九龍灣聖若瑟英文小學

Yungalice13

我仔仍然在校就讀高小，讀咗幾年，感覺英文係程度高，好多同學都講得一口流利英語，暫時教過亞仔既老師都關心學生，老師亦有打電話同家長溝通，小一二年級因疫情關係都無點返學，老師只係zoom感覺生疏，但開始正常面授課後發現班主任好盡責，其他科目老師大多都教學熱誠，落雨係會唔俾送小朋友入校，雨唔太大校工老師都有擔遮護送小朋友，包括校長，如雨太大會請家長入室內操場接小朋友，另外我有個親身經歷，一次中午放學去附近麥當勞買杯咖啡，等緊既時候有位男士向我打招呼問好並主動自我介紹，原來係校長，大家閑談幾句，跟我分享剛去另一間學校攞獎，所以係麥當勞急趕吃午餐，稍後再有另一行程，我當時覺得校長有禮友善，因為佢本來是背向我面向玻璃坐的，沒有必要食緊午餐都行過來跟我打招呼。好感恩亞仔呢兩年遇上既班主任都好好，不斷鼓勵，建立自信，當然呢間學校亦係有不足，校舍較細，管教嚴，最近臨近考試課程的確教得急，幸好平時習慣預習，但家長要跟貼少少。

Yungalice13

Juneli333 發表於 23-11-23 13:40
想問功課量多嗎？
我見佢2022-23 都有94percent 升到上英中，英文教得深？

平時功課正常，每日4-5份，正常2個鐘內可完成，主要以英文上課，會深少少，但小朋友都好快適應。

Yungalice13

Juneli333 發表於 23-12-5 10:36
想問課外活動係星期五上堂時間上？如果想學游水要等小三？

每個年級都有不同活動，小三游水，小四哥爾夫球，星期五的活動是午飯後進行，放學時間不變。

Yungalice13

Juneli333 發表於 23-11-29 21:24
咁就好啦：）考試係一年兩次嗎？

一年3個學期，考3次試