教育王國
標題: 學覇的個性 [打印本頁]
作者: hkcsty 時間: 23-6-5 11:38 標題: 學覇的個性
學覇平時做功課温習是否自動自覺完成？定都要催促一下先肯？
作者: Azzurro 時間: 23-6-8 16:18
小學低年級完全唔使催促應該香港一個都冇
學霸一定係平常大量看課外書
我見過三個一年級級頭（1-3）都係相對文靜聽話。但是往後二年級三年級都往後退一些。低年級級頭不太有代表性。難以保持到高年級。
作者: hkcsty 時間: 23-6-8 18:23
Azzurro 發表於 23-6-8 16:18 
小學低年級完全唔使催促應該香港一個都冇
學霸一定係平常大量看課外書
我見我地校好多係一，二年級時考班頭3，之後3年級開始穩佔級頭1，2
作者: 臭Patpat小B 時間: 23-6-8 18:39
我覺得學霸係本身勁鍾意讀書，當係娛樂，根本唔洗理先係
作者: kukarma 時間: 23-6-8 20:34
仔仔不是學霸,小學一直以來在學校完成了功課,回家不用做功課,可以做自己喜歡的事情
作者: RYBB 時間: 23-6-8 21:46 標題: 回覆樓主：
本帖最後由 RYBB 於 23-6-8 21:47 編輯
功課溫習唔會需要催，自己知道一定要做嘅野，就會安安份份做好晒～
作者: Kenji0105 時間: 23-6-8 22:05
自律、愛閱讀、有效率
作者: chingchub 時間: 23-6-9 00:38 標題: 回覆樓主:
做功課自律，平時冇溫書，做完功課多數玩。考試前2-3星期先開始溫，要催溫書，其實催多數係家長唔放心，佢自己心裡有數幾時開始溫習，雖然你見佢玩緊，但有時佢其實心裡面已背緊書，吹佢唔脹。。。佢地有方法點溫，亦集中，溫得快有效率，家長需要幫手相對少。對自己有要求，考完唔識一條已經會自責。
屋企2個細路，所以好明顯見到分別。
作者: YolandaTam 時間: 23-6-9 02:05
好勝、勤力、紀律好、有責任感、有目標。
作者: PTL_L 時間: 23-6-9 07:52
Azzurro 發表於 23-6-8 16:18
小學低年級完全唔使催促應該香港一個都冇
學霸一定係平常大量看課外書
作者: Azzurro 時間: 23-6-9 11:13
謝謝分享！
我們（目前處於 20-40左右）不會輕易放棄向上游嘅夢想 
作者: jbbmom 時間: 23-6-9 12:18
作者: 天外之人 時間: 23-6-9 12:58
回覆 Azzurro 的帖子
你見唔到唔代表冇既.
我反而覺得做得學霸唔係一定要睇大量課外書咁死板.所以你見到嗰啲咪慢慢咁低啲.好似某一位家長所講,鐘意讀書如同娛樂咁,呢啲先係真正讀書學野之人.
作者: BB-Tiger 時間: 23-6-9 14:30
低年級時自動自覺做功課，學習有熱誠，但閱讀無熱誠，純粹交閱讀報告先睇，去唔到級頭，中高級開始拖拉要催，惰性重學人口花花，但男仔到高年級開始撻著副計，衝上級頭。
作者: bananaGi 時間: 23-6-9 15:55
我校學霸(級1-3計). 一個係睇書型, 兩個做卷型
作者: Little_Hazelnut 時間: 23-6-9 16:22
級1，自動自覺完成功課温習，大量閱讀，唔會操卷
作者: adriantai 時間: 23-6-9 16:24 標題: 回覆樓主:
有鬥心 ，包括家長
作者: mmmandddy 時間: 23-6-9 16:30
我覺得系好勝，對自己有要求，我有2個女，剛好一個算系學霸（普通小學4-6年級都級1），另一個系學渣（中英數徘徊要合格唔合格之間）。
大的對自己好有要求，平時默書起碼要你幫他溫2-3次，你同他講OK無問題，他都仍然要你幫他溫到識背。好勝。細個幼稚園，初小時爲左寫靚一隻字會發脾氣（寫極都覺得唔靚，自己發自己脾氣）細的好隨便，咩都求求其其，寫字唔靚啊，唔緊要啦，老師話無問題。考試合格已經接受。
但天生我材必有用，我細女超窩心，除左學渣外，其他野都好好。tum死人個隻。
PS: 大的都唔好課外閱讀，系今年先開始有閱讀習慣。
作者: hkcsty 時間: 23-6-9 16:31
我個仔只鍾意睇書，唔鍾意温習和做練習，所以應該不是學覇了
要迫下佢先會高分T_T
作者: Adiezz 時間: 23-6-9 16:41 標題: 回覆樓主：
本帖最後由 Adiezz 於 23-6-9 16:42 編輯
1/3 天分、1/3性格、1/3努力
自己都想小朋友叻，但佢唔係資優，有時要教好耐先識，中意睇書但每日只會睇20-30分鐘，無辦法好似其他小朋友咁主動睇幾個鐘，不過仲細會慢慢培養好學習態度
作者: mimi1102 時間: 23-6-9 16:46
我見過可以由頭帶到落尾的學霸, 都一定俱備三個條件.
1. 自律 2. 自律 3. 自律
如果要家長後面發功, 好彩的, 到小四開竅, 自己自律地行埋落去,就冇咩大問題, 但唔好彩, 家長發功發到小六呈分後, 上到band 1, 好易散晒, 變大落後.
作者: hkcsty 時間: 23-6-9 18:29
mimi1102 發表於 23-6-9 16:46
我見過可以由頭帶到落尾的學霸, 都一定俱備三個條件.
1. 自律 2. 自律 3. 自律
係呀，等佢知道考試遊戲點玩之後就要靠佢自己想唔想高分了
作者: Adiezz 時間: 23-6-9 20:23
mimi1102 發表於 23-6-9 16:46
我見過可以由頭帶到落尾的學霸, 都一定俱備三個條件.
1. 自律 2. 自律 3. 自律
教自律有冇心得分享？
作者: mimi1102 時間: 23-6-9 20:39
Adiezz 發表於 23-6-9 20:23
教自律有冇心得分享？
本帖最後由 mimi1102 於 23-6-9 20:40 編輯
對唔住, 我係一個失敗的例子, 自律冇得教, 我媽冇教我如何自律, 但我係一個自律的人, 可惜兩個女偏偏同我相反。
我成日都話, 擁有自律小孩的家長, 上一世一定做左好多好事
作者: pigsa 時間: 23-6-10 00:25
mimi1102 發表於 23-6-9 16:46
我見過可以由頭帶到落尾的學霸, 都一定俱備三個條件.
1. 自律 2. 自律 3. 自律
想請教
唔自律、對學業無要求的小朋友
咁又應該教養他們？
作者: LeeCC 時間: 23-6-10 08:45
Adiezz 發表於 23-6-9 20:23
教自律有冇心得分享？
‘’你有多自律，就有多自由‘’
我一直用呢句話同小朋友傾自律，不同階段有不同的程度的自由，每次都用這句話提醒佢
作者: mimi1102 時間: 23-6-10 10:04
LeeCC 發表於 23-6-10 08:45
‘’你有多自律，就有多自由‘’
我一直用呢句話同小朋友傾自律，不同階段有不同的程度的自由，每次都用 ...
本帖最後由 mimi1102 於 23-6-10 10:34 編輯
非常同意, 如果你自律, 我可以放手比你做想做的事情, 如果你不自律, 要我加控, 咁你一定會唔開心。
我見好多自律學霸, 一樣會打機, 煲劇, 去街(中學之後), 但成績一直保持級十內水準, 就係因為佢自律, 自律的人, 會好識得time management, 我成日問我女, 點解大家都係一日24小時, 點解有人可以又游水, 又彈琴, 又打機, 但又考級頭, 但佢就明明冇咩課外活動, 都成日話冇時間?
作者: 加樂爹 時間: 23-6-10 11:53
我理解是:
去除了天資特優這類別的學霸, 能做到小學學霸， 他們肯定有清晰思想, 目標為本, 可最快完成功課, 怎樣可以答題取分, 不會和你繞彎路, 學校及家長要求的, 清清楚楚去完成, 同執單員一樣高效率. （講真男仔好難做到)
性格有自己一套, 怎樣才把事情弄好, 取得獎勵...類似大人繪畫或設計者, 那份對事情既執著.
學霸記性一定好, 特別初小課程多注重背誦.
學霸記憶數字， 敏感度高， 所以四則運算快和準確， 可以大量及短時間完成。
學霸在初小未必為興趣睇大量書籍， 不過課本耍求的， 他都可以按時完成。
就是這樣， 有限的閱讀足夠他的學習應用。
高小中英文科承接初小基礎， 能夠幫學霸繼續學習， 首先他們己拋離了初小一般學生。
假若， 學霸對學習產生興趣， 加上優良成績帶來正面鼓勵， 他們會更上一層樓。
至於數學， 數字運算只是其中一個能力， 短期記憶， 抽像理解， 立體思想， 羅輯思維。。。小學生仍在發展中，小學課程要求亦未很高， 所以， 一般記憶數字， 敏感度高， 四則運算快和準確，都比較ｗｅｉｇｈｔ 重一點。
作者: 加樂爹 時間: 23-6-10 11:54
我有興趣想知， 學霸暑假會付做什麼？
作者: PTL_L 時間: 23-6-10 12:31
本帖最後由 PTL_L 於 23-6-10 12:32 編輯
加樂爹 發表於 23-6-10 11:54
我有興趣想知， 學霸暑假會付做什麼？
玩，瞓覺同唔肯補習，但會睇課外書同鍾意睇哂新學期嘅教科書！
作者: LeeCC 時間: 23-6-10 12:56
加樂爹 發表於 23-6-10 11:54
我有興趣想知， 學霸暑假會付做什麼？
有學霸讀晒下一學年的書和操補充練習
作者: chanti 時間: 23-6-10 13:16
hkcsty 發表於 23-6-5 11:38
學覇平時做功課温習是否自動自覺完成？定都要催促一下先肯？
作者: 加樂爹 時間: 23-6-10 22:42
前兩位家長, 好叻, 學霸理解力強, 很強的自學能力.
請問學霸睇什麼課外書?
作者: adriantai 時間: 23-6-10 22:59
mmmandddy 發表於 23-6-9 16:30
我覺得系好勝，對自己有要求，我有2個女，剛好一個算系學霸（普通小學4-6年級都級1），另一個系學渣（中英 ...
甘邊個開心D？
作者: Yanamami 時間: 23-6-10 23:02
本帖最後由 Yanamami 於 23-6-10 23:06 編輯
竟然無人提專注、自理力。時間管理係好重要的，學霸玩得又讀得。
作者: Yanamami 時間: 23-6-10 23:03
LeeCC 發表於 23-6-10 12:56
有學霸讀晒下一學年的書和操補充練習
作者: adriantai 時間: 23-6-10 23:04
pigsa 發表於 23-6-10 00:25
想請教
唔自律、對學業無要求的小朋友
咁又應該教養他們？
我覺得係無得教，等開竅
作者: adriantai 時間: 23-6-10 23:07
Yanamami 發表於 23-6-10 23:02
竟然無人提專注、自理力。時間管理係好重要的，學霸玩得又讀得。
竟然無人提早熟
作者: Yanamami 時間: 23-6-10 23:10
Azzurro 發表於 23-6-8 16:18
小學低年級完全唔使催促應該香港一個都冇
學霸一定係平常大量看課外書
作者: 加樂爹 時間: 23-6-10 23:27
pigsa 發表於 23-6-10 00:25
想請教
唔自律、對學業無要求的小朋友
咁又應該教養他們？
每個小朋友都有佢既性格. 雖然, 學習沒有自律, 對學業沒有要求, 不能做學霸嗜, 但亦可以是中上游學生....
1. 你尚有時間去跟進.
2. 學習並非只有一個方法, 你非要給他固定在柜架內嗎? 人有長短處, 亦可以有不同動機去學習, 好難一既而論怎樣做, 家長要上心, 不斷試, 總會找到可行的方向.
3. EK 很多孩子較長的家長, 重點已不在乎是否學霸, 重點是知識怎樣追求, 思想延續,有一連串core values 在裡面. Just think out of the box, 相信學習並不一定最好在級頭生, 退下一點可能有一個更闊的學習環境.
4. 級頭生家長, 可能有另一些煩惱, 了解下可能你會覺得不孤獨.
5. 其實最擔心可能在高小初中前未有合適引導. 青春期後, 什麼都固定了, 堅持己見, 很多話都不願再聽了.
作者: 加樂爹 時間: 23-6-10 23:47
Yanamami 發表於 23-6-10 23:03
果啲就唔叫學霸啦。
重點應該係佢有個passion, 等於小朋友去玩一樣, 找到自己既樂趣.
另外, 佢對文字理解力強, 自已睇書, 都可以理解, 分析和實踐, 包括初步記憶.
我覺得唔係易, 好似我地大人, 什麼字都應該識啦, 小學生電腦課有學過scratch 或 Block 程式.
程度應該唔難啦. 如果我淨係比本書你去學, 你估你幾耐學得到? 如果你OK, 我再上一層, 比本Python 你學, 你有無興趣先?
係咪可以做學霸先
作者: 加樂爹 時間: 23-6-11 00:07
本帖最後由 加樂爹 於 23-6-11 00:21 編輯
回覆 adriantai 的帖子
我識個正是學霸家姐, 細路則是班尾.
開心未必有關聯!
反而是性格喜好, 能否滿足到有關.
家姐話阿細路玩D野幼稚
講野講唔明
不屑去理佢, 好多爭吵.
另外, 早熟唔一定有智慧.
反而, 我感覺好多時有點討厭及固執.
特別係果D只懂執大人講既野, 未到自已有思維既細路.
威幾年...就都係咁羅!
作者: Yanamami 時間: 23-6-11 01:07
加樂爹 發表於 23-6-10 23:47
我諗唔係話佢比人預先備課, 所以佢先至叻.
重點應該係佢有個passion, 等於小朋友去玩一樣, 找到自己既樂趣. ...
作者: hkcsty 時間: 23-6-11 07:17
如果對某樣野有興趣，佢會自己google
現在啲小學生唔同以前了
作者: LeeCC 時間: 23-6-11 07:44
加樂爹 發表於 23-6-10 23:47
我諗唔係話佢比人預先備課, 所以佢先至叻.
重點應該係佢有個passion, 等於小朋友去玩一樣, 找到自己既樂趣. ...
這個要睇暑假預先學習是家長強逼還是孩子自發去做
我小朋友小學時同一級兩類同學都有，有家長逼同學補習甚至學早一年半至兩年課程，但成績只可以係話中上，級頭20名內
自發的同學，未必人人都會全科去預先自學，佢地唔係補習，最多只係上網學習，有些同學只係自發學習有興趣的科目，例如數，英文，佢地個別科目係級頭位置。亦有同學全科自發預先學習，多年以來都是級一，但小六唔知咩事畀人爬頭
作者: Daisyzhu 時間: 23-6-11 08:44
記性好，邏輯能力強，唔衰得
初小成績唔突出，只係中上，三年級尾開始發力，一躍成為級頭，從此唔衰得，會自動自覺溫書，緊張考試，學有餘力仲參加球類校隊，呈分試期間都要密集訓練，但都保持到好成績。
會好在意老師批評，只中意睇科普類書，但為佐提高中文能力，都會主動揭一揭散文，文言文之類文章，但因為冇興趣，每次只係看一篇完成任務。
作者: cafeva 時間: 23-6-11 10:27
有無高中生學霸分享
作者: GeorgeWa 時間: 23-6-11 10:33
cafeva 發表於 23-6-11 10:27
有無高中生學霸分享
本帖最後由 GeorgeWa 於 23-6-11 10:36 編輯
天份呢啲野，個個唔同。
作者: PTL_L 時間: 23-6-11 12:36
cafeva 發表於 23-6-11 10:27
有無高中生學霸分享
作者: tavia_yy 時間: 23-6-11 23:03
本帖最後由 tavia_yy 於 23-6-12 14:28 編輯
cafeva 發表於 23-6-11 10:27
有無高中生學霸分享
有，我大女同學讀書從來唔開夜車，一般十點幾瞓覺，我女話佢一放學會打一陣機。仲有佢由小學至中學都有好多問題問老師，有時問到老師都唔比佢問 
作者: snakesnake2013 時間: 23-6-12 08:43
我見過既學霸係自律，仲要好勝.
佢自律，所以唔會比佢自偷懶.
佢好勝，所以乍對自己有要求，一定唔可以低分過其他人.
可惜，我果囡兩種優點都沒有(emoji)
作者: penguinding 時間: 23-6-12 19:54
Azzurro 發表於 23-6-8 16:18
小學低年級完全唔使催促應該香港一個都冇
學霸一定係平常大量看課外書
小學低年級唔駛催谷唔係正常？啲野咁淺
作者: Marina227 時間: 23-6-13 10:34
我覺得學霸係不停追求新知識，狂睇書，而且非常自律，應該會係咁
作者: hkcsty 時間: 23-6-13 17:35
Marina227 發表於 23-6-13 10:34
我覺得學霸係不停追求新知識，狂睇書，而且非常自律，應該會係咁
但有時真係太沉迷睇書/找資料，做功課和温習未必係優先處理，哈哈！
作者: LeeCC 時間: 23-6-13 17:43
hkcsty 發表於 23-6-13 17:35
但有時真係太沉迷睇書/找資料，做功課和温習未必係優先處理，哈哈！
咁就唔係學霸啦，只係沉迷興趣，我屋企就有一個人辦
作者: Azzurro 時間: 23-6-13 17:50
penguinding 發表於 23-6-12 19:54
小學低年級唔駛催谷唔係正常？啲野咁淺
哈囉，我說的是催促呢，不是催谷
作者: Azzurro 時間: 23-6-13 18:04
關於學霸的客觀定義
對我來說可以從 DSE 狀元呢個概念回溯
狀元來來去去每年都係十幾個左右，但是我認為這些狀元同其他“最佳六科績點 34分-42分” 實力差不多
所以我想講嘅係可以推移去中學 / 小學 / 幼稚園
係最好嘅中小幼，每個年級可以有幾十個人足以被稱為學霸
但是中下游嘅學校就算級頭都不能被稱為學霸
唔好意思有點離題
作者: hkcsty 時間: 23-6-13 18:44
LeeCC 發表於 23-6-13 17:43
咁就唔係學霸啦，只係沉迷興趣，我屋企就有一個人辦
要催促，所以唔係………
作者: minichong28 時間: 23-6-14 10:09
我識既學霸係超自律, 唔打機, 非常鍾意閱讀, 同時又係運動校隊, 雖然無特別去學樂器, 但樂理份卷係full marks
屋企人父母返工, 唔得閒理佢
作者: Greylay 時間: 23-6-15 14:21
Yanamami 發表於 23-6-10 23:10
唔係吖，我女幼稚園已自己搞掂。我仲像廚房忙緊，嗌出去叫佢好做功課，佢嗌番轉頭，已做完，書包蒒執埋。 ...
Same here .
記得我女兒K3 時，－次我接完放學覺得頭暈，同佢講： 我唔舒服，要瞓15分鐘，你自己玩住先，我一陣再同你攪功課。結果我差唔多一粒鐘才醒，醒咗見到佢睇緊卡通片，食緊零食，功課就Hea 滿枱。佢好淡然同我講 ： 啲功課我做晒啦，擺係度等你睇吓有無做錯。
當時我好感動。
作者: 加樂爹 時間: 23-6-15 16:47
有無人覺的男仔好難咁順攤?男仔總是"多夠魚".
我唔可以話男仔係impulsive action, 或者準確係佢心有好強大"玩/攪攪震"要求, 想做自己喜歡既野.
你要佢個心有你, 有你既規則, 又或者care 你既感受, 可能有好多直到20-30歲既男人都唔懂得.
果D做得到既男仔, 真係好叻, 能夠平衡自己既慾望, 忍耐到, 懂計劃完成功課可以有自已時間...
難度好高!
當然越早令佢做到越好, 但要佢用心聽, 用心想及明白.
單用罵佢, 企硬, 令同佢驚左, 或者純服左, 可能係廢左佢天性.
令佢轉化好強大"玩/攪攪震"要求, 變做創造, 追求完成, 嘗試, 敢於突破", 要花很多心機.
當然, 那些天性喜愛閱讀, 語言溝通好既男子, 可以專注自已工作既, 都係可教之材!
作者: PTL_L 時間: 23-6-15 17:06
加樂爹 發表於 23-6-15 16:47
有無人覺的男仔好難咁順攤?男仔總是"多夠魚".
我唔可以話男仔係impulsive action, 或者準確係佢心有好強大 ...
作者: LeeCC 時間: 23-6-15 17:45
加樂爹 發表於 23-6-15 16:47
有無人覺的男仔好難咁順攤?男仔總是"多夠魚".
我唔可以話男仔係impulsive action, 或者準確係佢心有好強大 ...
作者: hkcsty 時間: 23-6-15 19:01
其實如果我見個仔好自律咁做功課我反而驚XD
作者: booboo_long 時間: 23-8-22 22:02
我所認識的學霸都會打機，佢地係work hard play hard型。而我兩位小朋友都算係學霸，但排名有少少差別，個仔好飄忽，因為懶但有天資，排名級5內，乖果陣就考級一，同我抗衡就又跌落去，正值青春期，好難搞。個女就好自律，愛閱讀兼有效率，從不拖拉。資質平庸但尚算勤力，所以長期考級一。
兩個都冇補習，只在考試前做練習，所以學霸係需要自律和勤學兼學識時間管理！
作者: DD仔 時間: 23-8-23 13:08
本帖最後由 DD仔 於 23-8-23 13:39 編輯
hkcsty 發表於 23-6-5 11:38
學覇平時做功課温習是否自動自覺完成？定都要催促一下先肯？
我哋學校APS有個師兄，小五小六兩年全級第一，仲要係中英數三主科都第一，勁到聞所未聞，而且仲有參加樂團同埋校隊。
我個小朋友話佢哋識佢嘅，都係「前輩」前「前輩」後咁叫佢。
我冇機會請教佢嘅父母，但問過老師，佢哋都大讚呢位師兄夠成熟好專注。
作者: 加樂爹 時間: 23-8-23 13:29
回覆 booboo_long 的帖子
請問對於打機, 你有什麼看法?
作者: 小曳人 時間: 23-8-23 15:12
等我講下男校品學兼優係點 (唔係我仔)
自動自覺，仲要好守規矩，對於校外比賽，係會操past paper 嘅！
但呢d仔... 又有幾多個呀？！
我家"神人"係咁嘅:
唔鍾意返學，覺得功課無聊，數學成日俾老師話佢跳steps 扣唔少分，+/- 做做下就亂哂龍~
所以，校內成績一直只係"好"，唔係top~
海量課外閱讀，以數、科學、歷史為主
課外advanced learning 成績好好
作者: hkcsty 時間: 23-8-23 15:14
DD仔 發表於 23-8-23 13:08
我哋學校APS有個師兄，小五小六兩年全級第一，仲要係中英數三主科都第一，勁到聞所未聞，而且仲有參加樂團 ...
專注會唔會大大下有返咖？
作者: DD仔 時間: 23-8-23 15:36
hkcsty 發表於 23-8-23 15:14
Aps 級頭通常都讀到畢業好少轉走！
專注會唔會大大下有返咖？
級頭可以完全唔使交學費，梗係唔好走啦。
專注力呢樣野，真係唔知點搞，可能打少d機，早d訓會好啲啩。
作者: 流浪地球 時間: 23-8-23 15:36
小曳人 發表於 23-8-23 15:12
等我講下男校品學兼優係點 (唔係我仔)
自動自覺，仲要好守規矩，對於校外比賽，係會操past paper 嘅！
但呢 ...
作者: ngyeungbun 時間: 23-8-23 16:22
天分>自律>記憶力, 集中力(專注力)
作者: 小曳人 時間: 23-8-23 16:49
流浪地球 發表於 23-8-23 15:36
神人就係咁架。因為佢哋天賦高。就好似讀完大學，叫佢返小學一年級上課。你話幾咁無聊。 ...
作者: 流浪地球 時間: 23-8-23 17:09
小曳人 發表於 23-8-23 16:49
所以佢係神人，唔係學覇
作者: 流浪地球 時間: 23-8-25 14:04
資優（英語：gifted）是指先天性的、異於平常的智能。這種趨勢從出生開始在其整個生涯內均有體現。而這種趨勢並非指世間一般所謂的對外的成功，而是指其內在的「掌握學習方法的天分」和「與生俱來擁有的學習能力」。
作者: 流浪地球 時間: 23-8-25 14:14
資優孩子的思考能力較同齡小朋友強，甚至會使用自己年齡層以外的思維方式去思考，便會覺得同齡小朋友思想幼稚，難以溝通，加上他們學習能力高，課堂時很多時因為已掌握老師的教學內容，表現得缺乏耐性及不夠專心。
有時甚至會挑戰權威，如思考學校校規背後的存在意義；亦會不完全順服家長及長輩的說話及命令，雙方衝突時有發生。
以上問題都反映不少資優生都有人際關係的問題，長輩覺得他們自我，行為反叛；同輩則覺得他們不合群，難於相處。
原文網址：致富智庫：孩子資優有樣睇？專家教你4大栽培心得... | on.cc東網 | 產經 https://hk.on.cc/hk/bkn/cnt/fina ... 0911_00842_001.html
作者: 天外之人 時間: 23-8-25 16:14
臭Patpat小B 發表於 23-6-8 18:39
我覺得學霸係本身勁鍾意讀書，當係娛樂，根本唔洗理先係
学习睇書係一种享受，又有很多时间玩樂。
作者: 天外之人 時間: 23-8-25 16:17
流浪地球 發表於 23-8-23 17:09
我冇異議。學霸週街都係，神人就萬中無一。神人係無視世界一切嘅規則，不合羣，喜歡我行我素。好多時比人誤 ...
冇錯，的确週街都係，小学能一直穩定维系著唔系靠学校，主要在家人。
作者: 流浪地球 時間: 23-8-25 17:42
天外之人 發表於 23-8-25 16:17
冇錯，的确週街都係，小学能一直穩定维系著唔系靠学校，主要在家人。
作者: BB-Tiger 時間: 23-8-26 01:08
流浪地球 發表於 23-8-25 17:42
主要靠家人，我感受好深刻。如果可以返回小學階段，我會放任我小朋友，讓𠈄做自己喜歡做嘅事，自由 ...
作者: 流浪地球 時間: 23-8-26 11:01
BB-Tiger 發表於 23-8-26 01:08
咁中學點算？讀私校？IS?
作者: 加樂爹 時間: 23-8-26 11:08
流浪地球 發表於 23-8-25 17:42
主要靠家人，我感受好深刻。如果可以返回小學階段，我會放任我小朋友，讓𠈄做自己喜歡做嘅事，自由 ...
你好似有感觸, 覺得孩子現在情況可以再好D, 所以先才要返回小學階段, 重新一次, 是嗎?
可否分享之前怎樣沒樣孩子隨心所欲? 現下情況怎樣? 你理想又怎樣? 如何隨心所欲可以達至理想?
可能比 Happy School (主張有Guideline 的活動教學, 啟發學習, 避開太多背誦, 及對考核的重要性) 行得更開放, 可以隨心所欲, 有另一番道理.
作者: 流浪地球 時間: 23-8-26 12:58
加樂爹 發表於 23-8-26 11:08
你好似有感觸, 覺得孩子現在情況可以再好D, 所以先才要返回小學階段, 重新一次, 是嗎?
可否分享之前怎樣沒 ...
現下孩子情況我見是身體健康，吃喝玩樂不缺，學業又中規中舉。
我能夠做到隨心所欲，可以話係心想事成，所以無必要有理想。
學校並不是育人的地方，只不過係教導知識嘅場所。
作者: 加樂爹 時間: 23-8-26 13:42
流浪地球 發表於 23-8-26 12:58
我感觸係因為過去已成往事，無法重來。如果能回到小學階段，我會教導孩子如何快快樂生活，告訴孩子宇宙譲你 ...
你說得對, 家長要令小朋友明白自己, 懂得去追尋自已, 能夠自我滿足, 係一個大迴環; 家長要怎樣引導, 要給他什麼的價值, 怎樣去理解事情, 呢D都係應該由小學時期由家長去溝通和實踐.
作者: mcl233 時間: 23-8-27 22:10
學霸，竟然冇乜人會講到基本嘅要求，就係上堂專注聽書。課堂教乜都唔知，莫非靠課餘補習或操卷咩～
上堂唔使專注但又成績超班，溫書都唔使，果啲叫做學神，根本唔使討論～
作者: 天外之人 時間: 23-8-28 11:08
加樂爹 發表於 23-6-10 11:54
我有興趣想知， 學霸暑假會付做什麼？
作者: 天外之人 時間: 23-8-28 11:24
Marina227 發表於 23-6-13 10:34
我覺得學霸係不停追求新知識，狂睇書，而且非常自律，應該會係咁
作者: 天外之人 時間: 23-8-28 11:29
BB-Tiger 發表於 23-8-26 01:08
咁中學點算？讀私校？IS?
作者: 天外之人 時間: 23-8-28 11:33
回覆 mcl233 的帖子
你講得係冇錯，所以真學霸係有充足睡眠，自然就唔會出現你所講唔專注聽書。課堂教乜都唔知，更唔需要靠課餘補習或操卷，且真係有一個真真正正既愉快童年～
作者: 天外之人 時間: 23-8-28 11:37
penguinding 發表於 23-6-12 19:54
小學低年級唔駛催谷唔係正常？啲野咁淺
作者: 天外之人 時間: 23-8-28 11:38
snakesnake2013 發表於 23-6-12 08:43
我見過既學霸係自律，仲要好勝.
佢自律，所以唔會比佢自偷懶.
作者: 天外之人 時間: 23-8-28 11:39
cafeva 發表於 23-6-11 10:27
有無高中生學霸分享
作者: lot888 時間: 23-8-30 14:21
有幸曾接觸兩個唔同年齡學霸，一個中學同學，一個親戚孩子。他們都有共通點，係非大家想像中勤力。你打波時，佢打波，你唔打波時，佢都係打波，到你讀書時，佢一樣打波，但成績一樣領放。我結論係**心理質數**決定一切，你考试能發揮八，九成已不錯，學霸分分鐘有110%能力輸出，平時未必識嘅，考试時都會識。到你問佢點解會識，佢答你在那裏學過，明明一齊上堂，佢講嘅我都識，點解佢可以用老師教嘅基本，推論及應用到高深問題上，再用簡單方法解答。同時這兩位學霸都不太喜歡群体活動，但绝不自私，你問佢嘢，佢會答，更願意張佢份筆記同大家分享，吾一個特點係佢地鬥心出其地低，不太在意對手嘅強弱，不重視競爭，隨心而行。
作者: hkcsty 時間: 23-8-30 14:59
本帖最後由 hkcsty 於 23-8-30 18:12 編輯
lot888 發表於 23-8-30 14:21
有幸曾接觸兩個唔同年齡學霸，一個中學同學，一個親戚孩子。他們都有共通點，係非大家想像中勤力。你打波時 ...
即係吸收力強，舉一反三
作者: lot888 時間: 23-8-30 15:40
最重要係心理質素。當其他人緊張，壓力下失分，學霸住住能處之泰然，舉重若輕，輕鬆跑出。这方面我或我小朋友難於做到，所以早早接受自己係平凡人，當個平凡人也不錯。
作者: hkcsty 時間: 23-8-30 18:16
本帖最後由 hkcsty 於 23-8-30 20:22 編輯
回覆 lot888 的帖子
之前已經有人提過學覇專心上堂已經ko 其他人死讀爛讀
作者: marrowcherry 時間: 23-8-31 07:56 標題: 回覆樓主:
其實學霸係咪都係資優生多？
作者: 寶力加 時間: 23-8-31 08:55
marrowcherry 發表於 23-8-31 07:56
其實學霸係咪都係資優生多？
小學唔敢講，但中學其實應該係IQ高，理解能力強，我有個中學同學會考7個A,都係日玩夜玩，到中六七走堂搞學生會野，A-level都考四條A,所以都唔關上堂專唔專心，但我知佢考試前個星期就溫通頂，play hard, work hard
作者: 天外之人 時間: 23-8-31 14:57
寶力加 發表於 23-8-31 08:55
小學唔敢講，但中學其實應該係IQ高，理解能力強，我有個中學同學會考7個A,都係日玩夜玩，到中六七走堂搞學 ...
作者: 高0媽媽 時間: 23-9-6 16:16
小學睇專注力 勤力
中學睇智商 專注力
到了中學尤其理科智商一般，只靠勤力好難成為學霸。
| 歡迎光臨 教育王國 (/) |
Powered by Discuz! X1.5 |