Closed

chu.c9

我想請問你小朋友係自閉症嚴重嗎？睇見依個post，我都回想番我大女9、10個月時開始學講「papa」、「mama」，但大概13個月開始變到乜都唔講連BB話都冇，果時叫佢都唔認要整啲古怪聲先應。大女雖然之後一路有進步，不過有時我都覺得佢似有啲徵狀（CAC只見左言語治療師未見醫生）。

細女得幾個月，反應明顯比家姐好，又成日講野，有咩經過都追住望，所以我都唔知大女真係BB時期已經有，定關啲針時（註：有出去私家補針）

大包大人

上次仔肚疴入院 醫生話可以驗埋致敏源 點知大部分冇敏感 不過蛋同蛋白分別係class2及class3 我肯定唔會再打1歲以後的針 請問仍然有風險嗎？ 我好擔心 不過個幾日有吊鹽水同抗生素、出院後有點水呆、有冇風險 我超級擔心、求解答

chu.c9

原帖由 lok1029 於 15-07-23 發表
想問多句，你話細囡會追住望，咁即係大女無？大女bb時會不會玩下又望下你？



  ...

大女BB時都會望，不過反應冇細女咁好

scgift

原帖由 Kyle 於 15-07-11 發表
其實打針，啲醫生爭住賺呢啲錢，無手尾，打咗有事，個苦主米告藥廠囉，關個醫生鬼事，全港都是攞呢啲貨㗎啦 ...

Kyle,我有追緊你個post,都好為你小朋友既情況難過。我個女就來23m,暫時發展ok, 驗左對花生大豆魚雞蛋過敏(雞蛋高度過敏)。雖然一直都擔心打針對bb有影響，但我依然打晒啲針，1歲針係打MMRV。

雖然暫時阿女睇落冇咩問題，但我都有點擔心再打第2枝MMRV會唔會有問題…我原本打算返n班前打埋第2針MMRV, 一直心大心細中…

請問你見過咁多cases同睇過咁多資料，你覺得係咪打過1枝MMRV冇事既話，係唔係應該打第2枝都冇事？定還是就算要打都等小朋友大啲再打呢？MMRV醫生本身建議15m就打，話早啲打早啲多啲保護，我唔敢1歲+15m+歲半咁打針打咁密，所以拖到而家…謝謝你無私的解答。

P.S. 我知你唔buy音樂療法(未追晒你個post,唔知你後來有冇改變睇法)，不過我想share下我有根據阿女個皮紋分析+分析師既建議俾個女聽醫學共振音樂(唔知同你地講既音樂療法有咩唔同)。佢本身係超級慢熱怕羞(n班offer係好彩interview型式似返playgroup咁玩才有正常表面，其他學校既interview死得好慘烈)，睡眠質素好差，仲有聽覺太敏銳+感覺好抽象，所以極度容易因為聲音而受驚(如風筒，抽氣扇，港鐵入閘機啲聲，搭車行車時既聲音，甚至爸爸既鼻鼾聲等等)。雖然言語認知發展正常，但呢方面既問題其實一直都好困擾我地一家，小朋友自己都好慘。聽左半年左右，有見到明顯改善，繼續努力中。最明顯既係體覺功能方面，一向成日跌倒，一出街行出屋企門口就要抱唔願行，只係聽左3個星期(最近新加俾佢聽的)，基本上已極少再跌倒+上落樓梯叻左+變得熱愛自己行路，可以1個鐘全程自己行冇抱過。醫學共振cd唔平，但遠比起你們小朋友做治療既費用為低，真心覺得可以試下。

chu.c9

原來都有專欄作家講過
http://paper.wenweipo.com/2013/09/25/OT1309250025.htm

Kyle

醫學共振試過，唔明啲家長有乜動力可以日播夜播。有買既家長都聽唔到返嚟聽咗有咩改善。

Kyle

基本上正常小朋友就大把miracle 㗎啦！唔正常用上天文數字既treatment 都不會有奇蹟。

Kyle

打唔打針你自己諗，一般自閉媽唔會嘥氣勸正常媽唔好打。亦唔好問我什麼打第一枝無事，第二枝會唔會都無事之類。我講咗我仔情況㗎啦！上網免疫針禍害亦一摷都睇到。咁你要選擇性嚟睇，我阻止唔到你㗎噃，或你相信醫生講的是保護都得㗎！世界上任何野都要take risk 㗎啦！唔打針，你又會驚中傳染病既啫。我點得閒研究唔同打法有無事呢？想打米去打囉！

我仔果代不是Mmrv 是mmr. 唔關我仔事既Mmrv 唔得閒去研究。當年我好巴閉去晒私家打針，我而家覺得或好多人講過舊針（健康院那些），風險低過私家用既新針。 舊針歷史耐些，同混少啲菌嚟打。不過而家健康院會同時左右大脾各打一枝針，都好驚，比以前更易出事。更易出事, 唔等於一定出事, 大把人無事, 亦大把人中咗招都唔知, 中招都分大細, 全世界有極少數人打咗幾日後瓜咗或癱咗，傻都知和針有關 , 有人打咗自閉，通常發自閉果年唔會為意同針有關或要好幾年後回想返先醒覺, 有人打咗勁發濕疹, 更加聯想唔到關針事。

你囡蛋高敏，好些針都有警告話蛋敏感唔打得，如你問醫生，通常扮專家跣你話得，其實佢地無呢方面知識，或未聽過有敏感打咗會有事，最緊要係想賺咗你個打針錢。打針出事，要出事到幾日後死或癱，家屬才有大些機會告到個醫生和藥廠，香港都無乜呢啲case 啦！我是醫生睇風險機會率咋嘛，全港醫生都係咁打㗎啦！都是該些針藥，只是醫生收既打針錢唔同罷了，咁值搏，梗建議病人快打，最好即刻跟佢打。

Kyle

scgift

原帖由 Kyle 於 15-07-25 發表
醫學共振試過，唔明啲家長有乜動力可以日播夜播。有買既家長都聽唔到返嚟聽咗有咩改善。



  ...

一般聽2星期就會見到效果，就係見到有效果，所以我才有動力去keep住日日播。我女聽好幾隻音樂，所以真係日播夜播。

scgift

原帖由 Kyle 於 15-07-25 發表
本帖最後由 Kyle 於 15-7-25 14:19 編輯

打唔打針你自己諗，一般自閉媽唔會嘥氣勸正常媽唔好打。亦唔好 ...

兒科專科醫生同我講話mmr/mmrv同流感針都要小心，一定要返兒科專科或入醫院打，所以冇係健康院打mmr(健康院姑娘+醫生都話蛋高過敏打mmr冇問題，我驚驚)。打第1針mmrv後要觀察30分鐘有冇問題，還好沒事。

我同老公商量過，真係好驚，所以第2針四痘都係唔咁快打住啦，遲啲再算

Kyle

專科跟你吹水啫，在密切監控下施打又點呢？打咗就是打咗，有即時敏感，佢點同你解？唔通打防敏針藥就解到？

同佢地個concept 只是處理打完針後既敏感反應，以為敏感只得紅疹那些輕微反應, 根本無諗到就算敏感都可以導致嚴重後果，上腦呀，癱呀，死呀都好似無諗有咁既可能性。但全世界不時都發生㗎喎。在醫院是有事時, 有得幫個病人即時急救, 個病人急救唔到, 瓜咗個醫生都不會上身, 只是死於不幸罷了,因個醫生已安排晒所有可做的程序.

同藥廠都出埋warning 話蛋敏感唔適合打啦，為乜個兒科專家都要人入院打呢？傳染病真的唔打針就即中，同中咗即死無得醫嗎？香港有一派崇尚自然唔俾仔囡打針, 那他們的仔女未一早死清光? 好多大人都無打齊針啦, 有無死晒? 健康院姑娘話細路點同大人呢, 細路抵抗力弱喎. 咁打齊針都是防那十多種傳染病, 有咩用? 連手足口都防唔到.

我齋講敏感，幾年前有個女子去揾醫生在診所整大個zone , 打完枝麻醉針就抽搐跟住瓜埋，我諗咗好耐如在醫院打呢枝麻醉針，個女人有無機會唔屎死？

scgift

原帖由 Kyle 於 15-07-25 發表
本帖最後由 Kyle 於 15-7-25 17:00 編輯

專科跟你吹水啫，在密切監控下施打又點呢？打咗就是打咗，有即 ...

兒科專科醫生話如過敏既話就即時打抗過敏針囉 總好過健康院，我出示埋敏感測試報告+提出兒科專科醫生講既說話，姑娘同醫生都話冇問題

Kyle

唔係佢地個仔梗話無問題啦！即而家啲官，仲話鉛水開喉五分鐘就飲得，人家奉上水泉澳水就唔敢飲。

剛見到鉛超標單野，23 個兒童有3 個發展遲緩，5個輕微遲緩.  

Kyle

啲人血鉛超標，就猛瀨可能唔關鉛水事，關食皮蛋事。那三個發展遲緩呢，仲要瀨發展遲緩未必關血鉛事，而家發展遲緩好普遍呀! 總之無人要負責, 一切不幸都係好平常.

打針致癱致死都未必告到醫生藥廠。打針致自閉更加唔屎諗, 好平常咋。

自求多福！

chi244

唔該mmr同mmrv即幾時打邊枝針，針卡係寫住咩架？

scgift

原帖由 chi244 於 15-07-26 發表
唔該mmr同mmrv即幾時打邊枝針，針卡係寫住咩架？

MMR+水痘係1歲時返健康院打，第2針係上小學才打。MMRV係四痘(=mmr+水痘)，1歲打完最快15m可打第2針。