mscps 九龍塘瑪利諾小學有如地獄？

sonokosy

首先提一提樓主，學校個名寫錯咗，應該係mcsps。
樓主可以諗下，你身邊朋友係咪有小朋友喺喥讀緊書或讀過書？佢哋係第幾手消息？佢地小朋友讀緊邊間學校？佢哋又建議你為小朋友報讀邊間？你亦可以諗下點解每年咁多人報名想去呢間學校讀書。

我有朋友兩個小朋友都喺mcsps讀書，佢向我推薦呢間學校，話學校唔谷，小朋友讀得好開心。當然，每個用家都可能會有唔同睇法，好多嘢要自己用過先可以俾意見。不過可以好肯定幾樣嘢，香港津校用英文教學嘅小學唔多。無學費(但有堂費)，名牌，小朋友一定學好英文，校舍靚，唔谷，有band 1中學直升(如果係成績最差的15%，升唔到都唔好意思怨)，如樓上所講，除咗葡萄之外，諗唔到點解有人會負評。

sonokosy

回覆 yanthai77 的帖子

其實每一間學校都會有問題學生，始終青春期少男少女，一定會有反叛期，亦會有人讀書包尾，學業上得唔到成就感。唔能夠因為學生拍拖，認識校外異性或者有個別一個半個學生行為偏差就話校風差咗，好多時係關學生個人同家庭管教原因多d。

sonokosy

回覆 yanthai77 的帖子

朋輩影響，係青春期成長必經階段。12－18歲，正常嚟講，一定係鍾意痴朋友多過痴阿爸阿媽。如由小學一齊長大嘅朋輩，其實壞極有個譜。反而係而家科技太發達，小朋友上網都好容易識到朋友。一到網絡世界，真係咩人咩背景都有機會識到。我見過有Band 1A名女校女仔升中後外面識人學壞咗，而返唔到轉頭。所以我會話係個人問題同家庭管教問題多過學校問題。建議你可以睇下Erik Erikson嘅stages of psychosocial development. 認識下d psy, 其實係好幫到家長點樣同唔同年齡／階段嘅小朋友相處同溝通。