仁立VS聖家

happy2115

先恭喜你呀，兩間都好好，首先係住荃灣，已經脫離到荃灣升中網，無論葵青定九龍城區都好過荃灣好多。

論地點，應該仁立會近啲，只要係雙仁B1生填林護乙一就有多個機會抽21個聯繫位。自行無話級幾穩入林護架，級頭果批都去外闖啦。
聖家直屬位79個就兩間小學分，你了解下聖家考幾多會穩入上中學部，同埋唔上中學部又會派去邊。
申利，小朋友讀緊仁立小一

happy2115

WINNIETHEMEOW 發表於 22-7-4 19:28
回覆 happy2115 的帖子

請問仁立會否需要每星期默書呢? 是否很忙去讀書和多功課呢? 會否難跟上進度呢? 抱 ...

我小朋友只係小一+疫情關係又停下課，呢一年比我感覺上係輕鬆既。但升上去係點我唔知，有見到有啲高年級既同學都感佢地返學有啲壓力。我小朋友係正常班，精英班可能讀書壓力+功課會較正常班多。默書中英文一年各8次，計考試分，每次有三星期左右溫默書，範圍唔多，好合理，唔需要背默。唔會有小測，每次考試前三星期左右有個試溫測驗，不計分的，當做學校提早叫同學溫書，呢個測驗大約佔考試範圍7-8成。

happy2115

imxgirl 發表於 22-7-6 00:00
回覆 happy2115 的帖子

剛剛收到了仁立offer，想知道多D，是小一開始就分精英班嗎？我都是家住荃灣，原本 ...

有五班，其中一班為普通話班，要分班試後學校會跟水平評分再加問家長意願去唔去讀，如成績合資格，應該讀六年，如成績不達標，可能會勸退到正常班。其餘四班都係正常班，到小三/小四會多一班英文精英班，咁就兩班精英班。
小朋友如果中文基礎好，應該唔難跟上。加油

happy2115

imxgirl 發表於 22-7-6 10:40
回覆 happy2115 的帖子

感謝你的回覆~ 你覺得學校有無看重精英班而忽略了普通班？我自己都唔一定要入精英 ...

普通話班可能會重點培養，呢班始終小一原班上小六，入得去應該學術要更精銳，不過我唔係果班，所以唔清楚。但小女係正常班讀得幾開心，佢都鐘意返學，學校每年會跟成績派意向書問想唔想去普通話班，我地都無揀去，個人意願，自己揀，如果想去會再有面試