赤提SSC vs 跑祿 SPSS vs 瑪利諾MCS

媽媽不動產

撇開學校個名，其實樓主．．．囡囡想去一間咩風格嘅學校讀書，好想知。

媽媽不動產

minnieevergreen 發表於 24-4-11 21:46
撇開名氣，

佢鍾意師生關係好啲，

除咗學舍靚關學校事，其他比較關老師風格，套落邊間學校都唔差太遠。
例如想英語環境好嘅？想自主學習多project嘅？好多活動玩嘅？學校信任學生放手俾佢哋搞活動嘅？想測考多學校幫手管理學習嘅？校規嚴明管得嚴嘅？重視公開試成績嘅？女校？男女校？有IAL IB 嘅？接觸唔同國籍嘅同學？想多啲外藉老師嘅？校長管理爽快硬淨定關愛路線？學費呢？車程呢？我覺得好多可以諗呀！
希望你囡囡唔係因為坊間排名而揀學校，而係真係鍾意間學校去揀。如果一個六年級小女孩只係睇住個名氣向上試，呢個心態好危險。

媽媽不動產

咁都恕我直接少少，見諒。如果囡囡主動要入一間比自己能力高D勁D嘅學校，想自己D見識多D遇強越強，呢Ｄ上進心好嘢嚟！如果囡囡只係想入一間更出名嘅名校，呢Ｄ叫虛榮，12歲人仔咁虛榮嘅話，我作為呀媽會擔心多過覺得佢上進。
同埋我想講，就算入咗名校，除非你周圍同親戚朋友同事講，放上ig fb，係班group 級group講，如果唔係，其實冇人會知，就算有人問，你講完校名，人哋一句＂嘩，好叻女呀＂，高潮位就完㗎啦！真心，我囡升中後，除咗最親嘅家人同最好朋友主動問，其他人一概唔知我囡讀邊間中學，名校光環其實照自己㗎咋。

媽媽不動產

tigamama 發表於 24-4-12 10:09
如果 聽得明，勸得到，就唔會有呢3個po加埋70，80版嘅故事了

而家佢只會聽到鼓勵佢去試下飛嘅聲音，你呢d ...

我肉緊呀囡嘛！

媽媽不動產

minnieevergreen 發表於 24-4-12 10:37
其實SSC,MCS,SPSS 三間已經係有名氣，名氣係呢刻唔係佢嘅重點考慮因素
只係三間嚟講，
SPSS當中有佢想要嘅 ...

我係根據你口中嘅描述，感覺囡囡好睇重名氣，我只係關心囡囡嘅價值觀，呢段說話都係針對囡囡想法，如果有誤會，請見諒。

媽媽不動產

minnieevergreen 發表於 24-4-12 11:52
名氣一定係有考慮﹐但唔係唯一同全部。
佢都講到一堆佢想要既元素 : 想要乖同學、想要適合佢既靜態活動、 ...

如果係咁，就very good啦！咁即管去叩MCS，收咗先再問，到時自然會有MCS用家分享。

媽媽不動產

minnieevergreen 發表於 24-4-16 13:38
係呀﹐只係有網友拉到去話減少奢侈品﹐就等於唔愛﹐
我就覺得好唔認同。

列晒出嚟，清清楚楚，易揀好多。
1） 考慮DSE >外地升學、其他學制、視野，SPSS win
2) 開心好個人，free同自主學習唔等於開心，功課多project多辛苦學習亦唔等於唔開心，讀得辛苦但滿足開心得，讀得輕鬆冇滿足感唔開心亦得
3）SSC唔住宿，直接skip得
SPSS 獲選！

媽媽不動產

PC9394 發表於 24-4-16 14:26
呢個分析同「公我贏，字你輸」有異曲同功之妙

我認真㗎！我prefer多學制、開闊視野嘅學校，上年考慮報唔報SSC，認真思考咗一陣，讀得就一定住宿，學費加住宿我又唔捨得，留返出國比較好，所以冇報！

媽媽不動產

HK-MAN 發表於 24-4-16 15:23
如果你揸住另一個係太弱雞Offer 就會捨得比錢讀SSC...

所以唔報，唔好收咗搞到自己仲煩惱！
題外話，我有兩個朋友SPSS舊生，兩個都係流利英語、直率豪邁、有義氣嘅女漢子，所以我幾鍾意SPSS。

媽媽不動產

PTL_L 發表於 24-4-16 15:32
有眼光，識嘢

講多樣嘢你知，我女上年自一揀MSS，係咪仲有眼光呢？

媽媽不動產

HK-MAN 發表於 24-4-16 15:37
讀女校,冇男性依賴..搬搬台台都係女仔.,無男仔..講野都直率豪邁..M到時係課大叫邊個有M巾呀男女校唔 ...

我明，我家女漢子都讀緊女校！

媽媽不動產

HK-MAN 發表於 24-4-16 15:39
原來大家同年...我自2 MSS..可能面試碰過面...

咁啱呀！我鍾意到不得了，全部都係我想要嘅嘢，想自己入去讀添！

媽媽不動產

HK-MAN 發表於 24-4-16 15:45
即係自一收到你?

係呀！可惜囡最後揀咗另一間！我黯然神傷咗幾日。

媽媽不動產

catf2 發表於 24-4-16 16:16
咦, 似乎我地直資平過津校啊 終於搵到有小小旬野益吓學生

係喎！我哋都係直資，意大利、西班牙1x日都係二萬尾，好抵，又周圍遊覧，勁開心，有得去一定去，大個咗肯定好珍惜呢啲經歷。

媽媽不動產

HK-MAN 發表於 24-4-16 17:21
係咪齋旅遊?遊學可以咁平?

意大利Choir表演為名，實際去玩啦多！西班牙少少學，多多遊！

媽媽不動產

專登返嚟睇埋本集大結局，囡囡揀咗間好適合嘅，真替佢開心，祝福升中愉快，呢幾個月可以輕鬆享受小學最後時光。

唔入嚟，都見識唔到咁多家長真誠分享，真係好好！諗返上年，唔係咁易見到1A女分享。