本帖最後由 hkpapa852 於 21-10-6 08:35 編輯
很久以前EK就曾為聯繫、直屬和一條龍學校出帖講解,不過當日個帖現在已失傳,而不少家長仍對呢三類學校一知半解,我又嚟寫吓嘢啦!
聯繫、直屬和一條龍學校其實係教育局(EDB)就 “小學升中” 呢個階段,為中學與關聯小學既學生提供既升中保障方式而制定。至於坊間引伸去幼稚園升小既保障,其實並非屬 EDB 所制定既。
聯繫、直屬和一條龍呢三類學校既升中保障方式,正式嚟講 只有中學部屬於官津中學既學校,係受EDB所規管,其它中學部為直資或私立既學校,基本上唔需要跟隨。
依家先講解吓三類學校既分別:
1. 聯繫中/小學
聯繫中學需在"派一統位學額"保留25% 學額給予其聯繫小學的學生。因為"派一統位學額"只佔中學部學額約65%,所以實際上,聯繫中學留俾聯繫小學既學額,只得中一學額既 16.7%(65% x 25%)。
聯繫學額(聯繫位)係在升中統一派位階段先用到,學生如想使用聯繫位,必須將聯繫中學放在乙1的選項。
聯繫學額既分配和升中統一派位一樣,係按派位組別(即所謂Band 1/2/3)先後再按隨機號碼分配,不存在名次考得前會優先取得。主要分別係聯小升聯中用聯繫位方式個批學生,只得個別聯繫小學既學生,人數少機會自然高D。
除非聯繫中學向EDB申請,否則聯繫學額只會預留俾聯繫小學既B1和B2學生(但都係B1先派,派完有位剩先到B2派)。
因聯繫學額實際比例低,普遍而言如聯中屬較好既學校,B1組別既學生都會派晒,唔會有位剩俾B2學生,甚至部份B1學生都派唔到。無法取得聯繫位既B1或B2學生,佢地係會有多一次機會,係聯中餘下既公開學額(非保留位),再抽多一次(都係要按派位組別先後+隨機號碼,去同本區學生爭)。
聯繫中/小學可以係一對一(如長天和聖芳濟愛德)或一對多的關係(如皇仁與兩間軒小和愛官)。如聯繫小學有多於一間,而小學屬於不同校網,相關聯繫位會按照各小學小六學生人數而去調整聯繫學額。如皇仁下有有兩間灣仔區既軒小,以及東區既愛官,因為大家都係5班小班學生,人數相近,所以聯繫位大約係 "灣仔:東區=2:1"。
不過如兩間小學在同區(如兩間軒小),佢地係會一齊分個堆聯繫位,唔會再按學生人數比例而去指定某校有多少聯繫位。
2. 直屬中/小學
香港官津學校之中,只有津校係有直屬中/小學既升學安排。直屬中學需在"派一統位學額"保留85% 學額給予其直屬小學的學生。因為"派一統位學額"只佔中學部學額約65%,所以實際上,直屬中學留俾直屬小學既學額,只得中一學額既 55.6%(65% x 85%)。
直屬學額(直屬位)係在升中統一派位階段先用到,學生如想使用直屬位,必須將直屬中學放在乙1的選項。
直屬學額既分配和升中統一派位一樣,係按派位組別(即所謂Band 1/2/3)先後再按隨機號碼分配,不存在名次考得前會優先取得。主要分別係直小升直聯中用直屬位方式個批學生,只得個別直屬小學既學生,人數少機會自然高D。
除非直屬中學向EDB申請,否則直屬學額只會預留俾直屬小學既B1和B2學生(但都係B1先派,派完有位剩先到B2派)。
因直屬學額實際比例較高,普遍而言都可以收晒直屬小學既B1組別既學生加少部份B2學生。無法取得直屬位既B2學生,佢地雖然係會有多一次機會,係直中餘下既公開學額(非保留位),再抽多一次(都係要按隨機號碼),但佢地係要等全區B1學生抽晒之後先再抽,到時仲有冇機會呢?
所以如果係B2組別既學生,要有考慮清楚,是否堅持乙1抽直中。因為乙1抽到既機會本身唔太,而且乙1抽唔中後,就失去抽更好B2中學既機會(因為應該俾同區B2生係乙1入晒)。
直屬中/小學可以係一對一(如聖若瑟書院和小學)或一對多的關係(如聖心書院和兩間小學部)。直屬小學既學生,升上直屬中學既機會有幾高呢?其實主要睇吓直中既中一有幾多班。可參考吓呢個舊帖既統計:
一線津貼中學直屬學位可收回直屬小學既學生比例
3. 一條龍中/小學
香港官津學校之中,只有津校係有 "真正" 一條龍中/小學既升學安排。一條龍津中基本上係必需 “無條件” 接收所有(即包括 B1/2/3)小學部既小六學生,另外再提供一定既中一學額俾外校學生去考和抽。
自2014年龍校升中微調後,EDB 容許龍小於小六時,要求個別學生留班唔升龍中(但要向 EDB解釋)。不過 EDB 講明留班安排每個學生只能做一次,留班後個一年一定要俾該學生直升番。
教育局(EDB)認可既津貼一條龍學校名單(每年9月中會更新)
聯繫、直屬和一條龍升中保障比較:
| 一條龍中學
| 直屬中學 | 聯繫中學 | 保留予小學部既學額比例 | 足夠全數錄取小學部所有小六學生 | 中一學額既 55.6% | 中一學額既 16.7% |
香港有不少直資/私立學校,都有所謂 “一條龍辦學模式",但佢地既“一條龍”又有何分別呢? 呢度又解說一下:
直資/私立一條龍的中小學必須附合以下要求:
(a) 中、小學必須屬於同一類別的資助模式 (如小學是私立,中學便不可以是津校,必須要是直資或私立。所以點解當年咁多學校既中學或小學部轉做直資)
(b) 中學部的中一學位 必須有足夠學額 收取全數小學部的學生;並須預留不少於 15% 的中一學位讓其他小學的學生仍然有機會入讀
不過記住,非 EDB 規管既 "一條龍”學校(即直資/私立既龍校),係可以隨時自定小學部升中既要求,無需跟任何指引。即係話直/私既龍中,可以今年收足100%,下年只收80%,之後再收番90%都無問題。
不同類型既 "一條龍" 學校,升中都有唔同既安排,有興趣既可以去呢個帖睇下:
一條龍學校類型,以及有呈分/沒有呈分既龍校學生升中分別
|