救恩，蘇浙和九真怎麼選？

johnliu82

男仔。下週就要交留位費了，請問這兩個offer應該選哪一個？

1. 喜歡救恩的教學模式，但是看起來蘇浙升學B1的比例會高些？
2. 奧運到蘇浙的車程比到救恩要遠；
3. 聽聞中西區是男仔地獄？
4. 男仔讀九真冇著數？

請教知情人士。

johnliu82

請教。

ASP2019

johnliu82 發表於 23-10-30 22:28
男仔。請問這兩個offer應該選哪一個？

1. 喜歡救恩的教學模式，但是看起來蘇浙升學B1的比例會高些？

你好
1. 蘇浙升B1比例係無得彈。
我之前同你一樣，計劃小朋友升學路線時做過一d研究，也認識一些家長朋友，大概知道蘇浙小學小六這兩年升中情況：
2021-2022學年：全級一百零幾人，去到九十幾名次，都係派band 1中學
2022-2023學年：全級一百二十幾，去到名次一百一十左右，都係派band 1中學
之後有d都靠自己實力，叩門入返band 1中學

得知蘇浙小學3測3考，但範圍明確、教咩考咩，學生好快便自動波溫書，也期待考試放半日後可以返屋企溫。我聽完好放心，因為最驚教淺考深同唔係考平時教和學既嘢。

蘇浙小學下午有一功課堂，大部分正常專注的學生也能完成功課，唔識也可以問老師。回家可能繼續溫下書和做功課堂後一堂的功課便可以了。

課外活動都有安排，但冇強迫“一人一樂器”和“一人一運動”，通常家長自己安排，效果都唔錯，2022-2023小六畢業生中有鋼琴演奏級、琵琶十級、小提琴唔知幾級等等，真心好勁。

蘇浙小學今年五班小一，每班三十幾個學生。私校，要每月交學費，如果沒有家長真金白銀交學費，真係會做唔住。據聞要考入蘇浙小學，也非易事，今年同家長朋友交流後，知道原來有考生是候補和不給予offer。

ASP2019

johnliu82 發表於 23-10-30 22:28
男仔。請問這兩個offer應該選哪一個？

1. 喜歡救恩的教學模式，但是看起來蘇浙升學B1的比例會高些？

2 車程問題就唔知點答你，因為唔太知搭車情況，知道今年：
-住南Y島學生搭船到中環，然後搭校車（中環碼頭站）返學。
-住南區學生平日寄居在東區，weekend 才回家。（也有好多住南區學生搭保姆車返學）。
-從青衣和西環搬回東區
等等

所以提議你在奧運搭程mtr來港島，然後搭校車返蘇浙小學，唔使行斜路，舒服好多。

ASP2019

johnliu82 發表於 23-10-30 22:28
男仔。請問這兩個offer應該選哪一個？

1. 喜歡救恩的教學模式，但是看起來蘇浙升學B1的比例會高些？

3 絕對係！我舊年請教過這兒的前輩，真係好地獄。

希望你唔好嫌我長氣，我有小朋友，都想小朋友入到蘇浙小學，所以之前研究了，見冇人回覆你，咁就分享下。

johnliu82

ASP2019 發表於 23-11-3 07:55
本帖最後由 ASP2019 於 23-11-3 08:12 編輯

3 絕對係！我舊年請教過這兒的前輩，真係好地獄。

多謝你。兩間感覺差不太多，救恩留位費3000，蘇浙600，只想留一間，有些猶豫…

關於校網，我想到一個辦法，我或許可以升中時轉網回油尖旺區。

wannabefa

升中轉網唔係會跌brand?

ASP2019

johnliu82 發表於 23-11-3 16:01
本帖最後由 johnliu82 於 23-11-3 16:03 編輯

多謝你。兩間感覺差不太多，救恩留位費3000，蘇浙600，只 ...

或者你小朋友成績優秀，報考自行收生時已經大獲全勝，報咩有咩，比d信心小朋友，加油和努力。

ASP2019

wannabefa 發表於 23-11-3 16:30
升中轉網唔係會跌brand?

呢到唔少前輩話冇so

Jean1769

蘇浙我聽返黎係接近報得就收

johnliu82

wannabefa 發表於 23-11-3 16:30
升中轉網唔係會跌brand?

不一定。聽講如果是強區轉弱區則會有著數？

heidya

ASP2019 發表於 23-11-3 07:33
你好
1. 蘇浙升B1比例係無得彈。
我之前同你一樣，計劃小朋友升學路線時做過一d研究，也認識一些家長朋友 ...

升B1 主要係咩中學？唔該你！

ASP2019

heidya 發表於 23-11-4 11:15
升B1 主要係咩中學？唔該你！

張祝珊、庇利羅士、、婦女會、聖保羅男女、民生、聖堤女、赤柱聖堤、皇仁、民生……

heidya

ASP2019 發表於 23-11-4 11:20
張祝珊、庇利羅士、、婦女會、聖保羅男女、民生、聖堤女、赤柱聖堤、皇仁、民生……
...

勁，咁是否課程好谷？普通話為主要教學語言？

ASP2019

heidya 發表於 23-11-4 11:25
勁，咁是否課程好谷？普通話為主要教學語言？

本帖最後由 ASP2019 於 23-11-4 11:40 編輯

課程就一向都係3測3考，一開始要適應下，但範圍唔大，老師也好supportive 會同學生溫習，相對容易處理，學生也都適應和做到自動波。
普通話教任何科（除了英文），英文就英文教。
小朋友如果由N班讀起，K2時普通話已經幾流利下，英文也會幾fluent(因為學校是net teachers).

heidya

ASP2019 發表於 23-11-4 11:33
本帖最後由 ASP2019 於 23-11-4 11:40 編輯

課程就一向都係3測3考，一開始要適應下，但範圍唔大，老師 ...

多謝🙏哂你

Kpl2016

九真女多男小 傳統學術型 九龍城校網如果跟得到 外闖能力應該都唔差
一年三考 每星期有默書 中間有小測
每日除咗做功課都要溫下習
粵教中 英小但中文唔淺 老師都好nice好關愛小朋友
需要一人一樂器 每月拍片交功課

Emily2537

ASP2019 發表於 23-11-3 07:33
你好
1. 蘇浙升B1比例係無得彈。
我之前同你一樣，計劃小朋友升學路線時做過一d研究，也認識一些家長朋友 ...

今年應該因為多了優才和高才關係，蘇浙也比之前難考。在幾年前考小幾乎是有考必收。升中成績的確靚麗，我認識不少就讀的家長，能夠適應的就讚教得紮實，雖然測考頻密但範圍不大。也有頂唔順轉去其他學校的，所以來來去去，留下來的就越來越強，升中成績自然很好。而且對老師及校風也未聽過負面評價。
我也覺得蘇浙是一間不錯的學校，就看小朋友能否適應。

ASP2019

Emily2537 發表於 23-11-4 22:11
今年應該因為多了優才和高才關係，蘇浙也比之前難考。在幾年前考小幾乎是有考必收。升中成績的確靚麗，我認 ...

哈哈，你心水好清。
我知這兩年都有人冇offer(係知道真有其人，唔係聽講返來 ）同候補。
留下來既應該都係好多既，因為這幾年畢業生都有100人以上（實際年年唔同，我也無問到咁仔細，就允許我講個約數），所以唔需要太擔心，最緊要做好自己。
啱啊，人人唔同，如果我返工適應唔到，都會轉工，更何況小朋友讀書，家長更加要平時多關心和適當處理。

bbjohn155

johnliu82 發表於 23-10-30 22:28
男仔。下週就要交留位費了，請問這兩個offer應該選哪一個？

1. 喜歡救恩的教學模式，但是看起來蘇浙升學B ...

救恩啲功課，家長參與度好高，你要諗吓自己（家長本身）是否適合先

另一間就唔清楚啊！