小學英文功課搞唔掂

Slyk

個仔小一 但英文完全跟唔上
放學去功課輔導班 功課係做得啱晒
但考試啲嘢好多都唔識 上次大考仲唔合格


我而家放工返嚟仲要晚晚陪佢讀書
啲功課未做晒 我陪都要逐題陪佢慢慢做
成日都係咁 真係好攰～


諗緊定係放棄功課輔導班 就咁搵個私補就算 但長遠落去都好貴下


好灰... 有冇家長都係咁？求建議！

legolas625

功課班係最低層次的補習，搵私補，自己迫下個仔睇英文書。

hugub

好可能又係幼稚園happy school, 如果學術性幼稚園小一係絕對可以食老本既,我仔幼稚園讀SC,小一我試過考試時幫佢溫錯書,考英文但我溫錯左中文,結果冇溫英文下食老本考到93分

功課班好多時只係趕功課,唔識就比答案佢地盡快完成（我女而家做緊功課班導師所以好清楚功課班運作）, 其實功課係反映學習進度,功課質素好=改正小左=小左一樣功課

至於考試唔合格反映出未能運用所學及已有知識,我諗要私補補下底啦, 係重皮d但非常有用既,英文底子真係好重要 小一英文都係pronoun,verb to be,  proposition基本野

RainyRice

hugub 發表於 24-4-26 09:41
好可能又係幼稚園happy school, 如果學術性幼稚園小一係絕對可以食老本既,我仔幼稚園讀SC,小一我試過考試時 ...

冇上過功課班，不知怎運作，是不是會確保小朋友功課沒有做錯。我記得最初有朋友說一定會幫小朋友改啱晒啲功課，因為留好印象給老師，但那位小朋友最後考試、升中都是普普通通。
以前我會幫女檢查和改功課，現在我只會檢查做完沒有。因為我覺得做錯功課，老師見到錯了，小朋友要改正，到溫書時可以清楚見到之前什麼錯了，對小朋友是更大的提醒。自己和小朋友在交功課前改晒時好，但到溫書又不記得自己錯什麼，反而有反效果。

簡單啲來講

RainyRice 發表於 24-4-26 10:31
冇上過功課班，不知怎運作，是不是會確保小朋友功課沒有做錯。我記得最初有朋友說一定會幫小朋友改啱晒啲 ...

我以前都系咁樣認為，只檢查做完。但呢種真系因人而異。有點小朋友理解能力強並且快手咁樣做法會係幫助佢。但有點小朋友理解能力同心理質素唔係咁好，又慢手。睇到整頁都係叉要改正（有點學校改正係另外用紙整句抄），大半張工作紙要全部抄，佢哋唔會難過，佢哋會冇動力做野。而且就算抄，都唔一定能幫助佢記憶，之後工作紙只會越來越唔想做。所以遇到弱的科目，會先讓佢做，之後幫佢執錯，自己會準備錯題本抄下題，或會做埋記號，用軟件打印出來，過多幾日再讓佢做一遍，一直到做對為止。檢查並改正並唔係想讓老師留下好印象，只不過係要讓佢知道做功課系要講效率，唔好讓功課打敗佢。所以如果揾私補功課，都可以對老師提出咁樣要求，如果小朋友科目弱的話。

RainyRice

簡單啲來講 發表於 24-4-26 11:57
本帖最後由 簡單啲來講 於 24-4-26 11:58 編輯

我以前都系咁樣認為，只檢查做完。但呢種真系因人而異。 ...

都贊成，如果檢查的時候見到小朋友有些概念不明白，一定要跟進自己再教。但有時教完了都把錯處留給老師，方便測驗溫習。(我兩個小朋友，一個好懶明知錯咗都可以照交，老師派先再改；另一個完美主義，如果知道有錯，一定要改到靚靚才交）如果只是錯一題兩題不小心或其他原因我都不會改。
教功課一定不可以給小朋友正確答案，只可以提供指引。如果功課班教得唔好，可能真的對測驗考試有反效果

簡單啲來講

RainyRice 發表於 24-4-26 12:08
都贊成，如果檢查的時候見到小朋友有些概念不明白，一定要跟進自己再教。但有時教完了都把錯處留給老師:jo ...

完美主義呢個，可以只檢查做完，唔洗執錯啦，佢哋容唔得錯，一定會記埋心底，更落力。

簡單啲來講

hugub 發表於 24-4-26 09:41
好可能又係幼稚園happy school, 如果學術性幼稚園小一係絕對可以食老本既,我仔幼稚園讀SC,小一我試過考試時 ...

英文語法搭配等好多用法，如果唔係英文幼稚園畢業，又冇外補。happy school來嘅，係好難理解。硬生生話俾佢知哪種情況哪種搭配，對初小生真系要求高，母語都一知半解，何況英文。無非就是操題，講解，再操再講，直到操對唔會錯，明白規則。

RainyRice

legolas625 發表於 24-4-26 01:00
功課班係最低層次的補習，搵私補，自己迫下個仔睇英文書。

多讀故事書，無論中文或英文科，都非常重要。一開始未培養出興趣要和小朋友一起讀，而且要讀出聲。但不要逼他讀太多，可能一人一頁或半頁。趁小一仍然可以被家長擺佈，一定要培養到閱讀的興趣。在閱讀中可以知道和習慣語文文法運用。

TAIOU4

幼稚園太愉快如果小學可以繼續咁愉快就好了
小學太愉快如果中學可以繼續咁愉快就好了
.......
最後始終都要面對
其實小一開始執英文仲未遲
底子唔好
最好由頭學過拼音
再多聽多講
睇多D 英文劇 / Youtube / Netflix
好快就追到

睇書要家長陪睇
似乎唔多可行
況且冇睇英文書
考試都冇乜溫書做習作
但英文年年級頭的都大有人在
所以不用太執著

hugub

我女而家教緊1個小二及1個小四私補,發現英文唔背動詞表根本係唔會讀得上,數學唔背乘數表又係好kick

Go went gone
Sit sat sat

hugub

所以我女終於明白點解小二數學老師日日寫手冊：貴子弟未能背熟乘數表及貴子弟未能背熟不規則動詞表

Kellyhappy

有類似經歷, 幼稚園太Happy~ 曾去過功課班, 老師真係就咁講答案! 考慮過私補 但咁細個就開始, 到補到中學都幾重皮。所以初小都盡量自己教, 但唔知係我表達得唔好 定佢無心記, 轉下頭又唔記得, 搞到我有時都幾勞氣...

但最近試緊用一個App 直接有老師逐條功課題目教佢, so far 用咗幾個星期覺得唔錯, 好方便 唔使等, 重要解釋得好清楚 同講到啲答題技巧. 有時聽唔明, 可以重複聽, 起碼唔使我解釋咁多次, 我自己有時都陪佢聽下 學下點教都好

加油！依家努力d追 呈分試嘅時候就冇咁大壓力㗎啦

hugub

英文其實好多時我地自己都未能完全理解用法,我女學校小學部用緊一本叫 new round up既補充,每個topic 有詳細解釋用法,自教一流

其實小學英文底子打得好,升到中學真係唔洗怕,DSE亦都自然應付到,怕補左習返唔到轉頭,不如怕升中英文拖後腳

hugub

我女小一英文得3x分,私補追下追下呈分都有8x-90分,雖然真係洗左唔小錢私補,但band 1A直資英中佢d英文都跟到, 今時今日入到大學英文都真係主要教學語言, 總之一係自教一係私補,英文冇得懶hea

Slyk

回覆 hugub 的帖子

係呀 幼稚園係happy school 諗住愉快學習 但疫情基本上都係zoom 所以都好大影響

sighh 原來咁多功課班都係咁...

Slyk

Kellyhappy 發表於 24-4-26 16:07
有類似經歷, 幼稚園太Happy~ 曾去過功課班, 老師真係就咁講答案! 考慮過私補 但咁細個就開始, 到補到中學都 ...

想問下你呢個App係咩？好似幾有用喎，平唔平？

Slyk

hugub 發表於 24-4-26 16:41
我女小一英文得3x分,私補追下追下呈分都有8x-90分,雖然真係洗左唔小錢私補,但band 1A直資英中佢d英文都跟到 ...

好勁！你個女係咪每星期都補習？不過如果搵到個好嘅老師都值嘅

hugub

Slyk 發表於 24-4-26 18:42
好勁！你個女係咪每星期都補習？不過如果搵到個好嘅老師都值嘅

每星期上2堂私補英文,中文1堂,數就去數研

Kellyhappy

Slyk 發表於 24-4-26 18:37
想問下你呢個App係咩？好似幾有用喎，平唔平？

叫GoAsk  $98一個月任問, 算平啦, 出面補習一堂都差唔多$200。起碼至少都教到佢啲英文功課, 唔識自己會去聽，同埋都幫到埋佢考試呀