正式加入ASD家長行列

HopeLJ

Charlotte mom 有睇很多你係 EK的文，有些對我啓發很大。很敬佩你，因為你提過你和兒子的關係。大家共同努力，幫小朋友成長。

Charlotte_mom

你太睇得起我了, 我一樣有發脾氣, 勞氣既時侯, 無寫出黎姐
我成日都話, 駛唔駛好似人地戒煙戒酒咁整個support group, 今日無鬧仔就俾自己一個貼紙, 鼓勵下自己

大家都加油呀

flamenco

我囝9歲, 亞氏保加.

我想問下 Charlotte_mom 或其他小朋友讀高小嘅同路人，
政府有無安排你地嘅小朋友見精神科醫生? 如有, 見醫生時會做乜? 幾耐見一次? 每次都同一個醫生嗎？

dtsmartb

Charlotte_mom 發表於 13-10-26 00:57
佢就係吾典型（9歲喇），細個去CAC時職員仲話自閉一定無佢份。但佢d思維方式總之就係吾一樣：吾識睇人眉頭 ...

hahaha........你好似講緊我個仔咁， 年紀、行為、想法都差不多，唯一分別係我仔比同齡語言表達差dd.......平日上堂表現正正常常係唔會俾老師投訴.......一去到小朋友社交互動就現形

Charlotte_mom

dtsmartb 發表於 13-10-30 14:17
hahaha........你好似講緊我個仔咁， 年紀、行為、想法都差不多，唯一分別係我仔比同齡語言表達差dd...... ...

你以為我仔唔差咩, 岩岩去上堂至俾導師話佢講野差, 成日要唸好耐至"鄧"得出, 組織力又弱, 所以蝕底LOR! 唔夠人講咪發老皮LOR

Charlotte_mom

flamenco 發表於 13-10-30 13:34
我囝9歲, 亞氏保加.

我想問下 Charlotte_mom 或其他小朋友讀高小嘅同路人，

有呀, 有REGULAR CHECKUP同開藥, 3,4個月一次掛(無留意), 應該係同一個醫生, 不過政府醫生都會轉工

dtsmartb

Charlotte_mom 發表於 13-10-30 18:43
有呀, 有REGULAR CHECKUP同開藥, 3,4個月一次掛(無留意), 應該係同一個醫生, 不過政府醫生都會轉工:nothi..

請問你仔仔做乜要食葯？我個仔語言能力，大小肌都比同龄差dd，專注力亦差dd....但無人提議过要阿仔要食药。雖然好間中阿仔會在學校發吓脾氣，情绪唔穩定，大部分原因都係同小朋友相處問題。請問政府医生那邊俾甚麼葯？ For what purpose?

olima

回復 flamenco 的帖子

我仔也是阿氏，8歲。

以前有上E位，上了小一就大約3、4個月見精神科一次，主要同媽咪及囝囝傾下偈，每次約一小時。如果孩子是ADHD，有需要會開藥。

我覺得要視乎精神科醫生的功力，之前的一個醫生，教曉阿囝諗野要「陽光」一些，踢走「黑雲」，佢受喎。那醫生不久前走了，另一醫生無甘到肉，但囝囝也習慣了，會跟她傾下偈，有時在去程時已跟我說︰我諗到同佢講d咩﹗當係社交練習囉﹗

Charlotte_mom

dtsmartb 發表於 13-10-31 00:49
請問你仔仔做乜要食葯？我個仔語言能力，大小肌都比同龄差dd，專注力亦差dd....但無人提議过要阿仔要食药。 ...

http://big5.wiki8.com/litalin_32778/

Charlotte_mom

olima 發表於 13-10-31 11:08
回復 flamenco 的帖子

我仔也是阿氏，8歲。

果然係同道中人
學校社工有次同我講, 話覺得我仔有時唔開心, 彷彿好似頭頂上面有舊烏雲跟住佢走, 同我講呢個係主要問題要解決LOR, 我唸佢地每人都有一舊烏雲

flamenco

你地有無同小朋友講佢地自己嘅情況?

我一直無同囝囝講佢有咩問題,
但佢開始大個, 有時學校有啲相關嘅通告, 佢會知道唔係個個同學都有, 佢會問我係關於咩, 點解佢有其他同學無...

始終有一日要同佢講, 但我仲未 ready, 仲未諗到點講,

你地有無經驗可以分享下?
謝謝

dtsmartb

Charlotte_mom 發表於 13-10-31 13:28
http://big5.wiki8.com/litalin_32778/

OIC...其實你地覺得這年紀見政府医生覆診有用嗎(除因要取药例外)? 年零前阿仔已經無見精神科....一，佢大咗開始知你帶佢去係有d嘢, 同我講"又去嗰到做乜?見医生做乜? 以前我鍾意去,依家唔係好鍾意la, 喺度等不如返去做功課..........." ; 二, 醫生只係問兩句, 跟住就話keep 住睇啦........傾多幾句都冇

現在唯有自己同佢傾多d,幫佢踢走"鳥雲"....真係搞唔惦就即刻出去找私人兒童心理學家........

LeeCC

我也剛剛加入了，醫生昨天跟我說，我兒子是ASD

flamenco

回復 dtsmartb 的帖子

dtsmartb,
你囝囝幾大?
我囝都有見醫生, 半年見一次, 己見了兩次, so far 都係同一個醫生.
但我同我老公都覺得呢個醫生無乜愛心, 好似唔係好識同呢類小朋友相處/溝通,
每次見, 都要等好耐, 我囝對於等待係最無耐性,
同埋佢覺得如果係約咗時間, 就唔應該要再等咁耐, 佢覺得個醫生要佢等係唔啱嘅行為, 於是次次都搞到佢好嬲, 發脾氣.
我想問, 如果唔再去睇政府精神科, 係咪就咩都無咖喇? 我意思係學校以外政府嘅資源.
如果第二時有需要, 係咪要當新症咁排過?

dtsmartb

回復 flamenco 的帖子

dtsmartb,
你囝囝幾大?  剛剛9歲
我囝都有見醫生, 半年見一次, 己見了兩次, so far 都係同一個醫生.     其實覆診無得指定医生, 當然有人好彩撞著幾次同一個, 但我唔係, 差不多次次唔同
但我同我老公都覺得呢個醫生無乜愛心, 好似唔係好識同呢類小朋友相處/溝通,
医生, 有很好也有很差......我試過最worst case 係個年青医生一開始就問我老公"你覺得點?", 如是者一路問咗10次都有, 但佢1條問題都無問阿仔。 最後我老公有點忟, 同佢講"我覺得點唔重要, 你覺得點才重要? 你問我貢多, 不如你問吓阿仔覺得點?"
每次見, 都要等好耐, 我囝對於等待係最無耐性,    同埋佢覺得如果係約咗時間, 就唔應該要再等咁耐, 佢覺得個醫生要佢等係唔啱嘅行為, 於是次次都搞到佢好嬲, 發脾氣.   yes 等得太耐, 加上有時個別一些較嚴重的個案也在等覆診, 他們或許會叫囂, 撞牆.....令他好明顯唔願逗留在那裡

我想問, 如果唔再去睇政府精神科, 係咪就咩都無咖喇?我意思係學校以外政府嘅資源.   yes
如果第二時有需要, 係咪要當新症咁排過?  
原則上係, 我都有考慮過呢一點, 但老公講, 齋覆診都係觀察情況, 都唔會做d乜, 有起事上嚟都要下次覆診先講......然後有需要再排隊做輔導.....真係"蚊到訓"。 與其係咁不如cut 左佢, 有起事上嚟出去找私人心理學家即刻處理唔好等。Touchwood, 我阿仔唔係情緒波動很大的case,佢學校社工尚且識得點handle, 班主任勉強算體諒, 所以so far 差不多2年, 只出動過一次私人心理學家。 Otherwise, 都好重皮及吃力。

NCmama

Charlotte mom, 請問你囝囝讀那間小學？我囝情況跟你囝好似，五歲，最近為選小學和去面試，壓力爆煲。

LeeCC

其實我有些不明白，亞氏三個特徵，是否三個中曬先算系，現在的asd,是否沒全中都當系?

精神科醫生說他固執，有很多routine,儀式給自己，萬一儀式規矩破壞了，就出現焦慮，社交弱，眼神交流少，但表達能力高，用詞豐富

他與醫生有問有答，但沒望過醫生一眼

bobolam

回復 Charlotte_mom 的帖子

你個仔在學校有無朋友?

bobolam

回復 LeeCC 的帖子

我個仔社交弱, 唔識交朋友, 內向, 怕羞,無固執行為,也評定為自閉

Charlotte_mom

唔駛齊晒, 我仔都唔齊, 無咩固執行為, 隨便適應新環境又得, 一齊玩又得

佢話自己有朋友架, 講得出名tim, 跟住醫生問佢地會一齊做d咩? 佢答唔出, 醫生再問咁咩叫朋友先? 我仔話因為人地問: 我地不如做朋友丫, 佢話好, 所以佢地就係朋友, 醫生問: 咁其他無問既就唔係朋友咩? 我仔唔識答
佢唔係好識define咩叫朋友, 佢亦唔在乎邊個約佢玩, 或者玩完一大餐之後究竟果個人叫咩名 (佢唔排斥一齊玩架, 佢唔在乎之嘛), 亦唔覺得無人打電話俾佢有咩值得唔開心

感情方面, 最激既例子係我99過身(之前講過, 我再detail d, 你應該會O咀)
我地同6299一直同住, 99係心臟病突然走左, 62發現, call晒白車又急救又電, 屋企人又喊又打電話又發脾氣(想像到幾亂), 我出左街, 去到醫院攪左一大餐返屋企, 見到個仔, 正常做心理輔導

我: 仔呀, 麻麻死左喇
仔 (如常玩車): 哦, 我知丫
我: 佢死左唔返黎wor (哦)
我: 佢以後以後都唔再返黎wor, 無麻麻喇wor (嗯, 死左嘛, 我知丫)
我mouth:" />mouth:" />: 你究竟知唔知咩叫死左呀究竟
我仔好冷靜(精靈樣)咁望住我: 我知~! 心臟停止跳動咪就係死左lor !
我: 無野喇你繼續玩啦

到夜晚, 我老公燒衣紙, 一路喊一路叫阿媽返黎, 我仔企o係隔離望住, 平靜理性地講左句: 下, 我覺得佢唔會返黎喇下話, 佢死左架喇wor (衰仔, 我即刻扯埋佢一邊)

咁lor! 咪就係呢d小事小事夾埋, 醫生覺得佢ASD lor, 佢表面非常正常, 我d朋友個個話佢乖tim呀, 拎住本書/遊戲機就可以安安靜靜, 睇唔出lor