聖保祿學校 補習一問

Cleverbaby_

囡囡今年9月會入讀聖保祿小一，好怕開學會跟唔上

想問下大家有冇銅鑼灣區嘅暑期班／功課班推介？？

聽講學校附近有間開咗好多年叫St.jomary嘅補習社專補聖保祿學生，

有冇人去過覺得好？？求解答。

RainyRice

Cleverbaby_ 發表於 24-4-21 16:21
囡囡今年9月會入讀聖保祿小一，好怕開學會跟唔上

想問下大家有冇銅鑼灣區嘅暑期班／功課班推介？ ...

識得初小用家幾年前中文去早慧，英文去miniminds

Cleverbaby_

回覆 RainyRice 的帖子

感謝您嘅推介，等我再了解吓！不過都偏向係想搵St.jomary呢啲可以全科兼顧，唔想中英數分開幾個地方學，寧願發現有邊科唔係好掂先再私補。

kittysmum

阿女之前係聖利祿 (St.jomary) 補咗好幾年，總括來講都係不錯的。教一年級嗰位老師佢最鍾意，升三年級後一開頭都有扭計話唔想補習，可能未同老師磨合到吧...有時都睇同老師夾唔夾。不過有補習社跟功課同默書，平日真係幫輕好多！最難得係呢度好集中補某幾間學校（聖保祿，瑪利曼，跑馬地天主教），而且又跟年級分班，唔會一堆學生坐埋同一個課室

kekawai

Cleverbaby_ 發表於 24-4-21 16:21
囡囡今年9月會入讀聖保祿小一，好怕開學會跟唔上

想問下大家有冇銅鑼灣區嘅暑期班／功課班推介？ ...

我仔女都有去過St Jomary, 佢幫你仔女處理日常功課，默書係ok. 但佢個模式係有唔明就問，無就坐低靜靜自己做，做完功課有時間就印d 工作紙俾佢地繼續做。
每次考試前就有通告問你加唔加操，其實都係加長托兒時間。我囡只拎過工作紙返屋企，未見過有無學校舊試卷俾佢做（好重要）。
我唔太鐘意呢種托兒模式補習，無再繼續，但我囡好鐘意，因為做完功課可以食野+同同學玩+交換貼紙。
小一開學初時，學生一定唔適應，家長無時間跟緊就放手去補習啦，否則每日放工要逐題題目讀俾佢地聽，佢地文盲唔識做功課好正常！

meke

sister每年都會同家長講，唔鍾意小朋友放學去補習社

FNN

meke 發表於 24-4-30 13:55
sister每年都會同家長講，唔鍾意小朋友放學去補習社

正確，Sister J 已經講相同的說話十幾年啦。眼見遵從這番說話的小朋友最後冇乜好結果。

我囡小學時中英數都分別上兩個不同的補習班，一個班係補當年的課程，另一個係補高一年（即讀一年級時補二年級）。英文加埋英國文化協會（一星期一次） 嚴格嚟講上三班，到五年級英文補高兩年 (註：呢個方法唔係人人合用，只供參考作用）。

FNN

Cleverbaby_ 發表於 24-4-21 16:21
囡囡今年9月會入讀聖保祿小一，好怕開學會跟唔上

想問下大家有冇銅鑼灣區嘅暑期班／功課班推介？ ...

我幼稚園K3去見家長，俾個班主任噴到一面屁。班主任話人家小朋友學七八樣嘢，你個女一樣都唔學，好蝕底，而且係超細女，好大機會追唔上。

其實我女都有幾樣嘢學緊，不過佢返學話俾老師聽冇嘢學。由嗰刻開始，我馬上請個姐姐上門補習 （當年中學生$50個鐘）。有一兩個唔識補習，但畫畫好叻，咪叫佢教佢畫畫囉，反正出邊畫畫收$200粒鐘。同時，又再請過補習老師，變咗一星期有兩三個補習老師氹氹轉。

請個姐姐，吾駛好叻，讀緊中五或中六（平D)，每日做半個鐘頭中文閱讀理解，半個鐘頭英文閱讀理解，由依家開始，一年級應考三名內。