本帖最後由 minnieevergreen 於 24-4-17 23:22 編輯
本來在EK功能都是找資料﹐為左資料準確些做好升中安排﹐才講下講下又咁多 ;亦因為升中既事宜一向由我負責﹐先生完全唔曉﹐所以慢慢係度圍下爐抒發下不安。告一段落後﹐已經忙於處理其他事﹐蒲一蒲上黎先見到咁多出位言論﹐唔想逐一回應﹐只係想表達下
:
1) 是否覺得阿女依家好勁好叻?
係呀﹐都不是依家﹐阿女係我心目中一直好叻好叻﹐那又如何呢?
係你地眼中﹐佢唔係尖子、唔係叻、拎到既唔係神校OFFER﹐但係我心目中﹐佢已經好叻。我亦相信佢未來有機會走得更遠
2) 點解揀咁多學校大包圍 ? 辛苦小朋友 ?
其實一開始已經講得好清楚﹐學校沒有前人數據﹐不知如何進退﹐你地心目中覺得有D學校一定入
﹐但因應學校水平難估計、小朋友之前面試技巧弱、深信呢個世界無必收既道理﹐而在我同囡囡都自認黑氣石既情況下﹐一致地以唔派位為最大前題﹐繼而選擇不同類別既學校﹐再從當中爭取最好。每間學校﹐去或不去﹐報或不報﹐我地當中都經過討論﹐所以先以博2間無咩可能、其他還有機會同1-2間較穩陣既。辛苦嗎 ? 最初我都擔心會累﹐但佢事實好ENJOY﹐有部份面試仲念念不忘同老師傾得好開心。
3) 點解轉黎轉去?
其實我自己一直想要原素都無大改變﹐就係成績起碼穩B1+ 多些活動 + 英文好﹐呢個係我一直對DREAM SCHOOL既想法﹐所以一開始選校﹐我都集中於多特別設施/活動﹐或語境好既學校比佢認識。小朋友當初睇﹐好自然被多元化既設施、好FUN好CHILL既OPEN DAY吸引﹐由一間小校走進大世界﹐我地就好似大鄉里出城咁﹐果度好新奇、呢度咁開心…
但女女慢慢認識升中遊戲後﹐自然又再去找資料、再去思考﹐陸續多左一D新想法﹐多左一D同我Dream school唔相近既原素。所以先有大家覺得好不同的學校及自行選擇
係咪不是鍾意活動 ? 不完全是﹐但她心目中有d因素較重要的﹐當兩樣取捨既時候﹐佢只係選擇了另一樣咁解。今天佢是反反覆覆思考﹐做出了一個艱難既決定﹐呢個決定坦白講並非我心目中想要的、亦覺得少少失落﹐但既然一開始講左書係佢讀﹐只要佢明白當中佢接受左既不足﹐唔好他日後悔就得。 升中是我地一大挑戰﹐即使可能大家覺得好煩好煩﹐覺得我地庸人自擾﹐但對我地成家人黎講﹐呢個其實都係一個好難忘既體驗黎﹐最少佢感受到好幸福、我都好幸福﹐因為全家總動員上上下下全力支持佢任何一個決定。至於叩不叩門、叩邊間? 在參考大家既意見後﹐我有再同佢做期望調整﹐佢其實好明白MCS機會極少/無﹐至於叩或不叩﹐叩又是否揀呢間 ?睇下點先啦﹐
反正依家先4月﹐佢想叩自然會問返我轉頭﹐到時上黎再VS啦﹐覺得煩既自動略過就好了。
| 
發表於 24-4-11 18:57
不過聽樓主口吻似乎最理想係MCS呢隻黑馬 
