我終於排到青蔥計劃啦! (語言治療) 好開心呀!

queensroad

queensroad

Meisuen:
其實你個仔進步了好多，最初聽你講話佢連單字都有困難，
依家起碼佢都會哼歌仔，最緊要係有進步唔係停留不動已經好好啦~~

Meisuen

queensroad,

多謝鼓勵, 大家繼續努力   

Mingo

Meisuen & queensroad,

我以過來人身份說說感受！小兒在沙田區青蔥計劃上了3年ST，每2星期1堂，由$500上到$600，但下星期最後1堂喇，因已追回所有落後的歲月。過往3年抱著擔心的日子陪他一同上堂，看見小朋友自己亦付出很大努力去追，真的沒有白費。加油，比心機一定得嘅！

Meisuen

mingo,

多謝鼓勵! 請問當時妳小朋友幾大做訓練?  

snoopy128

Meisuen,
軒軒近期做咩訓練呀..

Meisuen

queensroad, snoopy,

我好開心呀, 等我 share 我囝的進度比妳地聽:

上左8堂語言治療, 由只得3個單字, 現已有雙字及認知力增高好多. 佢識講1-12, a-z, 動物認到8種, 日常用品認到10幾種, 天氣3種, 生果4種, 食物7種 ,親戚全都認到, 仲講到少少簡單句子 eg, 睇電視, 妳坐底先, 妳試下先, 爹地早晨, 爹爹沖涼etc, 雖然音都不準, 但都算聽得明. 我開心到真係想   出黎! 只要佢有少少進步, 我已十分安慰, 果種開心好難以筆墨形容!

原來以前我教佢既野, 佢入左腦架, 而家輸出黎, 我日日教佢, 佢會儲起黎, 第日輸出黎架! 其實軒軒只係語言慢已好彩! 我知仲有好多媽咪比我便努力!

祝大家d囝囝囡囡進步!

ps. 我已掛到早期, 8月開始, 現等見姑娘! 到時就唔係協康訓練 lu !

羊咩囝

Meisuen,

我仔仔現在3歲了! 他23個月時做評估, 醫生說他只得12-15個月的言語表逹及理解能力及懷疑有自閉傾向, 及後經過八個月的言語訓練,已經追貼同齡,現在会晿abc song.

他31個月時再返評估中心, 醫生說他言語表達已逹標,但理解仍尚欠半年, 至於自閉方面,除著他的言語力好了,開始識表達自己而有所改善, 最後醫生話冇這方面的問題,故此九月我仔仔会入讀兼收位.

早期訓練,我住的區域太爆,尚未排到!

希望大家努力!

Meisuen

羊咩囝 ,

我都登妳開心! 希望我囝3歲時都好似妳囝咁叻啦!  妳都負付出好多先有咁既效果! 咁點解仲要讀兼收位? 佢已經追貼同齡啦喎! 我都係比佢普通幻幼兒園加早期訓練咋!

我會繼續努力, 多謝妳支持

羊咩囝

Meisuen,

我都有考慮早期,但始終等唔到,我仔仔個case已經是05年6月的事,宜家登入社署果網翻查都是排到04年12月,唔想再等,始終阿仔的時間好宝貴!

另外,自己都好懶散,得閒先幫阿仔做吓温習,有時就冇做,俾佢看看vcd或上網打電腦就算吧. 始終兼收位既老師每日都有廿多分鐘的訓練給阿仔,而且每個月都有兩次的言語師去幼兒園做培訓,我相信對我作為雙職媽咪,会舒服一些!

我其實都好想送阿仔去普通幼稚園+私人訓練 (等早期), 但唔可行, 第一因為早期唔知等幾耐? 第二是阿仔理解尚未逹標,去普通幼稚園未必可行,寧願佢由淺入深,打好果底先,第三就是如果兼收位效果不太理想, 到時先轉出來, 因為入去讀很難,要排好耐,出來始終輕易嗎!

我自己都有幫阿仔找私家的言語師,每星期一堂, 學了8個月,大致上可以講到句仔,如:媽媽今日食左紅色蘋果,好味道!
但始終發音都是不準確同不穩定!

Meisuen,你仔仔幾大呀?

Meisuen

羊咩囝,

我囝19個月已排早期, 到而家先有位咋, 我囝2歲7個月. 妳私人訓練貴嗎? 妳上左8個月咁耐咪好貴囉, 每星期1堂幾$? 我協康都好貴成$600-50分鐘兩星期一堂, 不過真係有效果! 但8月我會放棄協康用早期, 因afford唔起!

其實點先理解逹標, 佢明妳講既野嗎, 做到指令嗎? 妳囝又識講句子, 同同年都差唔遠呀!我囝就係講野仲未得, 先比佢重讀n1, 我覺得妳唔洗讀兼收位喎, 會否影響第日小一派位?

羊咩囝

Meisuen, 我仔仔23個月時先排所有兼收位/s位&早期, 及後醫生覺得阿仔情況有很大改善,所以提議改兼收位,醫生都有講話早期很難排,不如早些入兼收位好過!

私人訓練都是收$5xx (10堂), 每堂60 mins.
協康我都有上, 但是分派得相當遠兼隔兩星期一次, 所以我都是放棄了!

逹標其實都好難定論,阿仔明白我的指令,但同同年紀拍埋,佢始終都有少少分別,看得出阿仔明顯是慢少少的,有時我都要就住佢既理解同表達,而調節一下講話的快慢同句子要簡易,如果唔係都会混淆,我相信這就是分別!

羊咩囝

Meisuen, 其實我仔仔都是29個月先開始叫我一聲"媽媽" "女麻女麻"等單詞, 所以慢慢來喇!

如果換轉我是妳, 我依舊會俾阿仔上k1, 因為n1大多是暢玩居多, 實際上學習是沒有的, 假如他已經掌握1-10, a-z 及一部分詞語, 又可必再重讀n1呢? 沒意思, 不如放胆給他上k1, 學一些新事物, 加強阿仔對周邊事物的好奇心, 加上跟同年紀的小朋友在學習上同社交上有很大的影響力, 真的是相互相成, 如果唔得倒不如重讀k1好過.

其實兼收位只不過是每天有老師額外幫這班小朋友上補習班同每個月兩次言語師到訪, 學習上跟其他小朋友無異的, 至於会否影响日後小一, 我相信唔會喇!

無錯我有看過幼兒園的習作, 佢地既程度相對我仔仔宜家讀緊果間幼兒園(n1半日班)是淺很多, 但是有一樣事情要弄清楚, 就是由淺入深, 打好果底,免得日後入主流会有困難,而要讀特殊學校, 這都是當初醫生跟我們的分析.

Meisuen

羊咩囝 ,

正如妳所講, 我想佢由淺入深, 打好果底. 因幼兒園老師話佢雖有進步, 但此終不及同年小朋友, 建議佢重讀n1, 而且佢間幼稚園程度較深, 老師話讀多一年n1都係3歲10個月先升k1, 唔算大有d小朋友4歲先讀k1都係咁喎!

不過我當初都好矛盾, 但既已決定了就唔好後悔囉!

話時話, 妳有冇比魚干油比妳囝食, 唔知係咪心理作用, 我覺得食左學野真係快d喎

Meisuen

講樣開心野分享下, 軒軒尼兩晚訓教都冇濕片片, 佢自己戒夜片, 唔洗我刻意訓練佢! 好開心呀!
  

fhmum

各位:

唔好意思, 想請教:

我個仔依家23個月, 18個月個陣都未講單字, 於是找私家寫紙排期評估, 今天剛做評估, 非語言能力正常, 言語理解及表達能力分別只有15個月及12個月, 會再排期見言語治療師及聽力學家做評估.  醫生話要等言語治療師做評估才確認阿仔是遲開口還是真的有問題......

依家阿仔只識幾個單音, 9月將會返n1, 我應唔應該依家同佢開始搵言語治療師做訓練?老公就覺得我過份担心, 可等言語治療師評估....但我担心會浪費阿仔時間      

lautorchi

meisuen: 我仔仔現在兩歲五個月, 早期及特殊幼兒中心我都正在輪侯中,  請問你早期是一星期返多少天, 內容又包括什麼(例如:語言訓練/ 職業治療/ 幼兒訓練...等)

Meisuen

lautorchi

我仲等緊姑娘confirm 我8月縛開始! 不過比個tips 妳, 妳久唔久打去追下先會快d架.  已我所知早期是一星期返1-2天, 視乎需要, anyway有消息即時報料

Meisuen

fhmum

唔好咁講, 大家分享下啦!

我囝同妳囝當時18個月都係都未講單字, 但我就去健康院做評估, 佢地又介紹左協康比我, 我一邊排政府早期訓練及協康語言訓練, 一邊比佢讀協康playgroup入學預備班. 因佢當時坐唔定, 就算做語言訓練, 佢走黎走去, 盞晒$!

所以我建議妳比佢讀左n1先, 學識坐定定及自理, 當妳覺得佢能坐定定做訓練就事半功倍! 我囝都係26個月先做訓練, 但上左8堂已好進步!

Funny

Hi fhmum  ,

你係邊間做評估?  我想問下你點解仲要再排期見言語治療師及聽力學家做評估?  乜唔係見醫生評估個日已經係見埋言語治療師及聽力學家等等做評估架咩?  咁搞法咪成日都得過等字?  咁咪有排都冇得排訓練或I / S 位??  我仔下星期五做評估, 我仲一心以為有晒專業人事做齊所有test!