音小V.S. 區內一線尾津校

HJT

本身家庭是基督教信仰

男仔性格乖巧，有學緊鋼琴

小朋友都中意音小

區內有一線尾的小學offer，但6年後又再需要考中學

請問大家覺得音小如何，去完簡介會及面試之後都覺得唔差，各方面都不錯

Dec_mum

Halo，我都係住青衣(emoji)(emoji)音小vs將軍澳直資
我自己final選擇音小(emoji)(emoji)

Jean1769

HJT 發表於 24-1-11 14:43
家住青衣本身家庭是基督教信仰男仔性格乖巧，有學緊鋼琴小朋友都中意音小區內有一線尾的小學offer，但6年後 ...

一鳥在手好過百鳥在林
有可能在森林六年都得個爛桔

bighero

音小係黃大仙校網, 校網唔太好, 加上音小英語境一般, 學術唔算得上好, 學費偏貴, 係九龍區來講,  性價比偏低, 地點唔就腳。不過如果真係好鍾意音樂, 可以考慮, 佢好多課堂都圍繞音樂同宗教, 佢學費有包埋學樂器(好似一款樂器)。

係我的話會揀區內一線津校, 本身葵青校網都唔錯, 加上屋企又近學校, 慳好多時間。

識好多人都有音小offer, 但大抽奬抽到心儀或叩到心儀津校, 通常都放。識既人當中最後無人讀音小。所以真係好鍾意音樂, 否則都唔放棄葵青校網, 而要音小

waiwaileung1

黃大仙校網應該唔關音小事，因為音小一條龍直升音中，冇參加升中呈分派位， 當然係音小讀得好都可以叩其他津貼中學或考其他直資，考唔到最少升中都有間音中backup。 我知道係音小都唔係叫做成績十分好過啲学生都有考到滙基，而我都知有人考到協恩。如果音小學術唔好， 音中全收佢哋嘅小學生都做到band one 尾英中咁我覺得唔差喎！ 要知道呈分試升中的壓力， 有時唔係話你小朋友本身成績不差，就一定派得好好， 有好多因素影響。 我個人意見，我就會選一條龍中學，真係考得好，喺冇心理壓力下去叩或考其他中學，就算考唔到，都有間不太差的band one中學。 如果地點唔係考慮因素，我個人就投音小一票。 同埋呢個世界咩人都有，我認識一樣有人不要地區一線小學選擇讀音小，因為想小朋友喺冇壓力下之下享受小學生活 成長

Jean1769

waiwaileung1 發表於 24-1-13 14:45
黃大仙校網應該唔關音小事，因為音小一條龍直升音中，冇參加升中呈分派位， 當然係音小讀得好都可以叩其他 ...

非常認同你

AndrewHo_FB

deleted

AndrewHo_FB

過來人，有龍一定要擇龍。

另音小的學術並不差，如果能夠跟得上，絕對比不少的一線小學更深，亦更能貼近中學課程，因為學校會派中學部的老師去教高小的學生。