LLB (HKU) vs BBA JD (CUHK)

ANChan59

esmehouse 發表於 24-4-1 17:41
如 HKU / CU LLB 有些入了政府、私人公司、Bank，人工唔差，亦有自己開補習社，仲賺得多 之前識個 C ...

老友的兒子香港讀完lB，然後去倫敦讀LLB，畢業之後不考慮讀PCLL，回香港商界發展，在上司勸說之下，兩年後入港大PCLL。

PCLL畢業後去了律師樓做見習律師工作，一年多後，因為他想發展的行業在香港及國內市場較窄，於是去了倫敦找工作，6個星期找到相關工作。

ANChan59

esmehouse 發表於 24-4-2 10:10
咁可能佢本身都麻麻哋 Law Firm，佢應該鍾意 Business 多啲，早些知道自己去向都好呀  所以讀 LLB  ...

他是喜歡律師工作，倫敦找到IP 及technology 的律師工作，香港較難找到。

他都下很大決心回香港，然後下很大決心去倫敦。老友都很欣賞他一蚊都不靠家人，儲咗半年錢，去到一落腳在Canary Wharf 踩單車送外賣，減少burnt rate，兩個星期搵到工，第六個星期開工。

ANChan59

esmehouse 發表於 24-4-2 12:04
IP 香港唔需要太多律師，可能個部門都係得一至三個，所以係比較難搵  ...

Bingo.

ANChan59

FNN 發表於 24-4-2 20:05
倫敦搵十萬磅，有一半係要開心交稅(emoji)(emoji)

有免稅額，12570鎊，以上到5萬鎊20%，5萬到12.5萬鎊40%，未計有很多扣稅的方法，最多27%左右。

何來50%交稅？

ANChan59

FNN 發表於 24-4-2 22:54
你可能可免VAT 的，食個飯買卷廁紙都要20% VAT

你可以計埋NI……

香港的物價（地產付加稅）也不少！

如果自己買餸煮飯，很多物價計完VAT 嘅absolute amount 重低過香港。

在M&S買一份黑毛豬火腿片，連VAT倫敦2鎊半，同樣在香港$66。香港indirect tax %重勁。

很多人吹％，我鐘意睇埋絕對值，而且不會double count。

ANChan59

twhkleung 發表於 24-4-3 03:11
做finance埋行, 真係要自己想要乜.
我個加拿大partner, 佢個仔幾年前向Western Ivey畢業, 畢業前有NY ibank ...

你的回應有關Sync 係新嘅亮點，我較少這樣思考。

自己家人就幾OK，例如去年我去倫敦他安排睇4場現場足球比賽，因為我自細帶佢去睇，不是錢的問題，係有心。去年返香港放5個星期假，今年一家人會去幾個星期歐洲玩下。

個仔叻過我，我開香檳慶祝。你朋友的想法有點old school。

個仔唔接我嘅生意仔，我都欣然接受他的選擇。

*****

Finance 係可以幾多元化嘅，做份Big4 例如15萬鎊年薪，不是做audit, 得閒再揸個鑊鏟炒美股及或者英國股票，叻人自己搵多20- 50萬鎊都有可能，而且是自己揾嘅，自己話事，唔怕layoff。肯定比每日做16-18個鐘，年中無休，輕鬆好多。

又或者捱幾年投行，有第一桶金之後辭職，自己做自己喜歡嘅嘢。各式各樣，give and take。

ANChan59

FNN 發表於 24-4-3 06:01
我出嚟碌咗廿幾年，到依家退咗休，仍念念不忘想做個有牌合法守規的古惑仔。

呢個社會，老細又好，客又好， ...

你講嘅我大部份同意，不過社會係進步緊，年輕一代不一定要每日做到唔駛瞓，知識，專業及善用科技能否取代部份以前啲長工时？

好工是否越來越少，幾睇行業，你講夕陽行業一定啱，但也有初升行業，最後多咗抑或少咗，就好難統計分類。

搵錢都講方法，自己後生靠專業靠時間換取，到一定年紀都會改變，因為經驗，網絡，機遇，最後工作時間短咗，搵錢多咗，錢搵錢也會多咗。後生嘅不一定走old seafood 的舊路來揾食搵錢，叻仔叻女有他們自己嘅方法及想法，未必係我杯茶，但係都可以work。

ANChan59

twhkleung 發表於 24-4-3 08:21
佢可能都係old school, 不过我都好明佢点霖, 我同佢一样, 由细到個仔大, 都向外面跑, 睇唔到個仔長大过程,  ...

以前安排咗，選擇咗，好難挽回。

人生係無盡選擇題，也是填充題。

因為資優，想幫佢轉校，佢唔想….
去board school，我哋又唔想……
返英國讀大學，佢又唔鍾意…..
勸佢去外國工作，他想留低，到佢想出國，咁就出咗去。

ANChan59

lm251099 發表於 24-4-3 08:36
請問有咩方法扣稅，除了自身那12500免稅額，佢地好像沒有其他的免稅額。消費再俾多20%，真係幾甘的。:igive ...

我是non-domicile ，冇英國工資收入，只係房租收入交稅，出租的管理費，維修保養，energy saving 使費都可以扣稅。就算出售物業的capital gain tax 都好均真，利息、費用，很多項目都可以扣稅，冇想像中咁金。

打工嘅，如果係BC，不是BNO，可以開ISA戶口，18-45歲，你每年在ISA戶口儲4000鎊，政府額外俾1000 鰟，也可以作投資股票基金，係免稅，可以用來做首期。

跨國企業或者大企業的package 也有不同options給你選擇來減低交稅，例如買電能車，private pension scheme，這些不同名目扣咗先交稅，再出糧。

就算年薪超過1 0萬鎊，effective tax rate 就可能低於25%。跟HR了解下他們公司有什麼項目可以幫手，阿仔同事也有不少不知道有這些options 福利。

但已經入不敷支就好難講，要開源節流。

去得外國或者留低，應該知道不少好處及壞處，咁初衷係乜？點解之前作這個決定？

不同社會有不同制度，這樣比較我覺得不妥，樣樣都攞到盡，係好難嘅，係要取捨。

ANChan59

lm251099 發表於 24-4-3 08:48
你如果以自己買餸煮飯計，生活所需物品一定低過香港，除了購買一些中式物品。 ...

在外地生活，要理解當地情況，要融入及適應地改變調整。

我上次去倫敦，將中式食譜本地化，然後教阿仔，比普通中式餐館還好食。煮食用品不太就手，回到香港我買咗一些當地冇嘅煮食工具，讓佢帶回去。

我有個感覺，在倫敦出面食15鎊樓下嘅嘢，好嘅真係唔多，人均超過20鎊以上選擇多啲。不需要每日每餐出去吃，出去食就食好啲，其他時間自己煮。

他大部份時間wfh，自己煮反而方便過出去食。附近M&S 及Waitros已經可以買齊所需要嘅食物及生活用品。

ANChan59

twhkleung 發表於 24-4-3 08:48
人在江湖, 身不由己

咁就暫時冇乜辦法。

年輕人到一些時間點，可能會有變化，不想窮到只剩下$，會認為親情友情愛情比$重要，會有重新規划也說不定。

ANChan59

liverpool2023 發表於 24-4-3 09:40
陳sir:
想請教一下
如果想好像你仔咁做金融商業財務，讀大學係咪要讀神科呢？QF嗰啲？

他在Big 4做顧問服務，主要客戶是Banking (iBank and Corporate Bank), Insurance and Asset Management，現在要兼顧FinTech and technology及Cryto的客戶。

佢係讀QF，他不覺得係神科，只係較專業，而且適合佢興趣及性格。他自細數底好，但不喜歡讀純數學，工程及理科。

他在香港及倫敦有請Professional Accounting，Finance, Mathematical Finance畢業生，反而QFin係異數，因為他們有更多更好選擇，在香港二線及中資投行係可以入嘅。

如果去到一线跨國投行，因為起薪點高，多人申請，好多選擇，而且他們講diversity，不一定要請讀Finance 相關嘅同事。其實在其他公司踏實做幾年，做得出色，以experience hired 入一二綫投行比fresh graduate 容易些。

*****

你有時間可以睇我2017年的日誌，當年佢搵工百事不順，只係有兩份銀行工，其中一份做MT，人工比Big4高不少接近5成到8成。但係我哋覺得fresh graduate 做跨國公司，多嘢學，多exposure 比第一年起薪點高重要，所以入咗Big4。

佢係有點運氣及好嘅際遇。大姐在揀剩嘅CV入面揀佢出嚟，佢冇first class，因為只係有兩個位，HR冇揀佢做Analyst，大姐睇profile幾特別及AT成績好高，所以見佢，一拍即合。然後遇到大哥及印度老細，三個人爭個細，各自教佢嘅絕技，俾不同機會佢試，越做越有信心，所以被重點栽培。

他識做人比識做事及專業知識更重要，平衡幾個老細絕不簡單。

在日誌講好多了，不再重覆，

*****

中學嘅訓練係非常有用，他很容易及很快在一個新公司，新環境搵到自己嘅位置，然後做好佢，對不同人與事都好淡定，老閶覺得有台型，所以intern 及正職，女同事有仔嘅，一定問佢點樣入旺角體藝學院。

同屆同期，多數都係交流，很多專業人士，畢業頭幾年個個都係考專業試及training，個氛圍比較良性互動，互相鼓勵。如果搵銀行，搵醫生，律師，顧問，自然會互相介紹或者俾少少意見。香港代表，國際排名運動員又係另一個光境，各自各精彩。圍爐取暖時，大家一齊想當年。

我相信其他中學都會有，不過參與比賽及活動，特別是團隊合作的，產生嘅感情，跟齋讀書考試係有分別嘅。

去到出嚟做嘢，偶然遇到師兄，多數不會說穿，做得好，一封大客appreciation letter，好過你每日7-11。這個不是經常發生，在適當時間點，everything being equal, it make the difference。

* **

大學俾佢一個機會去紐約做intern，所以大姐覺得奇怪點解HR篩走佢，面試嘅時候問最多係美國嘅intern。

中大QFin 對考CFA及 FRM 係好對口。不過，讀得掂，欏first class，跟學嘢有時係魚與熊掌。例如讀多啲computing，可能影響讀數嘅時間，科目將來好有用，教授叻但手緊，係會爛grade，這個就要考慮及取捨。

補充一點，出到嚟，電腦及Al對佢事業幫助很大，不低過Finance。

他做過及做緊嘅公司老細，對中大QFin 係非常有好感，但係很多畢業生對起薪點卻步。

*****

上面只係我個人及部份阿仔嘅睇法，未必夠全面，你等其他家長補充。

如果再有問題，私底下搵我，不要side track 樓主個帖。

ANChan59

Shootastar 發表於 24-4-25 17:16
2023 LSE Law Application Figures

2653 Applications    162 Intake    16:1 Ratio

Most of the LES applicants PG are 42+.

38 is a low CO to take the suitable students.