英倫系列 1.1 - 兒子的生活適應

英倫系列 1.1 - 兒子的生活適應

我們去到倫敦之後，因為見面時間多咗好多，而且已經過咗去啱啱一年，所以多咗回顧，他多咗分享，有一些之前他沒什麼講，因為怕我哋擔心，同時他仍然在摸索緊。

他之前的資料搜集，準備功夫，聯絡朋友同學，一早搵到工，係比較一般移居或者移民到英國的香港市民佔優。就朋友接機，買日常用品，申請 NI，開銀行戶口，俾council tax，這些細微但重要的事情，很早處理好，很順利。

最初一個月最大挑戰係公寓嘅設計及設備，係適合放工後回去休息或者煮非常簡單嘅晚餐。但係疫情改變很多工作及生活習慣，就傢俬已經有好大改變。買傢俬不是大問題，但因為疫情，IKEA都唔再回收舊傢俬，要自行安排。倫敦係幾環保，不是隨便可以掉，要送去回收站回收。回收站不是所有物件都收，就算收要預約，同時要證明你住在當區的council tax 收據。

細傢俬可以自己或者同朋友搬去回收站，但大件傢俬例如梳化，床褥就大工程，惟有搵搬運公司用設備及貨車送去回收站。這些情況在香港慢慢會見到。

他有自己煮食，主要去M&S, Waitrose & Partners 買 ready to cook 嘅食材。他喜歡pasta, mushrooms, steak and salmon, prawn and mixed veggie. 自己煮便宜好多，而且不用外面用膳，感染風險低啲。

他分析在Canary Wharf 食嘢選擇唔算多，外賣普通嘢食都10鎊起跳，去到15鎊才ok食得落。所以他寧願少d出去食，出去食就食好d，唔好慳，當然唔會成日米芝連餐廳。我試過之後，非常同意他的分析，他介紹的意大利及法國餐廳，印度咖喱，馬拉，日本拉麵，都係ok嘅。唐餐就就過唐人街及CW的，普普通通啦。

所以我係倫敦同佢去不同超市行，知道食材大概之後，開始教佢因地制宜，用當地食材煮他喜歡食的fusion 菜。再深入了解個煮餸流程，點樣炒到有鑊氣。我返香港後，他煮俾CEO食。