我的孩子評為邊緣讀寫障礙

yuki123lam

yywhk

:loveliness: 我都想知多 d 呀, 妳有時間再 post 多少少指教一下我地喇 !


我想問下...... 俾小朋友學體操 ~ ~ 可唔可以幫助小肌肉方面 & 手眼協調 ??

yuki123lam

yywhk,

我都想知多少少呀, 如果妳有時間再 post 出來指教一下我地呀

我仲想問下 , 如果俾小朋友學體操, 對小肌肉方面同埋手眼協調有冇幫助呢 ??

rubytang

hi, 大家好~
我今日先睇到呢個topic,
我大囝依家讀緊小一, 佢都係有同樣既問題,
之前我我都唔知呢種類型既小朋友係點既,
我囝淨係次次默書就捧蛋,
日日做功課明明睇實d字黎抄都抄錯,
讀書就成日都讀左唔知邊一行, 總之初時我就好勞氣,
成日以成佢懶散唔想溫習同做功課,
個個星期同佢溫默書就好似打杖咁款,
明明溫熟晒d字, 默完返黎唔係得個10幾分就係得廿幾分,
我初時都打佢架, 仲打得好勁添~
我由佢升小一之後,一直都有同佢班主任傾,
後來, 我發覺唔對路, 覺得學校都好似無乜做過d野去幫佢,
咁我就上網睇, 跟住早前就去左一間叫香港康復學會果度,
佢地同亞囝做左d測試話佢有呢個問題,
咁我就聽完心理學家既議見之後,
就幫佢報左一d暑期既訓練班, 想先睇下對佢有無幫助先囉,
自從我知佢既問題之後, 我同佢溫習時都已經無咁激氣,
因為我都知佢唔想, 佢都好努力想做好d, 但結果都係捧蛋,
但我就係上個月開始俾佢去學游水,
佢今個月就同我講好想學番琴, 佢之前學過,
因為d功課搞唔掂, 所以就停左無學,
咁依家暑假, 我又俾佢再學番, 難得佢自己提出話要學,
仲幫佢報埋學畫畫添, 佢一路都好想學,
我就佢同講, 暑假期間都要默下書, 一日默5個生字or 詞語,
咁佢應承肯默, 咁我咪俾佢去上畫畫班囉~
起碼好過成日叫佢默書or 溫書就唔開心啦~
仲有一樣野我發現佢就最憎讀d字同寫,
因為 佢次次都讀唔到又唔記得又寫錯,
咁我就又俾佢去學phonic, 起初我話俾佢知要去學,
佢死都唔肯去, 跟住我就不停咁氹佢學有好多野玩架,
佢就開始日日問我去果度要做d咩野,
洗唔洗讀書 & 寫字, 我話唔洗, 佢都好唔放心,
不停咁問, 因為係星期六先有第1堂上, 所以佢問左成個星期,
後來, 同佢返左之後, 佢就話都ok喎, 無抗拒,
咁我就話學住呢個暑假先, 如果你真係唔鐘意既,
先至諗下去學過第2樣野啦~ 咁佢都幾順攤囉~

rubytang

yywhk,
我都幾同意你既方法架, 好似你話用畫板黎練習寫字,
我諗我都會學下你架, 睇下亞囝會唔會覺得有興趣d囉,
你講話抄歌詞都係另一類既辦法,
我囝都好鐘意唱下歌架, 尤其近排果隻學警出更既主題曲,
佢成日都會跟住唱架~ 以前就鐘意唱陳慧琳果首大長今~
希望我地大家一齊為小朋友努力~加油~
如果大家有d咩野好方法, 不妨上黎大家分享下啦~
另外, 我想問下早前你地提及既星願小王子& 星願外傳,
兩套有咩野分別, 唔知邊一套會好d呢~
希望有買過呢兩套既, 上黎發表下你地既用後意見丫~

[ 本文章最後由 rubytang 於 07-7-4 02:17 編輯 ]

rubytang

今日亞仔個班主任打電話來俾我,
話俾我知早幾日教育處果邊派左D心理學家黎學校,
係專幫一D懷疑學習有問題既小朋友做測試
咁其實前幾個月都做過一次, 咁依家又要做多一次,
佢話兩次都初步評估我仔有呢個問題,
但又話未有肯定既REPORT出黎, 所以,
暫時都未知佢係邊一方面既學障,
不過, 班主任就話出年升小二, 想編我仔入去加強輔導班,
係一班最多10個人, 只上主流個3科,
其餘既就會返番去自己原本個班度上堂,
咁我都覺得OK 既, 最緊要可以幫到佢,
如果唔係上乜班都無用啦~
我仲問左佢班主任, 佢今次考試係點樣,
佢班主任話都係無乜進展, 事關今次仲衰,
之前既都會講解下D試題俾佢地聽下, 但今次就完全無講解,
叫D小朋友自己睇題目黎作答, 如果佢講解下呢,
我諗亞仔都會有多少少分既, 因為佢用講係識答, 不過會寫錯,
但叫佢自己去理解?? 解乜鬼野丫, 佢都唔知人地寫乜野,
點識答呢~ 老師話佢得 30分, 仲有1科得 4分,
佢話好多張PAPER 跟本佢就完全都無做, 一隻字都無寫到出黎,
我都知唔可以用分數去評亞仔, 但我次次為左同佢考試OR默書,
都真係好似去充軍咁款架~
我都用左成個月既時間去同佢準備, 希望佢會有少少少少進步,
但點知仲衰過前幾次, 對上一次都有45分, 今次得30分,
你地話, 唔係打擊佢, 係打擊到我呀~

[ 本文章最後由 rubytang 於 07-7-4 02:29 編輯 ]

rubytang

今日同我亞姨佢地講起呢個問題,
我亞姨就叫我去辭左份工, 專心去湊仔,
但佢依家讀小一, 已經係全日, 佢4點先放學, 跟住就去補習班,
我6點放工就返去接佢, 通常6點半前都接到佢,
夜晚食完飯就溫書, 之後, 都會俾時間佢去玩下, 然後就訓覺~
我星期六 & 日及公眾假期, 都唔洗返工, 咁我都有時間陪佢&教佢,
我都想請教下D全職既mami,
你地俾d意見我, 係咪真係要去辭工湊佢
對佢先至會有幫助架~

yywhk

yuki123lam,

如果我冇搞錯,體操應該係訓練大肌肉,手腳同身體各部份協調多d. 眼手協調最好係應該係球類,我o既首選係乒乓球,羽毛球同網球 (對眼要追住個波,然後用手控制球拍去打).....

小肌肉訓練其實唔多响運動方面做到,反而同佢日常剪紙做吓手工,填顏色,但要精細d唔出界,都仲做得到,OT都係俾d咁上下o既訓練我囝囝.當然仲會有做d練力膠訓練添. 我唔知你小朋友情況,但我自己囝囝就有剪紙同填顏色都論盡o既情況出現.  你可以買d畫冊俾佢填色,之後將d公仔剪出嚟,睇吓佢做得好唔好.唔係試吓用十粒廿粒紅綠豆混合,同佢鬥快揀番開都得 (揀豆係我自己諗,唔係OT教架ops:" /> ,唔知得唔得?) 但訓練真係要日日做,唔係未必有效. 如果OT有介紹呢方面訓練,你就多d鼓勵佢做啦.

原文章由 yuki123lam 於 07-7-4 00:19 發表
yywhk,

我都想知多少少呀, 如果妳有時間再 post 出來指教一下我地呀

我仲想問下 , 如果俾小朋友學體操, 對小肌肉方面同埋手眼協調有冇幫助呢 ??

[ 本文章最後由 yywhk 於 07-7-4 09:03 編輯 ]

yywhk

rubytang,

你可能一次睇太多,撈亂咗d發表人添......你講d方法,有d唔係我發表架.....唔覺意滔咗人地光添.....

歡迎大家一齊分享心得

原文章由 rubytang 於 07-7-4 02:15 發表
yywhk,我都幾同意你既方法架, 好似你話用畫板黎練習寫字,我諗我都會學下你架, 睇下亞囝會唔會覺得有興趣d囉,你講話抄歌詞都係另一類既辦法,我囝都好鐘意唱下歌架, 尤其近排果隻學警出更既主題曲,佢成日都會跟住 ...

yywhk

(Dear all,

近日比較忙,我昨日一來係忙緊同細囡寫信叩門o既事,二來放完假bk又轉咗版面.....一時唔識用喎ops:" /> , 因事忙關係,今日又要親自交信, 我要簡短d寫住先,有機會詳細d再講, 但暑假一開始,我地一家就出發去倫敦自遊行十日,下星期都要開始積極安排d行程,可能冇咁多時間上bk 嘞)

...續上....

囝囝做功課快o既原因,係我會不時用吓用紅蘿蔔同棍子.....紅蘿蔔咪就係佢d活動同啫好....棍子咪就係哦吓閙吓打吓(但真係好少要打喎)

其實撇除佢地讀障o既問題,自問身邊o既普通小朋友都會有唔想做功課,dum到阿媽返先肯做o既情況出現.....有學障嗰批,做功課仲慘,分分鐘辛苦過行刑....但我地d小朋友係邊緣啫....咁都係辛苦少少囉,....但dum 功課其實係心理上唔想做多過真係做唔嚟囉...嚴重讀障又除外....呢個係我o既想法.

囝囝喜愛佢o既活動,咁我o既原則就係要佢做完功課先可以做佢o既活動,就係咁簡單...但老實講,偶然亦都有唔work o既時候,就要出動棍子囉...但次數好少,仲會係越來越少添.....

另外,我囝囝二年級下學期响大口環又排到d小組做讀障訓練,一星期一次,學到 一d訓練方法係要自己响屋企做o既...一d我覺得係針對我囝囝問題o既訓練我一定晚晚做,好肯定唔係o既而囝囝又抗拒,就做少d囉....另外,學校臨時又安排導師教佢地做d健腦操之類o既運動,又係要求每晚做,加埋安排好o既活動,囝囝嗰個學期真係每日都忙到不得了,我有提過囝囝好唔好減少d活動,但佢唔想,為咗尊重佢o既意願,咁就大家都幾辛苦咁捱過咗嘞........另外我會俾feedback d OT 同導師,等佢地又俾番d意見我呀咁...

....待續....

[ 本文章最後由 yywhk 於 07-7-4 10:03 編輯 ]

rubytang

yywhk,

你就好啦~有得去下旅行, 預祝你玩得開心D 先~
我都會趁呢個暑假同佢去下旅行既, 或者係短程果D 囉,

呢幾日開始, 亞仔都係返半日學,
咁我又同佢玩下遊戲,
我用啤牌教佢玩 "冚" 棉胎,佢都幾有興趣下,
雖然, 都係 " 冚" 得慢左D, 但我諗玩多幾次會好D,
因為亞仔唔鐘意玩果D打羽毛球呀, 小型網球果D,
我鼓勵過佢幾次架, 但佢話佢成日都打唔到個波喎,
所以, 佢唔想玩, 咁我又唔想打擊佢,
咁就搵D佢會做到既俾佢學住先, 例如: 游水,
佢好鐘意去架, 我就係旁邊睇住佢,
游得好時, 我都會拍手掌鼓勵下佢, 等佢有D自信心囉~

係呢, 尋日我POST 上黎, 會唔會太多, 有D眼花花呢,
我都睇到其他MAMA既POST, 真係都會有D眼花,
可能我睇錯左都唔定添~:loveliness:

我想問下你既意見, 其實, 我需唔需要辭左份工去湊亞仔呢~
因為我一路都係俾我姑奶幫我湊小朋友,
我都未試過唔返工, 全職湊仔架, 係咪自己湊真係會好D既呢~
咁我咁樣做係咪會幫到佢多D 呢~

yuki123lam

yywhk,

  我仲以為 "體操" 對小肌肉可能有 d 幫助 tim..... 因為仔仔排左 9 月先到威院見 "職業治療師", 所以暫時都唔知做 d 咩先可以幫佢手眼協調, 小肌肉方面等等..........我想趁今個暑期幫下仔仔先, 俾妳提一提真係諗起, 仔仔剪紙方面唔係好好, 畫畫都成日出界, 睇怕我都係同佢係呢方面著手先, 下一步同佢報 d 球類 course, thanks !

yuki123lam

原文章由 yywhk 於 07-7-4 09:01 發表
yuki123lam,

如果我冇搞錯,體操應該係訓練大肌肉,手腳同身體各部份協調多d. 眼手協調最好係應該係球類,我o既首選係乒乓球,羽毛球同網球 (對眼要追住個波,然後用手控制球拍去打).....

小肌肉訓練其實唔多& ...

ccaa

原文章由 yuki123lam 於 07-7-4 13:57 發表
yywhk,

  我仲以為 "體操" 對小肌肉可能有 d 幫助 tim..... 因為仔仔排左 9 月先到威院見 "職業治療師", 所以暫時都唔知做 d 咩先可以幫佢手眼協調, 小肌肉方面等等..........我想趁今個暑期幫下仔仔先 ...

bk 轉新板真係有d 混亂

"職業治療師"我囡見左, 佢覺得我女寫字太大力, 叫我回家教下佢點樣寫字吾使禁出力...基本會check小朋友小肌用&手眼協調發展得好吾好, 有須要會轉介去上堂架

ccaa

原文章由 rubytang 於 07-7-4 02:37 發表
今日同我亞姨佢地講起呢個問題,
我亞姨就叫我去辭左份工, 專心去湊仔,
但佢依家讀小一, 已經係全日, 佢4點先放學, 跟住就去補習班,
我6點放工就返去接佢, 通常6點半前都接到佢,
夜晚食完飯就溫書, 之後, 都 ...

如果金錢上可以吾使擔心, 禁我一定辭工, 我地學習時間上真係比正常小朋友須要多一陪時間, 我想多些時間陪小朋友學習, 我想預多d時間同小朋友溫書, 可惜我吾做野吾得, 所以我盡量用sat & sun時間陪小朋友溫習...

我其實吾鐘意小朋友去補習班, 因為幫吾到佢地, 只會令我吾知佢有咩吾識, 所以我舊年開始停左補習, 功課盡量由小朋友自己去完成, 吾明問我, 功課不須要做到100分, 錯要知錯, 等老師派回來小朋友去改, 到時吾識我就教佢, 發覺佢責任心重左, 開始每日都會自動先覺去做功課, 另外亦要多+鼓勵, 每日乖乖做完功課會讚佢貼下貼紙儲齊一定數量 , 送一份小小文具當禮物小朋友會好開心架...

補習舍, 我暫時都未遇到一間比我有信心教好我小朋友ga, 所以我幾辛苦都盡量自己回家睇功課, 須然有時會令大家吾開心(因為總有偷懶時候)但相比補習班我覺得e+好好多law...

rubytang

ccaa,

多謝你回覆我呀~
依家我仔去補習社都係個人補習既, 單對單咁我諗佢會好少少囉~
夜晚返屋企之後, 我都會幫佢溫習下,
有時諗下佢返學都好辛苦, 由朝早8點幾返到4點,
跟住抖一陣就去補習社做功課, 跟住返屋企食完飯又係溫功課
或默書, 總是離唔開本書 & 字,其實我睇見都覺得好辛苦,
佢地咁細個, 跟本返學就應該係玩同輕鬆學習,
尤其佢寫唔到d字, 依家一般既學校都係要用寫,
所以, 我諗佢地都學得幾辛苦囉~
大家屋企都有小朋友有呢方面既問題,
我地真係要好好地努力, 加油, 打氣~
:loveliness: :loveliness:

yeenmama

There are lots of useful discussion about "Special Learning Difficulties" and learning resources for helping kids with "讀寫障礙" in the following forum.

香港特殊學習障礙協會-留言版



如何提升學童的讀寫能力家長培訓課程 ─ 導師手冊


香港特殊學習障礙協會-父母加油站

yywhk

rubytang,

其實我都只係讀障兒童家長一個,能夠分享過來人經驗供大家參考....

平心而論,小朋友有家長睇住,一般發展都會係好dd,同親子關係可能會好d,但以我自己嚟講,個人又唔好耐性,又容易發嬲......其實都唔係好適合留响屋企教仔女, 但眼見佢咁樣,自己唔教又點揾人教ah,都冇得揀.....而教仔女已經令我學會收斂咗d脾氣,但江山易改,品性難移.....我始終都係好大脾氣嗰d媽咪嚟......不過好在囝囝EQ高,自省能力又高,咁佢先叫做"撐得住".....或者咁講,我响d讀障家長班,認識過一d家長,佢地都係全職媽咪,但聽佢地講,問題係出現咗好耐,但佢地唔知點幫,拖吓拖吓,小朋友都成十歲先開始覺得仲係咁都要做d咩去幫吓佢啩.....:-| 你話可以點....

照你講,你陪到小朋友o既時間都唔算太少,如果補習班可以令佢自己完成功課,咁都唔算好差.......不過你要小心...聽聞有d缺德補習班係唔識做就俾埋答案d小朋友.,唔係教佢地點做架.....你小朋友個case有d怪係,功課唔算太大問題,但考試測驗就好低分以至捧蛋, ,我覺得你要多d了解先知箇中原因. 如果每晚可以温習,應該唔會太差,但我唔知你小朋友情況真係好難俾意見. 或者咁啦,你先試吓每晚同佢默十個字,同俾佢玩吓d電腦軟件睇吓佢d進度點先啦.另一方面你自己要認識多d讀障,因為咁先可以同d OT,導師同 社工溝通得好d......

我睇多咗書同上過d家長班後,係我自己主動同個 OT提出覺得囝囝書寫困難係因為佢係天生左手仔,但用錯右手去學寫字,因此後來D治療會針對多D呢個問題, 而又係我向OT 提出懷疑囝囝有感覺統合問題,結果又中咗,囝囝而家主要係做感統治療咋....同樣見d導師我都會識得針對我眼見o既懷疑而提出問題, 佢地一般見你都有d認識,會肯詳細d講.......而且如果自己冇呢方面o既知識,佢地講d嘢真係會聽唔明,咁佢地見你唔多明,就梗係唔會想講咁多,免得嘥氣

最近我囡囡k3快畢業,d同學仔寫紀念冊,有個小朋友o既字係幾乎點都睇唔到,我係識佢個名先勉強估到佢寫d咩字...嗰個小朋友有一隻眼係懶惰眼,又要戴眼鏡,咁我估佢係視力問題影响咗佢寫子囉....都唔知佢家長有冇帶佢去評估添?又唔好意思問.....

anyway, 你有心去幫小朋友都唔一定要馬上quit工o既......你睇吓情況點,多d了解問題係咩至再作決定啦....而家就放暑假, 你好好安排善用,可能會好d呢....

最後,我覺得你小朋友可能係視力有d問題,有冇帶佢驗過眼?或者佢係眼手協調有問題, 佢學琴進度如何?快定慢,識唔識睇譜?呢d可能都係一d hints,我之前對囝囝真係有d似福爾摩斯咁抽絲剝繭揾原因....有時都會估錯架.....你估我真係專家嚟咩

我上感統班時學過一招用顏色玻璃紙(黃色/橙色/較淺色o既可能好d)放在白紙/書本上俾小朋友睇,呢招有機會可以幫吓d視力過敏(?都唔係好記得個term 添)....o既小朋友....即係有d小朋友响白紙上睇嘢會覺得好刺眼,因而影响佢讀o既能力....咁簡單,你即管試吓work 唔work 啦.... 要問小朋友佢o既感覺會唔會舒服d睇d字喎!

[ 本文章最後由 yywhk 於 07-7-4 17:03 編輯 ]

rubytang

yywhk,

多謝你回覆我呀~
我仔做功課都係做到錯晒果隻架,
所以, 佢依家既去補習社係個人補習, 咁個miss對住佢有個半鐘頭,
就會先教佢做左d 例如數學 or 英文先,
然後就會同佢溫默書, 其他既抄寫之類既功課等,
都係我夜晚返屋企後, 由我睇住佢做架~

但我試過用間尺 間住果行字黎俾佢睇住抄,
但佢次次都抄左唔知邊行架, 但我睇佢, 又唔似周圍望果種喎,
咁我試過將d字先用紅筆抄出黎一次,
跟住叫佢照住抄, 佢都抄到, 但係超慢果隻,
因為佢抄一隻字都要望幾十秒, 然後寫低又再去搵番抄到邊,
所以, 次次都抄得超慢, 不過, 好彩係屋企, 唔洗擔心無時間~

我同你既個性都差唔多, 我唔脾氣壞, 但有時自己放左工返黎都攰,
我唔想成日為左d功課, 搞到大家既親子關係差,  
所以, 我先至俾佢去補習社搵人幫下佢,
咁我又唔使為呢樣野勞氣, 返屋企, 我就可以幫佢睇完功課就溫習,
咁樣衝突會少好多囉~ 而且, 我見佢做得唔o岩, 都會教佢做過架,
因為有d功課佢會係放學前响學校果度自己做架,
但通常都做錯, 咁我又會教佢改番正囉~

係就係可能會重覆左好多野, 但我覺得咁會舒緩到大家既情緒,
我以前教佢做功課, 教到好勞氣, 試過用籐條打佢,
打到籐條都斷開幾節架~ 慘功~
有1次我鬧完佢, 我行出房, 返入去時,
我企係門口見佢, 一路用手抹眼淚, 一路抄書,
個一刻我都好心痛, 跟住第日我就周圍去搵補習社俾佢去做功課,
我唔想大家既關係再係咁落去~
依家雖然佢都係改善中, 但起碼返屋企溫完書,
都仲有少少時間玩下, 同睇下卡通片丫~

wlchan18

冇上幾日，bk轉左新look，但係點解我既account連post都delete晒？

rubytang,
睇你個case，你既小朋友既讀寫問題應未係好嚴重。但補習未必解決到個問題。你既小朋友唔鍾意打波，咁鍾唔鍾意打機？打機都可以增加集中力不過好容易沈迷。Wii既Wii sport幾好，不過都幾貴。ccaa係唔係試過隻小王子？幫唔幫到手？辭工，要睇下你家庭既經濟能力。如果時間安排得好，未必要辭既。

yywhk

rubytang,

突然記起,你囝囝可能係追視能力有問題.....

你可以同佢玩吓:用A4紙印d大大隻o既random數字eg 48739536038, 好清楚咁印三幾行,你hold住張紙或貼在牆上(佢o既eye level 高度),叫佢從紙一邊行十步左右到紙另一邊, 一面行一面要讀出d字.....轉吓用中文字又得,英文又得....提高難度就要佢打8字咁行,(咁佢有時係要擰轉頭去讀). 如果佢讀都讀到一舊舊錯晒,咁都知道一個問題囉.....仲有你sure佢視力正常嘛?????

有幾種方法都可以改善,坊間有d書係好似d puzzle 咁,要响圖畫中揾d物件呀,或者响d9x9格d英文字母中揾番一個個o既字出嚟都可能有用,仲有好多種文字遊戲响協康會我都學過架.但年幾前o既事,我印象唔係好深,因我囝囝呢方面唔算太嚴重.係抄黑板家課冊論盡d,但慢慢都有改善.

無論如何,你小朋友小一都有咁大問題,我建議你都係一定要早日揾OT專家幫手,我地呢d只可分享經驗,最驚係提供咗d唔對症o既方法,嘥咗佢d寶貴時間咋.....我諗好多媽咪都同意,小一課程只係快d, 但小二係仲快,小三係好快.....如果小一都追唔上,佢會越來越難追架:-| !    講真心嗰句,我囝囝只係邊緣讀障,我有信心幫到咁上下困難o既媽咪少少ops:" />ops:" /> ,但我懷疑你小朋友係比較嚴重,真係唔想耽誤你小朋友揾OTo既機會呀....經濟上你可唔可以afford 私人OT? 好似協康會(非牟利機構)要$500-600 一小時,仲要排期都唔係即有,你會唔會考慮? 我o既睇法係傳統咁抄多幾次抄到識為止未必係最有效,吓吓揾人讀俾佢聽,咪又係我擔心嗰樣嘢,佢係咪一路到公開試都可以係咁安排先? 我明白你內心會好爭扎,但現實係越早幫佢,佢越容易克服,越遲幫越難幫呀!!!!!:cry:

[ 本文章最後由 yywhk 於 07-7-5 01:14 編輯 ]