天虹新校長: 打破家長覺得Happy School就等於成績不好的迷思

aayy

mamaishere 發表於 18-7-27 18:31
根本就係cyber bullying, 永遠有佢幾個老...「前輩」講無人講！唔係覺得你哋講嘅內容唔啱，而係你哋嗰種ch ...

不能同意更多！如果EK有一個function係hide post就好

mamaishere

Jules_S 發表於 18-7-28 15:42
放心啦，大部份香港嘅家長都好醒㗎，選校尤其是轉校果班，一定係諗過度過, 做足功課，加上自身經驗，同學 ...

can’t agree more! 邊個啱咪揀嚟讀，唔啱口味咪返自己個comfort zone囉，駛唔駛吓吓殺父仇人咁啄住哂仲肉緊過用家 花咁多時間分析一間自己咁憎嘅學校，仲要個個post咬死唔放，你話係咪食飽飯得閒得濟？

最近聽到有家長告知中學部已落實會行IB涵接happy school小學，好快幾位乜爸爸物爸爸又會出嚟煮多幾嘢，唔認同佢哋又會被說成儍仔無用過腦就轉校

再利申，本人小孩已高小並和德萃零關係，只係好怕D老前輩長期覺得自己係專家看透全世界，冷嘲熱諷唔認同自己嘅人

Felix223

mamaishere 發表於 18-7-28 19:45
can’t agree more! 邊個啱咪揀嚟讀，唔啱口味咪返自己個comfort zone囉，駛唔駛吓吓殺父仇人咁啄住哂仲肉 ...

真金不怕洪爐火，如果冇咩問題，真的唔怕被人講！敝在你所指嗰間小學就是被人踢爆咗！事實就是事實！

mamaishere

Felix223 發表於 18-7-28 21:05
真金不怕洪爐火，如果冇咩問題，真的唔怕被人講！敝在你所指嗰間小學就是被人踢爆咗！事實就是事實！
...

嘩，好犀利呀！福爾摩斯

Jules_S

點解呢幾年會有Happy School嘅出現，值得呢度嘅家長諗一諗

20歲以下自殺亡增50% 13年新高最細求助者僅7歲 多與家庭有關
【明報專訊】本港去年有916人自殺輕生，按年下跌3.98%，但0至19歲年輕人的自殺死亡個案卻大增50%至36宗，是13年來最高。香港撒瑪利亞防止自殺會去年年紀最小的求助人只有7歲，主席黃祐榮說，問題難簡單作結論，但當中與家庭有莫大關係，呼籲家長要明白「孩子開心比學業更重要」....

https://news.mingpao.com/pns/dailynews/web_tc/article/20180729/s00002/1532801071790

fingerose

upup

tkinwong

Jules_S 發表於 18-7-29 05:28
點解呢幾年會有Happy School嘅出現，值得呢度嘅家長諗一諗

20歲以下自殺亡增50% 13年新高最細求助者僅7歲  ...

新聞都講，與家庭有莫大關係。

其實，大部份津貼小學並無這裡部份家長諗得咁谷。如果家長以平常心看待小朋友的學業/成績，唔洗特別要搵什麼happy school。只不過，要壓力不大，又要升中以至DSE成績好，邊個校長可以成功搵到條公式，就真係利害。有人可能會列舉一些又愉快又成績好的私立/直資學校，但這些學校的學生本身已有一定的水準才考到，學校唔谷，家長都知點做，學生都會識讀書。

dddaddy

又要happy又要成績的確係難。最緊要個校長有心！

Vanadium

dddaddy 發表於 18-7-29 18:59
最緊要個校長有心！

天虹唔同有回應講既一呂、沙呂或浸聯，其家長相信主要黎自低下階層。

最緊要係校長有心為低下階層子女爭取上流機會，唔好將教育玩玩下，最後將貧窮一代傳一代。

有錢或中產家長玩得起，大不了洗錢外補、去私校或去外國升學，但低下層子女其實無咩條件玩。

hkpapa852

香港家長其實好可愛, 小朋友越細, 對童話既憧景就越多

作為家長, 都應該係社會工作過, 應該都會體會到, 係香港工商界對有學歷但無特殊技能, 以及有一技之長但無學歷人仕既差別待遇吧!

另外, 又再問問自己, 係咪真係咁豁達, 接受到子女係主流學校讀唔成書而去提早進入職場, 或投入職訓呢?

可惜即使有心, 香港目前既教育制度, 對學習能力較差既學生, 只得番"繼續升學"一個選擇. 除非家長真係可以撇脫到中四就要求小朋友轉去兆基創意書院, 或職訓開辦既青年學院去提早學習一技之長.

Happy school本身沒有問題, 但對現實既銜接係一個極大既問題.

係Happy School既小學happy完年後之後可以點呢? 叫小朋友由天堂跌番去凡間(地獄?), 到時係現實生活上既落差, 可能仲易令小朋友想埋一邊.

一間沒法去為小朋友裝備足夠能力去面對社會既學校, 個人覺得或多或少係不負責任.

可能有人話, Happy完咪送去外國囉! 的確係可行既方法, 但點解唔一早送小朋友去D較多NCS既學校適應?


擔心NCS品德/行為有問題? 咁小朋友日後去到外國, 當地既NCS, 一定就無品德/行為有問題嗎?

講到尾, 其實都只係心底裡對NCS有所歧視吧!


童話是美好的, 但現實不夠美好, 會係現實出現既童話, 機會應該比中六合彩頭獎還要低.

hohoho888

hkpapa852 發表於 18-7-30 09:22
香港家長其實好可愛, 小朋友越細, 對童話既憧景就越多

作為家長, 都應該係社會工作過, 應該都會體會到, 係 ...

而家好多媒體都會用外國例子來講愉快學習都可以學到野呢個concept
然後, 好多人都會反思, 係囉點解香港小朋友要咁辛苦, 然後就高呼還我童年

還記得小學時聽校長訓話, 佢話學校是社會既縮影
無錯, 如果我地認同學校是社會縮影, 咁香港社會如何學校就會如何
之前講既外國例子, 如果仔細睇, 講既都係咩挪威呀, 丹麥呀, 仲要係d小鎮呀

講真社會不一樣有可比性嗎? 我地成日話紐倫港, 又唔見佢地講下manhattan d小朋友?
美國都好多虎媽, 直升機父母,
韓國d 小朋友讀書仲癲, 大陸呢? 星洲呢?
亞洲地區都係咁的, 點解呀?
大家有咩共通點?

當然, 始終有家長鐘意happy sch, 市場須要, 各取所須
但我覺得最緊要是家長真係知道自己想要d乜先, 同埋小朋友岩咩學校
呢個世界真係有好多人突然豁達, 但到放榜果日就抱頭痛哭
如果知道"真相" 而去決定就好, 而ek 是比家長睇真d既地方
同埋的確happy sch 入b1既有, 谷校入b3也有, 做家長既只係set up 一個平台,
唔好將來後悔自己set 左呢個平台就ok 了

LinusYip

hohoho888 發表於 18-7-30 10:11
而家好多媒體都會用外國例子來講愉快學習都可以學到野呢個concept
然後, 好多人都會反思, 係囉點解香港小 ...

另一真相係happy school 又有好成績果啲
某程度上係因為果啲小朋友本身已經好聰明
人地要學3個鐘佢地學2個鐘
咪多左一個鐘玩囉

hohoho888

LinusYip 發表於 18-7-30 10:38
本帖最後由 LinusYip 於 18-7-30 10:39 編輯

另一真相係happy school 又有好成績果啲

咁呢個也解釋到點解在ek 問谷校係咪好谷既topic
總有人話自己個小朋友好輕鬆, 仲可以做哂功課, 5點幾就睇tv 既原因了

beagoodman

純路過..

只要沒有欺騙成份而且家長們想清想楚，其實百貨應百客有甚麼問題呢？

不過面對新頴的概念，家長們固然在子女入學前要考慮清楚，之後亦要聽其言丶觀其行，以作適時反映。

另一方面，其實不要被社會媒體丶傳媒丶討論區等過份洗腦，在我自身凡人直接認識的圈子，其實不少人在曾被人云亦云傳為催谷丶多功課丶壓力大等等的學校上學都上得開心。現實中，往往不是單憑學校一方造成愉快上學或不愉快上學。

mamaishere

hkpapa852 發表於 18-7-30 09:22
香港家長其實好可愛, 小朋友越細, 對童話既憧景就越多

作為家長, 都應該係社會工作過, 應該都會體會到, 係 ...

點解要一早去NCS學校適應？唔係乜都要預早適應啩？toddlers適應PN, 幼稚園適應小學, 小學適應中學，乜都預早讀，連出國讀書都要預早適應同外國人相處？你究竟自己有無出過國升學？人類適應環境能力無你諗到咁低囉！出國咁多年，除非你係要揀個零亞洲人嘅山卡啦地區去挑戰你小朋友個底線，唔係喺香港讀完英普或甚至普通local school嘅中學生無可能同英文人溝通唔到。況且你想搵個見唔到中國人嘅地方仲難過登天！去非洲留學就話要適應啫...

hkpapa852

mamaishere 發表於 18-7-30 11:50
點解要一早去NCS學校適應？唔係乜都要預早適應啩？toddlers適應PN, 幼稚園適應小學, 小學適應中學，乜都預 ...

當然, 去外國睇你點適應同點生活.

去到美加, 可以只係留係唐人街一帶或者華人聚集區, 生活幾十年都唔駛點講英文添!

mamaishere

hkpapa852 發表於 18-7-30 11:52
當然, 去外國睇你點適應同點生活.

去到美加, 可以只係留係唐人街一帶或者華人聚集區, 生活幾十年都唔駛點 ...

係你份人乜都誇張過人啫！我自己全家同身邊朋友幾代海外留學，初中去又有，高中大學去亦有，全部都唔係去美加澳大城市，上一輩特登揀小鎮無唐人街，成間學校十個華人以內。咁耐都無人話小學要去間NCS學校預先適應㗎囉！唔好乜都誇大幾倍嚟講！

mamaishere

hohoho888 發表於 18-7-30 10:11
而家好多媒體都會用外國例子來講愉快學習都可以學到野呢個concept
然後, 好多人都會反思, 係囉點解香港小 ...

認同，正所謂保保險險又到終點，有足夠彈藥就不妨試試新理念，可能另有一片天。唔係太鬆動就真係無謂做白老鼠，萬一轉唔返出去而佢中學嚟緊行IB，我估學費應該會同某些IS看齊，到時只可以焗住上！

Soundervolt

hohoho888 發表於 18-7-30 10:11
而家好多媒體都會用外國例子來講愉快學習都可以學到野呢個concept
然後, 好多人都會反思, 係囉點解香港小 ...

每個國家嘅教育制度都會同當地生活環境有莫大關係，例如近年傳媒冇探討當地生活背境但大力讚揚嘅北歐教育，就以瑞典或芬蘭為例，佢地分別有幾十萬平方公里土地，兩三百萬克朗（1兌0.93港元）已經可以有兩千多尺居所。當地鐵、礦、木、天然氣等天然資源豐富，基本單靠天然資源已經足夠分別只有八百幾萬人口(同香港差不多)基本生活，公共福利好到無倫，但入息稅達50%，我有個瑞典客(喺Anderstrop)做部門主管同佢喺高球場剪草嘅囝仔入息差唔多，而且工會勢力強大，工作保障一流，如果想剪一世草（只要球場唔執凹）都冇問題，反觀一尐冇乜資源嘅國家或地區，例如日本、南韓、新加坡、香港等地區只有人呢個資源，人與人之間競爭比較激烈，令到學術教育就比較重要，所以唔應該未了解背景之前就認為外國月亮比較圓。

只要家長肯用心去了解一下各間學校實際情況，就唔難察覺依家唔少官津直私小學亦已經溶入多元化嘅教學元素，已經唔係只著重抄寫操練等嘅教學方法，而且亦有十分良好嘅效果。

百貨應百客，搞Happy School冇問題，但將近年收生充足嘅原因隻字不提，而將Happy式教學方式語帶相關呢點就有問題。

hkpapa852

mamaishere 發表於 18-7-30 12:10
認同，正所謂保保險險又到終點，有足夠彈藥就不妨試試新理念，可能另有一片天。唔係太鬆動就真係無謂做白 ...

校址都未有, IBO又點會批呢?

IBO對軟硬件都有一定要求, 如果以某校大埔或嚟緊"可能有關"既旺角校舍咁既規範, 相信有攞到牌攪IB課程既機會係"零"

暫時嚟講, IBDP係無得自修, 無牌就無得攪