教導男仔心德

tigerbee

有冇人可分享下教男仔心德？對住個仔無感好重
欠專心、自律唔好，只做自己有興趣嘅事（其他事就hea 做）、「差不多先生」嘅朋友

ptk1101

tigerbee 發表於 23-9-20 10:58
有冇人可分享下教男仔心德？對住個仔無感好重
欠專心、自律唔好，只做自己有興趣嘅事（其他事就he ...

小朋友幾歲?一個男仔細細個已經可以好專注咁做自己鐘意既野(一兩個鐘)
應該唔使太擔心
適當引導佢學習已經OK

retriever

tigerbee 發表於 23-9-20 10:58
有冇人可分享下教男仔心德？對住個仔無感好重
欠專心、自律唔好，只做自己有興趣嘅事（其他事就he ...

幾歲?

趁早對他嚴緊些!

不是要求高分數, 是要他守時, 負責任, 牙齒當金駛...

對仔太心軟, 替他想在前面怕他辛苦, 後患無窮!  

簡單啲來講

正常來講男仔年齡越小，越易教導。男仔細個時候相對來講比較依賴媽媽。凈係要抓住呢幾年依賴你個黃金時期，打好基礎。識教當然好，唔識教也可以讓佢知道，你對佢個期望，全力資助佢發展。大咗步入青春期有自己想法，唔會再像以前那樣乖。但青春期總是要結束，呢幾年如果再想讓佢聽話，就要睇你之前呢幾年跟他相處的基礎了。

hkcsty

其實一出世性格已經定了7，8成，性格很難改變
男仔係要讓他多犯錯（當然不危及身體傷害），從錯誤中學習，生活細節不同的選擇會有不同的後果，但任何結果都必須自己負責返，例如倒瀉水，一定要自己抹返，如果下下有人幫佢善後，做事就不會上心。當然講就天下無敵，做就睇家長定力。

tigerbee

retriever 發表於 23-9-20 17:33
幾歲?

趁早對他嚴緊些!

7歲
幼稚園時好聽話，上小學就變咗了，愈來愈難搞

retriever

tigerbee 發表於 23-9-21 13:23
7歲
幼稚園時好聽話，上小學就變咗了，愈來愈難搞

男仔, 小三下學期開始, 或者接近高小, 會開始駁咀...

lot888

好正常喎。唔信問吓你亞媽，或你奶奶你自已或你老公細個時情況。你俾小明友佢自由發展，受朋學影響，遲早會收正。過多的干預可能對佢探索世界，成就自已未必是一件好事，家長常祈望小明友聽聽話話，圍在自己身邊成長，跟自已想法而行，其實你知道這是不可能，反而順勢而行，只在最懷情况下引導小朋友走出困境更可取。如果你真實問题是擔心小朋友學業，那你可以看看其他貼，太多小朋友高小才發力，呈分才發力，初中，甚至高中才發力，最後成積一樣鶴立雞群。你又會看到很多家長出盡辦法，雞精隨身，躋入名幼，名小，最後無以為继，未能進駐band1中學，有些挽強入倒，都長期守尾門，继而離場，遠走他地。所以無須太緊張，留些空間俾自己，俾小朋友，只要小朋友能維待向學之心已非常足夠。小朋友過早張學習变成壓力，继而討厭學習才是最大問題。

infong2011

tigerbee 發表於 23-9-21 13:23
7歲
幼稚園時好聽話，上小學就變咗了，愈來愈難搞

7歲反叛期好正常，尤其男仔～好難叫佢地自律，不過可以執下專注力，其他可以向佢有興趣既事物發展

小曳人

我自己就:

重視孩子學習興趣，多加培養，但唔好當成一定有成果，我會睇成係建立自信，同學習動機

學捉棋，對抗逆力有好處

多d愛同溝通，教自理，分享自己成長嘅失敗經歷，有愛同安全感之下，孩子一定唔會學壞，亦唔怕同家長分享"衰咗"嘅野

家長長期進修，睇書，運動，做好榜樣

大家努力呀!

lambeanmama

我覺得男仔咁樣是好正常的。當然做阿媽嘅也一樣憂心和焦慮。

我仔小一前也是非常聽話受教的。小二時，更是要出盡九牛二虎之力去幫佢。

現在小四，我覺得佢「突然開竅」，會有目標（即使你未必認同的），也會努力朝目標去做。

我目前的做法是，陪佢實踐佢自己訂下的目標（如要爭取代表學校出賽某項目），搵教練，花時間陪練。同時讓佢明白我對學業的期望（如每份功課都認真小心完成，我不用分數/名次去衡量）。我支持佢追夢，佢也願意配合妥善完成學業基本功的要求。

同意男女大不同。有時問吓老公佢細個嘅情況，你可能會發現自己個仔都唔係太差。(emoji)(emoji)(emoji)(emoji)

retriever

lambeanmama 發表於 23-9-26 08:32
我覺得男仔咁樣是好正常的。當然做阿媽嘅也一樣憂心和焦慮。

我仔小一前也是非常聽話受教的。小二時，更是 ...

老公未必敢答話細個時有同樣行為態度, 怕被扣上 "就是因為老公DNA" 的帽子

beastiebistro

雖然唔清楚你家庭狀況，個人認為父親對教養參與度係關鍵。

無論媽媽幾努力，如果爸爸唔參與（無論係坐喺一邊玩手機，或者咩都話冇所謂，又或者一味淨係做白臉，或者淨係負責玩），咁功效都係事倍功半。

尤其男仔係睇爸爸頭。

我個人就建議，盡快同另一半傾下，勸佢積極參與。

lambeanmama

beastiebistro 發表於 23-9-26 12:30
雖然唔清楚你家庭狀況，個人認為父親對教養參與度係關鍵。

無論媽媽幾努力，如果爸爸唔參與（無論係坐喺一 ...

「爸爸的參與」這一點我萬分同意。

男仔真的十分「睇爸爸頭」做人。我仔會視爸爸為一個「標杆」。唔差過爸爸佢就覺得自己「贏左」(emoji)

beastiebistro

我自己係爸爸，我對我小朋友嘅教養參與度同太太不相伯仲（甚至可能略多）。我哋從來唔分黑白臉，錯就兩邊都一樣咁「丙」，佢哋冇得匿。暫時我對我嘅「出品」都滿意，16/7歲連反叛期都冇試過。當然每個人都唔同，不過我自己接觸範圍，只要父親有積極參與教養嘅例子，基本上效果都唔差。
相反，父親唔參與而唔聽教嘅比比皆是。

Anne_Hall

lambeanmama 發表於 23-9-26 08:32
我覺得男仔咁樣是好正常的。當然做阿媽嘅也一樣憂心和焦慮。

我仔小一前也是非常聽話受教的。小二時，更是 ...

我大仔幼稚園到小一好乖，會聽話做野，而家剛升小二，就係覺得佢懶左，啲野唔用心做，錯好多，而家要跟返緊佢功課⋯

希望佢遲吓好似你小朋友咁開竅，因為佢既媽媽，係中四先開竅⋯

lambeanmama

retriever 發表於 23-9-26 11:24
老公未必敢答話細個時有同樣行為態度, 怕被扣上 "就是因為老公DNA" 的帽子
...

我和外子從小已認識。不用問也知佢啲DNA係點。(emoji)(emoji)(emoji)

老公自己揀，無等怨，唯有努力教個仔。(emoji)

Baymax

小孩上到小學功課量增加, 又要默書, 好容易對學習失去興趣, 變得不積極, 功課有得交就算, 這情況十分正常, 我的孩子當年也是這樣, 但係因為佢喜歡睇英文書, 漸漸在班中英文科有優勢, 激起佢既鬥心, 又發現數學用小小心機又可以勝過其他同學, 呢兩科成績好其實已經令佢在同學間有優越感, 佢之後自己搞掂自既野, 變得有鬥心

LeeCC

男孩子不專心，坐唔定，可以先讓他每日做運動，回家沖個涼，才坐定做功課溫習

lambeanmama

LeeCC 發表於 23-10-2 08:44
男孩子不專心，坐唔定，可以先讓他每日做運動，回家沖個涼，才坐定做功課溫習
...

是。前年個仔上堂心散，班主任老師叫我們加運動時間；雖然好似疲倦多了，但又真係做功課/上堂也專心了。