"啟思"的家長 (any branch) please come in.

yungmum

Anyone know the kid who study in 啟思 (any branch)can go to which school for P.1? Cos everyone said the level of  啟思 is too low.I'm a little bit worry about it.

1314

我個女啱啱入咗帝堡城啟思,我唔同意啓思的程度低,我俾個小朋友入呢間幼稚園都係因為我認同它的教學理念,就係要啓發小朋友的思維和讀書興趣。如果家長認為小朋友要學好多野識好多字,就唔會揀呢間幼稚園而揀D出名多功課、程度超晒班的傳統幼稚園。

如果你有聽啓思校監趙鈞鴻的家長會,就會知道啓思幼稚園的畢業生都會入到DBS、Maryknoll呢D名校(雖然有D人可能會覺得佢賣花讚花香,但試問有邊間幼稚園唔係)。帝堡城啟思的畢業生都有好多派到入沙田區的呂明才等名小學。我有同事個仔讀屯門啟思,都考到入油麻地天主教小學,另一位同事個仔在九龍塘啟思畢業,都對佢有讚無彈。你是否有小朋友都緊啟思?如果係,又喺邊間分校?

所以你唔使擔心喎,因為小朋友除咗學業成績好之外,仲有學好方面要培育同發展,我相信啟思係呢方面會做得好好。

唔知其他啟思家長有無意見呢?

ballpen

我個女都係趙博士嗰間啟思畢業的,我都唔同意啟思程度低,如果單睇課本,或者會覺得係,但如果一間學校只係單教課本,咁呢間學校一定唔會係好學校,只係一間讀死書,谷成績嘅學校,啟思好著重啟發小朋友嘅大腦潛能,佢哋要小朋友經常思考,閱讀.

如果你有留意到嘅話,多數讀過啟思嘅,都係有讚無彈的,如果有彈嘅,多數又未讀過啟思喎.

據我所知,有好多啟思嘅小朋友都會揀返啟基小學,仲係放棄唔參加政府派位嗰隻,如果啟思唔好,啲家長又點會揀啟基呢?

至於入名校,都有好多小朋友派去名校的,據我所知有,喇沙,瑪利諾,聖瑪利,聖家,St. Joseph,循道,優才,真道等.

candytl

我個女係啟思(帝堡域)今年的畢業生. 我好認同你哋所講啟思在啓發小朋友的思維和讀書興趣方面做得很好. 還有我也很滿意他們非常重視小朋友的語文能力. 從k2開始, 學校會有很多戶外参觀主題活動, 給我印象最深的一次是行山頂公園. 在去之前, 老師先列出幾個地點, 讓小朋友討論選擇到哪里(地點或許學校早已确定), 于是我女儿回來后兴致勃勃地主動要求上圖書館, 上綱找資料, 如香港有哪些山, 地點在哪星, 高度及相關的歷史典故等, 我女之所以如此投入, 很大原因是如果她手上沒資料或資料不詳盡, 到課堂討論時就沒話可說了. 在决定去山頂后, 老師又要小朋友設計行山路線, 想象途中會遇到什麼困難, 將如何解决. 這又引發了小朋友們的一陣熱烈討論. 回來后, 老師要求每個小朋友將自已的所見所聞用他們拍到鏡頭, 他們的文字, 他們的圖畫做一本小冊子. 這是在一次家長會上我見到其他小朋友配合他們拍的照片, 所畫的圖晝創作的句子: 沙沙沙, 樹叶落下來;  今天我們走完了xx米的路; 陣陣秋風吹在臉上, 我們出發了. 看见地上不停奔跑的螞蟻, 很想問一問, 你們累嗎? 對一個5-6歲的小朋友來說, 懂寫多幾個中文字, 懂串多幾個英文定, 懂算多幾道加减數, 這并不算是程度深, 只能說是他們過早接受操練罷了, 當然并不否認此類”程度深”的學校也會培養孩子的思維和讀書興趣, 但凡事有得必有失, 當每天是幾版的書寫, 串字, 默書, 學校在堂上, 家長在家里哪還有時間去做”  培養孩子的思維和讀書興趣”
至於你說的啟思學生能入呂小, 油天, Maryknoll, 喇沙, 這其實不是學校和小朋友有多叻, 因此此些學校皆是津校, 能入讀只能說他們有較高分數或有運氣. 至於能考入出名的私校, 我想家長的努力栽培要比學校重要得多.

以上純屬個人見解.

1314

聽到candytl同ballpen咁講,好慶幸無為個女揀錯學校。希望見到多D啓思家長的分享。

EmilyMami

How about 杏花村的啓思？

Many thanks.

ballpen

杏花村啟思都係趙博士的,所以同其他趙博士嘅啟思分校係無咩分別的.

1314

只要係趙博士創辦的啓思,我相信都無咩分別,因為各間啓思所用的教材和課本都係由趙博士親自編寫的,而且各間都會秉承佢的教學理念,仲定期組織教師的研習班,用同一套方法教學。

小新媽媽

我都考慮緊比阿仔出年K1讀杏花村啟思. 聽朋友講過依間學校教學方式非常好, 依家睇見咁多位過來人講左咁多親身的體驗, 信心都大左.

我想問下佢地除左學費, 會唔會有好多雜費嫁, 因為好多私校都有好多其他雜費.

1314

小新媽媽:

每間啓思的學費都有少少分別,唔知點解?我個女讀緊個間半日學費每個月2,000鬆D,另外茶點費$160(如果你選擇自己帶就慳番呢一筆),當中應該包埋每個月的生日會費,仲有佢地係X'mas會喺出面地方搞個聯校表演,由幼兒至高班同學都有份表演,係唔駛俾錢既。唔知啓思校友的家長係呢方面有無經驗分享?

校服同書簿費就梗係唔少得啦,夏季校服連運動衫各一套就好似三百幾,書簿和美勞費加埋就好似一年千幾。如果小朋友要搭校車,就要預埋校車費。

你當然唔可以攞政府或屋邨幼稚園D學費嚟比,不過啓思的學費算係中等,唔係平但亦唔太貴。

ho_fish

乜有咁多錢要比既咩?  我囡囡o係屯門間啟思讀n1, 好似淨係要比學費咋播, 每月1,800, 以o係屯門既幼稚園黎講, 我都覺得幾貴。重有書簿費, 不過就選擇買不買, 茶點費好似已包, 係最唔明既n1都要著校服, 同樣係一條裙及一套運動服。

來年都可能會幫個女報九龍塘啟思, 但九龍塘好似有好幾間啟思, 請問邊間好d?

1314

你個女係幼兒班嘛,,可能同幼稚園有少少分別。其實間間幼稚園都會收類似既費用,問題係多定少。

candytl

我個人認為啟思的學費不算便宜. 除咗提到的費用外, 由K2起, 每次出外参觀活動, 車費由家長付, 每次約$10-$20. 我認為可以接受. 每次出外, 學校都會派一個小布袋(回來后要收翻)給每一位小朋友, 內里有笔及紙, 方便小朋友記低所見所聞.

1314,

過去三年半日學費都是$2098/month, 今年有冇加價? 啟思每年聖旦係大專會堂都搞表演, 每位小朋友都有份參加. 學校每年有兩次開放日, 其中有很多道具都是老師及小朋友親手製成的, 當日仲歡迎家長同小朋友自由報名表演才能, 彈鋼琴, 拉小提琴, 吹口琴, 唱歌, 跳舞, 講故事, 打功夫, 玩呼拉圈, 各式其式.

1314

candytl,

多謝你既分享，今年學費無變。我覺得間間幼稚園（尤其係出名嗰D）都有唔同名堂既雜費，睇下家長既負擔能力啦。所以我都係一個夠晒數囉。

小新媽媽

1314, candytl,
多謝你地咁詳細的資料. 學費我知道都係咁上下. 係驚有好多雜費姐. 即係:
學費 : $2100 茶點費$160 書簿和美勞費約一年千幾/12=$100加埋校車???, 咁算係中等.

其實依家D教會幼稚園都唔平, 佢地學費訂得底D, 不過有D一年書簿和美勞費都要2千幾啦.

HuiTung

How about the one in 海逸豪園?  I learnt from 幼稚園概覽 that not too many students studying there.  I wonder if it is good.  

1314

HuiTung,

你講呢間係另一班人辦既，全名叫「啓思小學暨幼稚園」。你可以click入學校既網頁了解佢地既資料。

趙鈞鴻博士個間啓思係htt://www.creative.edu.hk

你提到個間係http://www.creativeprisch.edu.hk

的確有D混淆視聽架。

candytl

ho_fish,

啟思(帝堡城)N1(半日)學費係$2,600, 相對於屯門$1,800, 真係貴好多.

小新媽媽:

如我冇記錯, 一年書簿和美勞費係2千幾, 一學期先係千幾, 但就唔知是否間間分校都係一樣.

1314

ho_fish,

嘩，睇嚟你依家住緊屯門區，如果出年轉去九龍塘，咁咪好遠，定係你會搬出巿區呢？

ballpen

其實學費貴唔貴,真係好睇個人嘅感受的,而我個人就覺得唔算太貴,屬於中上價錢,因為啟思嘅分校大多會設喺私人屋苑,好少會開喺政府建築物內,所以我相信佢哋嘅開支唔會細.

啟思嘅學費點解會間間分校都會有出入?就係因為校舍嘅租金囉,租金貴啲嘅,學費就收貴啲,至於茶點費方面,我個女讀小組班同幼兒班(如果我無記錯)時,係連埋落學費內一齊畀的,所以賬面會貴啲,如果拆開淨睇學費,小組班同幼兒班(幼兒園)嘅學費又會比低班同高班(幼稚園)嘅學費貴少少,我諗或者因為係分兩個唔同政府部門管轄有關,不過我個女讀左四年,學費都未加過.

至於聖誕節嘅表演,雖然年年都係大同小異,論節目,你可能會覺得悶,但可以睇到自己嘅小朋友一路一路咁成長,嗰種歡欣嘅心情真係難以形容,我就睇左四年,去年我就差啲睇到喊,因為我覺得我個女真係長大左,唔再係BB了.