，比玩工藝、手作仔更為重要。

或者要定義下咩係科技同創新，諗下美國隨時可以玩死中國既，係講呢啲: 醫藥工程、電子晶片、CPU、通訊、設計及製造機械人、高端引擎、飛機、太空科技等，個人唔會覺得係樹屋、木船、自動洗廁機、自動販賣機等，而寫下程式或apps，控製下機械人玩遊戲等，更覺完全談不上科技。

Soundervolt

mamaishere 發表於 18-7-27 18:31
根本就係cyber bullying, 永遠有佢幾個老...「前輩」講無人講！唔係覺得你哋講嘅內容唔啱，而係你哋嗰種ch ...

EK幾時變成大陸式「河蟹」？ 最有效想一班「前輩」收聲係應該用論點積極參與討論，將事實愈辯愈明，好似P網友都同幾位「前輩」唇槍舌劍，但大家都係環繞論點去討論，就算對反方都十分尊重，一句人身攻擊都冇，咁先至係有質素嘅討論及值得尊重嘅參與者。

hohoho888

punlik 發表於 18-7-27 22:19
本帖最後由 punlik 於 18-7-27 22:38 編輯

創科教育唔可以由小學開始？

其實又無話創科唔可以小學開始，又無話非黑即白既，創科都做人做學問一樣都要講basic,  小學是用來打好根基。根基都無點創造？ 又講番之前睇既鏗鏘集，佢入面講個中學生，發明左d野，是好創新，但之後佢明白自己英文唔好，要出去present佢好吃力。根基問題佢能力側左一邊。

Jules_S

cloudcloudrobot 發表於 18-7-27 14:09
既然人家有心、有勇氣為香港教育同孩子提供另一條出路，又冇影響相信傳統制度嘅家長。大家係咪應該少d負評 ...

放心啦，大部份香港嘅家長都好醒㗎，選校尤其是轉校果班，一定係諗過度過, 做足功課，加上自身經驗，同學校本身係咪佢杯茶，先做決定。唔會因為幾個訪問，PR宣傳就決定轉讀。

Happy school 嘅出現，就係希望提供「正正經經」上堂、做功課以外嘅教育學習模式，鼓勵學生自主學習，搵到學習意義。

天虹呢種新模式，其實只係實行咗五年，至少佢為津校提供左另一種可能性。有冇進步首先係同自己比，如果成日要同其他學校比，只用唯一一把尺去度，去比較，有幾多人去band 1 中學，單純講成績，只會繼續行條舊路，亦唔會為香港教育帶來創新嘅可能，新機會。

Jules_S

香港嘅教育唔多唔少已經鑽左入牛角尖，唔好講中學生，就算小學生，課後功課讀書時間過長，壓力過大，亦係好多家長同學生嘅心聲， 依家就連幾歲嘅幼稚園學生都有讀書壓力，實不健康。

進歩係需要一步步，聽聞天虹新校長希望借救恩著重閱讀文化嘅經驗，提高學生閱讀能力，對天虹學生亦會係件好事。

我亦樂見香港有教育有心人願意嘗試，由小學開始提供創新，多元化教育。

archie1728

hohoho888 發表於 18-7-27 14:43
回歸題目先, 題目是新校長想"打破家長覺得Happy School就等於成績不好的迷思", 即係佢想証明happy 唔一定成 ...

如果你有留意，浸信會聯會旗下好幾間小學都係sell緊又happy又好成績，當中較出名又算成功既有一呂、沙呂、浸聯等，佢地幾個校長私下都好多交流，經常互讚對方。

當然，成績好唔好有客觀數據，但hap唔happy就因人而異，不過可以肯定既係，課餘時間一定比普通學校多。以浸聯為例，極少功課(但多評估)，lunch後冇學術堂，逢星期三返半日方便校隊下午練習。

申利: 我係浸聯家長